十三少酸菜魚 (Closed)

知道附近開咗呢間新開酸菜魚鋪頭，就決定過嚟試吓！因為仲係試業期間，所以暫時得酸菜魚呢個選擇，水煮魚就未有住。咁我哋兩個人就叫咗二人份量嘅酸菜魚再加多兩碗白飯🍚🍚酸菜魚份量都相當大碟，兩個人食啱啱好。味道唔會太酸有少少麻同辣，用嚟送飯一流🤤🤤反而白飯真係要食多一碗🤣好味嘅酸菜魚除咗要係熱辣辣，啲魚亦都好滑，口感新鮮。配料方面我就最鍾意食個萵筍，爽口之餘亦都同個汁好夾！有驚喜同滿意嘅一餐晚飯😋

作為酸菜魚既愛好者，當然會係香港試唔同家既酸菜魚啦，今次俾我同朋友搵到一間新開又好好味既酸菜魚。呢間主打食酸菜魚，所以除左酸菜魚之外，其他菜式並不多，我地共4個人，叫左勁量版既十三少酸菜魚，普通版就for一至二人食的，另叫左一碟口水雞、鮮魚湯浸時蔬同紅糖糍粑😋酸菜魚（勁量版）$298一上菜超大盆，非常香，急不及待先飲啖湯，哇，果然好飲，味道不會過酸又唔會嗆辣，魚肉很新鮮不會過散，啖啖肉無骨，也沒任何腥味，墊料有些菇，菇都好入味！川式口水雞（$68）口水雞不會過油膩，有香香的芝麻味，雞肉都夠凍，個汁辣辣地送飯一流！鮮魚湯浸時蔬（$48）食左咁多肉都想食番d菜中和下，原來呢個菜都有驚喜，個人喜歡浸時蔬多過炒時蔬，怕太油膩，呢個用埋魚湯去浸，令蔬菜變得更加好味，上面都有菇同蒜粒👍🏻紅糖糍粑（$38）呢個真係必食，當作一個甜品，喜歡糍粑煙煙韌韌的感覺，熱食會更加好味，玩埋唔會好甜既紅糖，perfect match!總括嚟講，呢間酸魚菜我會再翻桌，難得搵到間好岩口味既酸菜魚，到晚餐時間都滿座，唯一缺點就係唔太就腳，搭巴士會近點，下次再帶朋友去食。

同朋友偶然發現呢間新開嘅酸菜魚, 裝修簡潔俐落, 店面雖然唔大, 但枱同枱之間分得夠開, 俾人好強嘅空間感👍🏻我同朋友大約6點幾去食, 已經剩低一張枱, 睇嚟都幾受附近街坊歡迎😉酸菜魚我哋叫咗普通份量都已經幾多, 夠哂兩個人食, 可以揀辣或者唔辣, 我哋揀咗辣, 湯底又香又濃, 加入左大量酸菜, 加上魚片亦煮得好入味, 食落好滑溜, 令人食唔停口😋除咗魚片之外, 酸菜亦好好味, 食落口感清爽, 唔會太酸或者太鹹, 餸飯一流👍🏻

已經好一段時間唔敢北上搵食，最懷念嘅就係酸菜魚，要喺香港搵到可以媲美太二嘅酸菜魚真係唔容易，朋友屋企附近開咗間新店，知我鍾意食酸菜魚，誠邀我一齊去食。餐廳只有一張簡單嘅menu，選擇唔多，除咗招牌酸菜魚，仲有口水雞同浸翡翠苗，小食方面亦只有椒麻皮蛋同涼拌土豆絲。點完菜侍應為我哋送上小食，一問之下原來係粟米乾，食落味道有啲似爆谷，但口感似花生，幾香口。汽水十蚊罐，價錢尚算合理。怕只食酸菜魚份量會唔夠，浸翡翠苗同口水雞之間我哋揀咗口水雞，非常有驚喜！份量幾多之餘味道又香又辣，加上大量白芝麻，好香口！雞肉質感嫩滑，皮薄而且皮肉之間脂肪少，連皮食都唔會好心虛。酸菜魚份量都幾多，足夠兩個人食，味道同太二好相似。湯底香濃，既酸又麻且辣。酸菜又香又爽，淨食酸菜都別有一番滋味。魚肉切得夠薄，夾起唔容易散，入口又嫩又滑，充分吸收湯底嘅味道，令人欲罷不能！好開心搵到呢間酸菜魚，食物選擇雖然唔多，但貴在精，而且價錢公道，以後嘴饞嘅時候又多一個選擇。

新開張酸菜魚位置雖然唔太就腳係大角咀係旺角行過去其實都係20分鐘路程呢D天氣行下都唔錯👍唔想行既朋友其實搭去奧運站行3分鐘就到嫁喇😉-川式口水雞 $68口水雞辣度十足愈食愈上癮🤣佢個醬汁加左芝麻食落好香又惹味😋雞既份量都好多食極都有😂但碎骨較多食個陣要小心🧐-酸菜魚 (正常) $198酸菜魚有得揀正常同勁量但其實正常份量都足夠2-3人食😂酸菜魚係冇其他配料得菇同荀🤨如果有薯粉就正😔最後唯有叫白飯啦但撈個酸菜湯食都好正❗️佢個湯唔係辣到封喉個D而係食落個麻係慢慢出黎好食😋魚片係用蘆魚係滑既但不幸有幾片都食到有魚鱗🤢呢個真係要改進下因為就算幾好食咬到呢d個感覺都唔太好🤔

天氣凍想吃酸菜魚暖暖胃。通常一間菜館都是做得比較精，餐牌才會較集中。這裡都坐得舒適，而且乾淨企理。用花生做筷子座，有趣有趣。主菜只有十三少酸菜魚，可選辣或不辣。L個人認為本身如果不是很吃得辣選不辣都夠惹味了。盧魚片很滑而且份量都算多，裡面包括荀片，介菜頭，酸菜，雞脾菇，秀珍菇及菊花片。加入大量的薑絲，所以較搶喉但的確很暖身。再加碟鮮魚湯浸翡翠苗，豆苗很嫩滑沾上鮮魚湯。吃酸菜魚當然要配白飯，再加一支豆漿解解辣。十三少一生苦行只為做更好的味道，苦盡是甘來，但願香港都是。

琴晚一行4人去大角咀覓食揀左呢間十三少😳內裏裝修好新淨，位置分布都好整齊最得意係用真花生🥜做筷子座😂不過menu上就比較少款👀4個女人仔揀左呢d十三少酸菜魚 辣 勁量版 $298勁大兜，個個心心眼😍個店員話d魚湯可以飲😍d魚肉勁滑！份量又多！味就啱啱好不過我個人好重口味，可以再酸d再辣dd配菜仲有我最愛既菇🤤口水雞d肉都幾滑，好香麻油味辣味都十足！鮮魚湯浸翡翠苗d菜苗勁新鮮😍秒清！用魚湯熬，好鮮甜紅糖糍粑口感好煙韌，又系搶食之選😂一件不剩