十三少酸菜魚 (Closed)

十三少酸菜魚 $198酸菜魚好大份，雖然係兩人份但三人share都夠架，因為啱啱病好所以嗌咗唔辣，本來覺得好可惜食唔到辣，但原來唔辣幾好食～魚肉好滑呀，全部都去晒骨，而且清得好乾淨，湯裡面有大量香料同酸菜，仲有萵荀同菇，好多配菜，又令口感更佳。鮮魚湯浸翡翠苗 $48最鍾意食菜，見到有好少見嘅凈豆苗就嗌埋，上湯浸菜食落都好鮮甜，又有菇做配菜～紅糖糍粑 $38一份有好多條！而且擺盤同餐具都好靚，有啲小清新嘅感覺。沾滿黃豆粉再沾少少紅糖食，香甜又煙韌，好味！

同朋友去住奧海城，知道附近嘅埃華街有好多好野食,於是落去探險試吓啲新餐廳。最後選了這一間川菜店，感覺好像有間深圳出名嘅酸菜魚店。一入去見到已經高朋滿座，雖然要等下位但係冇所謂啦，最緊要食好嘢。咁多人等位應該間餐廳食物質素唔錯。餐前小食我地叫了涼拌土豆絲，好有川菜特色，但不會太辣，好啱我口味。坐低見但好多人都叫一盤盤嘅酸菜魚，我同朋友都點了一碟。碟酸菜魚放落黎真係有啲嚇親，真係好大碟夠晒兩個人食。個湯底好好味，我同朋友忍唔住飲咗一半。最緊要係個酸菜魚又滑好新鮮份量有多。唔怪得知咁多人叫。我地仲叫左個白飯黎配個湯底。紅糖糍粑：我哋點了這個菜作為甜品。最特別除咗糯米”煙煙un un”之餘仲要加埋個醬汁甜甜地好好味。這個甜品作為一個完美點綴真是不錯。其實今次試嗰啲酸菜魚，我哋想下次約埋多兩個朋友試吓佢哋嗰碟勁量版酸菜魚

今日放工經過大角咀，都已經好耐冇黎啦，見到呢間已酸菜魚為主題嘅餐廳，吸引左我同女朋友諗都冇諗就入咗去！餐廳環境餐廳唔算好大，但係勝在夠整齊企理，員工都好好笑容!一坐低，當然要試吓呢度嘅招牌菜酸菜魚啦，酸菜魚係好多地方都有得食，但係要整得好食，係相當有難度嘅，我同女朋友都非常鍾意食辣到好夠嘅酸菜魚，你呢度嘅酸菜魚，正正好符合到我同女朋友嘅口味！酸菜魚肉呢度酸菜魚嘅魚肉超級白滑，完完全全將酸菜魚嘅湯底吸晒入魚肉入面，配上一碗白飯，一啖魚，一啖飯，簡直係人生一大樂事，正！鮮魚湯浸肥菜苗仲有另一個菜式都10分推薦，就係鮮魚湯浸肥菜苗，魚湯好鮮味，如果未夠喉嘅話，不妨試吓呢個！總括來講，以酸菜魚來講，味道可以話係我哋最愛之一，一定會再嚟！

有時口痕想食酸菜魚但又唔想特登返大陸用車錢、時間就專登為左食酸菜魚⏱💵可以諗下留喺香港食.奧運站落車行6分鐘🚅有一間剛剛新開試業中既酸菜魚店都幾方便 去開可以順便去旺角行街.間酸菜魚都貼心有辣同唔辣可選擇但要食最正宗既味道當然要食辣🌶🥵🥵🥵.酸菜魚🐟.個酸菜味道同辣都似喺大陸出名果幾間餐廳食到既水準酸菜味道咸咸酸酸口感爽脆好適合餸🍚飯食.魚肉索滿湯汁🍲魚身雖沒有內地餐廳般滑溜卻鮮味十足.⚠️若果有唔係幾食得辣既朋友記得要早啲畢走哂啲乾紅辣椒🌶️咁個湯先唔會越煮越辣🥵.另外仲嗌左口水雞雞肉份量都幾多 有接近半隻雞辣油唔算太辣 整體用餐體驗都算唔錯

酸菜魚當代流行，就算本身不喜歡酸，不喜歡辣的人，90%都會喜歡吃酸菜魚這個組合來得自然，讓人自然地喜歡上；來得刺激，味道層次分明～香港大角咀新開又一家十三少酸菜魚，當然主打酸菜魚，新開的關係，餐牌上的選擇比較少前菜餐牌較環保，可以自行寫上鮮魚湯浸翡翠苗 $48比起其他酸菜魚餐廳，這裡有熟食菜選擇，出外吃飯比較難吃到菜，所以通常都會點蔬菜。用魚湯浸的菜苗味道充滿魚鮮味，家中比較少這樣弄，而且湯都可以直飲！十三少酸菜魚 $198$198來說，價格不算太貴，還可以！設有勁量版，但我們只有二人吃，所以只點又普通版酸菜魚雖然選了加麻加辣，但餐廳員工說新開不能加，所以略嫌不夠辣但酸味十足，愈吃愈開胃！飯都爬光光魚肉沒有骨，吃起來方便又安心！

呢排同朋友喺大角咀附近睇樓盤，睇完都夜晚，見肚餓而朋友想食酸菜魚，所以就入咗呢間新開張嘅13少酸菜魚。店內嘅菜單都冇咩選擇，有酸菜魚，口水雞，水煮魚。但係我哋嗰日水煮魚佢就冇得叫嘅，唔知係新開張嘅關係定係賣晒。等左陣我哋叫嘅正常size酸菜魚就終於到了。佢都好大盆，亦都幾足料，入面有好多魚塊啦，花椒八角，酸菜，蒿苣，同埋一啲菇喺入邊嘅。味道方面，覺得酸度比辣度高。我哋兩個人加左$8嘅白飯配黎食，食到超飽。其實本身呢就想嗌紅薯粉嘅，呢度竟然冇得嗌，就覺得好奇怪。希望店家可以改善，加入紅薯粉啦。

雖然大角咀有好多好野食, 但係肚餓之際聞到酸菜既味道就入左黎,人就唔係好多,所以坐得幾舒服。望下餐牌款式雖然唔多,不過夠精就夠啦。魚就有酸菜魚同水煮魚,所以就咁叫左個主角酸菜魚試下。等咗唔係好耐,十分鐘咁上下就有盆熱辣辣嘅酸菜魚送到黎。魚湯好白,好似好濃咁。首先飲啖魚湯先,有魚味,唔腥,酸度岩岩好。之後望下入面魚片既分量都OK夠, 塊塊都切得一樣薄,盡顯刀藝架。酸菜量都夠,8成酸都去哂個湯度,所以食落都OK,同埋記得叫白飯,因為就咁食係冇feel,一定要D湯拎黎做湯飯真係一流,

今日放左工，就去朋友屋企玩，朋友就住係奧運站，我地傾左一陣計，見有些肚餓，就落樓食飯，朋友話帶我去食酸菜魚，我當然冇問題喇，咁我地就行左去屋邨附近食入到餐廳環境好整潔，白色牆身，雲石枱面，落單係用黑色雙頭筆，係印有餐牌膠面到剔，再俾店員，依個構思非常環保，仲有到地方比較特別，就係用左花生盛載筷子，依個方法餐廳都諗到，實用得黎又好方便黎到一定要食佢既酸菜魚我地係屋企食左野先過黎，所以就選左普通版$198，酸菜魚一定要辣先好食，黎到見到個份量都唔少，雖然有好多辣椒係面，但食落唔會過辣，魚肉質地結實嫩滑，而且冇骨，可以放心大口大口食用，魚肉吸哂湯汁，酸酸辣辣，令胃口大開，配飯食一流四季春及桂花烏龍冷泡茶$22茶有淡淡花香，味道清新，唔會有苦澀味

唔知由幾時開始，酸菜魚可以話係港人北上其中一餐必食嘅菜式之一，但其實我本身從小就好鍾意食，當然都係返大陸食，不過以前無咁街知巷聞，要做少少功課先揾到，而家就差不多個個大商場都總有一間。但來到香港，就無深圳咁普及，但係都愈來愈多小店，好似我上次食呢間為於大角咀嘅十三少酸菜魚就係新開無耐而我又覺得有滿足感覺嘅風味小店la~~土豆絲土豆絲做得好乾爽，唔油膩，做小食啱晒!酸菜魚大大盆，湯頭好夠酸，唔算好辣(不過可以加辣)，配料都好促夠，魚肉嫩滑厚肉，唔會碎濕濕口水雞入味，雞唔肥，連埋D汁送飯最夾紅糖糍粑全晚最令我滿足嘅其實係呢碟紅糖糍粑，糍粑炸得外脆內軟，熱辣辣，沾上紅糖，係食完酸辣主菜後中和返整餐晚餐，好滿意

朋友喺大角咀呢邊返工，話見到一間食酸菜魚嘅川菜餐廳，價錢合理☺️所以決定夜晚入大角咀食晚飯，平日夜晚時間去到嘅時候都發現幾多人，成間餐廳主打食酸菜魚，仲有勁量版，多人嚟嘅時候可以叫來分享食_十三少酸菜魚 $198份量都幾足，可以叫多碗白飯配埋啲汁一齊食！ 酸辣既配合得唔錯，魚肉好大塊唔會有碎骨亦都好滑_嘢飲方便本身冇諗住叫😂但係見到有冷泡茶即刻決定試吓😆我哋叫咗桂花烏龍冷泡茶同四季春冷泡茶$22 ，樽仔嘅冷泡茶非常重茶味，個人比較鍾意桂花烏龍桂花味非常香而清新，飲唔晒仲可以拎埋樽仔行街飲☺️非常方便

先唔計佢係咪顏色店，酸菜魚幾好食，似大陸太二，但差少少香。口水雞第二次食，第一次食覺得好食過酸菜魚添，可惜第二次淡左啲。 服務態度負分。一入門口，短髮呀姐分位有問題。我地兩點幾鐘入到去，有三張二人吉枱唔比我地三個坐，係都要我地搭枱or坐一張比太陽曬住嘅枱。明明都兩點幾鐘都冇乜客入啦，死都要迫人搭枱。嗰三張二人枱(total 坐六人) 如果真係有客入嚟坐，我地調去第二枱讓比你啲客又點話。之後搭枱坐低啦，上一枱都未清好，叫佢抹一抹枱又好晦氣。食野過程無咩問題。理單啦，俾咗$500佢找，咁佢掉啲錢落張枱度囉，態度勁差又黑面。嘢食冇問題㗎，係個阿姐唔想做我哋生意點呀，我哋唔會返食。食到成肚氣。希望老闆可以好好調教啲員工啦。

想食酸菜魚唔一定要返大陸先有既，香港一樣有，質素仲唔錯添架～位於大角嘴既呢間十三少酸菜魚就係一個唔錯既選擇，隨便落樓食個飯的話可以考慮～因為我同朋友都有d喉嚨痛，唔係幾舒服，所以就揀左唔辣，但一樣冇影響到酸菜魚既惹味程度。唔辣既酸菜魚另有一番風味，味道清新好開胃，好好味。而且魚肉冇骨，清得好乾淨，可以放心大大啖咬。晚飯當然要叫返碟菜，我地叫左鮮魚湯浸翡翠苗，好鮮甜又幼嫩，冇乜菜既草青味。最後來個甜品～紅糖糍粑 好好食！糍粑本身有黃豆粉鋪面，再點埋提供既黑糖都唔會覺得好甜好膩，反而好夾！好快就俾我地清哂！

想食酸菜魚走入去試，酸菜魚尚可，但皮蛋，青瓜失望，皮蛋$38元估係一粒切開，細粒到完全唔知講咩好。青瓜一樣，切到又碎又細粒。青瓜皮蛋係便宜成本，但客戶俾既錢唔成正比整體係唔會再翻食

酸菜魚之夜真係勁耐冇再食酸菜魚 原來香港都有得食個人覺得十三少跟太二的味道有八成相似雖然位於大角咀(少許遠) 但價錢幾合理&便宜重點是新開業 襯冇乜人知去食 就唔需要排隊.川式口水雞🐓$68呢個價錢冇諗過有成半隻雞 真心抵食雞油香肉幾滑 夠麻夠辣 還灑上芝麻好香啊下面仲有青瓜鋪底🤣即係一個價錢有兩個前菜.十三少酸菜魚(辣)🐟$198主角黎啦 等大概5-10分鐘就有熱辣辣嘅酸菜魚好大一盤魚 睇落冇大陸咁辣 但其實食落好辣架真的不能看輕(怕辣人士可以選擇唔辣) 任君選擇🥢魚肉好滑又大塊 份量夠2-3人分享不過美中不足係食食下有少許骨 可能係我不幸啦🥢酸菜可以再酸啲 但整體味道已經有太二的八成似🥢特別之處係有時蔬(菇類 瓜類) 幾健康又入味p.s. 如果有得加配料就好啦 一定會更豐富.白飯🍚$8習慣左叫碗飯來泡飯吃 香港吃到的只係普通米不過個酸菜魚湯又不錯 唔會話過酸/辣 幾溫和筷子座係一粒花生🥜好搞笑 食唔食好呢lol

本身好鍾意食酸菜魚，但要喺香港搵到好食嘅酸菜魚真係好難，唔係味道爭D就係魚唔夠滑，真係好食嗰D又貴貴的。見公司附近開左間新嘅打正旗號食酸菜魚，一於捉D同事放工黎試下～十三少酸菜魚 $198一上枱已經聞到好香，酸同辣平衡得唔錯，魚肉好滑，份量亦都好多，呢個價錢黎講性價比頗高。川式口水雞 $68試埋個口水雞，呢個比起酸菜魚更香！個汁好杰身，每舊雞都掛到汁，用左不少香料令到個味道層次好豐富，食到最尾直程想打包個汁返屋企撈麵食🤤鮮魚湯浸翡翠苗 $48平時買開豆苗都知唔平，呢到$48俾到一大兜你，仲要係用鮮魚湯浸，非常清甜。紅糖糍粑 $38第一次食紅糖糍粑，口感有D似年糕，煙煙韌韌咁，因為有炸過又多左浸香脆嘅口感，加上D黃豆粉同黑糖醬簡簡單單咁又幾好味～