十三少酸菜魚 (Closed)

今日來大角嘴搵朋友食飯，朋友帶我來十三少酸菜魚呢間餐廳食晚餐，雖然今次無點酸菜魚，但原來其他菜式都超高水準。餐牌簡單的餐廳，只有幾個菜點，食客真係唔洗揀來揀去，我們選了川式口水雞，一碟鮮魚湯浸豆苗，一份涼拌土豆絲。三個菜都味道都好地道，首先說涼拌土豆絲，夠爽口又開胃，而鮮魚湯浸豆苗的魚湯十分鮮甜，豆苗也很鮮嫩，吃出健康。最後當然是我最喜歡的口水雞，真係未試過口水雞做得這麼好，而且這個口水雞的汁，我忍唔住撈飯，撈飯唔夠仲要齋食，真係好正好上癮，令人回味。下次一定會再來食呢間的口水雞。

晚飯時間，諗住喺大角嘴搵食，經過見到十三少酸菜魚，我同職員講我兩位，佢叫我搭枱，佢話繁忙時間兩位嘅要搭枱！我話咁我等一陣，因為我見有兩枱兩位都差不多食完，點知，喺我等緊期間，有兩組三位都可以直入坐低，原來佢個舖唔止入門口見到嘅枱，直入到尾轉右都仲有吉枱....重點係，職員態度真係令人好唔舒服

近來興食「酸菜魚」，剛巧大角咀埃華街開了一間「13少酸菜魚」，午市價錢合理，一於試吓。兩口子，試一試這個「川式口水雞」賣相很吸引，雞肉嫩滑，口水汁亦調得很好味，而且辣到適中，很適合我口味而且這兒的絲苗米飯🍚，好香口感好好！！來到這間餐廳，當然要試吓這兒的手本名菜「十三少酸菜魚」，由於我們已選了辣味的口水雞，所以酸菜魚就選了不辣。果然是手本名菜，真是非常之美味呀！湯的酸度適中，很野味，最不得了的是魚肉非常之滑跟餐包一杯「菊花蜜」或「酸梅湯」我們就選了清清地的「菊花蜜」雖然是跟餐的，但這杯菊花蜜實在令人失望，因為非常「稀」，其實又不是什麼貴價的飲品，沒必要加那麼多水$50至$60的午餐Set價錢，價錢合理總結：食物——味道非常不錯環境——地方簡潔舒適、而且枱月枱之間亦有足夠空間服務——服務員服務正常，但值得一提的是職員的衛生意識不足，職員剛剛抹完枱，沒有洗手，就那一碗飯給我，但我見到他的手指插了入我碗飯；而且現在疫情期間，我聽到廚房的廚師大大聲聲說話，聲音響亮，雖然我看不到，但都令我十分懷疑廚師有沒有戴口罩。這方面希望餐廳能夠改善。價錢——價錢合理

.今日同朋友食飯，佢話想食酸菜魚，又記得曾經有朋友推介過，就黎試下😎間餐廳好特別，會用粒花生黎做筷子托🤣一坐低就有一碗仔炸栗米粒嘅小食俾你過下口癮先😋因為唔係太餓嘅關係，就淨係叫咗個酸菜魚同埋一個小食。椒麻皮蛋（$38)份量唔係特別多，但係就好好食👍🏻夾埋啲配料食，都幾開胃下😼，同埋佢隻辣真係食到條脷夠麻，好過癮😽十三少酸菜魚（勁量版 )($298)一上菜見到咁大兜真係嚇親🤣魚嘅份量都幾多。魚夠滑唔腥，唔錯唔錯☺️ 仲有好多酸菜配菜，食極都仲有真係好足料呀。依個就無咁辣，可能係因為有啲酸菜中和咗嘅關係👍🏻桂花烏龍冷泡茶（$22)本身以為淨係得汽水飲，有啲咁特別嘅嘢飲都幾驚喜🥰 有清清地嘅桂花味，好清新☺️同埋最緊要係解到辣🌟🌟🌟🌟🌟價錢：4/4服務：4/4味道：4/4環境：4/4整體：4/4

椒麻皮蛋🌶🥚 $38配埋啲蒜蓉，蔥同埋辣椒食，真係好惹味好開胃🤤，食完直情想黎多碟，依個比起酸菜魚辣好多，唔飲汽水唔得🤣十三少酸菜魚🐟🌶 勁量版 $298食酸菜魚一定要揀食辣😋，我地三個人叫咗個勁量版😎，加埋白飯，份量都算岩岩好👍🏻啲魚份量真係多，滑得黎又唔會一夾就散，最緊要係無骨哈哈🤣，好食。配料有酸菜，菇，荀同蘿蔔。爽口又入味。最緊要係酸菜夠酸，酸酸辣辣咁，超級開胃😋喺依個唔會再上深圳食酸菜魚嘅年代，喺香港食到依個水準都覺得好意外😎會再返黎食過🤤如果可以揀埋辣度就更perfect 啦👍🏻適合返香港人口味

突然間好想食酸菜魚所以搵到呢間新開嘅餐廳！主打酸菜魚，其實主菜真係只得酸菜魚，所以真係非誠勿擾。選擇少，所以好快揀好，佢個魚有得揀辣或者唔辣，但無問我哋要咩辣度，而佢default個辣度都唔算好辣，不過唔食辣嘅朋友應該食唔到。講返正題，酸菜魚真係唔錯，魚好滑，完全唔腥，雖然食唔出佢用咩魚，但似幾新鮮嘅。啲酸菜都好好食，味道似大陸出名嗰啲酸菜魚，而且價錢非常合理，人均消費$150，講真，係香港食過十幾二十間酸菜魚，呢間會係我嘅頭三位。小食叫左皮蛋，無乜特別，某連鎖米線店個皮蛋好食啲。反而野飲方面啲冷泡茶幾好飲，不過呢間餐廳好似無酒類，想酸菜魚送酒嘅人要留意啦。

又黎到大角咀覓食 🍽️今次食我最鍾意嘅酸菜魚 13少酸菜魚🐟 呢間餐廳菜色嘅選擇唔多 大約有六七款菜式啦 叫得酸菜魚一定係主打食酸菜魚 酸菜魚有辣同唔辣選擇 不過酸菜魚唔辣邊好食嫁😋 等咗一陣終於上菜啦 湯一啲都唔油 試咗一啖魚後 發覺真係好辣 愈食愈辣 真係頂唔順💣💥 大部分都去咗骨 魚身超級滑啖啖肉 入面都有萵筍同菇類 當然唔少得係酸菜啦 如果可以有加寬面就更好 我覺得同出面比較起嚟呢間比較酸同埋比較辣🌶️希望遲啲可以揀辣度 另外我哋叫咗個手拍青瓜 🥒做得唔錯青瓜好入味可以幫我解下啦 另外我想讚下個餐前小食 應該係炸黃豆 炸到脆卜卜又甜甜地好好食

好難得同朋友出街食飯，因為我同朋友斬愛食酸菜魚，是日去左哩間在大角咀的十三少食酸菜魚，去到店舖，位置好闊，坐得好舒服，餐牌系用環保下單，食物主力都系酸菜魚同埋水煮魚，我們來到當然食十三少有名的酸菜魚啦另外也點左口水雞同埋紅糖糍粑口水雞口水雞好多雞件，紅油十足，食落雞肉好滑，如果再辛辣一點會更好酸菜魚酸菜魚一上到，酸味突出，一大盤真的好多魚肉，魚肉夾起唔會散，食落爽口唔會過琳，有足夠的菇，酸菜，愈食愈好食，真的可惜無叫白飯，唔系真的大滿足紅糖糍粑紅糖糍粑作為甜品，糯米煙煙un un，加埋個黑糖汁真的好好食下次叫埋多少少朋友食勁量版酸菜魚先!

雖然係非常時期，但朋友都係要見嘅。出開來旺角按摩於是就緊緊地去埋大角咀搵個朋友食晚飯。見好耐冇食個酸菜魚就揀咗呢間鋪頭試吓，一埋位佢嘅擺設好搞笑，用咗花生嚟掠筷子。佢呢度唔係好多樣嘢俾你揀，得酸菜魚同埋三款小食，所以我哋就嗌咗一個二人份量嘅酸菜魚，一個黑糖糍粑同埋一個口水雞。酸菜魚個湯唔會好辣，撈飯都唔錯。啲魚片都好滑，最緊要冇骨。估唔到佢呢個價錢已經包左啲萵筍，酸蘿蔔同埋雞髀菇片喺入面，唔錯。依個口水雞都好滑，而且唔會好辣，我覺得幾好食。如果黑糖糍粑都唔錯，佢個黑糖係分開上嘅，唔會浸到林晒，熱辣辣，外脆內軟，最重要係唔會有油溢味。兩個人食到飽飽都只係三百幾蚊，喺香港食酸菜魚來講算係咁。

有一段很長的時間沒有食到酸菜魚，今次一班朋友去了「十三少」這一間餐廳是朋友的妹妹介紹，聽說很不錯！.由於我們一行七人，店員只有留了兩張4人桌了，最後我們都是乖乖等位置～酸菜魚值得一讚的地方就是他們的魚不會太多骨！價錢方面還是正常的～大/細魚不同價錢，除了「酸菜魚」以外也有不少食物！她她特別推薦的是「薯仔炆牛肉」！先就醬汁很不錯，最重要要牛肉因為很軟很好進食！ 味道好，質感也好！「川味口水雞」我表現一時時， 我們第一次下單的雞十分好食，夠味道之外雞的質感也十分之好。 可是加單再點的時候，表示明顯失色～ 口質比較粗糙，但會覺得味道有一點先更好食， 就是兩次就是口質差很多啦～　「椒麻皮蛋」我暫時給5/10分。皮蛋味道和口感都表示沒有很好，有一種半鹹蛋半皮蛋的味道,我還是喜歡’糖心蛋‘的口感！土豆粉正常很爽脆～鮮魚湯浸豆苗好食！能點！好快就被食光光了！紅糖糍粑～一份有8條，我覺得都一樣不錯，黑糖來的啦～ 要多點黑糖更好食！

都有一段時間無食酸菜魚，今次來到大角咀這間新開的餐廳，裝修簡潔，座位都幾多！餐牌上選擇不多，主菜可以話暫時只有一樣，便是酸菜魚!座低後店只為我們送上甜的脆豆，幾特別！酸菜魚，這裡的酸菜魚可以揀選辣或不辣，因為有少少作病的原故，所以只是點了不辣！酸菜魚很大盤，夠兩個人食，雖然是點了不辣，但是湯底都帶有少少辣！魚肉都幾多而且都沒有魚骨，肉質嫩滑！除了有魚，還有不少酸菜、菇、酸蘿蔔、萵筍，整體味道酸酸辣辣，但又不會嗆喉，再配上白飯一齊食，特別惹味呀！餐廳除了有酸菜魚，也有其他小食，有機會會再黎試下！不過當天好在有訂位，如果唔係可能都無魚食了，因為餐廳的魚日日新鮮，賣哂就冇得食架啦，所以可考慮先book位！

自從係大陸食過一次酸菜魚之後，就一直念念不忘，而且係香港都試過唔少間酸菜魚嘅餐廳，不過好多都真係麻麻哋。前兩日上網見到呢一間，睇啲食評都唔錯，而且賣相睇落似大陸食開嗰啲，所以今日就決定要來試一試啦🐟🥢兩條友就食個普通版試下先啦，呢度嘅湯底相對辣啲同埋酸啲，好岩送飯🍚 魚既質地都好嫩滑，食得出好新鮮，呢度配菜嘅份量都好豐富喎，有兩種顧慮，有蘿蔔，而且酸菜嘅份量都好多👍🏻唯一美中不足嘅就係佢哋嘅薯粉係當日已經賣晒啦，鳴啊！食酸菜魚一定要有薯粉㗎😭~另外我哋都嗌咗一個皮蛋，呢度嘅皮蛋好特別，同出面食嘅好唔同， 佢哋嘅皮蛋係呈金黃色，食落去嘅質地同平時嘅皮蛋相符，不過呢度嘅皮蛋就少咗平時既腥味，所以連我唔識皮蛋嘅朋友都啱食😌

大角咀有新開張酸菜魚🐟係最多餐廳既挨華街😉新開張唔算好多人好快就有位👍餐牌食物唔算太多都係得主打酸菜魚同口水雞-川式口水雞 $68口水雞醬汁整得夠惹味仲用左芝麻令到成個味好香🤟雞件份量好足但唯一要留意既係雞件好多碎骨食既時候要小心🧐-酸菜魚 $198 (正常份量)酸菜魚有正常同勁量兩款4人以上建議叫勁量😉酸菜魚個味道係OK既都算正宗酸同辣個控制都可以！但魚片要留意下有幾片食到有魚鱗真係唔可以接受呢個🤔可以另配白飯因為本身個酸菜魚冇配料加而且冇薯粉做底如果可以俾客人自選配料會更好🤣

話說大角嘴都開左一間食酸菜魚既鋪頭。店面面積都算幾大，而且座位闊落舒適，餐廳設計簡約。話晒呢間係酸菜魚專門店，佢哋嘅招牌菜當然係酸菜魚啦，之後都有少少其他種類既野食，但係選擇唔算太多😀😀😀當日去既時候係晚上8:30,店內人數唔算多.. 大概10人左右～ 睇完餐牌想order既時候 第一次向店員招手👋🏻 有位貌似內地人既男店員同埋一位女店員同我地對望之後擰轉面走咗去😂😂😂😂之後我哋再同嗰位男店員四目交投向佢招手，佢終於叫附近嘅其他女店員過嚟幫我地落單😂😂😂女店員過嚟之後問我地要乜嘢，我哋話一盤酸菜魚～佢問我地要唔要辣？ 我哋話小辣...佢話得辣同唔辣冇小辣😂😂😂😂😂 ok!咁辣啦之後覺得呢間店舖嘅店員都幾有趣～呢盤酸菜魚入面有魚片、酸菜、萵筍、魚既份量唔算太多～ 魚片都算嫩滑，但有少少碎骨～可接受其實佢嘅味道都足夠了，不論酸味同辣味～因為會越食越辣🤠其實食酸菜魚我係習慣加寬粉，金菇等等其他材料，但係因為今次佢嘅時間實在太晏😂😂所以唔想食太多😂😂😂

難得寶寶放假，仲陪我食我恨左好耐既酸菜魚。寶寶平時麻麻地酸菜魚，話酸菜魚一大盤，如果得兩個人成餐就淨係食盤酸菜魚，好齋，同香港食價錢都唔平。所以今次千桃萬選，黎到大角咀"十三少酸菜魚"食午餐。我地兩個人叫左兩個午餐，同一個涼拌。午餐有3款免加一，我地叫左十三少酸菜魚同川式口水雞。而涼拌係另一餐牌，呢個餐牌上既野就要收加一，叫左涼拌土豆絲。跟餐有野飲，熱菊花茶，以為色甘淡，一定好淡味同水差唔多，點知飲落係好足味。另外加左12蚊要桂花烏龍冷泡茶，桂花味好香。午餐價錢好親民，仲分量十足，口味超正宗，連寶寶都話好抵食，可以再Encore。正，甘我可以成日食。