牛大人台灣火鍋吃到飽 (銅鑼灣廣場二期)

Open Now

Now Closed

放假約咗閨蜜去銅鑼灣行街，大家掛住行街連晏晝都無食😆閨蜜提議不如去牛大人打邊爐，我當然同意啦🤤4點幾我哋就上咗去Walk-in排隊，一夠5點鐘餐廳就即刻安排入座🫶🏻外面自取嘅配料同埋飲品選擇都非常多，喺社交平台讚好同埋Follow仲有黑糖珍珠鮮奶送，香甜黑糖配上奶味濃郁嘅鮮奶，珍珠如果可以煙韌少少會更加好☺️身為牛魔王嘅我哋決定食最高級嘅澳洲極上和牛套餐😎 套餐附送每人兩粒澳洲M9和牛牛丸，牛丸彈牙肉汁豐富而且牛味濃郁，係我食過最好食嘅牛丸😍澳洲M5和牛牛肩卷油花均勻油脂甘香，肉質軟嫰❤️安格斯牛小排同樣出色， 肉質滑嫩入口juicy！北海道十勝豚豬肉味濃郁，入口爽口唔油膩！台灣濃香蕃茄鍋，湯底酸甜滿滿濃郁番茄味，最後放入新竹米粉將精華吸收曬非常入味👍小食方面士林鹽酥雞、真豬小香腸、梅甘酥脆薯全部都熱辣辣而且有水準同喺外面散叫嘅味道一樣🤤食埋雪糕真係好滿足，飽到要捧住個肚走🤭

最近天氣開始有秋意嘅感覺，就最岩打邊爐🥰牛大人湯底同配料都好多選擇🤗仲可以任點👏🏻店面都幾大，夠寬闊，有大圓枱同卡位，坐得幾舒適😊屋企人揀左澳洲極上和牛吃到飽🌸同阿嫲養生濃湯底😌除左可以用QR code 落單之外，餐廳仲設有自助區，入面有飲品同蔬菜等。澳洲和牛M5 牛肩卷雪花分佈平均，薄薄一片，入口軟嫩。北海道十勝豚肉味濃，口感細滑。澳洲和牛牛丸係套餐送嘅口感彈牙，入面仲有肉汁🤗除左肉類，我地點左海鮮，沙白超大隻，仲要粒粒都好肥美，脹卜卜咁，吸哂湯汁😍海蝦🦐好新鮮又大隻🤓脆肉鯇魚腩，唔多骨，食落彈牙😋章魚珍珠漿，聽個名未必知係咩，其實佢係粒粒嘅章魚係入面，有少少似墨魚滑。蟹籽墨汁漿，黑色嘅墨魚滑都幾特別😋我地仲食左唔少台灣嘅地道小食。🥳e家like and follow 仲送青檸薄荷梳打😋食完火鍋仲有雪糕食😍

今次去左食台式任飲任食火鍋，呢間餐廳經常大排長龍，標榜由台灣師傅主理，其中多款配料更是由台灣直送，還有多款台式湯底選擇，我就揀左台灣鳳梨雞湯，用原隻雞開邊、鳯梨、苦瓜熬製而成，味道清甜回甘，呢個湯底煮出黎既食物份外鮮甜，推薦推薦！我揀左澳洲極上和牛吃到飽，可以任飲任食120分鐘，每位仲送兩粒和牛牛丸，一口咬落去就爆曬汁，真係好正，叫得呢個餐緊係要瘋狂食和牛，和牛油花均勻，肉質軟腍，除左和牛外，仲有上腹牛五花、安格斯特選牛板腱、安格斯牛小排、手切封門柳、安格斯一口牛肉粒同美國PRIME極级肩里肌，食盡牛既不同部位。火鍋配料除左可以用手機落order外，出面還有自助區，自助區有數十款火鍋配料同飲品可供選擇，食到悶悶地仲可以order台式地道小食，有滷肉飯、台灣腸、鹽酥雞、甜不辣等等。最後緊係要食個甜品作完結，甜品除左有哈根大師雪糕外，仲有台中仙草凍。雪糕有三種口味，其中一款是期間限定，期間限定又點可以吾試，原來係西瓜士多啤梨味，又幾特別喎！另外仲叫左個台中仙草凍，仙草凍有三款配料，有花生、紅豆同椰果。

初初牛大人好難book 位,次次都要搶訂位。今次本以為難book，當日去到又原來唔多人食。下午邊爐放題食九十分鐘，三種價錢選擇，星期六日假期每位再加10蚊。如果要求不高，有豬有牛都夠食既話可揀中價位既餐。飲品，蔬菜，丸子，麵自助式俾人拎任飲任食。飲品多選擇，有多款泡茶又有紙包飲品同汽水。菜同丸子都佔兩個雪櫃不過略嫌職員添菜添得比較慢。麵就有台灣米粉，王子麵同烏靠等揀，款式唔算多。有白飯有調味料放題自助式俾人裝。整體肉類質素唔錯，食物選擇不少。因為地方頗大，人多食牛大人亦不失為一個好選擇

今晚去了銅鑼灣「牛大人台灣火鍋吃到飽」食火鍋，我們大約 7:30 PM 去到餐廳取票，等了30分鐘，約 8:00 PM 才安排入座最後，我們決定叫「牛大人120分鐘吃到飽套餐 - 澳洲極上和牛 $318/每位」，湯底選了「牛大人紅燒牛骨鍋」，套餐包括：🥢 澳洲和牛M5牛肩卷、上腹牛五花、安格斯特選牛板腱、安格斯牛小排、手切封門柳、安格斯一口牛肉粒、美國PRIME極級肩里肌、西班牙豬梅肉片、西班牙豬五花片、豬雪花肉片、紐西蘭羊卷肉、花雕酒鷄件、台灣鱸魚片、蟹籽墨汁漿、干貝鮮魚漿、牛媽秘制滷牛筋、牛媽秘制滷牛肚…等甜品可選 雪糕 或 台式甜品整體來講：牛大人係我其中一間至愛食嘅火鍋餐廳，而且已經是多次幫襯埋單💰：$700 ($318 + $318 + 加一服務費$63.6)

同老友食飯，又可瘋狂食到飽，一定會諗起任食牛大人！<<極上和牛吃到飽套餐>> 慢慢食2個鐘食到飽$318本身係食肉獸關係，立即叫主打澳洲M5和牛,同安格斯牛小排啦！！澳洲M5和牛-肉質非常嫩滑,薄切刀功下，顯得特別易咬同吸晒湯汁！牛味非常出😉安格斯牛小排-啖啖牛肉口感！必叫！期間限定 北海道十勝豚 - 豚肉就算煮熟些口感都好嫩！豬肉味十分鮮，忍唔住叫多幾碟，不用只食牛牛🐮。2粒澳洲M5和牛牛丸!牛肉味好濃郁仲好JUICY!!章魚珍珠滑勁好食！必食！美人花膠絕對驚喜，一叫再叫！脆魚鯇 勁爽脆！冰荷青檸梳打雖然有好多雪糕選擇，但個人認為牛大人既台式仙草勁吸引！多料又好好味!!

晚市放題火鍋無論食物及飲品的選擇十分多,完全不會漏單。自取飲品、食品的種類款式都很多,想試齊也不易。晚市甜品可選雪糕或仙草,仙草很好味,即使已經很飽也要吃。120分鐘也夠時間吃得飽飽,只是肚子不夠位!服務員友善、禮貌態度都很好,地方整潔及舒適。想試完再試的食店!

香港人無論春夏秋冬咩時間季節都鍾意打邊爐😂今次去咗位於銅鑼灣好受歡迎嘅牛大人！嗰日去好彩有訂位 ，但都要排隊按返時間入席，更加唔使講嗰時大量Walk in嘅客人🫣極上和牛吃到飽 $318今次就是最貴嗰個package上腹牛五花丶牛小排丶手切封門柳丶安格斯一口牛肉粒丶澳洲和牛M5牛肩卷丶美國PRIME極級肩里肌丶西班牙豬梅肉片丶豬五花片丶紐西南羊卷肉丶鮮魚漿呢啲全部都有得食！無論你鍾意食啲咩肉類，總有一款啱你，而且特別啱晒食肉獸！😁另外，每人贈送兩粒澳洲M9和牛牛九2粒，味道好食，唔同一般嘅肉丸，肉質更加鮮甜美味✨而我嗰日就選擇蕃茄湯底，平時食都係食啲清湯或者豬骨類嗰啲～原來都唔錯，湯底清甜！而且，唔會咁油膩，就算食到最後都會有蕃茄嘅甜香味，有啲餸菜仲唔使特登點豉油都充滿香味添🫶🏻除咗用手機落單嘅嘢食之外，出邊都有唔少嘅嘢可以揀，例如啲丸同蔬菜呢啲，調味料都可以自己揀☺️嘢飲方面同大家知道嘅一樣，都係好多選擇，特別多啲冷泡茶～嗰日比較特別就係堂食限定仲送咗杯青桔梳打😍🫶🏻去到最後就梗係唔少得甜品啦！同行嘅朋友揀咗雪糕，我就食咗台灣仙草💗同平時食嘅唔同，更加落咗蘆薈花生呢啲，真係好好食❤️

今日夜晚去咗試呢間牛大人任食火鍋，一行兩個人訂咗五點鐘120分鐘任食火鍋，環境可以，去到櫃面前侍應提出任食90分鐘話價錢會有唔同，心想反正都食唔到咁耐，所以接納咗提議。跟住我哋就開始點食物，有牛肉類、海鮮類、小食類、餃類等等，雖然分類多，但可供選擇的種類並不多。飲品種類有桂花烏龍茶、落神花茶等等都唔錯，不過啲樽蓋唔係密封式，最後每人送甜品一客，由於每次點食物會一人一份，即如點韮菜餃二人就俾二粒，每人一粒，唔夠先再點，所以唔會浪費食物。

工作人員態度差！冇下次！尤其門口知客！我們都有付款的！不是乞食！食完的碟沒有人收！其實真係要五套一下，咁樣即係趕客，令客人感覺不愉快！一肚氣！其實點解唔禮貌啲，大家都好過！

香港最人氣嘅任食火鍋🙆🏻‍♀️ 真係唯一一間會食完又食🤤 選擇多資源好有特色 湯底肉類配料小食飲品都好正👍🏻 ✨澳洲極上和牛吃到飽套餐 $318✨❣️牛夫人秘方麻辣鍋❣️台灣濃香蕃茄鍋非常推薦麻辣🌶🌶湯底有好多藥材香料 加埋鴨血一流😛 蕃茄湯底煮菜唔錯🍅❣️澳洲和牛m5牛肩卷❣️美國prime極級脊里肌❣️手切封門柳❣️安格斯特選牛板腱❣️安格斯牛小排❣️上腹牛五花❣️豬雪花呢個餐可以食到晒全部種類嘅嘢🙆🏻‍♀️ 澳洲和牛係重點要食‼️鍾意佢逐碟上有做好標記🥰 覺得好食就嗌多幾碟 同埋質素keep到好一致 唔會好似有啲得頭幾 round靚😂整體都好有牛味尤其是係牛肩同牛小排😆 封門柳好有口感🐄 ❣️蝦✨寬粉✨澳洲和牛牛丸❣️花枝漿 ❣️牛肉漿❣️炸魚皮/ 炸午餐肉❣️金菇/娃娃菜/蘿蔔/地瓜葉/a菜/昆布/木耳超級多選擇 唔會試得曬🤣 以上食過推薦😛牛丸唔係出面攞果啲 佢送左幾粒係爆漿嘅🤤漿類好彈牙 寬粉加麻辣湯我自己食一碗💕❣️冰荷青桔梳打 $25次次都飲桂花烏龍 今次試吓特別嘢😼 好好飲似檸檬愛玉🍋 ❣️仙草凍

作爲🐮大人嘅fans，每隔一排就好想去打下邊爐🤩每次去都好多人，所以一定要book位！呢到可以話係我最like嘅任食火鍋，因為佢地上食物好快，而且點了的都必到！（當日有個小插曲，我初初沒為意自己旁邊有個抬仔放食物，點了後發現d食物未到，就再點，點知原來全部棟了在我隔離🤣，全部真係黎足+快）🌟先說最推介的：🐷北海道十勝豚係最近才新推出的，的確係幾有水準嘅豬肉片，厚度適中，好豬肉味鮮甜味之餘有嚼勁。😋🐷豬雪花肉片同樣係必點之選，雪花豬肉比較厚身，肥瘦適中，食落去肉質軟香juicy😋😋🌟美人花膠應該是最近新推出的，唔需要淥好耐就ok，texture軟綿香滑，忍唔住encore😆🐟台灣鱸魚片幾厚肉，而且肉質軟嫩鮮甜，幾有水準鍾意食海鮮嘅仲可以點🦐鮮甜海蝦同新鮮沙白，蝦肉彈口鮮甜，沙白肉飽滿鮮甜另外西班牙豬梅肉片、豬五花片都係唔錯嘅肉類選擇。外面就好多菜款，全部都用盒封好，乾淨衛生。當日like + follow牛大人仲送冰荷青桔梳打～refreshing得來又解渴。另外仲可以出去出面任攞冷泡茶！🤩最後仲有大大碗仙草芋圓食，口感幾煙豎，綠茶味特別香。真係次次去都大滿足嘅任食邊爐！😋😋

在銅鑼灣牛大人打邊爐，主打台式火鍋，有10種湯底可以簡，鴛鴦加$50,應有盡有！而放題有3個grade可選擇，我就選了澳洲極上和牛既 grade,不得不得既係每位2粒和牛牛丸，牛味特重又夠香，爽爽彈彈又有爆汁感，好正。湯底我就選了牛燒牛骨湯，牛骨骨香幾突出，又唔會太搶，幾有細緻感！多款牛肉，豬肉可以 order, 整體幾高質！放題有呢種質數相當不錯。多款特色台灣小食，鬼馬老油條，吸一吸湯底既味就食得，脆卜卜幾有風味。鮮蝦都幾靚仔幾鮮味，質感彈牙得黎又夠札實，正！多款自家製茶供應，幾有 heart, 唔會太死甜，清爽解膩。成個場都幾多人幫襯，可想而知有幾吸引抵食呢。

極上和牛吃到飽套餐真心唔錯，又有和牛牛丸，讚！一坐低就有每人兩粒牛丸，彈牙而且有牛香。湯底我哋就揀咗鳳梨雞，清清地仲有苦瓜，好清熱。私房鴨血、水蓮、真豬小香腸、魚香皮蛋豆腐、士林鹽酥雞、高麗菜水餃、花蓮扁食(手工小雲吞）呢啲全部都係比較台灣嘅嘢食㗎。鴨血同埋水蓮都好正， encore左好多次，鴨血夠彈性，水蓮就夠爽口。小香腸鹽酥雞同埋皮蛋豆腐都好似去咗台灣咁，充滿台灣風味鹹香十足。餃子嗰啲都比較特別，皮係比較厚，一樣係咁正，餡料嘅調味係比較突出。澎湖花枝漿都好彈下，加埋湯底鮮甜味！最靚嘅套餐一定唔少得北海道十勝豚+澳洲和牛M5 牛肩卷+安格斯牛小排，我哋女仔就最鍾意牛小排，因為脂肪分布比較滑，另一款就牛味比較香濃；豚肉都好爽口，特別。出面又有好多唔同嘅嘢食可以自取，包括不同的菜，小清新。Like FB仲有青桔梳打，甜得來比較清新。臨走之前仲有一人一個雪糕，估唔到有特別口味奶凍同西瓜士多啤梨🍓 好滿足！

好彩網上book位如果唔係一定排餐死喇🤪嚟得牛大人梗係要食下佢哋最靚嘅和牛，佢有三個set揀，我揀嘅極上和牛就可以食晒前面嗰兩set包含嘅嘢食，非常滿足🤤我個人就主打澳洲和牛M5牛肩卷，油花好平均，食落去好嫩冇筋，加上佢送嘅和牛牛丸亦都係爆汁，完全值回票價🤩其次魚皮餃同埋蟹子墨汁漿都不錯，好彈牙，而且墨丸仲有好多墨魚餡料，好足料😵Like 社交平台就送一杯薄荷青桔梳打，味道清新，飲品方面種類都好多，有無糖嘅桂花烏龍茶，又或者地道台灣嘅蘋果西打等，都揀到花多眼亂食到飽仲有甜品，movenpick/仙草凍 兩樣都咁正🤪 一人嗌一碗就最啱~ 仙草凍比起平時嗰啲多咗花生同埋蒟蒻，多重口感嘅衝擊🥳由牛肉去到食埋甜品都係我期望之上，唔怪得平時會排咁多人~絕對值得下次再嚟❣️