灑家燒味小廚 (Closed)

同媽咪阿妹入屯門探親友，探完後都兩點幾，肚仔餓係V City搵嘢食。見到有下午茶又有點心，就閃咗入去灑家燒味小廚食！見到咁靚0既燒味，我就忍唔住，流晒口水！所以order 咗個燒鵝脾！你可以要求免切或者切開。為了方便媽咪食，我都係叫佢切開咗！喜歡呢度0既燒鵝脾不會太肥或太油。而且個皮燒得好靚！光澤感勁好！我比較喜歡食瘦一點的燒鵝，但又好怕食一兩舊就漏到嘔！想不到灑家的燒鵝，不會很漏，相信免切成隻食我都可以一個人KO佢！肉質嫩滑美味，燒得甘美脆口！正！燒味未夠喉，所以叫咗個拼盤！咁食法，以為會漏死？唔會囉！呢度啲燒味，走油走得幾好，唔會成堆油係碟上。值得一讚是個燒腩仔，真係好鬼脆！阿妹愛食牛腩，所以叫咗個牛腩麵。呢度的牛腩麵不會很肥，有著牛筋一起。牛腩入味，湯也較清，油不算多。麵質爽口，不錯！再黎是干炒牛河！咁邪惡，當然要人多先食！炒河條條有色，炒得均勻有鍋氣！而且牛肉夠嫩不會老！嗱嗱林就KO一碟了！食清少少，就黎個流沙包，奶黃夠滑，流得夠晒料~ 而且不會太甜！熱辣辣食，小心辣親嘴仔啊~~還有馬拉盞！古法製，不會太甜。新鮮出爐最好食！想不到灑家的燒味及點心咁出色！點解觀塘個間無燒味？得粥

雖然早前入嚟屯門三聖食海鮮喺有老友揸車，不過，有咗西鐵，小弟由美孚往返屯門真喺超方便 ，所以，屯門站上蓋嘅大型商場V City，就成為偶爾路經嘅地方。其實，嚟V City食嘢的確有好多選擇 ！每個人都有其長處，小弟就無乜嘢耍家，「為食」唔知算唔算？灑家，個名改得夠抵死，又睇吓你啲嘢食有幾耍家！除咗一張大餐牌列咗湯麵、撈麵、生滾粥、點心，另外，仲有幾張額外餐牌喺啲小菜及炒粉麵。如果一家人夜晚嚟，小菜套餐就啱晒喇。人少少食餐晏，簡簡單單點啲點心、加個粥粉麵就可以嘞，但店長推介佢哋啲燒味，就改改燒味配粥粉麵啦。 燒味拼盤 $128 有叉燒、燒鵝、燒肉及油雞，燒味果然做得有水準，尤其燒肉，外皮燒得卜卜脆，肉質鬆化，又無醃得過鹹嘅情況；而燒鵝喺我覺得另一好食嘅燒味，皮脆油香。 南乳炆豬手 $48  一客有4大件豬手，炆得好腍，充滿南乳香，就連墊底嘅菜心都吸收點點南乳味，感覺都好食多少少，至於豬手嘅皮下嘅脂肪，入口唔覺肥，外皮好有咬口。 及第粥 $43 粥底睇落都好綿，米花爆開晒，食落真喺綿滑有米香，只喺略嫌配料少咗啲 。 干炒牛河 $60 已有段時間無食乾牛河，友人極之喜歡依

其實Vcity的灑家已幫襯了好幾次，但晚飯還是第一次! 這天到機場接回遊埠回港的媽媽，回家放下行李直接到樓下灑家晚膳. 由於只是6時左右，不用等位已可入座，而且還要是餐廳僅有的卡座，2人安坐舒適的皮坐椅，太幸運了吧!晚市二人套餐$219 包括時令燉湯一盅、自選小菜2款、白飯/ 白粥 &糖水，價格合理，我們也就決定點選二人套餐了. 時令燉湯一盅店員送來了一碗西洋菜湯，我想這是例湯而已. 可能我對於湯類認知不深，我沒想過有人會以沒蓋燉盅來盛着西洋菜湯說這是燉湯，哈哈!而且這2人分享的燉湯份量少得可憐，不比小飯碗大多少，一人絕對輕易KO. 媽媽知我愛喝湯，讓我一人喝罷. 我只可以說，湯夠熱，內有少量西洋菜，不會太鹹，是水準一般的例湯. 美極魚腩煲以瓦煲盛着的魚腩熱度足夠，還滋滋作響，香氣撲鼻，魚皮香脆內裡嫩滑，是令人回味的一道小菜.魚香茄子煲茄子已預先去了皮，入口軟身，不過實在連丁點鹹魚的方塊也吃不到，究竟廚房是否忘了下鹹魚呀? 我只吃到以肉碎& 茄子來煮的茄仔煲，魚香失蹤了!!!白飯成座小山般大的白飯讓午飯都沒吃的我飽到上心口. 紅豆沙半滿的紅豆沙熱度不夠，而且內裡水多豆少，且甜得過份，吃

除了粥麵和點心外，屯門V City的這家分店，更有燒味供應，選擇多樣化，對於食客而言，是喜訊。人未齊，但肚皮已在打豉，先來份灼牛肉，同埋豬潤頂頂肚。牛肉嫩滑之餘，質感也沒有太假，豬潤爽脆，沒異味，沾上帶微辣的豉油，是個好開始。既然呢度有燒味，自然唔可以錯過，就一客燒味拼盤。燒腩仔皮脆，燒鴨甘香，叉燒沒有硬柴柴，大致達標。同樣道理，也該試試這裡的點心，隨便的劃了一籠蝦餃。呢度既蝦餃，比坊間的迷你，但質素頗高。夾起不黏筷子，吃時當然也不黏牙，爽爽的蝦肉，味道不俗。這裡的南乳炆豬手，好像也是很不錯的，又來一客。果然，豬手皮是爽口又夠腍身，南乳味很香，好味道。一場來到，無理由唔整番碗「細蓉」。是麵條在面而雲吞墊底的傳統格式，雲吞同樣是屬細細粒容易食的那種，麵條爽身而沒有鹼水味，始終呢度既雲吞麵，點都有番咁上下既。蔡瀾先生也介紹過這集團的乾炒牛河，當然又要來一碟。的確是夠香，夠味，也不會太油，吃至尾時，碟亦唔會油光滿面，有水準的。此時，如果能有瓶正既辣椒醬，就認真無得彈。

屯門對自己來說不太近，但近年就多了機會到這邊來，其中一個最重要的原因，當然是為吃而來。今個星期天陽光普照，又有朋友開車，便跟他們過來走一走。 前一晚喝了酒，今天起來腸胃其實有點怪怪的，所以吃午餐的選擇中，放棄了一些太重口味的選擇，最後便跟友人來灑家吃午餐。坐下時還未齊人，友人便先點了小食的白灼豬潤和白灼牛肉頂肚，豬潤最早送上也一開始便放在我跟前，心想小試牛刀便吃一塊小的，豬潤吃著無渣又爽滑，入口也沒有一點腥味，不點醬油伴吃也沒問題。甲第粥是友人的心水，而另一碗放得離自己比較遠的不知是什麼粥，懶得叫人幫忙又懶得動，所以只吃了眼前的甲第粥，可這甲第粥著實不錯，內臟處理得好又沒有煮過頭而太熟太老，入口也沒一點腥臭，粥也算夠綿，本來想試一試其他粥品，最後也只吃了這個。接著的是燒味併盤，吃了點粥胃口打開一點便淺嚐一些，燒肉看似有點硬，吃著又沒有這問題，且燒肉的皮是脆口的，而我吃的那塊叉燒，其實是碟中最後的一塊，叉燒夠蜜香有肉味，只是比較瘦一點，因為肥美的都已在其他人的肚中。不知這裡原來也有點心，侍應送上時才知道友人點了蝦餃來吃，在粥麵店吃點心是沒舍期望，但夾起便見到它的皮既不厚，也不是一夾即散的

vcity由開業到現在，都有個奇怪的現象，除了飲茶要等位，就是日本菜要等位，其他大多都等一陣就入得，看來屯門最缺有質素的日本餐廳；這回不吃火車壽司，來個簡便快閃Lunch，雲吞麵、白灼牛肉、叉燒包加蝦餃甚少在粥麵店吃白灼豬潤 / 滑牛，但原來簡簡單單味道又不錯，連薑絲蔥段夾起，沾些少豉油同吃，有咬口之餘又沒有過份化學的副作用，加上有青菜，不用多點油菜，下次會識叫了魚子爸的雲吞麵，原隻鮮蝦在內，小巧精緻，麵條沒有鹼水刺鼻味道，三兩下手勢就吃清光了，以$35來說，份量很慷慨了 平常我們想吃點心，都很少特地到茶樓，市廣場那邊都有些新式點心舖，但出品只是中規中矩，這裡卻有驚喜，叉燒包 [$28] 包身非常綿密，因為外邊通常會被臭粉的作用爆開得又粗又多氣孔，這裡很綿軟，餡料肥瘦均稱，調味適中 蝦餃 [$30] 這裡做的是小巧版本，外皮有彈性不糊口，紋理清晰，已是品質證明快來快吃，人一多這裡不算坐得舒服，坐中間的長檯更甚，但食物都有水準，間唔中也會來這邊食，但多會選擇平日人少的時段，這次證明了在周末peak hour，品質都沒有下降，應付得來，不收茶錢，只收加一，來得過

在apm吃過灑家印象很不錯，最近也與家人吃了屯門V city的灑家燒味小廚，食物質素很一致，而且還有燒味供應更加煞食！美麗的門面背後，店內座位不算很多，旺場時也要等位的。好在是晚我們提早到達，食客還不多；當然大家也可以下載apps預先拿票，那就可以省卻等待的時間。帶著小兄妹，首先要照顧他們的需要，一來點碗 牛肉粥 沒有錯了。這裡的粥看起來吸引力不大，但一吃下去才知米香十足又夠棉，有種令人越吃越想吃的魅力，媽媽我真想與他們爭食了！之前在apm店飲恨吃不到 鮮蝦餃 ($30)，這次終於吃到，成品又是樣子沒特別，但個子剛好一口一隻，皮薄蝦也鮮彈爽口，果然好吃！囝囝更要連吃兩隻才滿足！上回十分回味的炸醬麵 ($35)，這次也有返兜；成品份量不太大，但味道實在要好：麵絲軟硬適中兼彈牙，配上炸醬的肉絲香口美味，最妙是微辣的口味十分刺激食慾！ 不過這個小兄妹就不能吃了。豬手也是一試傾心的項目，這次貪心的要了一整份 南乳炆豬手 ($48)，豬手皮薄入味，炆得滋味豐富動人，還搭上不少正氣健康、兼吸收不少美味南乳汁的菜芯，非常滿意。也特別點了屯門獨有的 叉燒併油雞 ($98)，油雞給的是脾位，香口嫩滑，入

上網見到呢間中餐廳D食評都幾好，其實一直都想黎幫襯下試下但又冇時間，最後今日終於去到食個早餐，好耐都冇食過中式點心。灑家係V city嘅二樓，唔難搵。V city 都幾多野食，但其實多數都係西式呀日式呀咁，中式我未食過嘅得呢間。不過其實我一早就決定咗食佢，所以都冇考慮其他舖頭咁多。朋友話灑家嘅下午茶好抵食，點心又做得唔錯，雖然我而家係早餐時間食，但叫點心應該都有番咁上下水準嘅~ 我去到唔洗等位即刻就入得，坐咗係中間長枱嘅位置，舖頭唔算係太大，但裝修幾有心思，燈光足夠而且乾淨企理，座椅方面亦算舒服，我坐低咗跟住就有WAITRESS比咗餐牌我，同埋幫我倒咗杯熱茶。我叫咗春卷同牛肉球，好耐冇食哈哈！過咗一陣D野食就到咗，個春卷來到先，我叫呢個係羅漢齋春卷，食落脆身，應該唔係已經炸咗好耐個D，而之後個牛肉球就熱辣辣啱啱蒸好咁上，望落肉質偏粉紅色，唔似有時食到個D啡啡黑黑，有少少蔥粒，食落爽口，因為有幾多嘅馬碲粒，同埋咬落肉質不錯，有D彈牙再加上爽口嘅馬碲粒，整體都好食，牛肉味算重，幾新鮮。

雖然住係屯門，但一直食媽子愛心晚餐，今日大早就出咗去，就好罕有地同老豆一齊去咗V CITY行個轉順便食埋晏。我平時其實就鍾意食西餐多D嘅，但我老豆鍾意食中餐，最後就入咗V CITY呢間食中菜嘅灑家燒味小廚。雖然佢就有D二人套餐呀小菜套餐嘅，但我想食炒貴刁同醉雞，就單叫黎試。貴刁黎到，睇落算大碟，顏色亦十分之黃(識食一定知愈黃愈掂)！入面D料真係幾足，有三色椒絲啦，蛋絲啦，肉絲啦，芽菜啦，同蝦肉！比較有驚喜嘅仲有佢加咗D酸菜絲入去，整體味道唔錯，雖然係辣但係又唔會誇張到得個辣字冇晒其他味，同埋碟野黎到真係好鬼香......而碟醉雞都幾好味，我地叫咗半隻，雖然睇落好似好寡好似白切雞咁，佢其實食落味道唔單調，而且佢最好就係夠晒凍，酒味好香濃，食落仲有陣陣嘅花椒味，雞肉唔鞋口而且唔算多肥，每件切嘅大細都恰到好處，起碼岩我放入口又唔會太大件 (之前食過某D餐廳切到一件大一件細咁唔知想點，真心嬲！)最後再飲埋N杯熱茶，正呀！老豆番到屋企同我講話下次再同我去食喎！睇黎佢都好滿意哈哈！

屯門比以前改變好大,陸續開了新商場，VCITY是其中一個新商場，已經不箅新商場，VCITY開了3年時間，VCITY内食店光顧幾間,今日去了VCITY灑家吃下午茶，上年去過1次,當時覺得味道太咸，之後冇去過了，最近看食評話它的下午茶好抵，今日去了VCITY灑家,灑家不用排隊等位.我入座之後有店員俾餐牌，我點了煎蘿蔔糕同九菜餃(40元),飮品揀了豆漿，服務都OK,環境都不錯，點心估唔到又幾好味 ，整體幾好食物水準煎蘿蔔糕，十分香口，煎得剛剛好，我覺得幾好味,蘿蔔糕内有好多蘿蔔絲，又不會太多油九菜餃,有4隻，味道幾好,仲好熱豆漿，豆漿味較淡，只是一般服務我覺得一般，由我入座之後好快有店員來寫野環境地方適中，座位十分舒適價錢17-50元左右，今次叫了40元下午茶餐，尚算抵吃番吃下午茶時間可以再來

因為工作關係, 今日入左屯門個邊, 三點幾四點都過晒Lunch Time, 今晚又約左班FD食放題, 梗係留肚唔食咁多野啦。 最後經過Vcity, 雖然呢間野話係燒味小廚, 但我見佢有點心Tea, 就入左去坐低。Tea Time點心都有幾樣可以揀, 為左貫徹我唔食煎炸食物既信念, 我揀既兩樣都係蒸點,黃金流沙飽同馬拉糕, 飲品跟柚子蜜。個馬拉糕食落唔會過甜,睇到係好平均既一層層! 流沙飽不得不讚, 一meet開好似水咁流出黎, 甜度適中, 超級意外!為左個奶黃飽我實會再幫襯

嗲哋之前講左幾次話要來試呢間野, 今日終於抽到時間同佢來喇! 都有一段時間無同嗲哋食過飯, 所以今次就就下佢食中式菜啦! 嗲哋話見佢D燒腩仔好似好好食, 所以一定要試咁話喎! 之後佢仲點左乾炒牛河同一個一人份煲仔飯兩個人share食。燒腩仔唔係熱辣辣的, 係室溫, 但係見到佢個皮金黃色又好似好脆卜卜咁。碟乾炒牛河都唔錯, 平時有時食完碟河粉, 碟底會有一層油的, 呢碟岩岩好, 同埋牛肉唔難咬, 河粉都無黏埋一大舊咁!嗲哋之前講左幾次話要來試呢間野, 今日終於抽到時間同佢來喇! 都有一段時間無同嗲哋食過飯, 所以今次就就下佢食中式菜啦! 嗲哋話見佢D燒腩仔好似好好食, 所以一定要試咁話喎! 之後佢仲點左乾炒牛河同一個一人份煲仔飯兩個人share食。燒腩仔唔係熱辣辣的, 係室溫, 但係見到佢個皮金黃色又好似好脆卜卜咁。碟乾炒牛河都唔錯, 平時有時食完碟河粉, 碟底會有一層油的, 呢碟岩岩好, 同埋牛肉唔難咬, 河粉都無黏埋一大舊咁!

姍姗來遲的灑家，由Vcity開業至今一直只聞樓梯響，到近日才正式開業。一直對其興趣不大，直至有天老公説它的下午茶十分抵食之餘味道也不錯，於是便趁週六下午茶時段便來試試吧 !位處Vcity 2樓，此層有Toast box及越悦走中低價路線搶灘，除羅麥記，牛角外，如果價格稍貴都好難做得住，而灑家價格與羅麥記相若，下午茶甚便宜，策略正確。侍應安排我們坐窗前的位置，這邊是舒適的沙發卡座，位子十分寬敞。整店以橙、黃為主調，配上鮮明的圖案，感覺舒適。下午茶套餐由$17至$45不等，奉送柚子蜜或豆漿(冷熱均可)，平日由2:30至5:30供應，星期六、日則在3:00-5:00供應。款式十分多元化，粥粉麵飯，也可自選點心。燒鵝瀨粉($45) 雖是下午茶餐也不馬虎，湯底是無味精大地魚湯，加上燒鵝的肉汁，令瀨粉美味非常，可美中不足的是瀨粉零零碎碎的，口感差了點。燒鵝取鵝翼位置，皮脆肉嫩有鵝香，$45實在是十分抵食。翡翠菜苗餃．鼓汁鳳爪($40)廚師在開放廚房做點心的過程一覽無遺，足証這兒的點心是即叫即制的!豉汁鳳爪不會水汪汪的，醬汁濃甜，可惜這兒的鳳爪偏爽身，並不是我杯茶。反而翡翠菜苗餃的清新更令人驚喜，手

行過V CITY, 見到呢間新開既餐廳,　我就走左入去坐低睇, 佢比我第一個感覺係 : 餐廳入面D待應都幾後生,　個環境都幾MODERN, 但估唔到三四點下午茶時段中菜餐廳都會咁多人入黎食。雖然唔係要等先入得去, 但係都坐左幾堆人既枱係度食野。 下午茶時段梗係叫下午茶先岩啦, 我就叫左個點心,跟SET有得跟埋杯豆漿, 但我叫左個柚子蜜飲。相入面呢個正方形食物好似叫千層馬拉榚, 我都好耐都冇食過所以見到有叫左個黎試下! 佢應該係岩岩蒸好就拎過黎我枱比我, 餐廳仲會切好埋方便客人進食, 千層馬拉榚比我感覺好熱食落去好鬆軟夾落去唔會碎開哂, 佢又唔係食落好甜, 同埋張相可能睇唔到, 但係佢其實係層層分明, 咁樣一SET只係20蚊, 下午茶黎講算OK!三四點下午茶時段行街行到累！！

這幾天出奇的早回到屯門。先吃個飯再去接寶貝吧。很久沒有去過灑家，也沒吃過它的燒味飯，試試看吧。怎知，竟然中伏。今晚客人不多，但侍應比人感覺好似「掛住玩」。叫了一客燒腩仔飯 ($42)。食物很快上桌。不過老實說，很難吃。飯菜份量雖足夠，但熱度不足; 燒腩仔皮淋且有點焦，沒有鹹香的味道，如不點附上的芥辣，根本吃不下去。正確的說，做得比樓上利小館更差。這樣的價錢還要加一，我寧願去太興吃。如有機會再來，還是叫回點心、麵食等會比較「安全」。