McSorley's Brewhouse & Grill (Closed)

同朋友慶祝生日，有人推介嚟依度食餐飽飲餐飽！的確無令大家失望，地點就腳，九龍站一岀上平台就到！第一次上嚟依層，原來都幾多選擇，人流唔算多，有户外座位，非常適合依家秋意既天氣！講返d食物: 斧頭扒 (1.2kg) 好正，人多先好叫，太巨型了！叫咗Medium Rare, 算啱啱好，如果叫Medium 外面可能會太熟了！塊扒太厚了！Oyster: FreshFish & Chips: 不過不失 (薯條正)海鮮意粉: Yummy意粉硬度適中 (忘記影相)特別回味: Hot Chocolate Cake (好好味，混埋Vanilla雪糕，中和返個甜度，正正正😋)



煙三文魚羊奶芝士配酵母包$152
一睇見個餐牌，就比佢個賣相吸引左，以肥嫩煙三文魚配上吐司款酵母包，
煙三文魚口感肥美啖啖肉，加上微咸既羊奶芝士，多種口感層次，而個酵母包份外好鬆脆！慢煮紅酒牛面頰肉$228
以慢煮形式烹製，肉質比想像中煙韌，淡淡牛味唔會比醬汁掩蓋，配上香濃軟滑薯蓉，香口而充滿奶香味，可以話愈食愈過癮！Blackberry Lemon Squash $70
朋友嗌左杯Blackberry Lemon Squash，對比之下我比較中意佢果杯，清香得黎唔會好甜，係淡淡野莓果香～Strawberry & Passion Fruit $70
味道同朋友都一致認為好似Fruit Punch，但熱情果個味就再出啲，味道個人認為偏甜左啲。香焗芝士通心粉$68
眼看份量唔多，但食落先知好飽足！通心粉配上忌廉＋芝士，非常邪惡又吸引，通心粉好Q彈，口感濃稠而又想一食再食！紅魔鬼絲絨蛋糕拖肥醬$88
外表吸引夠殺食，食完咁豐富既一餐點都要嗌一份甜品作完美句號～MENU

雖然香港曾經是英國殖民地，英國菜於香港不太流行，更何況是英倫三島的愛爾蘭菜。愛爾蘭菜感覺上應該與蘇格蘭菜及英國菜差不多，煮法比較樸實，與花俏的歐洲菜屬不同類型。圓方平台有好幾間酒吧餐廳，入夜後較多外藉人士在室外乘涼喝酒。McSorley's分上下兩層，上層為用膳區，少了下層酒吧區電視播上足球比賽的聲浪。蘋果冰茶餐廳不包免費飲用水，既然如此，還是叫點飲品較化算。蘋果冰茶以紅茶為底茶，加上馥郁香甜的蘋果汁，香醇中帶清新果香味。白酒煮青口澳洲藍青口份量有半公斤之多，二人共享足夠有餘。藍青口軟嫩多汁，白酒牛油蒜蓉汁香濃惹味，兩片麵包經過烘焗，點上青口醬汁精華同食，十分滋味。煙燻雞肉牛油果沙律雞肉拆絲帶有淡淡煙燻味，配上豐盈牛油果及新鮮爽脆雜菜沙律，感覺很健康很清新。美國重量級戰斧豚肉扒 斧頭扒以牛扒居多，原來豬扒亦有斧頭扒。斧頭豬扒件頭較細，更合二人享用。斧頭豬扒件頭肉味濃郁、口感豐盈，配上的醬汁略酸，中和肉類豐厚感。配菜連皮粗薯條外脆內軟，熱辣香脆可口，點上茄汁味道一流。

放工想約老友出黎飲下酒和同鋸下排，就簡左呢間方便又高級嘅餐廳。當日六點嚟到已經坐滿左好多上班族喺門口飲酒食小食，由於我嗰日係食正餐我就比職員帶咗上二樓一個環境十分之適合約會嘅地方食晚餐。由於得兩個人我哋就係叫咗一個沙律同兩個主食分別係大蝦芒果沙律($168)、一杯Erdinger啤酒($40)、德國脆皮豬手($248)同埋斧頭豬扒($268)。呢一個沙律比我好大嘅驚喜，因為佢唔單止有好多隻大蝦，而且芒果十分新鮮食落十分開胃好適合做前菜，上菜速度亦都十分快，我哋唔需要等待好耐已經有嘢食。而係兩個主食方面，佢俾我哋選擇要薯條或者薯蓉。由於我哋覺得嗰日都有少少熱氣所以我哋兩個都要咗薯蓉，薯蓉食落十分之滑而且有牛油味，份量亦都十分多，兩個男人食都好飽肚。而係德國豬手方面，呢隻豬手亦都做到外皮脆而肉汁多嘅感覺配上啤酒食十分之惹味。塊斧頭豬扒職員話需時30分鐘左右，但係由於我六點嚟到當時室內冇乜客人只需要10幾分鐘就有得食，斧頭扒肉嫩多汁配BBQ醬令我覺得比牛扒更好食，份量又大，食肉獸必定啱食。總括來講呢一餐只係需要$800左右，而且呢一間餐廳係唔同嘅時候都會不同優惠同埋時令菜式能夠比客人新鮮感，

呢間環境優雅，如果情侶黎可以坐戶外對住個civic square感覺幾浪漫，同朋友黎可以chill下吹下水。初時睇落場地細細地，戶外有幾張枱，室內大少少，但原來可以上多層地方大啲。我哋兩個叫咗一個前菜、兩個主菜、同一個甜品。前菜係煙三文魚及羊奶芝士配酵母包，主菜分別係香蒜牛油野生虎蝦同慢煮紅酒牛頰肉﹐而甜品係紅魔鬼絲絨蛋糕。以上都係招牌菜 (signature dishes)，話哂大鄉里第一次黎。然而我幾驚喜係佢菜單有不含麩質菜式(gluten-free dishes)，對於一啲重視健康嘅人係好貼心嘅做法，我好少見餐廳咁講究！前菜煙三文魚及羊奶芝士配酵母包食落好新鮮又開胃。主菜慢煮紅酒牛頰肉感覺好特別，啲牛肉好鬆軟入口即溶。另一個香蒜牛油野生虎蝦啲蝦好鮮甜真係一番！而個薯蓉隔左一段時間仲係熱。至於甜品紅魔鬼絲絨蛋糕有好幾層，啲士多啤梨味唔錯。有樣要注意係主菜預設係薯蓉，如果想食薯條記得同侍應講，唔係就會好似我哋咁。😂😂總結黎講食物質素高水準，環境佳，唔算多人，讚！

今日慶祝週年紀念，男朋友帶咗我去圓方食豪Ｄ，我都係第一次黎呢個3樓平台用餐。睇到　menu 我又覺得價錢好合理，飲品同食物都同大部份餐廳差不多。唔會因為地點而收太貴。環境大，枱嘅空間亦好寛闊，餐廳仲做緊十月啤酒節主打，就係豬手，德國腸同　pretzels！pretzels　係類似面包，但中間打咗結咁，而餐廳仲為客人提供呢幾款食物加啤酒作為一個套餐。pretzels 第一個上枱，熱辣辣又好軟身，最重要係唔會太咸，出面食過又硬又超級多鹽嘅！之後到青口上枱，不禁嚇了一跳，份量很大，好抵吃！仲有兩片多士比客人點青口白汁吃。白汁同樣唔會過咸，帶點酒味！炸魚薯條同樣份量大，有3塊魚柳，炸份不會過厚，皮亦很脆。最後到甜品時間，其實有兩款都想試，不過最後都揀了蘋果撻，好多蘋果肉在裡面，配上雪糕，為完美晚飯劃上句號。要大贊嘅係餐廳服務，侍應都耐心介紹又面帶笑容，期待下次　encore!

今日難得放工有時間就搵地方食下飯飲吓嘢，relax 下。最後揀咗呢間，貪佢唔係市中心，可以靜靜地，傾吓偈。我地坐留上卡位，好舒服，望出去好開揚。餐廳燈光亦好有情調因為咁啱啤酒節所以有D香腸同beer 嘅combo 揀，另外仲有豬手，有埋杯酒，價錢reasonable 小食我地叫咗crab cake, 炸皮香脆，有好多蟹肉，好味😋叫咗個soup of the day, 係菜湯，味道好好，唔怕太咸or 太酸主菜叫咗US Tomahawk pork chop, 雖然嚟到冇想像中咁大，但肉質好好，好嫰，唔怕硬，面頭係BBQ sauce , 帶少少酸味。mashed potatoes 好滑仲有Cumberland pinwheel sausage, 肉質實實地，最好就係唔會食到有好多肥膏咁。送酒一流食完仲送咗兩張coupons 俾我地今晚食得好開心，食物質素好之餘，環境亦好好

Today is my husband's big day, we want to have fun and eat outside to temporarily forget the sorrow recently in HK...I picked Elements because there is 4 hours' free parking for spending $400.We arrived at the restaurant at around 5:30 and this place is already half full. We ordered Pork Chop and an Angus beef burger as our main dishes.For both main dishes, we ordered medium. Yes, for the pork chop as well. Because of its quality, you don't need to have it well done. The pork chop was just per

.圓方除左有高級住宅區·商場之外🕋因為呢頭有好多唔同國藉既人👩🏻‍🦰👨🏻‍🦰👱🏻‍♀️👱🏻‍♂️所以會有好多唔同國家菜式既餐廳🍴.McSorley's Brewhouse & Grill呢間餐廳主打愛爾蘭菜🇮🇪真係聽都未聽過🤣但睇左menu其實同一般西餐差不多🙈.餐廳有2層下層似酒吧·上層係餐廳🍴環境好好...✨另外侍應都係外國人👱🏻‍♀️👱🏻‍♂️有重去左外國既感覺🤩.今餐無叫到酒同飲品🍹叫左still water都會收返$10一小枝...大約2杯左右🥃大家可以參考一下😊.-SEA SALT& BLACK PEPPER CALAMARI(YUzu & Lemon Aioli) $148點左款小食-海鹽黑椒酥炸魷魚(柚子檸檬醬)🦑食落味道好似椒鹽鮮魷..但唔知係唔係魷魚切到一條條..令到口感變到好軟🙈一咬就斷·唔係屬於好彈牙個種😆但加上少少青檸汁配埋醬會好解膩😋.-U.S PRIME RIB EYE 12oz $428美國頂級肉眼扒12安士(medium)不得不說🤭牛扒上既黑松露牛油太太太香了🍄慢慢溶化配上調味得好好既牛扒味道真係難以忘懷🤤可惜當日牛扒肉質好鬆散..唔同嫩到一切就得而係好易散開

之前呢間餐廳係grand Central，依家係mcsorley，裝修冇乜點改，食過好多好多好多次了！我覺得佢價錢唔係太貴亦公道，經常有唔同promotions 令客人覚得抵咗🤪 (詳細可以睇佢哋fb 或者問問d staff when book)!食物都中規中矩！夠熱！基本上wine. 小食，salad 主菜，seafood. Steak. Burger. Dessert 都吃過有待改善，如果dessert 多啲選擇會開心一點!Burger n steak 都值得order. 覺得同朋友嚟傾計吹水都係開心嘅服務一般

黎依度食飯果日係happy friday ，食客主要都係黎飲杯啤酒，所以餐廳飯枱果邊有5成空位。叫左一杯好似fruit punch既飲品，因為我好中意飲甜野，所以幾中意依杯野飲，好似係橙同士多啤梨。Seafood platter擺盤好靚，用煙三文魚砌成既玫瑰花賣相吸引，醃得唔算太咸，d肉唔係梅同好稔果隻。蠔有4隻，2個品種，都新鮮。蟹腳鮮甜，唔會得一d海水味既死咸，好食過自助餐任拎果d。龍蝦有好多蝦膏，都好好味。另外叫左個蝦意粉，蝦都幾彈牙，個sauce辣辣地，調味特別。朋友叫左apple crumble ，我本身唔同意玉桂粉，所以唔評論依個甜品。我果個warm chocolate cake上面雪糕溶得好快，溶埋變咗一pat嘢就唔好食，要食快d，真係好甜，可能2，3個人試下會好d。

九月尾聲，同d舊同事食飯。今晚揀咗圓方豪宅園內的餐廳，食美國菜。 本人對Li 餐冇期望，志在聚舊傾偈。琴晚飲嘢只有happy hour offer因為假日前夕，平日有買1送1，我叫咗杯德國🍺解渴。 跟住嗌嘢食，menu 跟其他美國菜餐廳差不多，我倆個朋友都食烤虎蝦，都好大隻兩個都話好食。。。吖！。。我哋share 咗個牛油果雞沙律🥑同菜都好新鮮size 好大😁。 我就因為好肚餓食咗個BBQ 豬仔骨🍖🍖，又估唔到咁好食，個醬我鐘意，啲排骨燒得啱啱好，又香又腍又juicy 😋😋😋,一個人食晒都唔覺膩👍。 最後薯條都掃晒都米話唔驚😁😁 。

生活需要儀式感，用心對待生活中那些看似平凡的小事。餐廳分為兩層，地鋪有球賽直播 主要係For飲酒傾計，上層環境氣氛唔錯亦有卡位提供 主要For主食、西餐為首。餐廳主打愛爾蘭🇮🇪/美國🇺🇸菜，由海鮮到扒類、漢堡包、意粉、甜品，都有提供。🍫【Our Legendary Hot Chocolate Cake招牌香濃朱古力蛋糕$88】熱烘烘端上嘅朱古力蛋糕外層微脆，口感紮實似”心太軟”，切開後流出大量朱古力醬，加上熱力令朱古力味更顯香濃突出。配上香滑嘅雲呢嗱雪糕、可以平衡朱古力嘅甜膩；一熱一冷，簡直係雙重享受。🥔【Grilled Cumberland Pinwheel Sausage香烤金佰倫腸卷$148】咬入口充滿肉汁，非常Juicy；配合酸菜、甜芥末漿，以及烤薯作伴碟。

之前見好多人都介紹話呢度個朱古力甜品好好食，所以今晚專登來試吓😍咁啱今日有Super Monday主菜一送一優惠，指定嘅主菜都可以買一送一，揀咗個牛面頰，牛肉質感夠林但又有啲口感，配埋佢嗰個濃郁酸酸地嘅醬都幾好食😋～不過始終都係鍾意牛扒嘅口感多啲～另外叫咗個我見好多人推介嘅海鮮扁意粉，佢個汁好特別係紅椒汁，好creamy好濃郁,上面嘅蝦同埋青口都好新鮮，整體都好好食!🤤Side dish 叫咗個巴馬臣芝士炸薯條，呢個好好食呀炸得好香，食到停唔到！🤤終於到我期待嘅甜品時間啦😍終於試到佢個hot chocolate cake😍😆估唔到真係好好食！🤤熱辣辣濃郁嘅朱古力蛋糕，裏面全部都係熱溶咗嘅朱古力醬，上面伴上一球雲呢拿雪糕，成件事真係超滿足！🤤☺️雖然真係極之邪惡但係真係超好味，完全滿足晒朱古力fans！🤣最鍾意佢食到最尾嗰啖都係熱辣辣，呢個甜品食完真係會好幸福☺️可惜buy 1get 1嘅優惠裏面冇得揀牛扒🙁，下次搵次一定要黎試吓佢啲扒先得！

喜歡九龍站平台的環境, 大部份也有OUTDOOR 及INDOOR 的位置, 這餐廳亦不例外, 2層高, 我們在2樓坐近落地玻璃旁的卡位, 很舒適, 點了露筍, 試了原味, 新鮮及嫰, 很怕老筍, 吃上去有渣的, 另點盬也不錯, 還ORDER了BURGER, 肉質一般般, 不過旁邊的薯條就不錯, 個人較喜歡粗薯