肉餅哥小炒料理 (Closed)

終於，不用排隊就食到啦！叫了原隻龍蝦肉餅和足三雨花膠肉餅！只能說，未食，已被吸引！花膠除了厚實外，又大塊，十分抵食！越咬越食到花膠味！如果腍些就更易入口！而龍蝦🦞咬落去，除鮮香外，肉質頗彈牙！不過，最好味道的仍是其招牌———肉餅，沒有肉腥味，肉質彈牙又多汁，還有一些爽脆的馬蹄粒，真是一絕！而菜飯和油飯也不差，保持水準！值得一讚！

今日係荃灣見到一間專食特色肉餅嘅餐廳，見唔洗等位於是入去試一試。一坐低服務員姐姐就攞兩碗湯比我哋飲，碗湯好夠味，都好有老火湯嘅感覺😚我叫咗金沙煎肉餅配菜飯，老公就叫咗雙腸蒸肉飯配白飯。首先講吓我個金沙煎肉餅，金沙就係指咸蛋旦，炒得好香🤩個肉餅煎得岩岩好，唔乾好有肉汁，送飯簡直一流🤤🤤老公嗰個雙腸蒸肉餅，雙腸即係臘腸加潤腸，我本身唔好潤腸所以無試，不過老公話呢個雖然比較普通無咩特別，但勝在有家嘅味道😂😂

今日尼到荃灣～本來都諗唔到食乜～朋友忽然話想食肉餅，跟住就嚟咗肉餅哥啦！估唔到有一間餐廳淨係做肉餅其他乜餸都冇架，只有少量嘅小食，不過一睇餐牌～嘩⋯⋯肉餅嘅款式多到你唔信從來冇諗過可以咁樣整嘅肉餅我喺呢度都見到😻😻不過價錢來講佢就唔係話特別平一入嚟搵位坐低開頭都唔係咁多人呢間鋪越夜越精彩，越夜越多人！坐低左之後即刻有服務員拎碗湯過嚟俾你飲啖先，飲第一啖好好飲呀😻好鮮味不過唔知係咪味精湯我就飲唔出啦！我哋有三個人一人叫咗一個肉餅兩款蒸一款煎金沙煎肉餅～金沙超香肉餅唔會煎到乾，而且超大份菜飯好大碗肉餅亦都好大舊雙腸蒸肉餅加油飯，呢個就冇乜特別不過兩條腸都好好食，蒸既肉餅又一滋味🤭🤭家鄉蒸肉餅，呢個超級推薦入邊有冬菇同埋沙角有咬口之餘仲好多汁超好食小食有呢個芝士薯波，冇醬汁點就咁食有啲dry~ 不過個湯就好好飲我飲晒一間淨係做肉餅都咁多人幫襯嘅鋪頭就知佢啲肉餅有幾出色啦👍🏻👍🏻👏🏻👏🏻

食物一般都以色香味美為主要，但呢間舖仲有視聽，因為佢播嘅歌好多00年代耳熟能詳，而侍應又靚仔靚女，裝修不奢華但貼地夠民間，你會有享受嘅感覺，食品創新好味，我本身未黎之前覺得得肉餅太單調想唔黎，但食落非常好味，已經係第二次黎至寫呢編文問

好耐無入過荃灣搵食，今日去開嗰頭緊係要搵下肉餅哥啦！佢有超多款肉餅俾你揀！真係花多眼亂！有選擇困難嘅我最後叫咗流心芝士肉餅飯，仲轉埋做菜飯，健康d😂原來芝士同肉餅又幾夾㗎喎！不過流心效果唔算好勁同埋食得多有d膩，下次要搵埋朋友嚟一齊share

老公一直提著好好吃的肉餅哥，今天終於可以一試。老公點了秘制金沙蛋王肉餅。好邪惡，但是蛋王的香味，加上非常流沙。減肥？吃完再減吧！我點了墨汁魷魚肉餅，算是中西合璧吧！味道不錯，但是沒什麼驚喜！要一提，一坐下就奉上的熱湯，超級好喝！如果在冬天，應該會更加分。今天遇上了小插曲，有食客居然為了單子上的$2優惠跟店員吵起來，還要報警。我應同單子上的優惠字眼有灰色地帶，但是要驚動警方，也是太浪費警力。其實店員的態度蠻算不錯，這也太小題大做了耶！

今日去荃灣行街，咁啱經過這一間店，就決定入試下，可能係中午2點半左右，過咗午飯時間，所以不是太多人，而且餐廳的裝修都幾年輕，不像我們平時吃肉餅飯的茶餐廳裝修，一入到去，店員就拎了二碗熱騰騰的老火湯給我們，味道不錯而且很夠熱，之後我和朋友就各點了一個套餐，分別係金沙蛋黃煎肉餅和墨汁魷魚煎肉餅，大約過15分鐘食物就到，墨汁魷魚肉餅的味道比較普通，反而蛋黃肉餅的味道比較驚喜，但是相反就比較滯，而且因為煎的關係所以肉餅都比較油，不過間唔中吃的話還是可以接受。

與友人行開荃灣， 佢地話不如試下《肉餅哥》 ，我地呢班食肉獸梗係叫好啦！一坐底 店員就比左碗老火靚湯我地飲之後我地睇下個menu呢度既肉餅配搭真係千變萬化，我就揀左個墨汁魷魚肉餅飯！ 期待已久既肉餅終於到，呢個肉餅係煎既，所以有陣焦焦既香味同埋咬落去好脆，而肉餅入面都有細細粒既墨魚， 咬落幾有口感，同好重墨魚味而我朋友就叫左個芫茜肉餅飯， 如果你係一個極度鐘意莞茜既人 你一定要試！肉餅上面放左好多莞茜，而肉餅入面都有陣好重既莞茜味，令人胃口大開！最後肉餅仲可以配 白飯、辛辣面、粥等等真係隨你個人喜好配出唔同肉餅既配搭！

成日聽朋友講有間餐廳專食肉餅 終於搵到機會試下 餐牌有各式各樣的肉餅 蒸嘅煎嘅傳統或創新口味都有 剩係揀食咩都用左10分鐘 完全係花多眼亂😛😛.金沙蛋黃肉餅 招牌推介之一肉餅完全被咸蛋黃醬覆蓋 聞落好香咸蛋味食落咸蛋味更加濃烈 完全係前排好hit咸蛋魚片嘅味好驚訝調配到禁濃縮的味道 每一啖都有咸蛋黃粉粉地嘅口感 😳.流心芝士肉餅 呢個都係招牌之一雙重芝士效果 除左面嗰層芝士中間仲有流心芝士芝士迷必食 雙重芝士令口感提升 超幸福呀😍肉餅肥瘦適中 配上咸香芝士好夾.另外仲叫左個招牌小食 芝士炸薯波本身我地以為係薯泥再包流心芝士點知一咬 入面係薯粒 口感同味道都似M記薯餅芝士唔係流心 係一隻偏咸的芝士 唔知點解覺得有少少怪 唔太值得一試 .兩款肉餅都係食左1/3就已經好濟同埋太油 同埋會有少少章住喉嚨嘅感覺 要飲啖水再食🤢味道的確係好強烈同驚喜 但始終敵唔過食材本身的弊處 😔

今天和朋友山長水遠來到這裡，吃的竟然是肉餅飯！坦白說，肉餅對我來說一直都是媽媽住家飯才會吃的菜，在外吃飯，基本上我都不會點，但今次在朋友的千排萬選下，來到這家肉餅專門店，讓我嘗試一下傳統以外的肉餅。這裡的肉餅大致可分為傳統和創意肉餅兩款，款式很多元化，有蒸的也有煎的，材料配搭也很創新，龍蝦和臘腸都可以做肉餅，而我一場來到，當然是要點有特式的煎肉餅，點了個墨汁魷魚煎肉餅和流沙咸蛋煎肉餅(確實的名字忘記了)。侍應哥哥很好，點餐時已先為你送上例湯，因為是即叫即煎的，所以點餐後要等大約十分鐘。不過這個時刻喝個老火湯是很適合約，因為湯送上時非常夠熱，是紅蘿蔔冬瓜湯，完全不油膩，連不喜歡喝湯的我都全碗喝光。喝完湯，肉餅飯便送到，賣相很吸引，我兩款肉餅都有食過，完全沒有媽媽飯的感覺，但本人覺得流沙蛋黃較好味，有香濃的咸蛋黃味，流沙汁更可拌飯吃，而肉餅外微脆內軟，所以整體來說很讚！至於墨汁魷魚其實也很不錯，但可能是用鮮魷，所以沒有很香的，如改用土魷或或會不錯。整體份量很足，男生也很夠食，加凍飲兩杯，二人合共$131，算很花算，希望將來港島區都有分店吧！

之前聽朋友講話呢間鋪頭啲肉餅好特別同創新，開頭都唔敢試。直到我男朋友都同我講話想去呢間試吓。終於去咗試，一入到去坐低已經有同事比左兩碗湯同餐牌我地。最後我地係叫左一個沙爹牛肉飯，加上本人中意食辣，所以就叫左一個麻辣香菇肉餅，之後就加多左個菜。等候嘅時間都唔洗好奈，d嘢食好快就送上。沙爹牛肉餸嘅份量少左dd，不過有d沙爹汁配飯搭夠！另外值得一讚就係個香菇肉餅正係好正，整體只係微辣，肉餅充滿麻辣嘅味道，份量都好夠。最後餐市黎講$60一個餐唔算貴！

聽聞有間叫肉餅哥話好好食平民嘢食 又唔算太貴放工同人哋去試食下叫咗兩個一個係普通嘅肉餅另一個係蛋黃肉餅 (冇影相)普通嘅餅嗰個都ok嘅冇乜特別冇話特別好食， 不過最好嘅係冇乜肥豬肉。而另外嗰個蛋黃肉餅唔錯幾有特色， 好香嘅蛋黃 不過就食到一半之後有啲滯之後仲加少少錢可以嗌多碟菜店內都唔算大一眼見曬都好多人食同埋叫外賣一坐低已經有碗例湯 畀我暖暖胃 幾好飲呀都唔太重味精味間唔中收工冇飯食都有種家嘅感覺haha..

星期天一行幾人到青衣行山，之後友人建議去荃灣看看有什麼好吃😋然後突然介紹了肉餅哥。不用排隊等候 直接入座。一坐低夥計便放低三碗例湯，然後我看着他的菜單，嘩！實在太多選擇了。我們五心兩意下，點了三個煎肉餅、一個蒸肉餅。鵝肝煎肉餅是最沒有創意的，菜飯卻不錯。蓮藕蒸肉餅香、爽！黃金（鹹蛋黃）煎肉餅好好吃，但非常邪惡！用來送粥便一流了！最後點了蝦膏蟹蓋煎肉餅 + 油飯。油飯是最失準的出品 其他都很有驚喜 每次見到創意小店又好吃都滿心歡喜！

閒日去食，不用訂座，餐廳人流不多，我地可以兩個人坐4人台，不用同人搭台食晚飯。金沙蛋黃煎肉餅 （$75）賣相一般，咸蛋比蛋汁遮蓋了。點知食落味道很不錯，肉餅煎到十分香脆，上面鋪上厚厚的蛋白蓉及汁，入口一陣陣濃口既咸蛋黃味覆蓋全口，用黎送飯一流。 仲做緊優惠加$1蚊送菜，不過菜的份量不多。原隻波士頓龍蝦剪肉餅 （$128）肉餅以煲仔飯既形式送上，上面鋪著肉餅及砌好的龍蝦樣，賣相真係好吸睛，而且可以食到龍蝦肉，肉餅亦煎得十分香脆，口感一流，不過味道一般，沒有前者出色。再試試龍蝦鉗，發現好鹹，而且肉很少，似乎只是裝飾多過食了，哈哈。總括黎講，餐廳肉餅大多好創新，價格中上，雖然龍蝦肉餅好似味道不及賣相，但咸蛋肉餅十分出色，下次有機會會試試佢既蒸肉餅。

之前聽朋友話好食，就同老公黎試下呢間肉餅哥既肉餅飯。 未叫野食侍應已放底2碗湯；我地叫左原隻波士頓龍蝦煎肉餅，金沙蛋黃煎肉餅，迷你一口炸餃子。 個湯係青紅蘿白湯，好清甜，應該無落味精；原隻波士頓龍蝦煎肉餅，賣相好吸引，d 龍蝦肉溝埋係塊肉餅裡面，但好少龍蝦肉，係得蟹鉗可拆d 肉出黎食，肉餅煎得好香口，外脆內軟，但價錢略貴。 金沙蛋黃煎肉餅，賣相都唔差，肉餅上面舖滿咸蛋黃醬加半粒咸蛋黃，撈飯食一流，味道又唔太咸。 迷你一口炸餃子，黎到都熱辣辣，餡肉都均勻, 不過不失。