岩盤牛扒ミディアムレア ステーキ (Mikiki)

Open Now

Now Closed

成日經過都聞到好大陣燒牛肉味，又好似有幾多人食就試下啦！原來呢度係無人招呼嘅，要自助揾位，落單同取餐。係個餐牌度見到櫻花丼好似幾吸引就叫黎試下。一攞到個飯眼都突埋出嚟，點解個牛肉同張相係完全唔一樣嘅！由半熟變左做全熟，見到個乾爭爭嘅樣都唔係好想食😑。食落又無牛肉味，又無乜調味，究竟我食緊啲咩。想揾下啲汁黎餸下飯又無喎，成碗飯淨係得個温泉蛋可以餸到飯。最後因為太難食，所以無食哂啲飯就放棄左啦！可能鐵板燒牛肉嘅味道正常嘅，但係櫻花丼真係千祈唔好食，同埋我都已經唔會再想黎食。

首先要在出面點餐，有不同部位的牛可以選擇：肉眼、牛柳、牛板腱、西冷、後腰三角肉，還有日本和牛的肉眼/西冷，自選部位和分量後即切則製。價錢親民，加$28 可以升級套餐任選3款飯/小食/飲品。另外還有一系列丼飯，加$15升級定食則可配兩款小食/飲料。.我們點了西冷350g +蒜油+ set (溫泉蛋、飲品、沙律）同櫻花燒牛柳丼定食（跟湯+ 飲品）。.西冷以三成熟 ”medium rare” 作烹調標準，再以石板形式出餐，大大塊牛配上分量充足的蒜油，香味四溢。切開幾份後加上石板的餘熱，就接近5成熟，西冷牛味濃郁，略有嚼勁而多汁，口感剛剛好，配蒜油令人超滿足。另外桌上還提供喜馬拉雅山岩鹽和黑椒調味。跟餐的醬汁帶柚子味，味道相當不俗，而且可以減少肥膩感。.沙律麻醬味濃郁。.溫泉蛋有蛋香濃郁而不腥，也可以拌牛扒一起吃。.櫻花丼系列標榜100%日本米、日本蛋和美國牛。牛柳和飯的份量都好多，牛柳肉質軟稔，脂肪不多；日本米飯粒軟糯。中間也埋着一隻溫泉蛋，滑溜的蛋漿拌牛柳丼一起吃很可口。味增湯內還有牛肉同紫菜。

Premium 西冷部位牛扒🐂 1g: HKD$0.55 最少叫200g🤞選擇一款油:蔥油 洋蔥油 或者蒜油加HKD$28 可以變套餐 揀3款side dish 幾特別 係counter order 之後師傅先直接cut同磅👀我order350g 比想像中厚切🤪🤪 仲有支旗仔寫好大塊扒😂😂洋蔥碎同塊牛扒幾夾 甜甜地😛一開始塊牛比較生 上面幾多血水下 但好彩個鐵板夠熱 塊牛扒會慢慢變熟 收返d血水肉質嫩滑 淋 易切💯同埋有比個汁 (日式扒汁?!) 甜甜地 可以倒埋落去 味道再豐富d😗 加28蚊配左日本蘋果汁🧃 海鹽雪糕🍨 同沙律🥗推薦雪糕 食完濃味嘅牛扒 食淡淡鹽味嘅雪糕恰到好處👍👍

今日去咗好耐都冇踏足嘅新蒲崗搵食 之前喺呢度做嘢嘅時候通常都係食茶餐廳 但係自從 mikiki樓下開咗一田之後呢就進駐咗好多新嘅食店前日打邊爐食完牛頸脊之後覺得唔係好夠喉 所以今日見到呢間牛扒店就即入呢度有肉眼 牛板腱 西冷 牛柳等等可以選擇 鍾意點幾多g悉隨專便 我揀左牛柳 跟住就係揀牛扒嘅醬汁喇 我就當然係揀蒜油啦 另外加28蚊就可以再多三樣配菜 飯 沙律 雪糕 味噌湯等等開頭我以為淨係得兩樣點知職員話仲有呢？先知有三款，＄28有三樣野都真係幾抵飲品已經放曬喺收銀機上邊 方便客人知道有啲乜嘢選擇 唔係來來去去都係汽水 我就揀咗蘋果汁呢間餐廳係自助形式需要自己出去櫃檯點餐跟住佢就會畀一個bibi機你 牛扒餐準備好就會通知你出去取餐㗎啦 大概十分鐘到就有得食喇我即刻將啲蒜蓉放曬落個底度 以免個鐵板令到我塊牛扒太快熟曬 順便亦都可以幫我整番熟啲蒜蓉無咁辛口 證明我呢個方法係可行嘅 睇下我塊牛柳幾嫩滑 再點下個醬汁 帶少少酸可以去左啲油膩感最後用完餐就自己拎返個盤去返卻口所有嘢都自助形式好方便 唔需要接觸太多人 俾呢個疫情期間都真係好緊要㗎

今日工作係新蒲崗3點幾放工天氣太熱！入左mikiki 商場行陣一田順便食個野先番屋企行左一圈，太想食肉🤤見到呢間medium rare steak 係一田旁邊 因為個門口吸引左我入去自助形式可以行去揀肉類雖然主打牛扒 但啲丼飯都好似好吸引有肉眼 牛柳 牛板腱 西冷 後腰三角肉同日本和牛揀第一次食有g數揀既牛扒(200g300g400g )揀咗300g既西冷牛配（洋蔥油）（$165）☺️加$28有得跟餐 有得自選三款配搭揀左飯，溫泉蛋，可樂😋比完錢之後，有部機等佢震動響嘅時候就可以去攞我既美食 🥰一嚟到就非常之香肉味😍牛肉大大件！熟度可以自己決定，想熟啲好似我咁就等耐啲先切😋我鍾意咁樣切好之後再點醬食😋可以就咁配洋蔥油味食都可以因個人喜好～我就鍾意溫泉蛋加落飯到再配牛肉🥰😋😋枱上有胡椒同鹽，自己可以再調味👍🏻美味的午餐，太滿足了😂上面見到大電影仲播緊奧運比賽！

自問女仔嚟講都算係大食嘅，今晚我去左呢間又靚又可以打卡又好食嘅扒房！係mikiki嘅medium rare steak ，原來仲有其他分店，吾怪得又平又正又抵食，勁飽丫！呢間大大隻牛係門面閃閃下幾靚，入面坐位都舒服，枱又大，吾覺得迫，係自助形式嘅，上前自己嗌餐，再自己留意就去拎餐，都幾方便，如果揀食雪糕，仲有雪糕紙，想食嘅時間先拎去換，我覺得幾好丫！我揀左300g嘅牛柳，1g=$0.39，所以咁大塊都係百幾蚊，仲要可以加28元就有3樣自選食物，我揀左汽水，溫泉蛋同雪糕。件扒仲可以自己揀汁，我揀了洋蔥汁，一上碟就勁香，medium rare岩岩好！超正！全部扒都係即叫即整，超好食丫！一咬入面仲好juicy，又重牛味，牛摩王嘅你一定吾好錯過，食到好飽，除左牛扒外，我下次想試下佢嘅櫻花牛丼飯，好似都吾錯！真係平靚正推介！

🐂份量任你揀石燒和牛🐂-石燒牛而家其實周圍都食到🤣，牛肉可以揀肉眼、西冷、牛柳、牛板腱、後腰三角肉、和牛，份量由200g起，佢個價錢係1g $0.36-1.4，視乎邊款肉。叫完之後會即叫即切，上枱時會係medium rare，有個石板比大家自己再加熱。-牛板腱($0.49/g)食落都係偏瘦，牛味濃但唔算韌，牛扒夠厚切開當牛肉粒咁食又得🥰。和牛($1.4/g)好薄一塊，但石板幾乎冇乜熱度因為廢事太熟，食落係嫩同牛油味好出，一貫既和牛口感啦，但本身有一大條肥邊，都幾多位唔食得🤣。另外加左$28轉套餐，其實都幾豐富，有飯有溫泉蛋有湯有醬料仲有野飲😙，實夠食既！

今晚去左mikiki行街，拍拖想鋸扒，呢間係一田旁邊嘅扒房見咁多人食，環境裝修又好靚，一定好食，果然冇錯！我食左肉眼扒300g，好大份超正，medium 岩岩好，有3個汁我揀左洋蔥汁，仲配飯有雪糕同汽水！最重要價錢平！真係平靚正丫！仲要吾洗加一！我揀嘅肉眼扒煎得好香，外脆內嫩，一切見到肉紅色就好開心，一放入囗仲好香牛味，仲好有肉汁！夾埋飯食都好好食，女仔食300g都幾飽，可以揀200g嘅，雪糕都好好食！芒果味道好香好滑，正！整體好滿意，會介紹比朋友再來。

💘Medium Rare Steak呢度嘅牛扒唔同部位有唔同價錢，全部都可以揀200g/300g/400g，牛扒嘅上面亦都可以揀配蔥/洋蔥/蒜蓉，而且跟餐只係加多$28就可以喺白飯/味增湯/沙律/雪糕/ 飲品/溫泉蛋入面任揀其中三款。個人就幾欣賞呢度食牛扒選擇嘅彈性幾高，完完全全可以根據個人喜好同埋食量去選擇！🤍西冷部位300g跟餐（$165+$28）我今次就選擇咗西冷部位，跟餐仲配咗溫泉蛋、飲品同埋雪糕，落單嘅時候佢會俾定一張雪糕卡你，等你食完嘢之後再出去換雪糕。呢塊牛扒size同塊鐵板一樣咁大，切起上黎要考少少功夫，因為佢墊咗啲粟米係底嘅關係，所以即使係鐵板佢都唔會好易燒燶，而且佢仲配咗一個大有少少柚子味嘅醬，點埋就好fresh幾好食！💰人均消費：約$200

呢間餐廳可以揀唔同種類同重量嘅肉，食幾多磅幾多，完全滿足到食肉獸🤣西冷牛扒300g $165 其實我對幾多gram係幾多冇咩概念，所以揀中間300g最穩陣🤣 原來300g都好多，塊扒大塊到成塊鐵板咁，仲好厚添🤤 牛肉用鐵板上勁有pepper lunch嘅感覺，不過今次成塊肉上，同埋冇咁油😎 加咗蒜喺上面好香，唔想加蒜都可以揀蔥或洋蔥🤣 牛肉好香油脂味，生熟控制得唔錯，唯一係塊扒有啲難切比較韌🤔加$28仲可以變套餐可以加三樣嘢，飲品啦湯啦飯啦，加雪糕都可以，滿足哂唔同人🤣

前排去左新蒲崗一田買野，之後去左附近既餐廳食石燒牛。無食一排，吾知質素有無改變到呢？所以特意再幫襯下！西冷部位(350g): 西冷部位再配合洋蔥油，洋蔥放左鐵板上，可以感受到洋蔥既香口味，同時油份適中吾會太油膩。剛取餐，切開西冷中間帶紅潤牛肉色，可知新鮮。食客可以自行燒到自己喜歡進食既程度，燒時牛肉滲出適量油份，牛脂比例正常，燒後肉質實肉，帶點彈牙！再配合餐廳所提供既燒肉汁，令味道昇華！當然西冷會帶有肥膏的。另加$28可轉套餐，三款中選了白飯、溫泉蛋、汽水。白飯飯粒軟熟，增加飽肚感。溫泉蛋好滑口。汽水可解渴。

今日難得去新蒲崗做嘢，午餐就要四圍睇下有咩好食⋯⋯炎炎夏日最緊要係冷氣足，所以就走入商場找食！去到商場發現都有好多嘢食選擇，一落扶手電梯就見到一個著晒粒的牛頭門口，好吸引我呢個牛魔王，於是去試下先！丼飯都好抵，仲有大細分，朋友叫了個雙溫泉蛋燒牛丼，跟餐加飲品和一款嘢，都係$15，都幾抵喎！我就行近佢的雪櫃時，見到雪住的牛肉，就立馬改變主意要試下鐵板牛，食幾多叫幾多，都相當好的概念，唔怕唔夠食式食唔晒，所以叫了300g，仲可以加28跟餐選3款！我叫了配蒜蓉，一拿餐時就勁香蒜蓉味！牛柳好好食，上嚟3成，之後自己要幾熟就煮幾熟，所以我喜歡5成，熱一熱就即食，配埋蒜蓉更香口！佢仲有黑椒和鹽俾你自己磨，所以想點咩食都得，可以話係貼心的！朋友的飯都好靚，牛肉都好有牛味，下次可以試吓先！呢間不錯，值得再去！

放工去新蒲崗一田掃貨, 撞正女兒放工時間, 建議係附近食埋Dinner先返屋企。揀咗一田對面嘅一間主打鐵板牛嘅餐廳, 因為呢度係自助形式, 所以要自行搵位, 再去counter落單。六款不同牛嘅部位選擇, 價錢應因重量而定價, 再自選配料同埋其中3款飲品/主食/雪糕。我揀咗350g西冷, 落order期間見到旁邊店員即時從櫃中取出一大件肉即時切割。配料選了蔥, 再揀了飯、jolly sandy+雪糕付錢後, 店員比咗個取餐提示機仔我, 返埋位等, 待機仔響就可以取餐了。西冷扒已煎成約4成熟, 再放於熱辣辣鐵板上, 用粟米粒稍稍阻隔鐵板跟扒, 避免完全貼住鐵板令扒太快熟。西冷扒有牛脂連帶, 肉質結實有彈性, 中心位還keep到嫩紅, 肉味濃郁, 配上牛肉汁, 食得滋味。最後有蜜瓜味雪糕做甜品。滿足。完成用餐後記得要自行將托盤放於托盤收集處啊~

今次黎到新蒲崗Mikiki呢邊鋸扒，位置都方便，係一田超市隔離。入店點餐已經流哂口水，因為望到好多牛肉，有肉眼，西冷，牛柳，牛板腱，和牛肉眼，後腰三角肉，見到咁多肉都好難揀。呢次我揀左西冷，嗌左300g，望到店員切左塊西冷再磅一磅佢，感覺良好。嗌餐方面，我揀左洋蔥汁，之後揀左沙律，溫泉蛋，同埋汽水。到拎餐個陣，我無比興奮，因為塊扒係大過塊鐵板，啲肉吱吱作響嘅聲音係好令人食指大動。事不宜遲，我開始切啲西冷先，真係切到好多舊，同埋裡面都夠熟，最令我驚訝係啲筋都好好食，好咬勁，而且好有西冷個種蘇味，呢種蘇味我完全接受到。溫泉蛋同沙律都好掂，最緊要係鋸扒有可樂，罐裝可樂好滴骰但好夠飲。呢間店係值得我再黎食，因為真係可以享受到鋸扒同最佳狀態咁食塊扒。

呢排番工太攰 放假決定對自己好啲 見到隻牛頭着哂燈咁架勢 決定試一試佢鋪頭入面有好多牛牛裝飾 仲有呢塊牛牛解剖圖 一對menu就知食緊邊個位 長知識呀嗌野食全自助 俾錢 拎部bib bib機 之後返去拎嘢食 食完記得放番餐盤上收餐盤車望一望張menu 有六款牛揀(肉眼、牛柳、牛板腱、西冷、後腰三角肉同日本和牛肉眼/西冷)全部用gram計 食幾多嗌幾多 唔會嘥醬料方面有三款: 蔥油、洋蔥油同蒜油仲可以加$28跟set 任選三款 自由配搭話明係對自己好啲 梗係食Premium啦我嗌咗300g後腰三角肉配蔥油($172) 而朋友就嗌左300g西冷配蒜油跟set($189) share食set揀咗白飯、麵豉湯同可樂出counter嗌 即叫即磅 師傅手起刀落 冇花冇假然後我問咗個好白痴既問題 就係問有冇得揀幾成熟店員話係鐵板上 清一色做medium rare嗰下知自己柒咗 明明人哋舖頭名都寫明係medium rare steak 岩盤牛扒 幾成熟由自己話事Bib bib bib拎餐嚕首先係朋友既西冷配蒜油朋友話西冷牛味唔算重 食落啖啖肉 連根 食既時候最好食咗厚肉嗰邊先 因為塊石好快凍配既蒜油出