岩盤牛扒ミディアムレア ステーキ (Mikiki)

Open Now

Now Closed

對於牛魔王既我黎講呢一類熱石板燒牛排都係我既最愛！不僅可以食出牛肉天然香味及感受到啖啖肉既滋味,唔需要添加額外既調味已經夠晒惹味.STEP1:牛柳 tenderloin $300g牛柳呢一個部位永遠係我既首選,基於一頭牛只有2條牛柳而且亦係牛隻身上最幼嫩的部份.牛柳特性係肉筋及肥肉非常少,不含多餘牛脂.入口帶出陣陣酥軟口感,咀嚼絕不廢勁.3成熟既牛柳放係熱板上按自己喜好加熱,切間中間滲出粉嫩細緻既肉紋及肉汁,入口香嫩細膩.充滿牛香.STEP2:配上蔥油更增加鹹香同時亦唔會搶去牛自己香味.STEP3: 加$28可以係6款中自由任選3款配搭.珍珠米飽滿,入口煙煙韌韌充滿米香.配上鹹香濃郁既麵豉湯化減肉膩感.

呢日放工之後返到屋企，唔想煮野食，就自己一個去左屋企附近呢間專門食石板燒牛肉既餐廳食dinner。見到佢既櫃入面有大大塊既牛扒，好吸引。呢度係自助點餐形式，要去櫃檯到點餐，之後再自己拎野食，食完就要記得自己放返餐盤去個托盤處到。打開餐牌，見到呢度有好多石板燒肉既選擇。除左石板燒，仲有好多款唔同既丼飯。我見到有個櫻花丼飯望落都幾吸引。就點左呢個燒西冷櫻花丼，丼飯份量適中，女仔食唔洗驚太大碗，丼飯上面有好多片牛肉，仲有我至愛既流心蛋啊。牛肉既口感非常好，夠哂嫩滑，牛肉味亦都好香濃，又juicy，正啊。食丼飯既時候將流心蛋拮穿，等啲蛋汁流落牛肉同白飯上面，撈埋一齊食，好惹味。呢度每張枱都有充電制，好貼心！

点了兩份牛柳，肉質夠淋，但肉味不夠濃郁， 鐵板嘅熱度也不是很足夠。 食了不到三分一，鐵板便變冷下來了。但價錢都尚算合理，200g的牛柳約hkd80元 另加hkd28元可添加白飯沙津飲品等。此外，也点了櫻花丼，是使用日本米和蛋，美国牛，份量適中，適合女仕享用，肉質也夠淋，賣相不錯，但味道卻一般的普通。全店自助形式 落單店員態度沒有專業服務可言，沒有笑容，没有最基本飲食服務業的礼貌，可能是公司的定位是走平價路線罷。總括而言，沒有驚喜，一試無妨。

今日同朋友去新蒲崗行街 入去到mikiki商場係LG層見到呢間自助式鐵板燒，係香港都開咗幾間分店，於是就揀咗呢間嚟食！間嘢隔離就係一田超市，好易搵到！入面要自己搵位坐，之後行去切肉區落單，周不時都會有職員黎清潔張枱，衛生程度都唔錯。佢餐牌主要有2種，一種就係食牛丼，而另一種就係自選要咩牛部位同師傅講要幾多g，即場切畀你，係你面前磅，十分均真，可以根據自己啲份量去叫。而隔離亦都有餐衣比你。我同我朋友一個揀牛柳，一個揀西冷，兩個都叫咗300g跟套餐，叫完之後佢會比個計時鐘號碼比你，當有餐果陣就會響。我朋友果個係西冷配蒜油，一黎到十分之香，職員都好細心提我地件西冷有三成熟，如果想熟啲可以煎鐵板耐啲，因人而異，西冷食到有咬口，牛味好濃郁，啖啖肉，好正😍😍😍佢個溫泉蛋都好流心，撈飯一流！而我係牛柳配蔥油，食到軟腍嫩滑，唔錯唔錯食完記得將餐盤放番好！總括而言值得一試

🍴牛柳（200g)配沙律+麵豉湯+溫泉蛋 HKD 104大大嚿新鮮牛肉 放曬係雪櫃 有多個部位可以揀🙈牛肉大部分都200g起跳 想食幾多可以自己叫👍👧🏿就叫左200g牛柳配洋蔥油🧅落完order之後 店員會即時切肉 磅重 再交入廚房略為煎一煎🔥牛扒放係熱辣辣嘅鐵板上邊 可以自己控制生熟😬係味道方面 牛柳都好淋 冇咩筋 但係牛味就略為欠奉😣食落係有肉汁 但係牛肉味一D都唔濃 不過呢個價錢要求又唔可以太高 叫做合格啦🤣

之前細個d幾次見到都覺得好吸引，但又怕貴唔敢入😩今日比男朋友拉左入去🏃🏻‍♂️，雖然間餐廳唔係特別大，但又幾多位下，而且仲係幾種位，bar 枱又有，大枱都有，分成三區，幾有格調咁😁大枱坐落夠曬舒服，主打係食🍽牛肉但係佢仲有鰻魚飯食，所以我地一人一款牛扒個份揀左一set，要可樂，飯同溫泉蛋。🍚🍚飯唔大，但溝埋個溫泉蛋份量就好match 唔會過多過少🥚🥚🥤🥤可樂係mini version, 岩曬我e d 貪吃飲唔多但又想飲嘅人🙈🙈🙈🙈講番正題牛🐂專登揀冇咁肥嘅，食到有咬口，夠juicy上面嘅蒜香加埋個燒汁好唔錯。男朋友話如果想熟d 要早d 襯仲熱跟個陣砌小塊燒熟d😆😆😆🐟鰻魚飯嘅飯量相比之下就多好多了，汁量都隨之增加，食到最底都有味，唔會變左食白飯（依點對我黎講真係好重要）個汁調得好味，鰻魚嘅份量都可觀架，感覺幾抵食

上星期去左新蒲崗MIKIKI既牛扒食燒牛扒，好開心近近地開左一間，所以特意去食！！！餐廳是自助形式，所以搵位，落單，取餐等等服務刀系由自己負責的。400G西冷部份：期待左甘耐既燒牛，當然要食個最大份量既400G喇～份量果然足！依間餐廳所準備左既燒牛熟度吾會太熟，岩晒一陣自己慢慢食慢慢燒既過程。西冷口感好彈牙，而且牛香味重；由於是半食半燒，所以做到半生半熟；而口感彈牙啊！另外，仲可以自行有三款選擇－溫泉蛋、白飯、波子汽水(+$10)。溫泉蛋夠大隻，個人喜歡加落白飯中一同食用，白飯吾會太乾，波子汽水好解渴啊！

今日收工同同事去咗新蒲崗呢個商場行，都好多店鋪呀，跟住又光猛，舖頭又新都幾好行我哋見到一田隔離有間食日式鐵板牛，好似好正， 二話不說就入咗去啦！！佢係我係疫情下，見到少有地多人嘅鋪頭佢嘅模式呢係全自助嘅，首先要自己揀位啦，坐位都寬得嚟又乾淨，坐低咗之後呢，我發現原來呢要自己放返啲食完嘅嘢去一個回收嘅櫃度超有日本feel我哋叫咗一個300 gram嘅牛柳, 配葱油，溫泉蛋同埋波子汽水， 佢個溫泉蛋非常之出色， 佢仲有少少時候豉油配住溫泉蛋，好正， 佢舊肉上碟三成熟，跟住之後就靠之後嘅鐵板煮熟佢，所以唔會有過熟情況嘅出現佢個波仔汽水勁有小時候嘅感覺！！另外，再叫咗個300gram嘅西冷， 今次係配蒜油，好香，最後 個白飯真係要讚一讚 個飯底好好食！！佢仲有生啤，雪糕嗰啲可以食，不過今次就食唔落啦😂

係mikiki開左間新嘅牛肉店，愛牛嘅我當然要去食一食啦😂帶埋小朋友幾個人點左啲丼同一個扒。牛扒放係鐵板上，keep住食都係熱辣辣，不過唔知係咪太熟呢，反而有少少韌。芝士牛丼，芝士夠哂多，啖啖都拉絲😍溫泉蛋牛丼，半熟溫泉蛋拌飯小朋友食到要點佢名下次要再食😂鰻魚飯，大大件鰻魚，一啲都唔孤寒，鰻魚亦都厚肉。餐廳係自助形式，入去搵左位先再去買野食，然後比個牌仔返位等就ok喇😜記得食完之後要自己收搭返架

呢晚一枝公喺新蒲崗做完嘢，食肉癮起，喺Mikiki行行下見到呢間主打食鐵板燒牛扒，位置就喺Mikiki地庫一田超市對出，就算唔熟新蒲崗都好易搵到路。如果無記錯呢間店新開無幾耐，因為之前經過都唔覺有。呢到總共有6個牛肉部位可以選擇，分別係肉眼、牛柳、牛板腱、西冷、後腰三角肉同埋日本和牛。有個透明凍櫃可以清楚睇到各款肉類，呢到叫法對香港人嚟講幾新鮮，想食幾多就同店員講，店員就會即刻喺凍櫃攞出嚟切，按返塊肉嘅重量計錢，之後再揀自己想食嘅套餐！我左諗右諗，最後揀咗西冷，塊肉大約200G左右，份量相當足夠，夠晒厚身，而牛扒嘅肉味夠晒濃，肉質鮮嫩，再配上店家特製嘅蒜油，大大陣蒜味好過癮。另外再跟餐有3樣嘢揀，我就揀咗啤酒、沙律同埋雪糕。好大塊扒，哈哈。牛扒墊底有少少粟米，不過記得拎完餐要搞一搞佢，以免痴晒底。呢個係跟set嘅雪糕，食完塊扒先問店員攞。價錢合理，如果有機會再經過呢頭，又想大大啖食肉絕對會encore！

自從前陣子食過大角咀嘅"牛扒", 一直回味。最近仲進駐埋新蒲崗Mikiki, 當然要約朋友去食餐啦!以燈泡組成大大個牛頭形狀嘅門口成為地庫食肆中嘅焦點, 店內自助形式經營, 平日放工晚市時段, 全場坐滿, 等位都要少少時間,自行去點餐處落單比錢, 廚窗放了大大件未切嘅牛, 點餐後, 店員隨即切割再磅, 除左主打牛扒, 仲有丼隻選擇,食肉獸嘅我就當然揀食牛扒啦! 扒餐可自選三款配搭,我揀左【後腰三角肉(400g)】HK$236 (自選蔥油)配白飯、波子汽水、雪糕店員會將所點嘅肉表面先煎烤熟, 再放上熱辣辣鐵板上上檯,沙沙聲加上散發著香噴噴, 令人未食已經流哂口水~400g 果然很有份量, Size有如手掌般大,切開後牛腰三角, 新鮮得血水湧出, 肉質嫩紅, 切少少係鐵板上稍為煎下就食得,   牛味濃郁又富有肉汁, 食落富嚼勁, 夾少少蔥食, 更加香口配上白飯不但增加飽肚感, 更平衡口中濃郁肉味最後食埋朱古力雪糕, 很滿足!!!

以前嘅我哋，一年都會返幾次鄉下，食下好西，血拼下...... 😢🇯🇵 自從上年年頭，就已經冇得再飛啦✈️😭😭😭真係諗起都傷心💔所以依家耐唔耐都會去下日本百貨公司，買下Japanese goods🛍🛒，一解思鄉之愁😟😟 前幾日行行吓，發現basement 開咗間新餐廳🤩🤩 用晒日文字咁，咁日本嘅🎉 行到攰嘅我，即刻9秒9衝入去!!!!!! 原來係專門食牛嘅🐂 佢其中有一樣嘢勁 eye-catching 👀 係和牛啊 ❣️❣️ 啲雪花分佈好均勻，望落好似好正咁!!!! 😍😍 個厚度就略嫌薄咗少少，不過又咁講，呢個世界一分錢一分貨，三百幾蚊有塊和牛食，已經夠抵啦👏🏻👍🏻 點可以同嗰啲喺鄉下過千蚊嘅和牛相比!?!?!? 坦白講，呢塊黃牛真心交到功課，入口即溶，而且勁甘香!!!! 超級rich 呀!!!! 呢塊扒絕對滿足到我，完全解開咗我嘅homesick 😆

知道Mikiki新開左呢間食牛嘅店特登嚟朝聖 因為本身已經好鍾意食鐵板牛呢度個位置好顯眼 喺正一田對面個裝修亦都好有日本商場餐廳風格入面除咗鐵板牛之外 仲有啲牛肉飯 鰻魚飯我專程請黎食鐵板牛嘅梗係叫返鐵板選擇都幾多種類 首先可以揀咗想食邊個部位之後佢係計G數定價錢既 落單講咗想要大概幾多g 個師傅就會係你面前磅 然後拎入去烹調整到牛既表面咁上下熟 就可以去拎啦可以根據自己想幾成熟 繼續用嗰塊鐵板去加熱另外隔離仲有啲set 不外乎都係飲品 飯 沙律其實我就未食過後腰三個肉既 見個名好似幾新奇 就即管試吓 嗰晚都幾肚餓 就叫咗400g 最後塊肉係429g既嚟到真係嚇親 好大舊肉呀！我揀咗蒜油 份量亦都好足夠 真係睇到都開心 口水流晒出嚟正面睇可能唔夠震撼 睇吓側邊喂 同隻叉對比就知道有幾厚 入面熟嘅程度尚算接受 如果想熟啲嘅亦都可以自己調節個肉味好岀 每咬一下都好多汁唔係血水嗰種汁 係堅肉汁加上嗰啲蒜 香到不得了佢個肉質唔會係好簿 西冷果種而係有咬口 呢種就好啱我啦 我唔鍾意嗰啲入口即溶既口感鍾意慢慢咀嚼 感受肉質嗰種結實嘅魅力個餐附送嘅沙律 亦都好好食 好開胃食完牛肉之後清一清個口腔 另

牛肉超肥：如果各位根據重量點牛扒既可能真係需要留心，需要有心理準備撞手神，遇著運氣好可能會肉質脂肪均衡，否則一大片脂肪喺中間，睇到都飽。飯超硬：飯會硬唔係最大問題，硬到咬到牙就唔好啦，筷子插起風吹不動，蛋汁落左都救唔返。總結：不值再食

Mikiki 呢個位新開岩盤牛扒喺 Pepper Lunch 對面 😂 星期六晚就試吓！⬇️首先，佢全自助由入門口到食完都唔會有人 serve 你。呢一點有啲保留、食客要自己摸索所有野 ⋯ 執枱退還餐盤都要自己做但好多人都唔知就咁走咗。⬇️入到去你首先要自己搵位、之後出去排隊揀食乜肉大約幾重同配乜嘢。同佢講咗要肉眼大約300g佢就會即場切俾你睇，再話返俾你聽大約幾重！今次就叫左兩份差唔多嘅肉眼、五選三 Set 1 就揀咗兩份沙律同埋飯亦揀埋蒜油同洋蔥油。有部機比你喺位等 Ready 就出去拎、出面仲有即棄圍裙可以拎，唔會彈到成身都係。好快就拎得真係新鮮熱辣 ⋯ 想要多啲粟米可以同佢講、但係其實個鐵板唔係好夠位！⬇️下面呢份配埋飯同埋沙律大約$135、其實諗落都唔算貴，不過就全自助要摸索下。一開始扒仲出緊血水但鐵板好夠熱會不停煎到佢直程可以去到 Well Done、但另一份又冇咁熱食到尾都仲見到紅色嘅肉。個盤太細有啲迫夾、味道都唔錯而每張枱都有 Pepper Salt 可以自己調味，沙律算多不過就係椰菜絲加半舊車厘茄配蔴醬。蒜油食完太重味、洋蔥油冇咁濃味，兩份食完都好飽！⬇️食緊嘅時候對住 Pe