岩盤牛扒ミディアムレア ステーキ (Mikiki)

Open Now

Now Closed

mikiki新開咗依間自助式嘅日牛扒餐廳冇幾耐，所以專誠黎試食佢係1g/$ xx 咁黎計嘅～因為始終係新開嘅，所以好多人我哋大約八點半嚟到，餐廳已經滿座咁濟 好難得先搵到個位坐低我同男朋友分別一人嗌咗西冷扒＆後腰三角肉啲配菜有5樣，可以揀其中三樣 我揀咗飯，沙律，味噌湯同埋又有得畀你揀係配咩汁，有幾款揀嘅 我哋兩個都揀咗蒜蓉牛油，因為會好味d！一上台件西冷扒係有3，4成熟嘅所以切開嗰陣仲係血淋淋，有啲血水嘅但唔緊要，因為塊鐵板會幫你慢慢地燒熟塊牛扒，所以會越食越熟件西冷扒真係勁大塊， 啲紋路好靚切開嗰陣唔會話好韌好難切～加上個鐵板慢慢燒熟啲肉，所以切做一塊塊嗰陣，呢張相已經係冇咁多血水嘅時候我食牛扒習慣咗食飯，因為要配飯先飽肚 佢啲咪係日本米，大大粒好有飯香味個味噌湯 反而令人失望，望落好好飲咁 但係味道實在係太鹹，難頂到試咗幾啖就唔想再飲啦，所以畀咗男朋友飲個沙律反而望落平平無奇，但又幾好食喎個蕃茄仔＆菜好新鮮好新清個西冷扒味道唔算太鹹，都夠味嘅好有牛肉嘅香味， 而且食落完全唔會話好韌 啖啖肉，最鍾意食啲唔韌嘅扒㗎啦亦唔會有任何肉渣，最邊果塊筋位好肥美好正送飯一流，重點係～邊食d扒果

食肉獸蜜桃小丸子又再出動！今次嚟到新蒲崗Mikiki試下新開嘅日式牛扒店，舖頭係自助形式，落單後會即刻係隔離將塊肉磅比你睇下o唔ok，之後就拎牌仔等佢震再出去拎食物。門面好新好光猛，成隻牛牛閃下閃下。好多梳化位，坐得好舒服啲肉放哂係度比你睇，全部都好新鮮牛種都幾多，唔想食肉佢都有飯比你揀。我就揀咗Set 1，可以係飯、溫泉蛋、沙律、味噌湯同汽水五選一，除咗溫泉蛋唔可以重複外，其他都可以，即係我可以好健康咁食兩個沙律。個鐵板超級熱！熱到啲蒜係咁彈出來！我地選咗牛柳同牛板鍵，肉質都幾嫩幾新鮮，無乜根唔會好韌咬唔到，溫泉蛋好食，沙律啲胡麻醬份量剛剛好，唔會太多搞到好膩。整體嚟講都幾好，價錢唔算貴，但可以好乾淨咁食到熱辣辣嘅牛肉，可以再番食！

店鋪有幾款牛扒部位可以給客人揀，包括肉眼、牛柳、西冷、牛板腱同埋腰三角肉。之後再按重量收費，例如300g或400g，店員會在顧客而前即切即磅，然後再以最後磅數計算價錢。《石燒肉眼扒-300g🐮🥩》肉眼扒肉味頗濃，油脂豐富，食落香口。但由於放上熱石板出餐，所以須自行預算上枱後會多兩成熟（除非你同時間競賽🙊）小編就係食得慢，搞到塊扒太熟有啲韌🥲+$28升級套餐後多咗一碗白飯、湯同埋沙律🥗。我覺得白飯可以改為飲品，因為對女生來說，300g已經好飽🙉 $12x食到即切即磅石燒牛扒定食，小編覺得都算親民價！超飽！《鰻魚燒牛丼🐟》鰻魚有半條，都夠厚身，但有啲鹹同偏腥，一般般。燒牛肉肉質好淋，醬汁入味，喜歡重口味的朋友可以試試～《雙式芝士燒牛丼🧀》大大pat水牛芝士連同燒牛肉一齊放入口，真係幾夾，啖啖都係芝士，超級邪惡🧀！望住啲芝士拉絲好治癒～🥰

食牛扒係每星期的例行公事，呢間鋪係中規中矩啦☺️！叫左先至磅，實牙實齒切比你睇，1g 一克咁計，起碼你知道嘅切乜鬼嘢俾你！又見到舊肉新唔新鮮，同埋起碼趕時間想食牛扒又唔使等餐死，因為佢係自助式嘅，所以你需要俾啲心理準備有自己攞位，同埋你要食完自己收返個盤係嗰啲收集架上邊，嗱嗱淋食完你咪走囉！咁人人都係咁你就唔好講話冇咩服務。講番啲食物質素，牛肉絕對係新鮮，同埋牛味都好出，你可以揀蒜蓉汁蔥汁洋蔥汁不過都係食返傳統嘅蒜蓉油比較好啲啦，你可以加$28選擇呢一個溫泉蛋、味增湯、沙律、嘢飲、只可以揀三樣啊！都幾有特色啊有得揀先至係老闆！小編食咗兩次都係開心經驗，唔知係咪崇尚日本掛住日本啦！值得一試㗎。

好耐之前睇YouTube，有介紹過佢其他分店，一直都好想試，但係通常呢啲hea吓hea吓就冇咗回事，因為類似嘅餐廳最近越開越多！咁啱今日行開Mikiki, 又見佢新開又盛，好啦～就即管試吓你啦😆睇睇Menu先今日揀咗食入門嘅「肉眼牛扒」，1g都係HK$0.33, 今日我點咗300g, 不過想提提正常食量嘅女孩子，我本人覺得食200g都好足夠（注意，我唔係特別細食），因為你喺Step 2要將個牛扒配set, 咁我就揀咗Set 1，有5個Items俾你揀，你只需要揀其中3個Items，今餐有「麵豉湯」、「溫泉蛋」、「白飯」。個牛扒嚟到嘅時候大概好想食3-4成熟，係Understanding嘅，因為個鐵板好熱，佢會不停咁樣幫你煮熟個牛扒，所以佢有少少血水，係好合理嘅，啊～唔記得咗講，佢有3款sauce可以選擇，我就揀咗「蒜油」，好香🤤🤤個肉眼扒好好食，好香，只係300g太大份，我自己就覺得200g配埋飯&湯&溫泉蛋，應該會係啱啱好！整體而言，有牛扒又咁多嘢食又食到你飽飽，HK$130, 真係算不錯！我喺呢度想提提大家，呢間餐廳係自助式嘅，食完飯唔該將啲餐具拎返去「返卻口」，我就係見到有幾枱人

非常差的冰凍A5和牛和牛得3成熟，又生又有血，粟米是冰的，由雪櫃拿出來的！！！！有雪霜係粟米面上。最差係主菜A5 和牛，因為整塊和牛4成都是肥羔，今次一塊和牛的gram數是233g, 當中有93g 都是肥羔，1g是hk$1.3, 有2塊，即共93g x $ hk1.3 per g x 2 塊，共240$都是肥羔！整體消息是騙錢買難受，因為食物凍，牛肉凍，飯又凍，菜又凍，鐵板温度整低，超差的差評，史上最差的垃圾食物。Oh my god! 本人是一位和牛專家，今次的和牛極之惡劣，肉的質素沒有A5 級數，食物温度及熟度差得可憐，完全不是給人吃的肉！