煲底海鮮火鍋料理 (Closed)

開頭以為佢打邊爐，原來佢有超好味嘅刺身丼飯！今次同兩位朋友，大家都係海膽控，我哋二話不說睇到Menu上面嘅圖片就叫海膽三文魚子丼😻😻佢有兩款海膽，馬糞海膽同加拿大海膽，超大份，超大pat 海膽，驟眼睇似多個一版海膽嘅數量，喺街真係食唔到有咁足料嘅海膽刺身飯👍🏻👍🏻👍🏻跟住到三文魚子，粒粒都圓轆轆大大粒，一咬落去就爆juicy，新鮮又好味😋😋跟住去到個飯底，原來佢係用赤醋飯，即係咩啊？即係唔使落豉油嘅飯，佢本身有味。我咁大個女都未試過食刺身飯唔使落豉油，次次食親用人半支豉油😂😂堂食免加一，加咗$8要個蜜桃梳打特飲，都好味嘅！而家堂食唔多人，所以都坐得好鬆動，好舒服！下次一定會返去試埋其他嘅刺身飯😋😋😋

@meetatpot 煲底火煱 lunch time 最近出左刺身丼 🍱😋。。三勝金槍丼盛$249🥢-赤身，大拖羅、拖羅蓉、玉子🍣拖羅油香好重，拖羅蓉入口即溶 ，剌身新鮮大件本身想食伊勢龍神丼 $249🦞內有原隻龍蝦，蟹肉，🦀蟹子，玉子， 但我當日3:00pm 去到， 原隻龍蝦🦞丼 同 海膽丼 都賣哂🙈最後叫左紅白炙燒丼 $149🍱炙燒裙邊，三文魚，三文魚腩，玉子香港人最愛的三文魚🐟同樣出色，油脂分佈得很好，色澤靚，味道鮮甜

呢間黃店嘅邊爐出名爆滿，真係好想好想試！聽到限聚同晚間禁堂食，即係有排都無得喺到食！有分析能力，明辨是非嘅總係識變通！Lunch竟然出咗日本丼！！！即刻去幫襯！海膽同三文魚子舖到滿滿！好鮮味！海膽有喺日本食果種味道！好新鮮！一D都唔hea！飯唔係就咁白飯，係撈咗味果種！呢種飯通常都要貴價日本菜先有！真開心！同啲海膽、三文魚子好夾！女仔食真係好飽！仲要送紫背天葵，平時我都唔飲呢D嘢，姑且一試，好飲喎！如果佢加冰整枝靚飲管（為環保可免！）真係可以當特飲賣！我哋乾晒！ 唔知係唔係早，唔多人，呢個時候真係會留心環境衛生，呢到好乾淨！唔會因為平時做邊爐，檯面痴立立，佢完全無！卡位比較多，坐得舒服，我就覺得好ok啦！我今日選擇咗12:00到，早D嚟，避免咗多人，又唔怕海膽賣晒！我呢個唸法係啱嘅！好滿足！！！

尖沙咀金馬倫道一間本來夜晚打邊爐嘅，依家做埋晏晝，有 #日式魚生丼飯套餐 同 #中式酒釀醉物套餐 。我就同我朋友一人嗌一款！Share！（限聚令兩個人咋🙈）#煲底角切爆丼 ～ 嘩！個名咁咩嘅？但係又真係成碗滿晒，又三文魚腩又紅䱽魚又三文魚子又北海道帶子又。。。。真係好爆！個飯仲要已經撈好咗日本豉油同醋，每一啖都好鮮甜好滿足，#像極了愛情 💓呀！🤣🤣#玫瑰醉BB乳鴿 ～ 呢款啱晒女仔食，花雕釀BB乳鴿細細隻啲肉都幾嫩，個餐連一碗 #健康菜飯 仲有飲一啖就聞之喪膽😱既 #滋補藥膳雞湯 ，勁！！好！！飲！！！超濃郁，勁有誠意，仲要好似知道我鍾意食雞腳咁，𢳂左一隻比我慢慢損腳趾🙈我強烈要求下次唔好比一碗我，比一盅我！唔該！🙏🏻so far呢兩個餐都幾抵食，成個餐又有湯又有汽水， 每人都唔使$80，外賣自取仲有八折添。

其實過份咗，啲料勁多，拖羅勁厚，心諗噤樣餐廳真係計到數咩？ 唔理喇！早食早享受😌等佢醒覺之前食多幾次😅😅我叫嗰個係海膽三文魚籽飯🍘食到底係剩返三文魚子唔係飯，真係好over😅赤醋飯係另一賣點，每粒飯都係有色有味，唔係屋企煮煮樂就做到，隔離枱係咁話要買個淨飯走😅. 估唔到本身係火鍋店所做嘅刺身丼飯都可以做到呢個級數😇🤩🍵臨走時order定火鍋外賣，行陣街，行完上去拎就走，外賣費都慳埋❤

第二次叫呢個外賣，今次我識玩了。晏週尖沙咀堂食完個丼飯，order定個599外賣set，行陣街，上返去拎，運費都慳埋😍疫情日日係噤食，係噤長肉但又唔想刻薄自己。今次加咗少少錢upgrade 咗個雞燉翅湯底，先飲個湯已經夠爽，啲肉呀，高Kcal嘢就讓哂比個衰佬，我就食咗大量菜同丸丸餃餃，好甜好滿足。最後隻湯雞完全食唔哂，第二日中午啪埋。成件事好完美。利申：下星期會有全新外賣set menu。Hit Me !!😎

學 張建宗話齋無得堂食咪揾個郊區食飯囉，但係嗰個都食飯盒唔通個個都想食飯盒咩，咁啱又咁橋 發現左個郊區又唔錯，如果可以係度打個郊邊爐幾好呢.....啱啱又預著剛剛 阿強話呢間火鍋店話山旮旯都送貨，點知佢真係夠薑送嚟wow....... 🌴🍲😎 我叫左個$599 2人套餐另外加錢要左”金湯花膠雞” ，另外再加左珊瑚蚌 , 花樣油條 , 尼幾樣野之前都堂食開 ，外賣🥡一樣可以保持水準，如果我唔係住咁遠 而家外賣自取仲有8折Tim 😋

難得成班人聚一聚，就揾左間新開嘅火鍋店試下。大廈可能係剛翻新，所以幫襯當晚大廈門口仲有圍板。上到樓所有嘢都好新淨。我哋見個職員係咁話個象拔蚌好正，就叫嚟試下，一食就知真係好新鮮，好好味。餐廳連個象拔蚌膽都幫我哋炸埋嚟食，食完先知可以咁食法，以前去啲傳統酒樓食從未試過😲。另外有個魚刺身話係送嘅，送嘅都非常鮮味。打邊爐當然叫好多餸，有桶蠔、墨魚麵、豬拼盤、響玲等，相片係一個好靚嘅雜錦丸類拼盤，以及一個牛拼盤。我哋叫左個螺肉野菌湯底，好多螺肉。

◦•●◉✿✿◉●•◦😋: 𝟠/𝟙𝟘💭: 朋友介紹我哋試呢間黃店，熱食有驚喜😍 咸蛋魚皮熱辣辣👍🏻 炸午餐肉都好味🤤 花膠湯底一開始覺得個湯有啲淡～ 反而食耐左就濃味左幾好味～ 百花芝士釀冬菇都值得一試，入口有流心芝士🧀，肥牛都幾新鮮唔係頹牛仔🐮。特別一讚員工服務態度好好，下次會再幫襯💛◦•●◉✿✿◉●•◦ 💙

湯底選擇好多，又好飲！食材新鮮，賣相非常吸引！環境非常闊落，重有特色卡位都好有privacy, 食完都唔會成身油煙味！店主選材用心，仲會同你介紹特色菜式！重有好多新鮮刺身同埋sake✌🏻餐廳好新靚裝修，裝飾好有心思，每個位置都值得欣賞。餐廳氣氛好好，員工及食客都非常friendly！而且仲有專業嘅作詞人為呢一間店作左一首背景主題曲，係你食緊嘢嘅時候都有一種同路人嘅感覺💪🏻地點方便，喺尖沙咀人流集中地段。試業中都算幾唔錯，唔失望仲有意外驚喜！

新店開業速試😋6點無訂位walk in，早起的鳥兒有蟲吃💪🏻7:30已坐滿人😱海鮮刺身🐟非常新鮮，豬八戒🐷排盤好有心思，麻辣同沙爹湯底同樣出色，本地手切肥牛必食，追加左一份，蛋黃魚皮停唔到口，香口唔油膩，sake選擇算多，點左支720ml大雪溪，味道清新🍶有自家製特飲，唔飲酒既可以多個選擇，裝修好靚好有香港feel，環境乾淨，濕紙巾包裝過癮🤣重配埋80年代廣東話金曲，氣氛超正，有開派對既感覺，時光到流，香港人精神😍人均消費合理，高質食品👍🏻