味苑 (Closed)

今晚和家人來到灣仔這家中菜店，今晚就在這裏訂了枱和家人吃頓家常便飯。這家店位於酒店的地下和2樓，店內寬敞舒適，我們被安排坐上層。 店員提議我們吃這裏的叉燒，蜜汁叉燒（小食 $78），叉燒超厚且非常腍身，蜜汁及醬料味道調得恰到好處，肉汁豐富，店員沒有介紹錯！ 另外點了一客套餐（套餐$328 ），包括香菇扒時蔬及清蒸斑頭腩。香菇扒時蔬，冬菇經油爆香，菇味香濃，菜夠新鮮，份量足，可惜小妹不喜歡小棠菜，如果有其他選擇會更佳。 清蒸斑頭腩，班頭腩肉質鮮美多汁，口感香滑，其實可以不用以紅椒蒸，這樣反而遮蓋其鮮味。 清遠走地雞（半隻$138 ），賣相感覺未夠光鮮亮麗，但味道很不錯，有雞的鮮味之餘，肉質亦很滑溜，不過略嫌份量少了一點。 惠顧餐廳晚市還贈送糖水，今晚為木瓜雪耳糖水，甜度適中感覺清潤，有水準。

這家店平日經常走過，感覺光鮮亮麗，今晚就在這裏訂了枱和家人試一試。店的內部跟期望的一致，光線充足，格局雅緻，有地下和二樓兩層，坐得舒服。 先點香菇扒時蔬，經油爆過的冬菇，香氣四溢，菜的鮮度夠，新鮮翠綠，份量亦十足。 清遠走地雞（半隻$138 ），賣相平平，不過味道則有驚喜，充滿雞的鮮味之餘，帶點咸香味，肉質亦很滑溜，如份量再多點會更佳。 蜜汁叉燒（ $78），叉燒肉質腍身，亦非常Juicy，調味恰到好處，為上等叉燒！ 這裡不論食物、 環境及服務都不錯，可以再來。

間中想食呀中式小菜，呢間味苑地方冇酒樓咁大，但比酒樓坐得更舒服，枱與枱之間都有足夠空間，傾計都容易啲餐牌選擇多仲有套餐，多人嘅聚會非常適合，之前同屋企人你食都試過點去嘅套餐，份量充足，計返起上嚟仲好抵食添手拍青瓜我最喜歡嘅小食之一，上面有小小辣椒，非常惹味佛山燻腣旁邊有一點醬汁，酸酸地好開胃，配搭一流蜜桃水晶咕嚕肉咕嚕肉肉質好軟熟，因為加咗蜜桃，所以味道微酸帶甜，不錯豉油王龍蘇炒麵好大碟炒麵，廚師炒得非常夠鑊氣，完全唔會黐埋一舊，仲有好多魷魚鬚，好彈牙總括來講，都係一個幾唔錯嘅晚飯小菜選擇

早排同屋企人食晚飯友人推介食呢間話環境同食物都唔錯來到感覺幾驚喜雖然唔係大酒樓咁細細間但相當闊落舒適環境相當華麗典雅吊燈同中式畫都好有氣派餐牌有唔同套餐可根據人數同喜好揀套餐會抵食d餐具好有特色印上公雞圖案大肉蟹做緊特價$238好耐無食過好想食有兩款我地叫左白胡椒大肉蟹蟹肉好鮮甜白胡椒味道好香好入味肉蟹加左好多料去調味有蒜頭、洋蔥、白胡椒同三色椒等相當豐富特色瑤柱櫻花蝦炒飯d飯炒得粒粒分明好香D料都唔少食得好滋味！蟲草花蝦滑浸菜苗蝦滑好爽口呢味清清地唔錯好健康金沙明蝦球蝦球炸得金黃見到就流曬口水蝦球面頭果d係蛋黃超香同脆口超好食食完野仲送糖水tim啊木瓜雪耳糖水好滋補食落唔太甜好好味食完感覺超滿足

放工陪男友去黃金商場買野，之後隨意係附近食飯，見到味苑近近地就入去。見到menu有紫薯炸鮮奶，宜家好少餐廳有炸鮮奶，味苑有之餘重要加入紫薯，外皮炸得酥脆不油膩，入面嘅鮮奶好滑身。而且食落係熱騰騰，好食！蜜桃咕嚕明蝦球，咕嚕一向都是顯現小菜大廚既功力，食得出係用新鮮蝦，爽口鮮味又大隻，酸酸甜甜非常開胃!!!左中塘雞球炆伊麵，唔知道原來係辣既，我男友完全食到流晒汗，而我就接受到依個辣度。伊麵炆出來不油膩，夠镬氣，雞球分量都多都大件。最後重會送糖水

為咗要去利東街影中秋巨兔，特登揀咗嚟呢度食中秋飯，見Openrice食評唔錯呀，去到先知原來大多做遊客生意，對local嘅我同家人，服務明顯比下去，明明落好單，但眼見隔離枱遊客遲嚟餸都已上，疑似老闆見我哋眼望望，私下向櫃檯問(但好大聲)我哋係咪未落單，醒覺後連唔好意思都無句，怪不得有評語話服務唔好啦。。。。。。蜜汁叉燒王 $138🥢🥢🥢🥢叉燒王上到枱係熱辣辣架(因為廚部明目張膽用微波爐翻叮😂)，幸好無毀叉燒美味，叉燒厚切又諗又入味，係我近期食過最好味嘅叉燒，不過如果佢可以燶多少少就perfect🤤北菇紅燒豆腐 $88🥢🥢🥢因為唔見有精緻蔬菜，所以求其叫咗個豆腐煲，味道不過不失，豆腐食得出又香又滑脆炸牛坑腩 $158🥢🥢🥢🥢呢個薄切牛坑腩超好味，肉腍唔鞋唔黐牙又有牛味，最讚嘆係師傅刀功，每片牛厚度一致又完整，輕炸腩邊已經好香脆可口，不用點醬都已經好美味，必試😋金沙明蝦球 $168🥢🥢🥢🥢阿sir超推介👍🏻呢個小菜，蝦非常新鮮彈牙，炸漿薄薄一層炸得出色，沾上流沙咸蛋黃，令人口水直流呀🤤特色瑤柱櫻花蝦炒飯 $98🥢🥢🥢🥢飯炒得乾身兼粒粒分明，櫻花蝦香口，整碟飯靈魂，其他材料仲有瑤柱、薑、蛋、

臨近中秋梗係要約屋企人食返餐飯，今次揀咗食粵菜。餐廳位於灣仔，由地鐵站行過去唔使五分鐘，非常方便。餐廳裝潢充滿中國色彩，環境闊落，而且光猛整潔。餐具用懷舊公雞圖案，十分有心思。餐廳主打各式廣東粤菜。仲有套餐可供選擇。金沙明蝦球，蝦大大隻再被金黃色嘅鹹蛋黃包著，香氣撲鼻，而且鮮蝦彈牙多汁。白胡椒大肉蟹，確實做得十分出色，以白胡椒、蒜頭、洋蔥同炒，乾身，惹味，而且十分香口。特色瑤柱櫻花蝦炒飯，飯炒得乾身，粒粒分明，材料豐富。蟲草花蝦滑浸翡翠，蝦滑啖啖肉，蟲草花爽囗，菜新鮮翠綠，湯非常清甜 。最後附送糖水，甜度適中，用料十足。餐廳服務好，價錢合理，適合家庭聚餐。

星期一往往是最繁忙的一天，所以下班後要對自己好些，與友人到灣仔一間中菜用膳。他們提供晚市套餐及散點，我們看見二人套餐有鲍魚，二話不說便直接落單。套餐包括四餸一湯和一甜品。燉雞湯用燉盅上的螺頭雞湯，火候十足，潤喉暖胃，螺肉鲜味，淮山雞肉香甜，好滋補，完全不含味精。脆皮燒腩仔皮燒得香脆，肉質腍身，肥瘦均勻，都不會有肥膩感覺。南非四頭鮑鮑魚新鮮彈牙，肉質鮮甜，在家很難處理製造出如此優質的出品。蟲草花浸翡翠其實是一般上湯浸時蔬的做法，放上一些蟲草花浸煮，令整道菜變得清新之餘又增多一點貴氣。XO 醬爆炒龍躉球將龍躉拆肉，配菜合甜豆紅黃椒，並加入他們秘製的醬料，野味可口。木瓜雪耳糖水味度相對較甜，但仍可接受，木瓜清甜，雪耳爽脆，它們天生就是絕配，為這晩餐昨完美的句號。

訂位時已經講明一行5人，4個大人，1個bb，要求有bb櫈，店員都答應提供。到食飯當天被安排到兩張大圓枱中間既小枱，說好的bb櫈沒有，要向店員再3講才找來bb櫈。枱既位置左右兩邊都係當風冷氣位，bb只能坐路口上菜位置，原全冇考慮食客，還被店員說阻住上菜位。成餐飯就吹住勁凍既冷氣，餸菜好快吹凍，食之無味。要求店員把冷氣關細但沒有理會。完全非常失望。唔會再有第2次光顧。1. 點了魚子砵酒蠔味道普通。2.金沙明蝦球味道還可以，但有點油膩。3. 蜆蚧鯪魚球普通4.海味雜菜煲最熱一道菜，最好味呢個菜。5. 炸牛坑腩凍既，而且牛腩有點鞋。

「山竹」襲港使不少公共設施受損，我家屋苑的街市和商場酒樓冷氣系統亦不能倖免。一想起要去冇冷氣嘅街市買餸煮飯，就索性出街食。昨天晚上就去了灣仔近地鐵站的一間中菜館開餐。中菜館雖然地方細細，但也有兩層，裝修雅緻，碗筷用具亦有特色。紫薯炸鮮奶（$88） 見係廚師推介，所以叫了碟試下。炸漿夠薄，而且鬆脆，有啲像日式天婦羅。饀料則是紫薯蓉加鮮奶，質感像奶凍，有奶香之餘亦有紫薯的微香，不太甜，還不時食到一兩顆紫薯粒粒，是一碟出色的前菜。本人不甚喜歡食炸物，但也食到停唔到口，不愧是廚師的推介。西檸雞半隻（$128）雖然係等得稍為耐咗少少，但係都值得，因為係新鮮炸起，咬落熱辣辣，雞肉夠嫩滑，外脆內軟。最值得讚就是啲檸檬獻汁，清新開胃，非常適合餸飯。蟲草花蝦滑浸翡翠（$108）小棠菜用上湯灼過，份外清甜，而且煮的時間剛剛好，能保持翠綠的顏色，又夠爽口。_蝦滑尚算彈牙。加上蟲草花，使菜式有特式和更加矜貴，而且又能增加營養嘅元素。蟲草花顏色鮮艷，配上翠綠的蔬菜和粉紅色的蝦滑，使餸菜更加吸引。覺得這間中菜館無論在格局和食物方面，都頗為用心。

今日係灣仔補領護照，因為下個月我要去日本啦！ 哈哈，好彩趕得切，整完都4點啦，餓餓地就去食d野先，行過見到呢間味苑好似唔錯咁！入面環境好乾淨，我睇睇餐牌就簡左個xo醬爆珊瑚花枝同埋特色瑤柱櫻花蝦炒飯！Xo醬爆珊瑚花枝Xo醬非常惹味，成個小菜好夠鑊氣，珊瑚蚝好新鮮 又爽彈，沾哂醬汁同埋炒到好入味，花枝片好煙un又有咬口，而西蘭花色澤翠綠 又爽甜呢！特色瑤柱櫻花蝦炒飯櫻花蝦脆卜卜又夠味，撈埋落炒飯令個炒飯生色不少又有咬口，炒飯炒得好乾身唔油，而瑤柱絲都好足本，正呢！

今日同朋友喺灣仔地鐵站附近搵嘢食，喺地鐵站一出駱克道有間中菜餐廳唔錯，喺酒店隔離有兩層樓，於是入去試下。 入面裝修幾有中國特色，牆上掛咗中國畫。 坐低之後我哋開始叫嘢食，我哋叫咗佛山燻蹄，脆皮燒乳鴿，同脆炸牛坑腩。 過咗五分鐘佛山燻蹄送上，佛山燻蹄嘅皮好爽脆，啲肉都好有咬口，朋友都話佛山薰蹄有驚喜。 之後係脆皮燒乳鴿。乳鴿皮好脆，啲肉好新鮮好嫩，有肉汁。 最後係脆炸牛坑腩，係呢間店嘅特色推介，用牛坑腩厚切再去炸，口感好豐富，牛坑腩肉質都好好食。

接人收工，最近一直下大雨，選了一間友人公司附近的地方吃中菜。只有我倆，簡簡單單點了數款食物。碗碟的公雞圖案非常別緻，做得如此精緻還是第一次見。蜜汁叉燒($78)肥瘦適中，叉燒燒得很香，蜜汁鎖著肉汁，保持肉的鮮嫩，蜜汁的甜味也帶出肉本身的鮮味。外層是燒過的肉香，內層是嫩瘦肉，口感味道甚佳，特別喜歡這裡蜜汁的甜味。鮮茄海皇菜絲泡飯($98)，看上去平平無奇，吃下去就知與眾不同。以蕃茄為主的泡飯，看似清寡，喝下去卻淡中帶菜的鮮甜。海皇一品豆腐煲($108)，很入味的豆腐煲。冬菇菇味濃香而鮮，帶子爽甜，豆腐香熱入味。煲能保温，吃到最後仍能保持食物的温度。上桌時需用匙拌一拌煲內食物，避免食物黏底。店員最後送上桂花桃膠糖水。桃膠很多，桂花滋潤，糖水不稀，杞子可凝留在糖水中。桂圓軟甜，喜歡這個半凝的糖水，加了桃膠口感特別好。最初怕份量夠，後來看到一大煲的鮮茄海皇菜絲泡飯，四人也足夠吃了。用具及食物精緻，是一間雅緻的酒樓。

灣仔午餐的好選擇，很久沒吃這種紅腸，想不到在這裝潢頗高檔的食店可吃到，以這個價錢在灣仔區可以有這種環境享受一個午餐實在不錯呀。食物質素又ok，只是午市時段要搭枱，但也可接受。

This restaurant in right outside Wanchai station so it is really convenient.From the outside, there is a counter with roast meats and marinated dishes.Once you sit down, they will bring over the full menu which has other classic dishes like sweet and sour and other traditional dishes.As I love sweet and sour, I had the sweet and sour prawns with peaches.The portion was smaller than expected but the prawns were springy and huge.I didn't like the batter coating though.Also had the lo shui goose fe