麵屋一燈 (Closed)

餐廳環境簡潔不錯， 中間的綠色設計 ，吸引了我去試一試。但餐牌上拉麵款式不多，隨意選擇一碗沾麵及一碗拉麵作晚餐試一試。沾麵夠熱夠味道，肉味都不錯，食完之後還有熱盪加入作最後飲用，略為鹹咗少少，份量夠飽。至於柚子拉麵， 雖然口感清爽 ，但個人覺得盪的味道不及沾麵，不過還可以的，份量也夠飽。我個人最欣賞係經理服務態度，我的盪麵出了問題，經理立即處理手法非常果段，還留下非常好的印象給我。整體我食得開心，很放心去的餐廳

喺尖沙咀食拉麵食得多一蘭，今次就試下喺日本好岀名，喺香港呢到開分店既一燈。兩個人去安排左張2人枱，唔算大張，不過都坐得幾舒服，環境舒適。落單係自己填紙仔，我同朋友都係揀左秘製醬油味，拉麵湯底完全冇乜特別，味道好普通，唯一好既係唔算太油，雞肉我覺得有啲鞋，隻蛋同叉燒都幾好食，不過隻蛋如果再唔熟啲可能更好食。試完覺得早知唔好嗌同一樣，因為麻麻，起碼試下第二啲好唔好食😂整體黎講好普通，價錢又幾貴，應該未必再食。

同老公一起點了沾麵和鹽味拉麵，沾麵感覺太鹹，係鹹到連本身重口味的老公都頂唔順。拉麵口感一般，而且份量很少，以158 蚊碗咁嘅拉麵來講感覺唔值。本人原本是聞一燈的大名慕名而來，看來不過如是

老公鍾意食日本沾麵，今日就陪佢去呢到食一燈。原來呢到除咗有沾麵仲有拉麵食，我就揀咗個芳醇原味(標準)拉麵，有叉燒，如果想要有蛋，就要揀味玉。而老公就點咗濃厚魚介沾麵(味玉)。兩個都好食，麵質好純正日本風味。而沾麵個湯如果凍咗可以叫店員微波爐加熱，嫌湯底太濃，仲有一壺熱湯俾你自己溝返淡。

之前食過一燈好幾次，其實食物都中上，比我印象幾好。今日本來想食沾麵，點知比我發現左有期間限定既湯底！期間限定呢幾隻字係有魔力，我就鬼迷心竅咁tick左柚子拉麵，店員仲介紹呢個湯酸酸地，好開胃，呢個就係我中伏既開始。-之前食過幾間柚子拉麵都係凍湯，味道不錯！我冇問清楚以為都係凍湯，原來個湯底既熱既。但個味道真係好難頂，難頂到我唔飲湯就咁食麵，但食左冇八成已經頂唔住宣告放棄。個味道同浸住檸檬既熱水無分別，得個單一既酸味，完全冇層次。而叉燒同蛋係幾好食，呢個湯底就真係不了。

我唔明點解D湯要用微波爐叮熱而唔係煮，真係唔expect $160一碗係咁架lor 😤D 湯熱度唔平均，D麵又涼。要我排隊的話一定唔食！$140個麵蛋同肉都無，邊有人剩食麵架，不如唔好offer 呢個option lor

📍尖沙咀📍極濃‼️魚介湯底🍜睇盡維港海景🌊之前佢啱啱開嘅時候，每次嚟都要大排長龍😢如果本身好肚餓嘅話，就真係唔好嚟🙈除咗排隊排好耐，入到去仲要等15-30 mins先有得食😫餓到咩食慾都無哂☹️餐廳入面有窗口位，可以望曬成個維港海景🌊可以一邊食一邊欣賞下靚景😚心情即刻好翻曬🤣🤣叫咗個鹽味湯底，真係好清，一啲都唔漏💕仲有個濃湯魚介，唔會食唔飽👌🏻因為個湯底夠濃😍不過食完都幾滯🙈

「麵屋一燈」連續5年被日本網民評選為日本東京Best Ramen及全日本No.1拉麵名店，亦係主打「濃厚魚介沾麵」，但個人認為佢嘅拉麵都唔弱，創新口味「芳醇鹽味拉麵」($148特製版)以精選新鮮雞隻慢煮成清雞高湯精華，配上干貝醬汁同鹽味秘製醬汁，帶出清雅醇香，特製版本更有兩份蛋同兩塊特製叉燒。而「柚子拉麵」($138)多咗一份清新感覺，同樣採用雞高湯，配合微帶甘澀嘅柚子醬油同特製灸燒厚切豚肉，肉質肥嫩，醬汁濃厚。而最煞食嘅係，尖沙咀店喺正維港隔離，可以睇住維港景色食拉麵，正呀！

🔹限定柚子拉麵💛 $138 柚子酸味加柚子皮溶合鹽味湯底👍🏻 溏心蛋個人認為暫時吃過最出色💮另一辛味柚子拉麵湯頭跟上面的是一樣上面再加上自家調配的辣油，麻油味較重。適合比較喜歡吃濃味的你。兩者都能夠帶出柚子的酸和清新 值得一試.麵屋一燈 又一日本過江龍，可以說是拉麵界的五星級數🍜餐廳設計別出心裁 有仿日本庭園🌿 主打鹽味和醬油口味 近日推出柚子拉麵🍋 .—————————抵食🌟🌟🌟味道👅👅👅👅環境💎💎💎💎

小弟一向都覺得自己係1/8個日本人果日係尖沙咀買完APPLE WATCH唔知食咩好，於是就去左呢間開左一排既麵屋一燈到咁岩都夜左唔使等位一入去見到寫左8隻大字「一燈照隅，萬燈照國」，好有型即刻諗到一燈大師！唔知8隻字係咪佢寫店入面環境好靚，地方都好闊落講返D食物，我就叫左最出名既魚介沾麵(加左蛋)味道真係唔錯，沾汁本身夠熱，店員仲話食到一半唔夠熱可以幫我整返熱佢個湯都非常香濃有味，麵就非常之彈牙對住個海食飯好有FEEL，一個人食都十分之開心有塊牌仔考大家正宗日本人點食沾麵一夾一浸一食，正過OREO不過價錢就有D貴，一個麵要成$158(唔使加一)所以都係食一次算我都好推薦各位去食

七點半左右時間店內還有很多空位，我和朋友選擇了坐吧枱，因為有海景睇！我點了一碗柚子拉麵，因為想像不到柚子的甜如何和拉麵的咸混在一起，所以想試！感覺的確很有趣，柚子是「柚子蜜」的柚子醬，很少一點，但已經令整碗湯都充滿柚子香。因為沒有很多柚子蜜，不至於令湯變甜，吃下去是多了一份清新感。拉麵的口感令人滿意，蛋有一整隻，還有一大片叉燒。朋友吃的是沾麵，他是回頭客了～上次吃完覺得好吃所以帶我來吃！最後想讚一下店內的檸檬水，真的很有新鮮檸檬香（有些店舖大概一片檸檬用很久所以水都沒有檸檬味），而且水是冰涼的，能舒緩吃拉麵時的肥膩感！差不多吃完的時候，無意中發現開始了幻彩詠香江？！大概放煙花的日子這餐廳會很滿場。

星期六去海港城行街 快到午餐的時候在LCX層找找有什麼好吃的 還記得上次路過這家拉麵看到很多人排隊，但是今天可能時間還尚早 所以沒有人排隊 我便和老公一起試試 這家拉麵店只有很少的選擇，拉麵還是Jim面，就是那麼簡單。 我點了拉麵老公點了Jim面，他說jim麵10分好吃

只從上次之後就一直想再食多次今次就帶左媽媽黎一齊食~講真一燈係間難得坐得舒服嘅拉麵店！座位之間勁闊落 佢嘅4人位係其他餐廳會坐6人🤭鍾意嘅話又可以坐高枱望海景~媽媽叫左限定嘅柚子拉麵🍜湯底好有柚子香~感覺好清新出面好少食到柚子拉麵所以都幾值得試好特別!而我又係食返特製鹽味拉麵🍜( ・∇・)湯底還是咁重雞湯味~好似飲緊雞湯咁~好正麵條係我喜歡個種有少少硬度唔會過腍雞肉同叉燒都好大塊又有厚度有少少入口即融嘅感覺我覺得我過一排又會掛住雞湯拉麵又再黎食^^

日本東京第一拉麵黎左香港😍即刻回憶起東京旅行⋯💭專程試下個（期間限定）柚子拉麵🍜 $138 好足料既柚子湯底！酸酸地好過癮😆麵質唔錯，溏心蛋做得好靚，豚肉大塊又夠淋。不過，我同朋友都係唔識欣賞點為之好食拉麵，總係覺得度度都差不多味道。我諗依間叫做好啲啦，特別啲，係就係貴左啲🙈

🍜話說我係一個好鐘意食柚子產品嘅人，一知道麵屋一燈有柚子拉麵就即刻去咗試！😍-麵屋一燈仲要係日本連續5年嘅拉麵第一位，真係點可以唔去試試佢呢？-一入口，個湯底勁濃郁，勁大陣柚子味！😱話說我開頭以為佢只係小清新嘅柚子味，真係估都估唔到佢個湯底酸得黎咁有柚子味！😚講明先 我係一個好鐘意食酸野嘅人，所以我完全接受到個湯底嘅酸味！但講真 我估唔係人人都接受到！😆-我仲試咗佢嘅魚介沾麵！佢個湯又係勁好食！佢唔太重魚介味！🐟你知有啲魚介沾麵其實勁重魚介粉架啦！但佢有魚介味得嚟係有鮮味！-比我揀 我鐘意佢嘅沾麵多過柚子拉麵！🍊但柚子拉麵勝咗夠特別！真心可以一試！😚