麺屋·隠 (Closed)

本來諗住去食梁祖堯推介嘅漢堡店，但店舖只得一張枱，無辦法可以坐低食，所以去咗隔幾間舖嘅💛拉麵🍜試試。燈光比較昏暗，只有幾個客人，都有好幾張枱選擇，但店員唔俾揀位😓，無法啦，都入咗去🥺.幾個年輕人打理嘅拉麵🍜，有幾款口味選擇，可以配小食或者迷你飯等等😯———————————————————————————🍜黑隱💬幾片薄叉燒，香蔥等，湯底濃郁偏向鹹，黑蒜味重，唔算大碗但有點點膩🤔.🍜限定隱💬不知道是什麼內容，廚師發辦的安排，會有期待的心情，但端上來見到糖心蛋🥚，配上偏深嘅鰹魚湯汁，都估計是比較重口味，食落都唔錯，但有點口渴🤔

最近成日去元朗，好多時都係亂咁搵嘢食，得自己一個嘅時候，食拉麵就fit哂！今日試左麵屋．隱，返到去即刻寫個食評，因為真係好出色！今次試左限定隱，今期限定係鰹魚豚肉拉麵，呢款配有木耳、荀、叉燒同溏心蛋！叉燒入味，肥瘦適中，溏心蛋做到好流心，都好出色。最正係個湯，我揀左濃味，出到黎真係超濃郁，又掛麵，好香鰹魚味。麵嘅質地就正正常常啦！限定隱（鰹魚豚肉拉麵）$95 性價比高，推介大家方便嘅話一定要試下，舖頭唔太大，假期去可能要排一陣隊。

今日黎咗元朗食拉麵，就揀咗好多人都話好食既麵屋隱試下，入到去既環境幾有日本feel，之後我就叫咗赤隱同埋餃子試下，湯我就揀咗濃湯，其他都正常，拉麵黎到，我第一下就聞到好大陣既紅油味，試咗一淡肉球，好辣，真心辣，不過又辣得幾過癮，之後個湯底，濃湯好好味，配合紅油既辣，令到個湯底飲起上黎好正，麵黎講正正常常，反而想講下個餃子真心好食，佢煎到香脆，唔會太硬或者太淋，餃子汁亦都唔咸，味道岩岩好，我建議一定要試下依度既餃子

想食拉麵又冇得快閃去日本，咁就要試下位於元朗嘅麺屋•隠💛❤️，服務態度好好，上菜速度又快，試過真係可以encore再encore 😛黃到金嘅小店，絕對要大大力比夠啲懲處，但係記住入得黎元朗，就要比啲耐性預左要排隊啦🤣🤣🤣限定隠 • 醬油豬骨濃湯拉麺 $95講到明限定，緊係不定期更新換款式啦！今朝就係醬油豬骨，湯底好濃郁而唔咸，拉麵亦都好掛湯！一啖湯一啖麵，再黎一啖味付玉子，好快就食完🤣食拉麵緊係要學日本人咁飲埋個湯底👅飲到滿滿嘅蒜味添！白隠 • 豬骨濃湯拉麺 (追加+味付玉子一隻) $82豬骨湯味濃厚，仲有少少膠質口感，加左蒜之後個湯更多左啲惹味香口😋而其他配料有荀，木耳味道正常。麵條揀左較硬，因為鍾意彈牙嘅口感。自助配料雖然有芝麻同七味粉，但湯味已經十分濃郁，唔加都得，唯一係叉燒略嫌太薄🥺🥺呢度可以選擇湯嘅濃郁度同麵嘅硬度，完全可以打造一款適合自己口味嘅拉麵😛除左拉麵之外，仲有丼飯同日式小食，同朋友一齊黎就可以一齊share黎食啦~

平時食拉麵都覺 食緊冇餸飯咁成日要慳住食塊叉燒 但呢間 啲叉燒比坊間的拉麵屋厚 而且佩料又多 限定隱 今期係 自家製醬油豚骨湯價錢: $95食後感: 揀左 軟麵 濃湯 , 醬油味 濃厚 叉燒大塊 肥肉同瘦肉羅旋型隔住 一次食到2種質感 木耳絲 切幼條 又可以掛多啲麵汁 味付玉子 水準之作 整體好滿意,係食到最後 麵索左湯汁 有啲咸白隠 (濃厚豚骨湯)價錢: $72食後感: 香濃豚骨湯 賣相好乾淨 呢款本身冇玉子 其他配料同醬油果款一樣雞軟骨餃子價錢: $32食後感: 外皮脆卜卜 餃子入面雞軟骨嘅脆骨食落幾過癮迷你燒豬軟骨飯價錢: $28食後感: 豬軟骨唔錯夠冧 夠入味可以try try

去唔到旅行，決定去一去個本土旅行 – 入一入元朗先。呢間拉麵店位置唔算好難搵，去到門口先知道有好多人排隊，今次大概等左15-20分鐘，不過拉麵店入面嘅員工好好人，會事先同你講左要等幾耐，你自己決定等唔等。拉麵店嘅裝修好靚，好似日本小店，入到去仲要有好地道的日本主題曲！拉麵質素仲要唔差，不過份量就適合胃口細的人，如果胃口比較大的人可能就要加一個替玉啦。1.白隱今次嘅湯底濃度、拉麵硬度都係揀左正常，豬骨湯底好濃厚，好有豬骨湯的鮮味，咸度適中，湯底唔會落好多味精，麵質彈牙2.赤隠我第一次試赤隠，原來係辣肉湯，個staff好nice咁教我點樣食，原來係要撈埋d辣肉落個湯到，雖然好辣，但係切碎的豬肉粒分佈在成碗湯底入面，增加左碗麵惹味嘅程度💜最後埋單$180兩個人，價錢合理，入去元朗一定要試🤤

—終於喺元朗搵到間啱心水嘅拉麵店心血來潮想食嘅話 唔洗特登搭車出去白隠 豚骨濃湯($72) 追加粟米+$5可以揀湯頭濃度 麵軟硬度 需要蒜/蔥/筍/木耳通常第一次食會試原味版本 先再試其他味飲咗啖湯 濃郁易入口 唔會話好黏膩麵身有彈性 叉燒幾大塊 好似波板糖咁脂肪同瘦肉相間 腍身帶脂香好邪惡木耳絲切得幼細 筍條有咬口有時去d拉麵鋪 成間鋪麵係筍個浸味呢度雖然望到廚房 但係冇煮嘢食嘅味環境企企理理 冷氣都好夠—————————————————麺屋·隠元朗裕榮徑11號好旺洋樓地下5號舖

山長水遠入到元朗，專揾一d黃色小店支持!呢間鋪真係好細，座位我見就得十幾個咋，店內有好多文宣，環境乾淨!拉麵有4款，白隱、黑隱、赤隱同限定白隱則係豬骨濃湯，黑隱係黑蒜油，赤隱係辣肉湯，限定隱係季節限定，會定期更換。我點左赤隱，因為我鐘意食辣，碗拉麵一到唔理咁多先試左個湯先，唔係好辣，唔錯。跟住撈埋d辣肉落個湯到，個湯就變左另一種辣比之前辣少少，但仍然好味，我另外加左一隻溏心蛋，味道都，值得加呀！另外此店同一般嘅拉麵店一樣都係可以揀湯嘅濃度，拉麵嘅軟硬度。店員禮貌好好!大家多多支持!

之前已經吃過小店的限定隠，試過後又心思思想再食一次，但今次決定試另一款。赤隠(+味付玉子| $98)• 可按喜好選擇湯底的濃度以及拉麵的硬度等，而我所選擇了濃湯、麵質要硬身、保留所有配料。• 湯底極之香濃、帶有豬骨湯的鮮味，隨之而來的就是一股辣勁充斥住整個口腔，非常惹味。• 辣度算是中等(大概是譚仔麻辣中的小辣)，而辣味的來源於那些辣肉球𥚃，辣肉球是切碎的豬肉粒，攪拌後分佈在整碗湯底，惹味程度大幅增加。• 拉麵粗幼適中、有嚼口，值得一讚的是配料的份量相當豐富、絕不吝嗇。每口拉麵都可以夾雜不同配料，增加了口感的層次。• 叉燒質感緊緻、充滿肉香，吸收湯底的香辣後顯得更為惹味，但份量方面則偏少了一點。• 溏心蛋蛋白彈牙、蛋黃保持滑溜水凝狀態，而且帶有淡淡的醬油味。

早排疫情嚴峻嗰陣基本上都冇點出街食見今個禮拜情況好啲就決定去探索下元朗黃店揀咗呢間都有少少隱世嘅拉麵舖地方唔大加上而家新嘅距離規定黎食之前都要有心理準備等位叫咗兩個拉麵濃淡度揀咗普通但係味道都係偏重口味食開清淡嘅要留意返拉麵係幼身嘅 吸埋啲湯汁非常入味價錢八十左右一碗 合理價錢值得一試

去元朗行完山突然間好想食碗拉麵見到openrice呢間餐廳評價咁好就黎試下先每張單都可以選擇湯底濃度、麵身軟硬情度等等今次試左個豬骨湯底，好濃，啲拉麵都好彈牙濃到我成碗當湯飲晒個雞軟骨餃子熱辣辣，好好食！

相信大家入元朗想食沾麵嘅話，都會知道彩依間專食沾麵嘅店舖。但如果想食拉麵嘅話，元朗又有咩好選擇呢？如果嚟到元朗想食拉麵，我一定會推薦依間麵屋•隱。依間舖頭真係唔太顯眼，我朋友都話唔知道依到有間舖頭係食拉麵嘅。拉麵都主要係分咗豬骨湯，辣味同黑蒜油味，重有一個限定味嘅拉麵。今次限定味嘅拉麵係自家製醬油湯底，我最主要想講嘅就係好好好味！！唔識形容，但真係好好味。最正係嗰湯底味道濃郁但又唔會話咸到你好口渴咁。另外，嗰糖心蛋又係正嘅。希望大家多啲支持小店

今日難得要出街買嘢就順便食埋嘢先返去朋友：食唔食”隱意粉”？我：今日唔想食意粉喎朋友：唔係呀係食拉麵架後尾我返到屋企search點解叫隱意粉，笑到我死喺門口等咗5分鐘左右就入得～呢排疫情嚴重，入去之前都會幫我地量體溫先我地都揀咗白隱（豚骨濃湯），因為覺得食最普通嘅拉麵就知有冇下次一嚟到緊係飲啖湯先，好味！係我地都鍾意嘅豚骨湯味而且返到屋企都唔會覺得口渴麵嘅硬度我地揀咗”硬”，真係煮得好好叉燒又夠冧淨係碗拉麵都差唔多一百分我地仲叫咗個小食：燒豬軟骨醬汁好食，煮得好入味，好冧食完有少少油煙味，不過呢餐真係好滿足，我地一定會再返嚟食同埋要多啲支持小店

自從work from home，我多左好多時間去食啲平時唔食嘅嘢，可以揀一間望落衛生，平時又排長龍嘅餐廳黎試食下！呢間食店喺元朗近新B仔、元朗體育館內街果頭，位置就唔係好靚，遠離食肆林立的位置。真係住元朗，平時鍾意行呢頭先會見到呢間野呀。位置唔靚，但質素高都會吸引到人嘅！店內位置就唔大，我諗每輪最多只可以容納10幾人，但又唔算好擠迫，都可以接受。呢度嘅定價其實係偏高，最平$72，平均80幾蚊。一般商場內出名嘅拉麵店都係類似呢個價位，我睇唔透個競爭力。不過都要試下味道先。白隱（$72）拉麵份量足，湯底豬骨味濃郁，即情想飲晒個湯底！叉燒脂肪比例多，有入口即化嘅滋味！味道其實係幾好！只係我覺得店舖座落元朗，位置又唔係靚，一碗拉麵索價$80就有啲過份，如果可以調低至$60左右相信會更多人慕名而來！

一入到去到bar枱有行one piece同播住日文歌 氣氛幾輕鬆 拉麫有得自選湯底既濃度 麫有得揀硬度 配料可揀要唔要蔥荀木耳絲等既配料 👀我要左個白隱 奶綠男要左個限定隱 我地都揀左要硬啲既拉麫 拉麫食落好有咬口 我個碗白隱配左豬骨濃湯底 湯底唔錯 要蔥要木耳絲 香口惹味 叉燒邊位脂肪幾正 入口即化 而限定隱就係鰹魚豚骨濃湯 奶綠男只係要左筍同木耳絲 除左叉燒之外仲多左隻兩開邊既流心蛋 佢都覺得呢間幾好味 仲叫左兩支波子汽水 gur gur爽🤩〰️麺屋·隠 (元朗)元朗裕榮徑11號好旺洋樓地下5號舖