麺屋武蔵 (Closed)

以本地來説，武藏拉麵本身不俗，湯㡳也很香甜。雖然跟日本本土的拉麵有些少距離，但以此價格及方便程度來說，其實很不錯。😄從餐牌上看似有很多選擇，其實材料基本上不多，只是中間砌了很多不同的組合😏。最和味係湯㡳，包括白(最入味，必選)丶黑(白＋墨）丶紅(白＋辣)丶油沾（白＋油＋小墨，湯另上）丶蕃茄。肉類主要包括叉燒和豚肉。其中叉燒＋拉麵＋黑或白湯底的味道不錯👍還有這碗白豚角拉麵，一大塊厚厚身的豚肉，不俗之選。當中最便宜之處係可以後加半份拉麵🍜及溫泉蛋🥚，最啱小朋友同大朋友食埋一份😙除了麵，也有炒飯同其他日式小吃。飯就一般，唔係主角。值得一提，服務員都落力，見到我地有小朋有老人家，先安排我地坐四人台，然後再換張大枱比我地，算很不錯👍

晚上跟友人來到，不是排很久，所以選擇了這間連鎖拉面店。我一直對連鎖店的質素沒抱太多期望。看餐牌有三種湯底，亦有沾面、小食等選擇，菜式廣度很好，適合一家人來的。最後點了白，赤湯，上菜的確很很快，難怪人龍不多，第一口喝湯，感覺十分普通，這個價錢去別的拉面店會有更好的湯底，面的質素也不太滿意，但有驚喜的是那塊肉，五花腩，十分入味，可算是整個拉面的驚喜之一。這間拉麵不太推薦，特意來吃的話可以省掉，但省時間吃這間還是可以的。

嗌左黑王拉麵，一食已經覺得舊肉醃得好咸。湯底都好咸。份量方面好足夠。肉好大塊而且麵都好多，不過唔會話好多蔥。另外嗌左wasabi 炸雞，炸雞新鮮，味道都幾夾，唔錯！

收工同2個朋友約左去APM食飯, 大家都係鐘意食日本野GE人, o係openrice 搵到喱間拉面店, 睇d comment 應該都唔會中伏ge, 所以就去左啦咁我地都各點左一個唔同的湯底, 方便大家試味呀嗎~ 一碗係咖哩湯底, 一碗係紅湯(辣), 不過我地3個唔太食得辣ge人都覺得一d都唔辣, 最後仲有一碗係白湯(豬骨), 基本上3個湯底都一般, 唔係特別濃郁, 唔似正宗的日本拉面, 但又未去到差, 面質還可以, 溫泉蛋幾好食, 豚肉就冇咩味道, 不過面的份量都幾多, 幾大碗, 我地3個女仔都食到勁飽另外點左2個小食, 一個係炸雞, 雞肉就一般, 唔係太嫩滑同多汁, 但係配ge芥末沙律醬都ok,另一個小食係Wasabi菠菜, 喱個反而有驚喜, d 醬汁又唔會太過濃, 都幾香, o岩o岩好, 同 菠菜的味道都幾夾, 係全晚的highlight整體黎講都係不過不失, 如果行開apm 想食拉面都可以食下, 但又唔會話想食完又食囉

喺觀塘做完嘢，下午茶時間見肚空空想食少少嘢，咁啱嚟到麵屋武藏食返個沾麵。落單嗰陣呢侍應姐姐就話沾麵比較耐， 果然真係好耐，我諗應該都等咗有25分鐘左右。蘋果蘋果特飲 $15一杯正常嘅蘋果特飲，都幾有蘋果汁嘅酸酸哋味道，甜味同蘋果汁味配合得啱啱好。沾麵（白） $79幾經辛苦終於都等到沾麵。溏心蛋效果做得幾好，但蛋味唔算好突出。薄薄嘅兩塊叉燒， 味道唔算好濃郁，口感爭啲。但依隻極粗嘅蛋黃麵就最欣賞，煙靭爽彈！沾麵湯底睇落稀到似水，味道就應該好淡吓， 但驚喜喺試咗一啖後，味道都幾濃厚，完全係意料之外。加咗一後，收咗 100 零幾蚊，性價比都算高嘅！

今日試到個限定沾麵，一日限50碗，係菇沾麵，相信唔係太多人鐘意食。先先係杯茶，茶味足夠，適合一陣用黎送濃味既沾麵。食麵之前先係叫左一個沙律，激讚！外表超級靚超級colourful，清楚見到唔同款既生果蔬菜。成個沙律有士多啤梨、南瓜、粟米、蓮藕等等。蓮藕、士多啤梨、南瓜絕對係加分位，因為士多啤梨夠甜夠新鮮令沙律提味不少。而蓮藕、南瓜炸到薄薄脆脆，口感頓時豐富左好多。沾麵湯底非常足料,超重木魚味！雖然係好濃，但唔會口渴，不過我稍嫌木魚味太濃，食唔出各種菇類既鮮味。

其實我覺得拉麵一向偏咸或油，喺香港真係好難食到有日本水準嘅拉麵，但呢個蕃茄湯底嘅拉麵就好特別，唔會咸，麵嘅口感都好好，但塊肉真係好硬，好大力先撕得開。如果肉做得好啲真係俾滿分。 女友最愛赤沾麵，次次佢都食呢個，因為辣得黎好味，再加湯時真係有陣好特別嘅味浮出黎，我食唔到辣都要飲啖湯。而且其他店嘅沾麵好多時唔會有肉，要你加錢，呢度就好足料。差唔多成舊水嘅沾麵如果冇啲肉都真係幫襯唔過。另外，小食叫左wasabi芝麻醬菠菜同炸雞，兩個都好味，原來wasabi唔淨止加落壽司。又學多樣野。

突如其來的飯聚,考慮了天氣,於是選擇了可以驅走寒氣的拉麵. 觀塘區拉麵的選擇不算多,最後選了麵屋武藏,因為地點方便,而且位置較多,輪候時間相對較快. 話雖如此8時用餐2位用餐還是等了15分鐘才能進座.看畢餐牌的拉麵和沾麵選擇,包括原味,辣味和黑蒜味,所以用選了較特別的黑蒜油風味來吃.其實,所謂的黑蒜油不是真的黑蒜制成,而是把蒜頭爆炒到焦,以油蒜打勻制成的油.再混以湯頭 (如豚骨湯頭), 使湯頭變黑, 帶有焦蒜濃濃香味.這裡的黑武骨拉麵 ($72) 也是用了此法炮制而成. 黑蒜油味道香濃,但相比之下,豚骨湯的味道不比下去了.當然,也有可能是湯頭用得太多/熬煮時間較短,沒有那種厚厚的濃稠感覺和撲鼻而來的豚頭香味.這個地方是有點失望了. 但湯頭確是好喝的,起碼喝完也沒有口乾情況,只有淡淡蒜香從口中滲出.至於,麵身是粗麵條來的,吸汁能力極佳, 麵條粗勁有力,相當好吃之餘,也能和湯汁一併吃下去!配料: 豚角煮更是一絕! 甜甜的味道,入口十分鬆化! 有種覺得配料比湯更好吃的感覺! 有點想單點豚角煮來吃! 加以旁邊那墊大蔥來吃,辛香平衡肥膩,帶來蔥香,更是好吃!溏心蛋也煮得剛好,入口也是融化口腔中!

原本約左朋友食麵屋丸京，不過咁岩佢中午唔開，係尋尋覓覓之下就搵左呢間黎食，以前食過一次都覺得還可以，但今次食就覺得盡量都唔會再食，唔知係咪養壞左自己對拉麵既感覺，呢度既拉麵既味同麵都唔係太吸引我，我叫左最鍾意既黑拉麵，無溏心蛋之外，幼麵同湯唔多夾，所以我其實係抱住填飽個肚既諗法黎食，因為當時都已經3點，我同朋友餓左個半鐘先搵到其他替代既拉麵店，另外餃子既皮都痴埋哂，同埋好乾，可以睇得出解凍都唔多足夠，份量唔夠填肚之餘，價錢仲要同外面既拉麵店差唔多，如果俾其他拉麵店俾我揀，我都會盡量揀其他店黎食

之前經過都想試但一直無機會試，今次終於可以一試啦。夜晚都幾多人，不過好彩唔使點等。座位就有少少窄，不過都夠位放野食嘅。今次叫左呢個番茄豬頸肉拉麵。裡面除左豬頸肉同番茄之外，黃色果舊係薯仔蓉，另加溫泉蛋。番茄湯底好濃，唔咸。番茄煮得剛剛好，有咬口，唔會話煮到“林”哂。豬頸肉比我想像中大塊不過係薄切，有啲啲韌但整體黎講幾好。薯仔蓉唔同平時嘅薯蓉，唔會“林 pat pat”，我幾鍾意白豚骨拉麵個湯底好濃好重豬骨味。叉燒無試過唔評論。加錢叫嘅麵底。1碗麵加食埋呢個麵飽哂

難得路過觀塘又路過武骨唔洗得位，天意讓我一試。晨早留留小貓三四隻，我單拖坐吧檯最好。正午 12 點的冰凍啤酒，爽呀！食碗拉麵加個小食送啤酒，隔離位帶眼鏡肥女人唔洗眼望望咁羨慕既。赤武骨叉燒湯麵加蛋加底，無辣不歡的我當然由辣赤湯試起，火紅的賣相十分撩人，香噴噴的氣味增加食慾，亮晶晶的心心眼。糖心半熟蛋，黏黏糊糊半流慾滴的蛋黃黃味十足，甘甜濃郁無比，蛋白散發醬油咸香，涼浸浸淨食或配麵同樣激讚！叉燒半肥瘦，清爽醬油味道，不乾鞋而潤澤，軟塾多汁有咬口。菠菜非常爽甜，夾於拉麵之間更加精彩。湯底辛辣惹味，不能遮掩的濃厚豬骨香氣，味道豐富泛㕦著微辣，美味極了！高質拉麵滑彈嚥韌，蛋味突出，掛著甜美暖暖辣湯大注啜入口，擦過舌頭直墮肚裡去，好幸福啊！享受過原味，想增多一點刺激及樂趣，找來檯面辣椒油，日式拉麵店罕見有辣椒油提供，有新意我鍾意。自家辣椒油夠晒香而微辣，一般平凡，可有可無。辣椒渣沉積到硬實，一刮彈到滿身橙色辣椒油，勁肉酸，陰功豬，希望洗得甩啦。炸魷魚鬚，用香辣沙嗲汁浸醃過喎，有誠意。剛剛炸起外觀略有點油，反光立立令，賣相感覺似著上厚硬盔甲一樣。意想不到炸漿跟家鄉雞一樣脆卜卜又鬆化呢，不乾不硬不刮

月頭去左轉東京，番黎香港仲掛住日本嘅拉麵，於是拉埋男朋友去食放工時間7點唔算太多人，等左5分鐘就有位。我叫左個白豚角煮($78)，個拉麵一上黎當堂覺得中左伏，嘩！未免太油啦掛，舊肉咁肥點食。我習慣拉麵先飲個湯底試下味，湯底好濃豬骨味，但太油，好似飲緊油咁好膩。個麵質Q軟，糖心蛋都正常。重點黎啦，舊肉真係好肥，我咬左一啖，肉好淋入曬味，敗筆係太多肥膏下次會試個叉燒，應該無咁肥

哩度下午茶40幾蚊叫左面 仲有氣水 有炸雞好抵食個面好濃味 但吾會太咸雖然得一塊叉燒 但都好好味炸雞都熱辣辣 我地仲叫左d小食 香腸卷 餃子腸好正 好香 調味得岩岩好 同埋份量都好大餃子就比較普通下午茶當午餐咁食左每人差吾多100蚊都算飽肚

Lunch 想食拉麵，原來呢間都有下午茶 ，但相比平時細碗左好多呀我地都食豚肉一黑一白湯底，但今日個湯底好油呀，油到好嚴重，個小食薯餅好味個餐包埋 每人50蚊有找，但如果好餓就唔適合..份量較少

去開apm既朋友都知道無論lunch time定夜晚搵食係一件好困難既事。通常都係邊間有位就食邊間。星期六晚上八時多黎到apm周圍都好多人，岩岩麵屋有吧檯位，為左醫肚一於照殺個人不太好拉麵但就非常中意食沾麵，難得有沾麵提供一於試試佢。有黑、白、紅選擇，即黑蒜油、豚骨原味同辣味，今天就試試黑蒜口味等候時間稍為長左的，大概等了十五分鐘。黑蒜香氣撲鼻，呷一小口黑蒜味濃郁，隨之便滲出了柴魚的香味，𣊬間食欲大增沾麵湯內有少許叉燒粒，至於叉燒片不過不失，未做到入口即化的境界。溏心蛋反而做得出色！至於麵，有些少敗筆，有幾條麵煮唔透痴埋一齊，可能煮的時候浮左上水面，掛湯能力算普通，但整體黎講都合格有餘順帶一提茶係幾好飲，侍應都有禮貌