麺屋武蔵 (Closed)

APM係官塘地標，亦係我嘅主場，放工放假行街買餸都留低唔少腳毛。今晚過嚟睇完戲，眾裏尋他，就試吓呢間我從來未幫襯過嘅拉麵店。 一入門口就知間舖係由係香港人經營嘅，點解？就係爭咗句「易喇沙易孖些而」囉。店內裝修以全黑做主調，牆上少不免有裝飾品，但都帶唔出餐廳主題，純粹人有我有。不過舖面光猛乾淨，值得一讚。 叉燒拉麵@白武骨$75每次試拉麵都會食最基本嘅叉燒拉麵，因為基本嘢人人識做，但更顯師傅功夫。豬骨湯底鮮甜，稍稍油膩，叉燒同MENU張相一樣，有半隻碗咁大，半肥瘦，入口鬆化，粗身麵條夠煙韌，吸收晒湯汁一齊食，正。溏心蛋用醬油浸過，外面蛋白鹹香，蛋黃流心，又係加分位。但略嫌配料唔夠豐富，如果有粟米粒同筍就更加正。 豚角煮@白武骨$75湯底同配菜都一樣係豬骨湯，只係大大塊叉燒換上厚切豬腩肉。五花腩肉肥瘦相間，煮得入味，雖然係厚切但入口鬆化，可見煮得夠火候，比叉燒更出色。 武藏煎餃子$38餃子包得飽滿，煎得乾脆，餡料切得幼細，嫩滑多汁，除咗大阪王將，少有食到咁好食嘅餃子。 武藏炸雞配芥末沙律醬$35炸雞食得多，但原來醬汁先係關鍵

剛在apm 睇完戲，諗唔到食乜之際，見到麵屋唔係好多人等位，就入出試試。今次order咗白武骨豚肉拉麵，湯㡳好一般，麵條比湯底更一般，但豚肉肉質肥瘦均勻，整體來說尚算可以。其次亦order咗炒野菜，黑椒味太濃，可以不試。

冬天最中意就係食麵!!今日Lunch time黎到麺屋武蔵, 等既人唔多, 等左大約5分鐘就有位, 見到menu新出左澳洲和牛拉面, 好似幾正, 不過都唔夠沾麵咁吸引到Vi, 沾麵有3種, 分別係白,黑同赤, 而Vi就要左最簡單既白, 即係豬骨湯底~沾麵都幾大碗, 有半隻半熟蛋同2大塊肉, 湯底味道唔錯, 好濃有豬骨湯味, 味道偏咸同偏油, 而麵質粗身彈牙, 掛湯掛得幾好,睇番menu介紹,原來呢度既麵條中間有條坑紋, 就係為左掛湯掛得好d, 唔錯, 但因為冷氣太大, 所以湯底好快就凍左, 唔夠熱係最大敗筆~不過整體都係好食既沾麵

平時都無咩機會食麵屋武藏但因為行行下好想食拉麵 咁又未試過就走左入去食嚕睇睇餐牌見到一個我想試好耐嘅咖哩拉麵咁我就點呢個啦！佢係咖哩豚肉拉麵黎一黎到就聞到濃濃的咖哩味本人好中意食咖哩所以好開心哦～第一啖飲下個湯學得雖然唔及日本個啲濃味但係都好唔係話淡 有少少似合味道嘅咖哩杯麵味 但呢個係好味啲嫁！好奇怪平時去拉麵店食會問我要幾硬嘅麵度但呢一間無問到試一試啲麵 係有啲軟 但都接受到嘅唔係話林到糊左咁 只係我本身中意食硬麵而啲豚肉片都幾多下 又唔係話好肥仲有落左好多蔥 我覺得拉麵嘅蔥係最好味，因為佢草青味唔強如果佢啲麵硬返少少 咁就完美嚕

行開APM，心動想食碗熱辣辣拉面。睇門面，就入左呢間店…無需等位，不過由一入門口就覺得好似中左陷阱。先係侍應無咩招呼，坐低之後點餐亦都係冷漠對待。面，只能算是很普通的貨。湯說濃不濃…說咸又不咸，而且我好辣所以揀了赤湯… 結果落了兩大匙辣辣油都無感覺，好失望；面和配菜亦是極之普通，而且係我食緊既時候，侍應生竟然同同事之間講『急屎』。當下那刻我真的stone mode 了！😕最後埋單，照舊，侍應生一句多謝、唔該、再見，以上句子一句都無。講真，絕不光臨第二次。不過多謝呢間店，令我有心將塵封己久既帳號重開。

看电影前，要先醫治我的五臟庙，就想起這里有間拉麵店！從外至內也充滿了日本風味！店内非常整潔和舒適！整套餐具也令你如置身在日本！這碟双色薯餅，有紫薯和番薯，外脆內軟，非常香甜！和牛拉麵！和牛很嫩滑，和牛味很濃郁，可惜只有一片！番茄豚骨湯麵！番茄味加上豚骨味的湯很和味，豚肉調味很好，麵條弹牙，但那半個蛋只嚐到鹹味！

成日周圍食拉麵既我今日又有新發現！呢間拉麵店有豬骨、黑蒜油、辣味等等既湯底，我叫左黑武骨豬腩肉拉麵。不久遠方就傳來蒜香，待應放低後即見大大件豬腩肉！五花腩層次分明，肉及肥羔分佈適平均，每一口都感受到五花腩鬆軟之感！湯底好香蒜味，不過有d油。而拉麵口感不及一蘭及拉麵來，不過不妨一試。

同朋友shopping完，揾一間坐得舒服又冇乜人的地方醫肚😁叫了一碗(白武骨)，一碗(黑沾麵)白武骨，超失望😡五花腩嚡，湯底像麵豉湯，旦超鹹😣黑沾麵，好失望😦叉燒超薄，沾底太淡(沾的時候完全冇味……最後不用再加湯飲用)，麵條尚可，旦超鹹😣结帳一出門口即喉嚨痛又起痰，大件事😧

今日到觀塘辦事，完了就去附近apm 搵食，午餐兼下午茶，之前在網上了解一下，決定麵屋武藏，過午飯時間已過，不算多人，又唔駛等位，好耐無食拉麵了，好期待。門外有個印有店名的大鼓，好想大力打佢一下。拉麵店，舒適簡潔，有吧檯、卡座同雅座，坐吧檯還可看到師傅煮麵過程。這款鳳翔天拉麵，是新推介，秘製極上雞湯底，每日限量50碗。正呀～客人可申請加人武藏同人會成為會員，可享折扣優惠。拉麵主要以白、赤、黑武骨湯底作招來，白是指以獨創極濃厚豚骨作湯底，層次豐富。赤是指以秘製辣油加入香濃豚骨湯，份外惹味。黑是指以濃厚的豚骨湯底，加入燒香後的長蔥及玉蔥製成的黑蒜油，味道香濃。還有另一主打: 沾汁麵，叉燒配白／赤／黑武骨湯，麵條是特製，中心有坑紋，麵身都較為粗身且有彈性，坑紋的設計令麵條掛湯能力更高。厚揚土佐豆腐，即日式厚炸豆腐，外層香脆，內裡軟滑，淋上口感酸酸的土佐醬汁，味道唔錯。比目魚黃金燒, 用鐵板載著, 滋滋聲, 好夠熱, 面頭的芝士已經溶化在魚身, 一啖入口, 芝味濃郁, 魚肉嫩滑.雙色薯餅，紫心薯餅和黃心薯餅，同樣炸至金黃色，非常香脆，食時內裡又綿又香甜，唔覺油膩，而紫心薯餅還夾著一啲細細粒嘅栗子

望向油塘方向, 左邊是超殘的四、五十年舊樓, 右邊是光鮮全落地玻璃的新式商廈, 對比度應真夠特別. 當年APM開幕, 應該是2005年, 港人襯虛心態, 個個都話要來潮聖. 朝聖這個詞, 真是改得好, 教徒要到麥加朝聖, 與消費者要去朝聖一樣.上海買大麥十分方便, 但香港, 就是找不到平價貨, 通常只在一些有機食品公司才可買到, 價錢是十數倍計. 這家的大麥茶十分濃郁, 味道清香.厚揚土佐豆腐 ($32). 淡淡半透明的醬油, 浸著超薄脆漿和木魚粉包著的炸豆腐, 面上放了幾粒小菇, 灑上蔥花, 賣相精緻優美. 豆腐炸後仍有微微的豆香, 小菇清香, 夾著蔥花一起入口, 滑溜中有清爽. 雙色薯餅 ($36), 餡料分別是栗子蓉和南瓜蓉, 上檯時超熱, 表面脆粉做得夠薄, 入口鬆脆, 內裡的應該還加了甜蕃薯, 還有一些栗子碎粒, 增加多重豐富口感.比目魚黃金燒, 以鐵板上檯, 熱度十足, 質感與銀雪魚類似, 表面有半溶芝士, 口感軟滑濃郁. 友人想試新嘢, 店員介紹: 咖哩豚肉拉麵, 黃咖哩煮拉麵, 第一次見, 上檯時已經聞到一陣咖哩香, 金黃色的湯底, 薄切的半肥瘦豬肉片, 加上大量的日本

上堂前嚟個快食，星期二晚上約6:30還未需要等位，一到即可入內，被安排在bar檯。今日選了雖然講明係有蔥油，但湯比想像中真係油好多，平時喜歡先嚐湯，但今次真係望住飲唔落湯面油到反晒光 整碗麵最滿意係那厚厚的肉 好好好入味又煮得夠焾不慚係推介 ！玉子不錯，烹煮時間控制恰到好處

我好鍾情於沾麵, 好耐之前去日本一試已經愛上, 香港現在都有好多地方可以食到, 沾麵架好處係唔會咁飽肚, D麵唔駛索曬D湯, 入口時先沾湯係最好的,今日麵癮發就叫埋個FRIEND一齊去左APM食返碗赤武骨沾汁麵, 其實已經唔係第一次幫襯, 但個水準仲KEEP到, D有坑既麵軟硬度剛剛好,完全無鹼水味, 不過如果可以推出個地獄辛辣沾麵就更好啦, 我個FRIEND 就叫左個番茄豚骨湯拉麵, 佢都比GOOD, 話我冇介紹錯, 不過就貴左少少, 如果我請埋佢就一百分, 但係其實我地兩個人一人一碗麵, 再加一杯凍飲, 再加埋坐低吹水兩粒鐘都算係咁啦.

今日在觀塘放工和朋友就去到apm 的麺屋武蔵，門面與裝修都有日本風格 麺屋武蔵主打三種不同style 拉麵，有黑，白，赤武骨，自己唔鐘意太辣和太鹹的拉麵，所以叫左白武骨叉燒拉麵 ，而朋友就叫黑武骨叉燒拉麵。吹左一陣水，兩碗麵就一齊嚟，嘩 未食已經👃到朋友哥碗黑蒜香的味道😋，令人急不及待，我要いただき，但食之前望下個賣相先，一塊大叉燒，少！😓，紫菜80%沉降落湯😥，好彩流心蛋無出事😅。好，即刻嚐下我的白武骨的湯底先，好重豬骨味，我覺得鹹了少少，但可以接受。好，立即試麺先，是粗麺，口感適中，軟硬到位，再加多一啖湯，嘩，うまい😋。再試下佢成塊豬扒size 的叉燒先，厚度中有，口感偏都中，不錯😋。流心蛋當然無出事，好穩定。朋友的黑武骨就真係好鹹，愛鹹的人就不可錯過😂。但蒜香十足😋。黑武骨除左湯底唔同，整體和白武骨一樣。當然不能和在日本本土拉麵比較，但$80左右是接受的價錢。

我每行親都會想試，不過lunch 閒閒地70几都唔捨得食，呢個月為左奬勵自己，就點左個黑武骨，先講個湯底，用豚骨餚製，個湯濃得黎又杰杰地，黑黑湯底食牙齒會污左少少黑，其次就係豚肉，好有口感，又滑嫩，加上佢隻溫泉蛋好有蛋香同流心位好甜，蛋外面有醬汁包圍，濃味得黎又唔會太咸，麵條都好有彈性，如果價錢可調整下更好啦

店鋪透明度幾高，食客可以望到廚房，所以啲野食污糟極有限黑湯底，啲肉中規中矩，唔太難食，面條都幾彈牙，唔算難食既，重點既係湯底，個湯底有啲油膩，但都幾入味，肥小小都唔怕仲有佢個溏心蛋好正