麺屋武蔵 (Closed)

我唔鍾意食傳統嘅湯拉麵，因為我唔鍾意食鹼水味太重嘅麵。Lunch Time路過，見到武藏門庭若市，見menu又有得食沾麵，就決定去試一試。 麵好快就到咗，麵係凍嘅，湯係暖嘅，有少少失望。麵係方形嘅長條粗麵，有鹼水味，但係唔算重，以我個人來講可以接受。我覺得佢全碗沾麵最好食嘅係佢嘅小菜。

昨晚去了apm，本打算光顧food court大神，但碰巧遇上Koop idol-Seventeen辦記者會，粉絲們為了看見偶像一面便早早"霸靚位"，food court變得水泄不通，只好放棄這念頭。本打算找尋一下其他樓層有什麼美食，誰不知到電梯口時看見了KFC和武藏，我當然二話不說選擇了拉麵。等了不到十分鐘便已有位置，坐於師傅弄麵的那邊，能清楚看見麵的誔生過程。每張桌子上必定會有牙籤丶七味粉丶餃子豉油及辣椒油。我坐的那個位置能看到一盤又一盤的豚肉及叉燒正在風乾，看見都想吃！因為菜單上寫了是推薦便點了它 - 明太子滑蛋丼。視覺上很引人入勝，裝飾得像一顆蛋似的。明太子是蛋黃而滑蛋就是擔當蛋白的角色。內裡還有些紫菜及珍珠米上被醬油包裹著。但略嫌整體沒什麼味道，可能明太子本是偏咸的東西，所以飯內的醬油要做得偏淡。不過不好太咸的我覺得這個濃淡度是可接受的。這碗蕃茄豚肉拉麵很好吃！在日本武藏，他們務求把麵身弄得乾身的狀態會很大力的"chok"數次，把水全弄到地上去。不知道香港是不是因為安全問題所以減去了。麵身可能缺少了"chok"的幾下手勢，麵身較濕，但麵質仍是彈牙的。不得不讚它的湯底，湯底香濃

放工約一位友人到觀塘食晚飯。友人建議到麵屋武藏食麵。之前食過印象重口味少少，不過還可以接受。兩個人就去apm麵屋武藏。到麵屋武藏時下午6點左右，店內人客唔多。由於兩人都有揹背囊，被侍應安排坐入口圓枱圍凳後第一張二人枱。因為貼牆梳化有多位可以放背囊，安排都好合理。侍應上咗兩杯麥茶。兩人點咗兩碗黑豚角拉麵同一碟炸魷魚鬚。友人去洗手間，食物已經到齊。友人依然未返。我一人繼續等候。之後人齊開餐，黑豚角拉麵配料普通。豚角肉厚入口淋身味甜。湯底油得很，味甜竭喉感覺味精極重。炸魷魚鬚味道普通，喺旺角街邊食更平更好。由於味精太濃，茶飲完無侍應添飲，二人枱太細無茶壼。只好自己去bar枱攞茶壼返二人枱自己斟。飲完三杯竟有侍應不問伸手奪走茶壼。而每當食完碗碟無耐，侍應亦立即詢問收走。由於接近7點店內人客開始多。以上行為趕客感極重。約七點鐘多啲離開，埋單兩位合共220蚊。食物水平普通，店員服務欠佳。背囊友唔建議入店光顧。重口味愛好者可以嘗試。110蚊位非繁忙時間入坐，食一餐坐1個鐘都被人趕走無服務。唔通去咗宜家食飯？

中午與同事吃麵屋武藏，神奇地等了不久就有位，可能是我們人多，碰巧又有大枱走，便很快入座。麵屋武藏主要是吃拉麵和沾麵，但都有丼飯和小食選擇，而麵類以白、赤和黑三種，即是豚肉湯底、豚肉辣油湯底和豚肉黑蒜油湯底。我最後點了黑武骨沾麵。黑武骨沾麵麵屋武藏沾麵汁稱是日本傳統配方，為達最佳效果而保持微暖上菜，而沾麵是用特製麵條，較粗身，更以特別坑紋設計令其容易掛湯，並長時間以室溫保持彈性。可惜，湯底較稀身，黑蒜油積在上層，豚骨湯封在下層，有點點肉粒，聞落雖有淡淡黑蒜味，但食落黑蒜味不濃烈，而且麵身不像之前銅鑼灣吃得那間這麼粗和有嚼勁，所以掛湯能力較低，入口時麵身不太入味溏心蛋不過不失，叉燒肉質嫩滑，但較瘦，吃不出油脂豐腴感...

真係一句「嚇死人」做開頭!....D麵直頭食到想嘔... (此乃個人意見)先講有黑、白、赤三款湯底, 小編選擇左黑叉燒拉麵下午茶餐跟炸雞, 同行友人選擇左白叉燒a la carte加底(+$10)。******************首先上既係炸雞, 脆又嫩, 唔錯, 加上醬汁帶D芥末未, 幾特別。******************再上就係兩個面, 先講黑叉燒下午茶拉麵, 湯唔熱, 直情暖都講唔上, 但湯上面D油就成1cm厚。油原意係用黎保溫, 咁碗湯都唔熱, 保咩溫呢? 加上堂食根本唔需要保溫, 除非廚房同用餐區距離有一公里啦。食落去, 完全冇味, 連我以為係黑蒜油果D油都冇味, 成碗覺得係生油浸拉麵。另外a la cart白叉燒拉麵, 又係油浸、唔熱、冇味。加底($10) 得一"執"仔, 即是一啖食得曬果D, 完全係搵笨。******************紐倫堡腸算最正常, 鐵板上。但個waiter差D將成碟野推左落地。******************食完生痱滋 (爛左上顎), 應該係D油或者湯quality出事。******************消費: total $2

如果去到apm唔想食food court但又唔知食乜好，可以嚟呢間拉麵鋪試下價錢唔算貴，等位都唔算耐，就算係星期五晚，我哋都係等咗大概15分鐘就可以入座喇！絕對係抵食之選

同同事食下午茶，諗唔到食乜，有人話食呢間，我ok的，之前食過一兩次，係唔錯的。今次再嚟食拉麵，以為係正常size，點知今次嚟點解變咗q版嘅?麵仲要得兩三“住”，好快食完，點解變成咁㗎，退步咗好多。我叫嘅係赤豚肉拉麵，湯底方面偏咸，辣度又唔刺激，豚肉係好普通貨，跟餐係汽水，可加錢($7)轉特飲但我建議大家都係唔好轉，因為好普通。呢個set仲要成40蚊真係好唔抵。

去到觀塘apm ,逛街買一堆有的無的戰利品是必然的，打算去打個邊爐去填飽肚皮就夠哂滿足^^ 但點知之前食既某間打邊爐已結業！ 誤打誤撞下，平時話最鐘意食拉麺既男友就話一直想試“麺屋武藏“ 就不理任何因素就初嘗這店`我食（黑武骨）- 豚肉煮 ；喜歡它的黑蒜油的香不算太油膩，溏心蛋也不錯，麵質夠彈牙軟硬程度是我喜歡的，只可惜個豚肉看似薄切肥牛，食落仲有點“蘇蘇“地既味，唔知以為羊！影響了我對呢碟面既評價！！男友點了>>（赤武骨）- 豚角煮；平常我都不太能嗜辣，可能我只係試過幾口細啖，辣度我還能接受不需狂飲水,但我見個一大片豚角煮，真的不敢恭維，脂肪與肉的比例可說是6成半肥膏3成半係肉，雖然夠厚切，但相應肥膏都大夠d..另外小食點了（武藏餃子）及（比目魚黃金燒）這都是他喜愛吃的！ 餃子 只是普通，而比目魚卻是面頭芝士沙律醬汁，以為是燒得香口的。。。的確帶點失望！座位都坐得舒適，另需收取加一的，但是服務有點慢！

今次試左佢既白武骨豚角拉麵, 聽講佢地既湯底係以豬骨,雞同海鮮長時間熬製 白武骨豚角個湯底飲落真係幾濃厚下, 好似有好多骨膠原"漿"住個口咁不過飲落去唔係小妹愛果種豬骨濃湯味, 多左份失落感..佢地塊豚肉幾厚, 起碼有超級1CM厚!!!雖然幾厚 但食落肉質好軟林林唔會好硬, 視覺效果好吸引到人!!呢度既面冇得自選簡(硬/普通/軟) 同埋個麵質自我感覺好似比較軟身, 小妹係個唔太中意食林麵既人, 所以就覺得個麵做得麻麻地

麵屋武藏難得喺觀塘，試下朋友介紹既拉麵先。可能早去，所以唔洗等位就坐底。叫左一個豚肉拉麵同一個沾麵試一試。湯麵香味好濃郁，湯底亦非常夠味；拉麵好彈牙，有咬口；個豚肉肥瘦適中，相當好食。沾麵係麵同湯分開上，沾麵既湯明顯係濃少少，味道亦較重，自己可調較沾多D或者少D湯，咁就可以控制味道重D或者淡D。我都幾中意呢一個款式。

香港地少人多，宜家連餐廳都唔係好大，每個地方都諗下點樣用曬佢，麺屋武蔵雖然唔係好大，不過佢裝修都唔錯！宜家香港都多左好多間已湯底為主既拉麵店，依間有白武骨、赤武骨、黑武骨、三個味，而依三隻味都有豚肉、叉燒同豚角三個選擇，不過我同我朋友都係選擇左豚角，大家都係比佢個圖片吸引左，哈哈！我朋友就選左黑武骨湯底，我就選左白武骨！兩個湯底我都飲左少少不過我覺得白武骨湯底係重味D！佢個豚角就勁啦！可能我唔係好怕食肥野！個豚角好靚一層層好好味！又夠林好入味！不過我朋友就覺得厚左D！人就係咁啦！厚你又話厚薄你又話薄！不過我覺得厚同薄都好啦！最緊要係入味，咁先好食呀！大家都睇到啦！其實佢其他配料都好夠啦！剛剛我旁邊張桌個客人叫左個麵之後再加多左一份配料！都好多呀！不過佢個蛋真係好好食！重食得落既朋友可以再叫多次個蛋呀！咁我地都叫左一款小食，唔記得左叫咩名！不過係一條好長好長既腸仔，好似德國腸咁！唔係話特別好食，因為佢係特別在佢好長！其實佢重有咖哩麵同沾汁麵呀！我下次一定要食沾汁麵先。事關我旁邊張桌個小朋友客人食咁話好好味呀！好似講到食神咁。。。

我食了一碗赤武骨拉面，但它沒有辣味，在吃的時候是不覺得它有味精的，食完成口痱滋。一食就食得出個湯底係用豬骨精開水開出來的，並不正宗。如果這真的是日本武藏拉面,這樣的水準實在令人太失望了。如果要使用日本武藏的品牌，請用良心出品，保持日本拉面應有的水準，而不是用豬骨精開水，瞞騙消費者。

早前日本回來，心思思掛住日本料理。想起了觀塘有間出名拉麵店，決定要去吃一趟。反正觀塘超近我，吃飽還可以逛逛街呢～～gogogo...來自東京的《麺屋武蔵》，聽說在日本沿著山手線開了達15間分店！而且每間店都各有特色，也會有其獨特的食品作為賣點！而香港依間，早早聽講過每三個月就會有期間限定的新品。今次來到剛好有新品推出，每天只賣50碗的〖雲步天ら～麺〗看餐牌是。。。冬蔭功湯底！！！嘩！泰日Fusion，會係點樣呢？我依個冬蔭功湯愛好者，喜歡的程度是會在家自己煲來喝的，今次點都要試試了！如果點〖雲步天ら～麺〗的話，可以優惠價$15加配沙律。$15咁抵無理由唔試，於是同老公決定兩款也要❤「胡麻飛び子サラ/金芝麻蟹子沙律」醬汁豐富的蟹子沙律，配有香脆的藕片。藕片齋食甜甜的好得意，不過我更喜歡連青瓜絲一併吃下去，感覺清新同時能享受脆卜卜的口感。「鳥唐揚 シーザー, リースサラダ/ 鳥唐揚凱撒汁沙律」喜歡沙律菜好新鮮，配合蔥及薯片口感清脆一流。加上美味的沙律醬，非常醒胃。最讚是雞肉，外脆內滑又多肉汁，而且雞肉醃得十分入味，好愛呀！（有多幾粒就好了 XDDDD）「にんにく手羽先/ 蒜香手羽先」$38

🍲早陣子介紹過麵屋武藏的豚角拉麵今次決定介紹另一款大熱拉麵款式主角變成薄切豚肉片這個黑蒜油湯對比起白虎沒那麼濃豚骨魚湯底加了濃濃的黑蒜油但黑蒜味較淡反而拉麵中最突出的是豚肉片薄切的豚肉片肉質鮮嫩無論吃掉多少片亦沒有罪惡感非常適合新一年決定要實行減肥的你總括而言尖沙咀地段 有海景但拉麵湯底一致偏咸有點兒重口味價錢：$78抵食：3好味：3（1最低 5**最高）💥指數：💥💥地址:麵屋武藏 虎洞 (尖沙咀)尖沙咀廣東道17號海港城海運大廈 LCX 3樓31號店#explosion尖沙咀 #explosion日式🍲現時拉麵店隨便也容易找到但好吃與否則見人見至就如這碗服務員端上的時候滿心期待大大件豚角煮非常有誠意豚角入口即化面比一般正宗日本拉麵較為軟身可惜濃豬骨湯過份咸愈咸，並不等於愈濃略微在這個湯底扣分價錢：$78抵食：3好味：3（1最低 5**最高）💥指數：💥💥💥地址：麵屋武藏 虎洞 (尖沙咀)尖沙咀廣東道17號海港城海運大廈 LCX 3樓31號店#explosion尖沙咀 #explosion日式

早兩日叫了一碗白沾麵及黑蒜油湯麵，除了味道平庸外，連最基本一碗麵應有的條件都做不到，係完全唔熱的！只可以用微暖黎形容。吃沾麵若湯唔熱，就會像喝了一碗油一樣。而且味道也偏咸，只此一次，沒有下次。