炑八韓烤 (Closed)

今日要過九龍做野，難得過海，約左係尖沙咀返工既老友聚聚~九龍唔係我地頭，老友就揀左呢間餐廳~本身諗住食套餐，但係見佢個肉眼樣好吸引，侍應姐姐仲話唔識燒會幫我地燒(幾大都話唔識啦)，橫掂之後仲要出去飲野，都係唔好食咁飽，叫個牛肉眼同芝士泡菜煎餅算，自己又唔駛點郁手~PREFECT~芝士泡菜煎餅($90)，整得好脆好香口，面頭好多芝士，當小食送酒一流!不過略嫌唔夠辣，如果可以多少少泡菜就好嘞~主角特級牛肉眼($198)，本來以為得200g會好細塊，但係原來都唔細wor，有我手掌咁大，色澤均勻，肉質鮮嫩，望落好似好肥，但係其實燒完之後d油脂已經溶化成油，食落口好香牛味，落嫩滑得黎有咬口兼帶油香，一d都唔會膩。(侍應姐姐無呃我地，幫我地手燒埋~仲要切到靚靚仔仔，要畀個LIKE佢~)前菜、爐邊蛋同芝士都可以任加，我地食左唔少~味道OK。芝士味唔算濃，剩食都唔會過咸，蛋本身無味，要靠泡菜，我地試過加埋d泡菜煎餅汁去煮。不過可能人手唔係好夠，有時要等好耐先有人SERVICE，呢樣野有待改善

唔明點解d fd咁鍾意食放題，有親gathering都話食放題，help!!!!!其實幾個人去食放題都幾舊水啦，點解唔好好地正正經經食d有質素既野呢？今日我一於力排眾議，堅決反對再食放題，拉左兩個fd黎呢度食好少少。三個人意見多多，最好就係叫個包羅萬有既餐，所以一致同意柯打個龍蝦套餐，$620，除返開三個人都ok，份量亦夠三個人食，多春魚，大蝦，牛肋肉，龍蝦尾，厚切五花腩，八爪魚，LA牛骨，生蠔，仲有炸醬面同甜品年糕，正！多春魚真係好難燒，燒完一邊翻轉都會爛曬，職員見到忍唔住出手相助~多春魚入口帶焦香，口感香脆，終於無"爆肚"喇~牛骨同牛肋肉都香味特濃，完全食到原始風味~先將大蝦既兩側燒熟，再剪開中間燒多陣，咬落彈牙~龍蝦尾有成4吋長，肥美好肉地，又鮮甜~厚切五花腩脂肪四溢，燒到吱吱聲，食慾爆升，嚼勁十足，滿足到暈~出名為食既fd子話想食埋醬油蟹($198)，好，一於奉陪。蟹膏、蟹肉都好豐富，味道偏重，唔怪得韓國人咁鐘意攞佢黎「送飯」。食完呢餐，d fd都同意以後唔再食放題luuuuuu~

平時係紅磡搵開食，今次就同fd黎尖沙咀搵下正野食。。見呢間裝潢唔錯，又心思思想食下韓燒（好耐無食過），同埋記得呢間分店都有幾間，應該唔會伏得去邊，就試試呢間啦！講下啲「燒」野食先，爐邊egg好正呀，想食好耐（本人係egg迷）！加左好多芝士同栗米落去，口感好豐富，仲可以拉出一條條既芝士yoyo 推介食龍蝦套餐既［燒八爪魚］，唔好燒到咁老呀（8-9成ok la)。好爽口，新鮮架波！本身醃左，有醬好入味呀！再推介龍蝦套餐既［芝士生蠔］，生蠔本身夠鮮甜，加埋芝士放上去燒，岩曬鍾意芝士果種好heavy口感既人。加左少少香草係面，一啲都唔會腥！我地仲叫多左輪食呀哈～最後推介［宇冶綠茶冰沫］，食完咁熱氣既野，食番啲涼野平衡下真係好爽！紅豆配綠茶幾時都係perfect match(本人超鍾意食）！價錢就貴左少少$60到，不過份量較多，幾個人share都ok ge!食到好飽咁番歸，價錢雖然貴少少，不過有咁既水準係值得架！推介～

Blue Monday放工同女友去食韓燒，一掃悶氣!我地黎到尖沙咀金馬倫道既太興廣場食炑八地鐵B出口行2分鐘左右就到，好方便原來"炑八"係由韓文發音而來，韓文發音係meokbang，係韓國local人流行俚語，有”吃貨”既意思 &"大家一起齊吃肉暢飲，享受愉快時光" 既意思! 所以話，其實韓燒真係好適合一班friend 燒下食物chi-chat一番!今次同女友2 世界，下次再同班friend黎大食一餐!呢份薄切五花腩一上檯，女友忍唔住嘩一聲 ! 賣相又靚又大碟!燒出黎既味好香，略有點oily，但肉質鮮嫩，好味 !食店既員工好helpful，會幫手烤肉 !其實食韓燒，我地比較prefer自己手動，不過有店員幫下手剪剪燒燒都唔錯 !試左呢杯新出既青蘋果梳打$32，味道有D似波子汽水，帶D青蘋果酸味!Blue Monday飲啱晒，夠refreshing!炑八有唔少款式既韓國醬汁，味道唔錯! 亦有蔬菜沙律幫食客解油膩Overall價錢唔貴，食物OK，服務周到!

又再次約fd黎呢度食韓燒，狂食肉之外，因為有個肥仔朋友話點都要有啲澱粉質落肚，如果齋食肉只會虛飽，轉頭返到屋企佢又要煮個公仔麵喎，大無咁誇呀？為左佢，所以就叫左個韓式年糕一齊食啲，味道甜甜辣辣都幾開胃，煙韌入味，面頭加左芝士，撈埋一齊食口感幾唔錯，食埋認真飽上加飽。食咁多重味野點可以唔飲野？見到有杯特飲叫魔法梳打，個名咁cutie，有幾magic先？睇到佢紫紫藍藍色已經覺得好cool好型，梗係要比相機食先啦~以為係提子或藍莓味，原來係"藍蝶花"加檸檬汁整成，"藍蝶花"呢個名勁有詩意~飲落味道天然，酸酸甜甜好有新鮮感。

好姊妹生日想食韓燒，gum岩團購見到有，又gum岩4個八婆，睇見op食評幾好，即刻買黎試下先預早book左位，順利入座，環境唔差，抽風又做得好，唔駛怕食到成身油煙味~團購套餐食物都幾豐富，有LA牛骨、護心豬肉、五花腩、春川雞肉、八爪魚、年糕、炸雞等等，最特別係有得任食韓式圍爐泡菜煎蛋及芝士，lee樣之前未試過，所以充滿期待我自己就覺得LA牛骨、護心豬肉(爽)同春川雞肉(嫩滑，少少甜)都非常出色五花腩我試左少少，不過對我黎講有少少so（我十分怕so), 朋友就覺得包生菜好好味~圍爐芝士點雞肉異常地夾，朋友覺芝士味唔夠濃，我反而覺得岩岩好，太濃味反而食唔到d烤肉鮮味~我發現係泡菜蛋生生地gei時候點烤肉食非常美味（每次打邊爐、BBQ、食韓燒都會比人話我茹毛飲血😂但係有d食物overcook就會又老又干ga ma!)唯一缺點就係會chi邊，同埋9:30pm後就無得再refill四個女人當然要叫甜品la,幾飽都仲有第二個胃叫左個宇治金時冰沫，本來無咩期望，因為對抹茶興趣不大，不過壽星女鍾意就緊係要就佢la~但係幾驚喜wor, 底層冰沬好軟滑，味道似沫茶牛奶，really nice4個8婆一見面

香港周街都係韓燒，要搵性價比高既真係好難，呢間炑八真係唔錯呢個前菜好有韓國特色，有韓國既特色醬汁，好特別 加上可以令自己更開胃而且任加真係好正個白飯都幾大，加埋d芝麻都唔錯，但就唔係好抵呢個主角厚T骨真係好 唔算好肥亦好多肉汁! 加上有d黑椒係上面真係好香!其實真係好抵，平均都係200幾，但就食到好多野，同埋d牛真係好高質，極力推介

最近韓風又吹近本港，因最近太陽的縁故， 我和朋友們都迷上了oppa XDXD我們决定食這間位於尖沙咀的炑八烤肉店，徐除了上述的原因，也是因為太掛念烤肉的味道韓國餐廳既特色就系除了主菜外， 還有林林種種的小菜，如泡菜，酸辣芽菜，粉絲，海带等我們點了一個韓色拌飯及韓燒牛胸肉， 牛胸肉肉質厚實，脂肪分佈平均，肉色新鮮，看得出是上品。配上醬汁食下去，十分野味，加上滿滿的烤牛肉香滲透出來，真是色香味俱全餐廳食物水準高，價錢合理，烤肉真系一試難忘大家都去開飯啦

點解韓國既綜藝節目咁好睇既呢？Running Man、無限挑戰、Show me the money……實在為本人沉悶既打工仔生活增添左好多歡笑~^.^睇得多，韓癮發作，又係時候食返d韓國菜止下癮先。(其實食韓菜需要理由嗎？haha~~~)今晚又食最熱門既韓燒，其實呢間已經幫襯過N次，今次係綜合左幾次經驗之後得出既結論。(講到自己好pro咁，haha~~~)呢度有兩樣野特別值得推介，第一樣係特級牛肉眼，齋睇表面d雪花紋咁靚，已經估到肉質有幾細緻，油花分佈有幾細密。將佢放上爐燒3、4分鐘至表面微焦，完全鎖住肉汁，入口真係好鮮嫩~~~另一樣必點既就係厚切五花腩，因為厚切，所以口感好正， 肉質比較爽脆。 燒香、剪開、入口一層瘦，一層肥，yummy~~~

天口咁慶，梗係想食D清清地透心涼既野，消消暑氣，同個friend講完我既想法之後，佢竟然帶我去韓燒餐廳，係咪玩野先？我friend就叫唔好心急，跟住佢去睇睇先……原來食燒烤以外，仲有其他好多選擇既，唔講咁多，一人整返杯青蘋果梳打先，底部「青BB」既青蘋果糖漿，混入芳香紅茶同梳打，色彩悅目之餘，飲落更加係清爽醒神，又夠晒冰凍，正！之後朋友發辦，叫左個雜錦拌飯同一個水冷面齊齊食，雜錦拌飯D蔬菜配料相當清，芽菜、甘荀、靑瓜等，口感爽脆，食落覺得好健康，順便清下腸胃；水冷面同樣清爽開胃，有蕎麥麵、水煮蛋、青瓜、泡菜同蘋果片，夠味又夠晒凍，韓味十足！食完呢餐，成個人降左溫幾度~~~

韓燒有幾hit真係唔洗多講，見呢間舖短時間內開左好多分店，終於都忍唔住要黎試下比較下~自問同朋友都係無牛不歡，所以order左幾款牛出品。牛小胸肉＄125牛胸肉薄切成片，睇到d花紋都估到有幾好味，燒到大約7分熟就fit晒，一路燒一路聞到香味，擺入口有即溶feel，肉汁好多勁juicy，真係極品！牛舌$130好薄身既牛舌，好有嚼勁，牛香係口入面爆發，大家燒果時要特別留意，佢比較易燒黑，所以要好好睇實佢呀！霜降牛小排＄190霜降牛小排香味四溢，食落肉質幾緊實，油筋分布平均適中，可以同時歎到筋同肉兩種滋味。宇治金時冰沫 $62食完一輪燒物，最好梗係黎返d凍冰冰既甜品refresh下，宇治金時冰沫好幼細，入口綿密同即刻溶化。緑茶味好濃厚，入面仲有類似小丸子既細細粒糯米，煙煙韌韌好過癮。最後要讚下呢度既員工，會主動幫手烤肉，又可以無限量添加爐邊既栗米芝士，大發！

唔明點解咁多人讚、真心覺得d肉難食！好un又冇乜肉味囉而且服務態度都麻麻地、價錢都唔係平！寧願去食牛X！又平又好味過佢！應該唔會再去不過d配菜同芝士溶岩飯味道都唔錯ge但重點係d肉囉！失望

今天和同事們來到炑八吃午餐，同事都推介是抵食夾大件之選。大約一時左右，仍然有很多位，絕對是一個不用等位之選。一行五人，坐低後，侍應先放下前菜芽菜爽口海帶甜甜的泡菜夠辣和爽脆湯很清甜，有點瓜肉*滑蛋雞扒飯（$46）飯用上了一個鐵穫般的盤盛上；飯的份量不少，對女生來說，吃完一整個非常飽；滑蛋的份量很大，估計用了三四隻蛋，而且半熟的狀態，很滑，蛋味亦很濃；飯用醬炒過，但不會太咸；雞扒有五塊，黑椒味重，不過太薄，所以煎完後偏乾；附上的醬汁試過味後偏咸，所以都沒有倒出來拌飯。

同台灣朋友去食，佢地話雖然台灣都有韓燒但唔係咁既樣，所以想試D間，不過我唸韓流咁勁，遲D一定會有～我地叫佐miss SUE CHANG 廣告個SET MEAL。三個人食到好飽，有SQUID，有牛，有帶子，有豬腩肉，有芝士又有爐邊蛋，仲有個石頭煱飯味道唔錯，squid 有marinate過，微辣，有鮮味！講真我對d間餐廳既牛無好大期望，但出奇地好味，脂肪分佈都算均勻，食落去有油唔硬，真係surprise！帶子都係好新鮮，仲有附sea salt！豬腩肉不過不失，芝士好好味！爐邊蛋放耐左先食，太乾啦，不過味道唔錯！我無食到個石頭鍋飯，因為已經好飽，但朋友話個飯焦好好味！

本身係想食午餐，不過遲左去所以變左食下午茶可能係平日既關係，所以依個時間唔多人，一坐底店員已經自動會上兩款配菜（泡菜同芽菜）泡菜偏甜唔太辣，個人比較喜歡偏辣既，所以不過不失啦。叫左個牛肉粉絲湯下午茶餐，前腳落單後腳已經出左個沙津同湯，有得食下野先都ok。 配菜同沙津但好快手咁上左個湯同沙津之後...就等左半個鐘左右先上到個主角比我 整體上唔錯，最中意係白飯加紫菜好少地方會加埋紫菜落去。但我本身就好中意咁食加上湯本身料多，而且唔會好鹹有d類似係韓國個時食既味道。總結黎講食物同服務都唔錯，加上係尖沙咀黎講依個價錢既下午茶都唔算話貴既