銘興山西刀削麵 (和豐行)

Open Now

Now Closed

自細食麵多過食飯，所以我對麵質有一定嘅執著，尤其手工感重嘅麵條都特別吸引到我，所以以手製著稱嘅刀削麵我都好喜歡。呢間 銘興 嘅刀削麵不錯值得推介，麵質係會令我想回頭嘅吸引點，揀啱配菜都有中上水平。👐🏻今次幾個朋友點了幾款配菜，各有配湯麵或冷拌麵。先講麵質：有厚度，硬度與彈牙感均衡。湯麵對刀削麵店係招牌程度嘅要求，除咗麵本身之外，湯頭調味都好重要，而呢度嘅湯唔會死鹹，配有蔥花嘅鮮，有回甘，但如果回甘更多的話味道會更昇華。唯一覺得有部分麵條切太碎，間中幾條係咁絕對係手工嘅正常發揮，但有若干都如此，可改善，食落會順啲。😗另外點咗嘅配菜分別有：豬頸肉、豬軟骨、牛展同手撕雞，各項評分可以參考下面。整體而言有辣的都好搭配好好食，主要係醬汁調得好，有辣椒碎、蒜泥、花生、蔥花、青瓜絲等等，香而不油，但留意番，醬汁係偏辣的，小辣都已經有一定程度嘅辣，請自行衡量喇。而肉嘅本身主要食口感，味道已經由醬汁主導了，所以論口感，所有都不錯，就看看你想食咩肉而已。但的確，點了不辣嘅蒜泥牛展都食唔出牛味只有蒜味，所以建議食得辣嘅都點辣的吧。🔥刀削麵賣相：⭐️⭐️⭐️味道：⭐️⭐️⭐️⭐️價錢：⭐️⭐️⭐️⭐️麻辣豬頸肉賣相：⭐️⭐️⭐️⭐️味道：

🥢旺角實測新開人氣$60超大份醉雞醉蛋刀削麵🥢呢排經過旺角發現新開左一間刀削麵店，門面裝修到新潮光猛，經過咗幾次都好似好多人坐得好迫咁，旺角好似冇呢類型嘅嘢食，今次又試吓呢一間質素如何🥢醉雞刀削麵$60(配熱飲凍飲加$3)等待嘅時間一點時間，大約十零分鐘，上枱時醉雞大大碟份量有點似平時食散叫一碟咁多，仲有一隻開邊醉蛋，花雕酒味香而不重，唔會好重酒味而且甜甜的，個人就幾鍾意隻醉蛋，蛋黃少少糖心好入味，雞件好滑，以呢個價錢嚟講認真抵食，麵條係即叫即削，粗幼不一幾有咬口🥢蒜蓉牛展刀削麵$52 (配熱飲凍飲加$3)餐牌嘅上的刀削麵，只可揀選蒜蓉或麻辣，其實可以先點蒜泥口味，再問店員攞麻辣醬加上去，蒜泥牛展的蒜係本身酸醋味，個人就麻麻地酸味，牛展全部都係筋，完全無炆過好難咬開，無下次了🥢如果鍾意食醉雞嘅話非常推薦呢一間，因為好夠味又夠滑，酒味濃而不辣，大碟到食唔曬，蒜泥係酸醋味個人口味一般，加上牛展太硬，下次以免中伏，唔好嗌牛展，另外上菜嘅時間有啲奇怪，第一碗5分鐘就到咗第二碗要成15分鐘先到，可能係逐碗煮嘅關係所以需要等待📍 銘興山西刀削麵 (旺角)旺角砵蘭街120-122號和豐行地下A號舖

呢一間非常近油麻地地鐵站，本身覺得好似普通嘅刀削麵餐廳咁，但係發現原來係深藏不露。首先佢嘅價錢非常抵食，一個餐除咗刀削麵同肉類之外，包埋飲品都只係五六十蚊，下午茶嘅話更加平！當日我同兩三個朋友一齊食，所以我哋都帶咗唔少小食。個人認為佢哋嘅醉雞係我暫時食過最好食嘅一間，食得出佢哋嘅醉雞花咗唔少時間去醃製，味道非常濃郁，非常入味 。唔好以為跟餐雞嘅份量好少，反而比我想像中多成一倍有多，而且啲雞肉好滑身甚至會被雞髀位置。再講下佢嘅蒜泥牛展，蒜泥味好香，唔會好難而且同牛展嘅味道都幾夾。牛展切得薄身，非常容易入口同咀嚼。豬頸肉份量非常之多，而且油份唔會好重，唔會覺得好滯。春卷有六七件咁多，食落口唔會成口油，入面嘅用料亦都非常豐富。再講下佢哋嘅刀削麵，棉質非常彈牙，而且見到廚師係即砌，非常新鮮！湯底清甜，亦都可以叫單拼或者雙拼等等，東坡肉非常肥美，十分入味。

🤩之前在大角咀食過，今日行旺角原來開咗新分店，實在太好喇👄又多間好嘢食係左近，啱曬我依D為食鬼😂麻辣豬耳小份$22元🐽真係超級爽口配埋麻辣醬汁，仲要大大份脆脆春卷$30♥️新鮮即炸卜卜脆有蔬菜絲甘筍絲金沙骨刀削麵$52元👍口感鬆化，非常入味口水雞刀削麵$60元🐔雞肉彈牙之餘仲要原隻大雞髀切上🍗🥤+3元凍菜蜜🥤+8元華田脆脆，有驚喜吾甜有口感🌟埋單$175食得飽飽又好味，又大🈵足一餐👍好彩今日只係排咗一陣隊就有得食🌟師傅即制刀削麵👍服務好好，侍應細心，我離開時仲叫我小心地下有水👍因為新分店裝修好新淨

之前喺大角咀食過銘興已經一試盲愛上佢地嘅刀削麵，因為現場有師傳即削，特別煙韌，知道佢喺旺角開左分店當然又要黎朝聖。旺角店裝修比較新派，外表有啲似cafe。當日黎到已經晚上八點幾，入面都坐滿人要排隊，到我地食完情況都係差唔多。每枱例牌有大大樽醃蘿蔔可以任食，酸味啱啱好，非常開胃。肥牛拼炸雞翼麻辣冷拌刀削麵($70) - 拌麵同湯麵都食過，特別鍾意佢個拌麵，上次試左熱拌，今次就試下冷拌。同樣都係有擔擔醬、芝麻醬同青瓜絲，不過就多左麻辣，唔食辣都可以揀走辣，辣醬亦可以揀邊上，非常貼心。拌麵冇俾湯浸過，特別煙韌，撈勻食每條麵都沾倒芝麻醬同擔擔醬，唔會太乾好好食。炸雞翼炸得夠脆但又唔會太油，肥牛好大塊。雪菜肉絲拼麻辣豬軟骨上湯刀削麵($58) - 上湯刀削麵雖然煙韌度唔及拌麵，但都煙韌過出面嘅刀削麵。辣度揀左小辣，加左雪菜令湯底更濃味。豬軟骨好大塊，煮得入味，肉質嫩腍唔痴牙。涼拌海蜇($42) - 海蜇清清涼涼好爽口，雖然話係麻辣，不過都係小麻小辣，就算唔食辣都可以接受。涼拌豬耳($22/細) - 豬耳好脆口唔會太硬。涼拌豬肚($22/細) - 豬肚切到細細條，軟腍得黎有咬口，唔會太韌，因為下面

之前食過大角咀分店的銘興，已經好鍾意他們的刀削麵。宜家旺角開一間，就更方便了。今日是星期六的下午，兩點來到仍然爆場，不過等了五分鐘就有位了。餐廳的裝修比其他分店新派，地方不大，座位坐得比較密。餐牌設計亦擺脫了舊有風格，變得更精美，但同樣提供不同熱湯及冷拌的套餐。餐廳會有醃蘿白的前菜提供，酸酸咪咪好開胃。點了一碗溫泉蛋豬扒湯刀削麵，鍾意餸跟麵分開上。豬扒份量大，醃得入味，肉質鬆軟，煎得不乾身，豬扒下還有些青瓜絲墊底。溫泉蛋的蛋黃有流心的感覺。刀削麵份量頗多，每條長度粗幼不一，滑身而有咬口，湯底清澈不油膩。另外點了過橋刀削麵 (＄62), 有齊魚蛋、墨魚丸、貢丸、牛丸、豬肚、豬耳、雞絲，配料豐富，清湯配上炸醬，更惹味，這個適合有選擇困難症的朋友。餐廳都有提供一些涼拌小食，涼拌豬肚$22, 份量都頗大，醬汁微辣惹味，配上蔥花，花生及青瓜絲同撈，口感豐富，十分開胃。

昨天跟男朋友去了鼎鼎大名的刀削麵試食 我們大概夜晚六點到達 剛剛好不用等位 平時夜晚都要等很久的我們都叫了有名的花雕刀削麵轉了熱半刀削麵花雕雞非常柔嫩入味還有半熟糖心蛋二刀削麵味道豐富配料十足

極之旺場嘅刀削麵店～星期六下晝去食lunch，人山人海，令人想一試究竟。由於我唔食得辣，所以嗌左個花雕醉雞刀削麵。雞肉質地好好，雪得夠晒凍，酒味濃郁入味。最正一定要講佢隻糖心蛋，浸喺啲花雕酒度仲入晒啲酒味，撈飯一流。難得有得嗌凍利賓納，仲要唔洗加錢。另外一個餐就嗌左麻辣冷拌刀削麵配豬頸肉，個麻辣真係夠晒麻，鍾意食辣嘢嘅朋友真係要試試，豬頸肉醃得好入味，份量十足。小食方面就嗌咗個麻辣涼拌豬耳，醒胃到爆～

暫時食過最鍾意嘅一間刀削麵之前住黃埔個排真係成日幫襯 估唔到而家旺角有分店 夠晒方便〰️ 東坡肉熱拌刀削麵入面有有花生•青瓜絲•麻醬•蒜辣醬•麻辣醬•蔥麵條係粗身波浪形 食落口感煙韌帶嚼勁而且麵條都好掛汁 一碗份量都唔少 好飽肚🤟🏿〰️ 黑松露蛋冷拌刀削麵呢款之前喺黃埔分店好似未見過本身以為佢真係黑松露炒蛋 原來係蛋絲🤣我自己就鍾意涼拌多啲 特別係夏天真係好爽不過炒蛋我就覺得冇乜特別 推介大家叫醉雞!〰️ 蒜香牛展〰️ 涼拌皮蛋另外叫咗兩款小食 本身想叫佢嘅醉雞 可惜已經賣晒不過意外地呢兩款都有驚喜！特別係蒜香牛展 個蒜香真係不得了打到好似蒜泥咁 勁似蒜泥白肉🤣食完超級口臭 啱晒重口味人士😛❤️

這間在油麻地新開的刀削麵店，以前在大角咀食過，味道不俗，今日經過順便入去食個lunch。花雕醉雞醉雞份量十足，雞件大部份都去骨，酒味濃郁，雞件嫩滑而且雞皮爽口。麻辣牛筋腩牛筋及牛腩炆至又腍又入味，牛筋更是入口溶化，麻辣味濃香惹味。涼拌海蜇海蜇加了青瓜絲及花生，青瓜吸收了麻辣香，又爽脆又刺激。南乳豬手熱拌刀削麵幾款煮法我都是最喜歡熱拌，少許麻辣香加上芝麻醬，青瓜絲、花生及肉醬，刀削麵麵質彈牙，帶點煙韌十分有咬口，豬手炆得很腍又入味。最後飲返杯茶解下辣。

呢間專食刀削麵既餐廳係其他區都有分店，而今次我地就去到旺角既分店試一試~熱拌豬頸肉刀削麵有青瓜絲、花生同蔥、配麻醬同擔擔醬(小辣) 刀削麵煙靭，豬頸肉爽口，唔會鞋，仲要分量好多！如果大家想試多幾款麻辣小食，可以揀雙拼，我地就揀左豬耳拼豬腱、青瓜拼皮蛋小食同樣好大份，好足料，而且鋪滿蒜蓉同花脆生，好滿足！花雕醉雞刀削麵醉雞同麵分開上，雞肉嫩滑，酒味都幾濃，連溏心蛋都有花雕酒既酒香，非常出色~美祿恐龍好大杯，好鐘意上面個層既脆脆，大大力推薦👍🏻大家可以按自己喜好，自行添加店內自製既酸蘿蔔，好開胃~總括而言，食物份量多而且都幾抵食，推薦大家黎試一試！

身為銘興嘅fans知道佢喺旺角開左分店就即刻去幫襯 位置其實可以近油麻地多啲 一去到估唔到地點唔算就腳 但係都要等一陣位 因為太正了🤣當然我地願意等！都係等左幾分鐘！因為新店比較大 都有好多位阿華田脆脆 每次食都必叫！旺角店嘅湯底同紅磡店有啲唔同 紅磡店係白色 但係味道都係一樣 好好味☺️我哋一個叫左豬頸肉拼雞翼 雞翼熱熱辣 豬頸肉入味一個叫咗豬大腸拼肥牛 豬腸唔算太肥 肥牛新鮮另外叫咗一份口水雞 本身想叫埋醉雞不過賣晒啦已經🥲口水雞啲汁正到要撈埋落碗麵到食！

食得多譚仔既麻辣 都想食下其他舖頭既麻辣🙊今日就去試下呢間刀削麵啦~一去到 就排哂長龍🌝目測10個人左右啦不過咁多人排 應該都係正野黎🤩🍜熱拌刀削麵 (麻辣)🍲牛筋腩 + 豬大腸🍜上湯刀削麵🍲麻辣豬頸肉 + 手撕雞最欣賞佢係麵同餸會分開上!咁樣個湯 或者麵汁就唔會溝淡左個餸既味道刀削麵係幾有咬口既 唔會淋ber ber~幾有口感嫁~至於4個餸都各有各好食~味道好夠濃☺️岩重口味既我地!同埋餐牌上選擇都多~ 雖然我地果兩餸都係跟餐既餸,但個量係大份嫁🙊最後仲食唔哂野飲方面 呢度有美祿恐龍呀🤩係我至愛❤️

砵蘭街新開不夠的刀削麵，在過了午飯時間仍然座無虛席，決定一試。看來醉雞跟口水雞是店舖的主打小食，每一台幾乎都有點，於是我們兩款都點了，確實真的很超班。雞肉非常滑溜，醉雞調味相當好，酒香濃郁卻沒有苦味。各款麻辣小食都相當出色，麻辣金沙骨炸得香酥入味，麻辣豬大腸腍滑惹味，麻辣木耳清爽又過癮。還有熱拌麵相當滋味，刀削麵非常有咬口，拌麵醬汁調味很有誠意，金錢肚也滷相當入味，連花生也不馬虎，絕對值得一試。是日亮點絕對是附送的酸辣蘿蔔，爽脆入味又開胃。幸好隔離枱的太太提醒要試，她表示每天來吃麵也是為了這個酸辣蘿蔔而且到下午三四時就會沽清。的確是一間很用心，一絲不苟的麵店。

係旺角行街，見到呢間刀削麵，心血來潮好想食，拉埋bf入到搵位坐😛打開餐牌見到超多款選擇，有麻辣冷拌、熱拌、上湯刀削麵，仲有多款涼菜小食😝🌟花雕醉雞刀削麵 $60呢款係招牌刀削麵，平時好少見有醉雞口味既刀削麵，今次可以一試😝雞肉份量超多，嫰滑多肉，仲有濃濃花雕酒香，好入味😋仲配埋糖心蛋😍😍🌟熱拌刀削麵套餐 $58雙拼加$10，要左牛筋腩&金錢肚，麵同餸分開上，金錢肚、牛筋爽口，牛腩軟淋，刀削麵幾有咬口，口感唔錯🥰🌟涼拌海蜇 $42海蜇爽脆，落左勁多蒜，蒜味突出，仲有麻辣香味，辣得幾過過癮🤪🌟麻辣手撕雞 $42除左手撕雞仲有青瓜絲同花生，手撕雞都幾麻辣，後勁凌厲，好彩我地都食到辣🤣📍銘興山西刀削麵 (旺角)旺角砵蘭街120-122號和豐行地下A號舖