鳴越越式料理

Open Now

Now Closed

早餐時間，因欠食物未到，食完碗麵飲埋杯嘢催下伙記，完全無理我。再過十分鐘再催，依然無理，最後因趕返工，無食到。前後差不多三十分鐘，忘記其實無問題，伙記態度才是問題所在，個樣好似我催係我錯。

來到德輔道中，走進一條小樓梯到達今晚嘅越式餐廳 - 鳴越。店內環境意外地寛闊，座位空間大。天氣咁熱，朋友二話不說點個清涼醒胃嘅撈檬。呢個撈檬有齊正宗檬粉必備嘅花生碎、炸乾蔥和蔥油等配料，唔好睇少呢啲配料呀，正正係佢地令成個檬粉食起來有多種層次。香煎豬扒、炸雞翼微燶，食落香口惹味，檬粉份量十足，加埋甜酸汁夠曬醒胃。越式粉麵之中最吸引我嘅唔係湯河，亦非撈檬，而係呢款以幼細米粉製成嘅濱海。一片片薄身網狀米粉，看上精緻，入口幼滑，以生菜包裹，配上豬頸肉，再蘸點越式甜酸汁，先夠完美。配菜香茅豬頸肉每一片都充滿油脂，口感爽脆，可惜豬頸肉溢出大量油份，令部份濱海變成油浸米粉。豬頸肉分開上就可以避免呢個問題啦。炸到金黃色的蔗蝦，一啖咬落，蝦肉十分彈牙爽口。食到中間滲出清甜蔗汁，好味呀。脆卜卜的蝦片，上面放著鬆軟的豬肉，加埋乾蔥和蔥油， 鬆、脆、鹹香一應俱全。記得趁熱食，放耐咗啲蝦片就淋晒架啦。

越南泰國菜不嬲都係我嘅喜愛菜式類別今日嚟到上環做嘢就去搵下附近有冇越南泰國菜好介紹啦。上openrice好多人都介紹呢一間鳴越越南菜，口啤又幾好啵，就試下你先啦可能過咗食飯時間，坐得都好舒服，無咩人。下午茶餐都幾多嘢食選擇喎不過我最愛嘅豬頸肉不在下午茶選擇範圍內，所以唯有散叫香茅豬頸肉湯檬粉侍應送上豬頸肉一大碟，我嘩一聲，有好多塊呀，同埋檬粉超級大碗呀豬頸肉身香脆，亦唔會好乾身再叫多杯熱菊蜜滋潤下先最後緊係叫埋我最鍾意食嘅無骨鳳爪沙律 啦，係必點之選如果辣啲就更好啦而份量都算多。算係平靚正之選

呢個五月，真係熱💩人，日日三十幾度，尋日長洲飄色仲話破哂最熱記錄，咁熱嘅天氣，真係唔想出街，更加無乜胃口，不過我建議大家考慮下食泰國或越南嘢，因為佢地係熱帶國家，自然對消暑有一定辦法啦，香港地亦好多越南或泰國餐廳，不過要搵好食又正宗就未必人人識揀呢間「鳴越」，係介乎中環與上環之間，如果搭地鐵就應該喺上環出，中上環之間呢啲地段，你可能會話，啲價錢一定會好貴啦，我可以話俾你聽，正正就係價錢極之親民，如果你下午茶時段來，佢哋仲有下午茶餐優惠落到去其實你會發覺座位都唔少，但係佢又極之旺場，原因都唔使再講啦，咪就係性價比高囉三色冰⭐️⭐️⭐️⭐️咸檸七⭐️⭐️⭐️⭐️有理冇理先來兩杯凍飲先，三色冰同鹹檸七，都唔使多介紹啦掛，一個字「正」，乸喉兼「喳喳」聲，透心涼越式春卷⭐️⭐️⭐️⭐️每款三件，一場黎到，唔食齊點對得住自己喎你仲可以用生菜包住黎食，呢啲天氣，咁樣食法先至係最爽，正所謂就咁食又得，包住嚟食又得，得咗扎肉蒸粉卷⭐️⭐️⭐️⭐️每人兩件啱啱好，不油不膩，皮薄餡靚，食越南野，點可以冇佢香茅牛肉湯檬⭐️⭐️⭐️⭐️天氣咁熱，食湯檬就最好，貪佢濕濕地易入口，食下牛肉，又食下粉粉，係咪睇見都流口水呢？越式海鮮炒金邊粉⭐️⭐️⭐️⭐️食埋呢個

星期日同老婆無所事事去左上環先施逛，不過上環先施分店原來好細間，好快已經行完，見到對面馬路呢間鳴越越式料理有88折優惠，決定入去嘆返個下午茶，順便避一避暑。上一次去越南都已經係3年前嘅事，但係對越南嘅美食仲記憶尤新，因為越式法國菜、湯河、札肉等食物我地返香港之後都經常食得到，但越南特色嘅滴漏咖啡就比較少見，難得遇到當然要點一杯試下啦。由於未食午餐，我地叫左兩個下午茶餐，加配左兩款小食，兩個人share應該好夠食。越式滴漏咖啡 $20跟餐咖啡壺擺係咖啡杯杯口上面，咖啡透過金屬過濾片一滴一滴落下，另外咖啡杯底先鋪了一層煉奶，咖啡滴完之後攪勻，煉奶的甜味已經足夠，咖啡濃郁，又濃又苦又甜，味道唔錯。咸金桔 $8跟餐老婆喉嚨唔舒服，佢點左呢款咸金桔。香茅豬頸肉湯檬粉 $45下午茶餐豬頸肉份量都幾多，外層微脆，豬頸肉爽滑彈牙，湯檬加左香葉而且湯底味濃，幾惹味。香茅豬肉湯檬粉 $42下午茶餐香茅豬肉比香茅豬頸肉平$3，老婆比較喜歡香茅豬肉，因為佢鍾意食比較腍身嘅肉，我就比較鍾意豬頸肉。香茅雞肉串燒 $22下午茶餐可以優惠價追加小食，我揀左雞肉串燒，串燒雞肉外脆內嫩，醬汁微辣，非常惹味。上湯生菜 $1

突然間好想食越南粉所以就搵咗一間越式餐廳。喺中環食嘅一定要喺嗰邊嘅嘢食好貴今次我就去食一間平價嘅越南菜。雖然平價，佢嘅裝修同埋坐嘅位置都好舒服，同幾個朋友一齊嚟呢度食，食套餐或者小菜都好抵。我哋先經過樓梯落到去嘅時候都有介紹餐廳有啲咩嘢食，見到佢嘅餐牌真係覺得好抵，基本上係午餐嘅價錢食到晚餐嘅食物。我哋叫咗生肉湯河同埋火車頭，非常足料。生牛肉軟嫩而且份量多，價錢都只不過係6，60元。另外佢嘅火車頭都非常知足了入邊會有牛丸，牛柏葉，生牛肉等等嘅材料，最重要佢嘅湯底唔會食完好口渴證明都冇落味精。馬拉盞炒通菜飯，通菜炒得夠火口，白飯都好大碗啱晒夜晚食。你個份量大概四個人都食得晒所以建議大家點幾個套餐大家一齊分享。另外都點左幾個小食，炸春卷，越式煎粉卷，扎肉同埋雞翼。當中我最鍾意就係佢嘅炸春卷因為啱啱炸出嚟而且出邊係脆口。另外雞翼都唔錯因為佢會有啲調味喺面頭所以唔會咁單調。怕油膩嘅佢旁邊仲配生菜，食炸物都不怕。另外扎肉嘅份量都幾多同埋蒜粉卷入邊啲料真係好多例如木耳絲，而且都係爽口新鮮。

中環區簡直係打工仔嘅美食沙漠 閒閒哋食個午餐都要六七十蚊仲要份量細 今日竟然畀我喺永吉街巴士站附近搵到呢間落地庫嘅越南餐廳鳴越 下午點零鐘去到 已經好多ol喺度等緊位 等咗接近十分鐘 就有位 速度幾快 坐位係茶餐廳格局 坐得幾舒服叫咗個越南火車頭 入面有生牛肉 牛腩 牛丸牛筋 牛柏葉 全部都係牛 啱曬我呢啲牛魔王 個生牛肉片瘦得嚟好有牛肉味個牛腩炆得夠淋 而且夠入味入口即化 湯底都係用咗牛骨煲成嘅牛骨湯 啖啖牛肉精華 而且唔會太油膩 個面係較幼身嘅河粉 彈牙而且夠曬滑溜 個面仲係勁大個 男人食都會夠飽朋友就叫咗個香茅豬扒撈檬 香茅豬扒外皮煎到香脆 而且香茅味十足 豬扒肉鬆化 個檬粉煮得軟硬適中 加上特製酸汁一齊食 真係好開胃另外仲叫多咗個越南春捲 用咗越南特有嘅網皮去做 夠鬆化 仲有生菜包住一齊食可 以一減油膩感 最後叫多個椰汁綠豆冰 椰汁味好濃 而且較為清甜 下面嘅綠豆都煲得好林 重點係大大杯超巨型以後呢中環做嘢又多個午餐嘅好選擇啦

之前lunchtime食過幾次，好full；今次改食dinner可以輕鬆慢慢食。小食叫左牛油雞翼同春卷，外脆香口，唔油。點少得叫出名嘅火車頭，的確好大碗！！好足料有牛肉，牛丸，牛柏葉，牛根等等，所有配料都好味，尤其個牛丸彈牙，牛柏葉夠爽口，牛肉肥瘦均勻。牛柳粒紅飯，炒得好香，牛柳粒好味。椰青解喝，新鮮好飲。滴流咖啡，清得黎唔會太苦澀。而且賣相都好靚，但要等佢滴一輪先有得飲。好味抵食，會繼續幫襯！！

今日同老公喺中環行街順便食個下午茶，行到中上環地段時見到有間特色越南菜！鳴越裝潢十分特別，充滿舊香港色彩！同老公各點一客下午茶餐醫肚！老公點了牛坑腩片湯河($42)牛坑腩口感軟滑，而且不油不膩，配上湯河甚是好吃！我就點了香茅豬頸肉撈檬($45)豬頸肉烤到兩邊金黃，而且非常肥美！配上酸酸甜甜的醬汁十分醒胃！串燒(+$22)再追加雞串燒，雞串燒十分惹味！另外凍檸茶和凍奶茶也是充滿茶香！完全不是普通茶餐廳的味道！是日下午茶也是百多元，十分抵食！

平日夜晚,唔需要等位,店內亦不算好多人有2人餐亦有1人餐點了2個1人餐, 好快就到越式火車頭 $74有生牛肉,牛腩片,牛丸(1粒切半)牛柏葉,牛筋.望落去好淡冇乜味,但又唔係,都濃味架!!  牛筋就當然冇咁入味. 生牛肉都夠嫩,湯底真係唔錯每款料都有2-3片冬蔭功海鮮炒飯 $82雖然好快送到台上,但都夠熱,而炒得夠味,不過唔夠辣架!唔會好油,都有2隻蝦,青口,蟹柳.越式蒸粉卷$18 (跟餐加的)同平時個D分別不大太,皮唔會太厚.法式蒜蓉牛油雞亦 $42好好味,好香蒜味,炸得好香脆,又唔會太燶.食過咁多間,呢間算好好味!!!!滴漏咖啡 $20 (跟餐加的)有煉奶係度,慢慢滴,都夠味,再濃多D就更好喇店員有禮貌~~~

今日上環出席完講座, 諗住找個地方食晚飯, 路經鳴越侍應派單張有優惠卷88折, 於是便入內食晚飯, 我點了晚市精選一人餐魚露雞扒飯, 升級$18越式札肉片和升級$20熱滴漏咖啡。魚露雞扒飯賣相吸引,魚露雞扒煎得香脆, 雞肉肉質鮮嫩, 配上魚露好開胃, 兩者味道一起恰到好處, 食落美味, 白飯看上好似一個小山丘, 好吸引眼球,飯食落軟綿,配上醬汁食落好惹味配菜蔥好爽口, 蝦米惹味, 車厘茄食落鮮甜,整碟魚露雞扒飯份量十足, 口感美味豐富；越式札肉片共有6塊, 札肉味道爽口, 不似一般越式餐廳的札肉有黑椒味, 帶點辣, 適合不吃黑椒或怕辣的朋友, 酸菜甜酸度適中食落開胃, 紫椰菜食落爽口；最後熱滴漏咖啡味道香濃, 煉奶香滑, 口感一流；餐廳座位寬敞, 好多越南板畫, 很有越南風,食物美味, 份量十足, 價錢合理, 食了一餐抵食美味越南菜。

晚市唔算好貴，加埋小小都係一百鬆d同fd order 左個火車頭同法式牛粒紅飯. 火車頭好大一碗，河粉都滑溜，有生牛肉，牛腩，牛丸，牛筋，牛柏葉. 牛丸都彈牙，牛腩幾香，湯底帶點甜度，整體未至於好驚喜，但都okay另外加左小食越式蒸粉卷，中間都係蔬菜，一邊係醋醃過蘿蔔絲幾fresh. 不過粉卷面層有點油膩.比較欣賞另一個小食香茅雞翼，都幾香脆而帶有淡淡香茅香味. background係朋友order 青檸梳打，見番之前去泰國飲過梳打水突然好懷念thai trip.....用番當地brand 又幾有誠意，倒埋其實都有差不多兩杯法式牛粒紅飯份量唔少，紅飯有小山高， 炒得略偏乾身左d, 但mix 埋牛柳粒就剛好. 牛柳粒厚肉juicy，而且牛肉味幾香濃，份量足夠送哂成堆飯. 真係小d 胃口都食唔哂. 好彩我有fd 包底.🤣 整體份量幾抵，加埋調味都幾惹味，唔錯另一杯係我order 越南coffee. 之前睇過越南旅遊節目講到越南Coffee好正咁，一直想試下. 其實係滴漏coffee ，底部再有鏈奶mix 埋就變左帶奶香甜味越南coffee. 由於未去過越南所以無從比較其味道係咪正宗，不過就

晚餐今天選擇了越式藏身於中環地底不太起眼晚市有一人或二人套餐懶得去想就點了一人套餐作罷越南餐廳當然要點越式生牛肉湯河有青檸羅勒葉洋蔥作配料湯頭看似混濁但味道清甜牛肉被剛好湯溫度灼煮肉質因而相當嫩滑值得一提是湯粉份量極大另一主菜是豬頸肉馬拉盞通菜配白飯醬汁濃鹹惹味配白飯一流加十八元可加配越式小吃香茅雞中翼炸得香口惹味越式炸春卷配以生菜享用加八元可加配越式特飲椰汁珍多冰杯身高達十九厘米份量大果然是這家店的特色之一

今日同朋友相約去上環站行幾分鐘的越南菜，好大間落地庫全層，有多個卡位，最特別牆上好多越南風情的掛畫，令到環境更有越式風情，今次選了二人餐 ，唔洗諗太多嘛。鳴越火車頭二人優惠套餐 (2 位用)$ 188 先來兩款小食炸蝦餅，已切好一片片，蝦餅彈牙，有啲炸蒜蔥花調味，夠惹味，蘸少少甜酸醬好夾。還有兩杯餐飲，叫了珍多冰同三色冰，有紅綠豆，大菜糕條，椰汁味香，唔太甜。另一小食 ，香茅雞翼 ，煎香有三隻，雞肉嫩滑。主食上枱，係一大碗巨型的火車頭 ，我地選了金邊粉底，二人食夠晒，面鋪好多餸，有新鮮生牛肉，夠薄身軟稔，牛肉香味十足；又有牛腩片；彈牙牛丸開邊；也喜愛牛筋，炆得稔滑，黏口；牛栢葉好爽口，唔太韌。最欣賞個牛骨湯底，超清甜，牛香濃味；金邊粉好爽滑，二人食份量剛好。見餐牌有大頭蝦餐，下次都可試下先。

今晚舊同事放工後約食晚飯，她在上環附近上班，便介紹我到一間新開的越南菜餐廳，位置在地庫，要落長樓梯，沿路佈置很有色彩，行多幾步路都冇所謂，環境很光猛，第一印象感覺良好。見到有不少優惠，亦有套餐，領隊話事點菜，我只好跟着食。越式滴漏咖啡滴滴咖啡雖然試過，依然覺得特式，富懷舊感，我鍾意係用煉奶調味，飲起來唔苦。青檸薏米水味道清新唔甜，調味在預期以外的好。大虎蝦米紙卷餡料多花款例如豬頸肉、軟殼蟹、龍脷柳，有七款米紙卷的選擇，我覺得大虎蝦最特別。米紙百分百通透，蝦肉有彈力，配粉絲生菜組合爽口，一定要點酸甜汁一齊食，效果會好很多。順化庶蝦$68 有4隻唔算貴，蝦膠夠滑味道好，支庶仲可以咬出汁，做得好，法式牛柳粒紅飯法式做法唔知係咪加左紅酒煮，總之牛肉唔靱，味道濃郁就對，調味有多少辣椒香，汁水夠足，我們全碟清晒，一粒飯都無剩。鐵板蝦頭膏醬爆這一味很惹味，有鑊氣熱力足，雞肉香滑味道濃郁，洋蔥青椒都炒得好香。