鳴越越式料理

Open Now

Now Closed

上星期五晚同同事在中上環開完會，超肚餓就在上環地鐵站近電車路大街見到一間越南菜餐廳叫“鳴越越式料理”。想起應該已經好耐冇食越南菜，我哋又從未食過呢間餐廳，因為太餓就膽粗粗咁沖咗落去叫野食。既然嚟都越南菜館梗係點越南菜必食之火車頭，試一試佢哋餐廳嘅功架啦。果然沒有令我失望， 牛筋好淋，生牛肉好有肉味，牛丸是爽的， 牛柏葉有嚼勁，香料味道剛好沒搶走牛肉味，而且河粉都好滑，真係好不錯喎。佢哋個春卷都合格，而個豬肉蝦片有驚喜，豬肉好嫩滑入味，蝦片脆口，豬肉滑嘟嘟、蝦片脆卜卜，同時間一次過感受到兩種口感，好開心啊～另外馬拉盞炒芥蘭， 芥蘭很新鮮翠綠，炒的火候剛好， 馬拉盞嘅鹹鹹香香夾雜於芥蘭菜味，真係好食到要停唔到口。滴漏咖啡味濃可口，以及青檸薏米水清新去濕，有特色及健康飲品，值得讚賞。其實間餐廳食材質素不差，點解我會miss咗一間咁好的越南菜館呢，下次都會到來幫襯。

幾時都有discount仲冇加一<晚市60蚊減5蚊><午市9折><一人一火鍋 68hkd 四送一<餐廳大>文藝裝修，過萬面積，位置地下再落一層。<蝦春卷> 42hkd 6條推薦食物! 連埋生菜以及甜酸醋食，又爽又甜又酸又辣，不可不吃。<鳴越火車頭 >76hkd 送 熱檸茶兩粒 juicy 牛肉丸，加上7成熟牛肉片， 面方面用左河粉配搭， 係正式嘅越式湯河粉煮法。 服務員好細心，先見到我哋兩個人就畀多一對碗筷畀我哋 ， 青檸半隻好新鮮，鍾意餐廳可以"另上", good service< 海鮮金邊粉 >80 hkd 送熱檸茶有元貝，有生蠔，有蝦，金邊粉食落幾得意。 廚師炒得剛剛好， 唔會過份油膩。

收工好餓諗住近近地食算。見門口個姐姐好落力推銷就試下呢間越南野。入到去，員工態度都都唔錯，幾主動。呢個虎蝦卷比想像中大份同健康，裡面包住香葉，好多菜，菜都有幾種。仲有一塊肉，我諗係肥豬肉。因為唔係太食到咩味，入面既酸蘿蔔味比較突出。而主角蝦，味道稍為淡。點左汁就好少少。拼盆有豬頸肉同雞翼同豬扒。豬頸肉同豬扒好似炸過龍，太乾身，只係勝在份量多。反而雞翼有肉汁。上環尼講，呢個份量呢個價錢算ok了。不過當然仲有更好既選擇

雖然中環食肆選擇都幾多，不過價錢相對地貴。如果想食平d，行去近上環既方向會多少少。行過門口見到有人派宣傳單張，好似又幾平咁，所以就試喇。除左一般越南菜外，仲可以打邊爐，不過我地又唔係太餓，所以都係叫返小菜就算。下龍灣海鮮炒金邊粉基本上食親泰國/越南野我都會揀金邊粉，今次都唔例外。海鮮唔算少，蝦都有6隻左右，仲有青口、蟹柳(雖然我知其實唔係海鮮，哈哈)、蜆肉等等。金邊粉炒到夠乾爽，又唔算太多油，蝦我覺得係爽口彈牙既，幾好。燒大頭蝦柚子沙律一開始個大頭蝦燒得太耐，同佢反映個問題之後即刻燒返隻新既上黎，非常欣賞呢點。大頭蝦有手掌咁長，新果隻燒到岩岩好，你係會食到蝦既鮮味同個汁，正。柚子沙律原來係辣既，無諗過係辣，不過唔差，柚子夠新鮮夠甜。法式蒜蓉牛油雞翼非常重蒜蓉味，d蒜蓉多到滿瀉，鍾意食蒜蓉既朋友就岩晒。其實呢個價錢係中環算係唔錯，而且份量十足，男仔都怕唔飽。

放工後約了中環區友人食個 QUICK DINNER, 兩個人無乜IDEA, 由中環慢步到了接近上環區。行過一間越南餐廳, 見有位姐姐在門外派傳單，宣傳單上的正是 ，心唸: 真系越南都有邊爐打? 基於八掛心態，我和友人決定去了解一下。 餐廳位於地庫，晚上七時左右, 客人不多，咁岩就系有一枱客人在打邊爐， 感覺就像快餐店的一人火窩， 所以我和無友人點套餐，反正套餐選擇不小。 我點了 $80 無論份量和材料也不小，材料包括大蝦、元貝粒、青口、蟹柳、蛋絲、紅蘿蔔絲、芽菜等。 金邊粉酸甜度不足，海鮮料不小, 但味道較啖口。經自行調味加了小許泰國辣椒醬後， 味道截然不同, 連升兩個LEVEL，好味好多。；金邊粉沒太黏在一起，不油，尚算干爽，。 套餐特飲餐加 $8青檸薏米水薏米有去濕功效，四季也岩飲；味道微酸，順喉好喝。 友人的 $84 雖然是碟頭飯， 但明顯天引，由其是那份量十足的 。急不及待吃了一口，飯質軟硬適中，茄膏味道夠香，炒飯均匀酸甜味包圍著每飯粒。牛柳粒十分軟稔，充斥著牛油香、香蒜味濃郁， 惹味、香口 。配菜也不容錯過無論是熟透青紅椒和香甜洋蔥等。 套餐咸檸七加 $8 中、

呢日收工去左中環揾朋友食飯，星期一又攰攰地冇乜mood，就黎個快既癲拿啦！我地黎左平時lunch爆哂棚既「鳴越」，好彩夜晚唔算多人jet！我地叫左3樣野share食: 越式生牛肉河粉 ($60)有生洋蔥、蔥 、芫茜、生牛肉片，淋上熱辣辣既湯，香氣撲鼻！牛肉片就即刻熟左9成，變左生熟牛肉河，牛肉片肥瘦適中，嫩滑冇筋，份量都唔少啊，河粉都夠滑。越式香茅拼盆 ($90)有豬頸肉、豬扒、雞翼，豬頸肉好juicy，豬扒油香陣陣，好多肉汁。雞翼香茅味好出，外脆內軟。大虎蝦米紙卷($65)米紙卷入面有熟虎蝦、豬肉、生菜、香葉、花生、酸蘿蔔絲。一啖咬落去，食得出蔬菜既爽甜，豬肉既惹味，加上虎蝦既鮮味同米紙既煙韌，賞心樂事。總結黎講，我地都覺得呢間餐廳表現都好平均，味道同温度都掌握得恰到好處。座位以卡位為主，唔洗驚食食下野都要比陌生人望住，有足夠既私隱度。埋單$215，平均每人百令，合理又好味！

星期日的中上環，比起平日多了一份寧靜。來到鳴越，看到那樓梯行落地庫，就想起上星期吃阿肥火鍋也有那樓梯。餐廳服務好好，特別一提，老闆側面睇似谷德超！越南火車頭 (一人份量)$68，生牛肉、牛腩片、牛柏葉、牛筋、牛丸。牛肉好淋身，有肥粗芽菜，好正，湯底好濃味。香茅豬扒撈檬 $55，豬扒炸到好鬆軟。熱咸金桔 $18，潤喉，轉天氣飲很好。鮮椰青 $32，椰青大個，夠凍超清甜，仲有椰肉食。下次想試試越式火鍋！見到宣傳照也不錯。

今晚要OT，同同事早d食飯再返去搏鬥。見新開呢間越南餐廳，Menu有勁多選擇，價錢又唔貴，就甘吸引左我們去試下😋餐廳要行落樓梯，入到去好大間。裝修得好靚，好有風格，牆身以綠色為主，好多越南版畫，越南🇻🇳風的設計😍我們叫左好多小食前菜1️⃣越式香茅豬頸肉$58份量好大，有至少10塊！香茅香料好入味，有蔥，炸蒜，所以好惹味，肉質好彈牙👍🏻極度推介！2️⃣法式蒜蓉牛油雞翼(4件) $42牛油雞翼好惹味，炸到好香口，牛油同蒜蓉配合得好完美👍🏻最正係外脆內軟，雞翼的肉汁仲有，食完好有滿足感😋3️⃣串燒大頭蝦(3隻) $45隻蝦真係好大隻，而且燒得剛剛好，肉質仲好鮮，美中不足係如果有個醬料去點就完美喇😝隻大頭蝦真係好大個頭，大個過我嘅匙羹😂😂😂好鍾意佢好多菜，好健康！4️⃣軟殼蟹米紙卷(6件)$55我好中意食米紙卷，入面有大量的蔬菜，紅蘿蔔絲，白蘿蔔絲，生菜，洋蔥絲等等，所以有炸軟殼蟹都唔會覺得熱氣。佢本身個汁有少少辣辣地，酸酸地，所以好開胃。最岩做前菜👍🏻5️⃣越式生牛肉河粉(晚市一人餐）$60生牛肉嘅件數好多，好足料！而且最中意佢個湯底，帶一點鮮甜味，亦都好濃郁，湯好夠熱，d牛肉浸熟咗之後，個湯好重牛肉味👍🏻好正

行過中上環，都覺得好似冇乜餐廳選擇，結果比我發現一間隱世的越南菜。呢間餐廳要行落樓梯，入到去好大間。一開始梗係要叫啲前菜拼盤啦我每次去呢間餐廳都一定會叫呢個鳳爪沙律，真係好開胃的，就算我唔食得辣，呢一個程度少少酸辣都接受到，反而令佢更加惹明，尤其是夏天去到一開始食呢一個，好大滿足感。見到啲豬頸肉，好想叫多一碟，不過份量都有啲大，所以其實一碟都已經夠我們share呢個真係要叫，牛油雞翼好惹味，食完好有滿足感，唔使怕邪惡，同朋友share就得啦火車頭係我見過咁多間越南餐廳最足料的一間，入口就知佢選料新鮮，完全唔會有好似平時連鎖越南餐廳的唔新鮮味道。呢個火車頭份量好大，記得同朋友share咖啡迷的我又點會唔叫滴漏咖啡呢，有啲人話唔鍾意越南咖啡咁甜，但係佢呢一間餐廳你只要話比佢知想要少甜就得㗎啦如果係唔食得牛肉嘅朋友，都依然有好多選擇，就好似呢一碗扎肉魚餅檬咁。總括而言，去中上環又唔知食咩嘅我就一定會去呢一間食。

平時都好中意食D東南亞菜，尤其係泰國同越南菜，今次就黎左呢間「鳴越」到試試。Menu上都有勁多選擇，價錢又唔貴，真心吸引最後揀左蝦餅扎肉撈檬 $66份量適中，而且夠哂足料，值得一讚! 蝦餅彈牙可口，配上幾滴青檸汁，十份清新醒胃..感覺呢間餐廳都不錯，裝修幾有風格，牆身以綠色為主，加上大大小小的美食圖，十分吸引。而且座位方面亦算閣落，坐得好舒服!另外侍應服務都算不錯，如果諗唔到食乜都可以黎呢間試下...

火锅食材非常新鲜，一人一锅，牛肉分量非常足，还可以加菜，价格很优惠，不含米饭，推荐！汤底煮到后面有点咸openrice有字数限制是什么原因，太不人性化了，还要硬逼着人写满，完全可以复制粘贴字符啊

今日同阿媽行經中環見到有間越南野就入咗去但入到去我就後悔了間野有陣味有陣up味之後個泰式鳳爪仲要勁難食個汁係令人唔舒服嘅感覺仲要有冷氣機滴水問題滴左落我杯紅豆冰度好彩我見到如果唔係就飲咗

由開業到依家, 我都幫襯過幾次食早餐同晚餐,但都覺得麻麻地, 所以都一段時間冇去, 但今日想睇下過左一段時間, 會唔會有改善,但點知都一樣,  阿姐一樣黑面, 餐具一樣有漂白水味, 好恐怖,  而且食物仲好似差左。今次早餐食餐肉麵, 個湯底係冇味既, 唔知廚房係唔係想食客食得健康D ? 所以連鹽都冇落, 可以想像到,一碗冇味既餐肉麵, 我估好少人會覺得係健康或者係好食?呢度唯一既好處, 就係有卡位坐得舒服, 如果唔介意侍應黑面, 食物質數同埋漂白水味, 我覺得你可以黎食既。  

Bad service, forgetful. Good did not arrive as suggested, no proper communication with online dinning platform. Blames other for their own mistake. Do not try it when you are in a rush. Read all the reviews before your order. Poor management while handling customer request.

又係下午茶時段，第一次到鳴越越南菜館，好多卡位冷風唔多夠，地方清潔麻麻，侍應生算多，服務算係咁，食物可接受，越南春卷未試過咁幼細條，都係麻麻，牛肉撈檬OK嘅，番茄牛腩飯算食得落，最好都係全日唔加一。