鳴越越式料理

Open Now

Now Closed

第一次去這越式餐廳。星期日下午，並不多人。座位闊，感覺幾好。午餐食物選擇算多，包飲品。魚露燒雞扒撈檬雞扒燒得幾香。大碗。火車頭湯底幾濃，足料。整體食物感覺不錯。

收工趕住去睇戲所以食個粉麵諗住都叫快手，點知餐廳私隱度太好😂 因為啲板整到勁高，坐得好舒服又靜，食下坐下傾計，搞到睇戲都遲埋，要跑咁濟😅😂➨原隻軟殼蟹拼越南扎肉片配湯河粉 HKD75➨清化生牛河 HKD63抵食！平時食湯粉撈檬好少有軟殼蟹既配搭😇 佢大大隻軟殼蟹厚肉👍🏻 熱辣辣炸粉好香，不過凍佐就覺得有啲啲咸~ 佢啲湯麵都幾大碗下幾多料🥰➨追加小食:+ 越式春卷(4件) HKD25+ 牛油雞翼(3件) HKD36佢全部都熱辣辣上枱，而且好脆🥰 春卷有埋生菜點酸辣汁食！牛油雞翼幾香蒜味不過就覺得稍微油佐啲，同有好多油係底，佢伴碟有啲酸蘿蔔，勁開胃♥️

午飯時間一點左右已經排長龍，等左大概二十分鐘有卡位。疫情帶黎既唯一好處應該就係兩個人可以坐四人卡位Lunch Set選擇好多，有飯有金邊粉，有湯有撈。我地兩個人叫左香茅牛肉湯河，香茅豬頸肉飯，同埋小食河內炸蝦餅牛肉同湯河分開上，牛肉份量足，可惜無咩香茅味，而且太油，唔推介相比之下，豬頸肉比較乾身好味，肉亦夠厚身。炸蝦餅上到黎熱辣辣，口感彈牙，不過蝦味唔重，但係三樣野當中，蝦餅算係出色，可能香口野好難唔好食既關係啦總結一句，價錢唔貴，資素一般

喺香港食咁多越南菜，佢佢真係算唔錯！平靚正又有味道有風味，尤其是今晚食嗰個凍食米粉，喺越南食過原來香港都有！我會推介飯桌，真係唔錯服務又好！係啤酒貴咗啲啫。🤣🤣🤣

星期六返半日放工後肚餓非常，加上突然好想食碗湯粉，見中上環附近有依間越式餐廳，評分又幾高，又未試過，就來一試。餐廳係地庫要行樓梯，長者或行動不便的要留意！我本人幾like越南菜，就試試她們最基本的生牛肉湯河，加個蒸粉卷，試吓水準，見價錢唔貴，餐廳裝修又一般，都唔抱好高期望，點知⋯⋯嘩！有驚喜！好食喎！！！👍🏼👍🏼👍🏼下午茶的生牛肉湯河一啲都唔hea，熱辣辣，牛肉份量可以接受，湯底味道好清甜。👍🏼👍🏼👍🏼個蒸粉卷仲得，又係熱辣辣，料十足，面頭嘅香蒜、花生好夠脆，真心覺得加$18有三件好抵食！(太肚餓食咗一件先記得影相🤪)套餐仲包一杯基本熱飲，無收加一，價錢佛心，下次一定會再幫襯！👍🏼👍🏼👍🏼

#breakfastforlunch, #cheapeat, #sheungwanI was in a rush walking to Central from Sheng Wan, but time is clocking to 11:00 am, must find a place quickly if I could still catch for a breakfast for lunch. walking toward Central giving me less hope, so I told myself I would go to any place that I see... I have been to this place for takeaway dinner a few times, I saw their advert poster on the road I guessed it would be for lunch... l passed by and being curious if they hv breakfast... and it does..

鍾意越南美食嘅我今日黎到上環「鳴越PHO 」試下平靚正越式老店「原隻軟殼蟹撈檬」$65下午茶餐轉鮮椰青，椰青係勁大個勁清甜軟殼蟹係原隻有手掌✋🏻咁大隻，蟹炸至外脆內軟，係即叫即炸加上撈檬粉味道充滿酸辣香味，加埋特色配菜越南札肉係好好味🇻🇳食落唔會油膩令人一人勝價比好高既越式下午茶「上湯生菜」清清地份量亦多👍🏻係新鮮既好食既，食完好開胃又健康，今日既lunch健康之餘又富有越式風味🙂享受到前所未有既好味😋

四人來到吃午飯，午餐有十個左右選擇，揀了個火車頭湯檬加凍奶茶，盛惠82元，中環吃飯就是這麼貴了。很快上菜，湯頭都夠甜了，火車頭有4餸，生牛肉、牛柏葉、牛丸和牛坑腩...檬粉份量也夠..但82蚊真是有點貴了.....埋單後有張VIP咭給我們...不知有什麼用了。

跟餐加$20要了杯越南滴漏咖啡，但原來超搵笨！來到只有用些微咖啡粉滴漏出來的半杯咖啡，仲要用紙杯裝，感覺完全被搵老襯！找職員再問，對方竟然仲理直氣壯。這杯原價要$40的越南咖啡，絕對不值！大家來吃飯千祈唔好點它的越南咖啡！

超夠人排隊等位，應該係唔夠人手疏散食客所致入座後，等左10幾分鐘壬有人黎落單又再等左10幾分鐘先開始有野食慢慢上枱我想提既係... 一碗生牛肉河要等半個鐘？唉 灰到唔記得影低個千呼萬喚既生牛肉河不過... 至於個香茅豬肉撈檬，無香茅味豬肉係林身既... 配埋撈檬既清新，不過不失喇炸春卷得果3條，餡料足，加埋生菜食係好味😋午餐有埋野飲，60蚊一個set 响中環食算係抵食Hehe 個春卷係另加架$19 有3小舊😂😂

在上環地段,要找一間便宜的越南餐廳並不可能,而且在中午時段食飯更是難上加難,因為人流實在多得驚人。同事帶我到這間面積較大的越南餐廳,都等了20分鐘~好多上班族都會過來~價格屬於中上,味道不算好突出,可以接受吧~生牛肉河   3.5/5分   60元在香港我吃過不少生牛肉河,暫時最喜歡的都是西營盤一間小店。鳴越的生牛肉河不算太差,湯底普通吧,牛肉都算多,河粉就不會太油,但份量多一些會更好。熱飲的茶走太甜,還是茶餐廳更勝一簿吧~我覺得此店可以不坊一試,但就未必會再來啦~~~

呢兩日疫情嚴重，真係少咗出街食lunch，今日去咗鳴越食咗個生牛肉牛丸河，可惜最重要的湯上枱唔夠熱，湯底味又唔夠濃，牛骨味十分淡，牛肉同埋牛丸口感都係一般，湯裏面嘅洋蔥算幾甜，但加上的香草得幾款，沒有我最愛嘅我鵝蒂，青檸同辣椒又要另叫才主動上枱，不夠細心。

鳴越越式料理位於中環，午市非常多人幫襯，今天和同事一起光顧由於我不是太肚餓所以沒有點火車頭，反而點了手打牛丸拼生牛肉湯河，坦白說牛丸有點油益味，有點奇怪，牛肉不是太有鮮味，最重要的湯不夠熱，完全不能將生牛肉浸熟，這點非常失敗，對於食越式生牛湯河有要求的我，可以說這碗完全不合格👎其次是午市很多人幫襯，剛食完就有人收走你的碗筷，令你多坐一會也感到不安，十分不喜歡，但也明白這是中環區餐廳的特點😓用餐經驗不愉快，應該不會再幫襯😓

放工後的中上環，食肆其實不少。但想簡簡單單，不用到後街尋幽探秘，就在電車路，除了羅富記，竟然給我找到一家入口狹小的地庫小店：鳴越。從名字就知道是越式食肆。跟朋友各自點了牛坑腩河粉、炸豬排金邊粉和牛油雞翼作小食。今次特意不叫生牛肉河粉，只是想試試新口味。那些牛坑腩完全沒有肥肉，主要是煙韌爽滑的筋膜肉，相當滿意。驚喜是那份雞翼用牛油蒜粒起鑊，表面鬆脆，肉質鮮甜，非常之有特色！餐後那杯利賓納紅毛丹冰，除了冰稍嫌多了一點，對我也是新的嘗試。

今日lunch和同事到中環食越南餐，純粹因為餐廳堂食不設加一，覺得好就排隊食。天氣熱，可是地庫梯級無冷氣，係比較焗，幸好等左10分鐘內已經有位，坐低左就立即叫午市套餐：1. 脆香豆腐撈檬賣相好足料，有9粒豆腐，有配菜和半大碗撈檬。豆腐外脆內軟，少椒鹽味，比我預期之中好味，撈檬配上店內的醬汁就越食越好開胃。2. 越式三宝飯三宝飯有香茅豬扒、雞翼、扎肉片。飯份量多，口感唔錯；熱辣辣食香茅豬扒好味，但豬扒較薄；雞翼、扎肉片都滿意，如果餸份量可以再多啲就好。今次坐餐廳卡位，闊落又舒服，下次會去食的。