鳴越越式料理

Open Now

Now Closed

今天晚上去接男友下班😘在附近逛了一下商場,就在對面一間越南餐廳吃晚餐~~晚市set大約hkd60~84,包一杯港式熱飲,不收加一,在中環來說都頗經濟實惠❤️🥢香茅豬扒拼魚露雞扒飯 ($75)不誇張😂肉的份量超級多！！不加醬油已經很夠味,而且不會太乾👍男友表示非常滿意🙆‍♂️🥢下龍灣海鮮炒金邊粉 ($80)算是餐牌中較“貴價”的套餐,亦的確值回票價😍無論海鮮或金邊粉都很足料🤓🤓一個人差點都吃不完其中一個套餐追加了$20 香茅雞中翼😛香茅味很突出,正！！另外一個套餐追加了$21 豬肉蝦餅🤗蝦餅脆身配料亦做得很對味👍套餐本身包一杯港式熱飲,加$8可轉越式特飲,好抵😮😮兩杯飲品 凍青檸薏米水 和 凍檸蜜 都好好飲在中環地段找到這樣的餐廳很難得😃性價比高又不失特色👍

#鳴越越式料理 (中環)中環德輔道中144-148號安泰大廈地庫-----呢間鳴越 其實B仔已經唔係第一次光顧 地點位於中環同上環中間 附近好多商業大廈 所以lunch time成日都好逼 B仔通常夜晚先黎食～😝夜晚如果店鋪未full 店員盡量都會安排兩個人一張闊卡位俾你 所以坐得好舒服 係B仔中意佢ge其中一個原因😊-豬扒撈檬 （$66 Dinner set-包飲品）中上環黎講 呢度ge Dinner set價錢實在係有良心得很 味道方面 撈檬靈魂所在ge碌冧(撈檬用ge魚露酸甜汁)調製得非常美味 撈埋青瓜絲 紅蘿蔔絲 白蘿蔔絲 炸乾蔥片 青蔥粒 花生碎同芽菜黎食 入口非常清新 夏天食好舒服 另外值得一讚ge係撈檬俾得非常大方 份量多到幾乎係兩人份 而豬扒亦非常高質 入口軟腍 香茅味濃 肥瘦適中 整體CP值極高～😊-蒸粉卷（Dinner set-加$20有三件）上檯時非常熱騰騰 粉卷皮晶瑩通透 口感帶少少彈牙 餡料有沙葛 肉碎 木耳絲 等等 食落胡椒味較重 中意胡椒味ge朋友仔應該會中意（B仔個人唔特別中意胡椒味 但同行ge朋友仔就好中意）🤪-特色腐乳炒通菜 （$62）雖然個名叫特色

今晚又同朋友去左上環覓食，揀左越南野，行樓梯落一層，揀左卡位座，都好舒服。下龍灣海鮮炒金邊粉 $80，海鮮有蝦、青口、蟹柳，金邊粉硬度適中，炒得好惹味。追加小食，加左香茅雞中翼 $20/3 隻，味道不錯，雞翼炸得略乾身。套餐配港式熱飲，我揀左風情特飲椰汁綠豆冰，加$10，椰汁好濃，好解渴。蝦餅湯檬 $58，我好喜歡食蝦餅，通常是必點的菜色之一，蝦餅、雞醬另上，越式蝦餅是薄身而脆，而我較喜愛泰式漲卜卜的蝦餅；湯檬的湯淡淡的，檬粉幼身爽口。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，我會寫更多豐富既食評比大家！🤤✨✨✨✨✨✨✨✨✨✨

🕺🏻不少打工一族午飯時間為了節省金錢💸，也傾向選擇一些價錢比較相宜的餐廳🍴。中上環等商業中心區，隨便找間餐廳也可能要$100以上🤦🏻‍♀️🤦🏻‍♂️，這間越式餐廳價錢相對較便宜👀。.🌠這晚晚上在上環吃了間越式菜餐廳🍴，餐廳位於在地庫內，人流不算多，不需要等候。.🍴下龍灣海鮮炒金邊粉（$80）Fried Phat Thai with Seafood 🤔原本以為是泰式金邊粉，來到才知道與想像中有分別😌。與港式的乾炒牛河概念相似👀，但換上海鮮做配料，🌊海鮮有青口、鮮蝦、蟹柳和小瑤柱，吃得出海鮮頗新鮮🤩，金邊粉口感煙韌彈牙👍🏻，麵量很多，不過味道單一👉🏻👈🏻，有點油膩🥺，👩🏻👧🏻草根還是喜歡泰式酸酸甜甜的味道，這個味道普通，吃起來有點寡，應該會有更好的選擇。.🍴豬肉蝦片（$21/4件）Prawn Crackers with Pork蝦片上加上香茅豬肉絲🐷、炸蒜、粉絲和洋蔥，香脆惹味，不錯吃😋。建議要盡早吃，免得蝦片變腍☝🏻。.🍴熱菊蜜🌼菊蜜跟餐免加錢，味道帶少許甜，🍯蜜糖味十足。.餐牌如下

發現中環有一間經濟實惠的越南餐廳。其實一直近在眼前沒留意，因為經常在這間"鳴越越式料理" 門口的巴士站等巴士，就望著巴士到來，沒有留意身後，原來有非吸睛的越式美食，而且價錢便宜，是中環上班族的喜訊。餐廳座位多，樓底高，坐得很自在。無骨鳳爪$58，微辣中帶酸甜， 有青木瓜沙律做配料，撈埋一齊食，夠入味，口感清爽。其他食肆大概要$68至$78一碟，很便宜呢。優惠套餐，送熱飲，有追加小食優惠價，$15-$20 不等，我們選了香茅雞中翼，覺得最划算。追加的特價雞中翼，$20三隻，烤得外脆內軟，雞肉滑嘟嘟的，吃得很開胃哦！追加小食，不食就笨呢！套餐主食：蝦頭膏酸辣湯河$68,湯很清，其實蝦頭膏味極濃， 配料有蝦、青口、蟹柳、小帶子、芽菜、香茅等等， 味道非常鮮甜。酸辣湯當然有酸辣味道，酸味夠，辣味會越濃，好惹味！河粉吸收了湯的味道，好味之餘，也沒有因為浸得耐而變軟，非常好吃。香茅豬肉片撈檬$53, 檬粉像米粉般幼細，自家浸泡過才煮，食物品質有要求呢！質感是特別的煙韌，有口感；平時食的檬粉，是透明和粗身的，這是因長時間浸泡，但口感是比較軟身易碎。這真是有水準的檬粉！豬肉片，份量多而且bbq香味，輕

在中環開完會，發覺已經夜深，決定在這個我不熟悉的地方吃晚飯。在電車路旁徘徊，看見地庫內竟是越南餐廳，且價錢在中環這個地區絕對相宜，心想：今晚不用再吃麥當勞，也不用給寶寶責罵。餐廳內外雖然位於地庫，但憑著門面絕對能夠搶回不少客人。在門口徘徊，有一種想征服它的感覺，尋幽探秘。餐廳內一直播放音樂，如果轉播「越南越愛」或其他越南音樂，氣氛相信會更好。餐廳內環境也十分理想，令人坐得很舒服。餐牌方面色彩繽紛，中英並中，很漂亮。反而在門外的那個越南打邊爐廣告卻沒有在餐廳內看見 。食物方面點了1）生牛肉河粉；2）雞翼；3）熱菊蜜。我每去一所越南餐廳，必然會吃它的生牛肉河粉，藉此知道它的龍與鳳。此店的也有另一番風味，初步一看，河粉白滑，生牛肉夠生，湯底呈淡啡色，然後我隨手擠些少青檸汁，撒點指天椒，湯頭鮮甜濃郁，滿滿的牛骨香氣，令我感到大滿足。至於配菜，不比主菜失禮。雞翼炸得剛剛好，皮脆肉嫩，十粒星！由於不想喝咖啡因飲品，只點了了菊蜜，竟有驚喜！男店員(或者是店主？）服務很好，值得一讚！餐廳也有到會服務，中環寫仔樓的辦公人員有食神了。

上環對於我地呢D九龍人來說都係一個美食之地, 呢間餐廳地理上非常近講好平好平又唔算，但性價比超高👭食物非常不錯而且地道啦！越式三寶飯三寶係包括左有雞翼，豬扒，同紮肉雞翼同豬扒都係用香矛既方式煮既，炸得非常之香口，但係食落又唔覺會太油反而幾JUICY下雞翼都幾大隻香矛豬扒既份量好大份，廚師仲好細心的切開左一條條的方便我地食紮肉比較細塊，但係味道一點也不差超級大大碗份量非常多!! 如果唔係太太太肚餓的話女仔係唔會食得晒嘅

咁啱係呢頭附近又肚餓，見到呢間越南野望落幾地道唔係連鎖野，一於試下舖面裝修既無咩特別，正正常常，餐牌上既食物選擇都幾多而價錢唔算貴, 在晚市來說更可以用超值來形容!!今次我點左既係香茅豬扒拼魚露雞扒飯呢個雙拼飯都只係需要$75在上環的這一邊基本上都吃不到什麼超大的一份量不止是飯, 餸也是廚師將其兩份都切成一條一條的可以方便我地食之餘仲可以同友人一齊食一齊SHARE加埋秘製醬汁, 香口非常我非常建議大家必須要試一試呢個醬汁!!!超加分!!肉質好嫩滑, 而且爽口即叫即整特別滋味!!

位於上環既越式料理 給人一種很有舊式越式餐廳的感覺咖哩牛腩飯佢係分開上的 咁樣D飯就唔會太多咖哩汁亦都唔會唔夠咖哩汁咁樣可以自行控制到撈汁個份量呢一點係幾細心既牛腩煲入面有牛腩 牛根同薯仔三樣野都係咁好食最令我SURPRISE的是薯仔入味非常飯的份量很多而且是有形象的哈哈咖哩汁是比較濃的那一種食落帶點辣味, 而且很香越式的那種香料味道加上咖哩味, 冇得頂超多的牛腩在煲內我最愛的就是他沒有將D牛腩切到很細式是很薄可以保持到個口感!!

· 食個越南DINNER 🍴在上環德輔道中經過一直以為呢間餐廳係食日本嘢~ 原來係食越南嘢😛環境周圍座位放置唔同嘅金框靚畫好歐式設計同時又帶點茶記的感覺 座位好寬落坐得非常舒適餐廳的食物飲品種類繁多 越南火車頭🍜 和 滴溜咖啡☕ 絕對係必食必飲!!!! ··🍜火車頭份量足夠二人吃👦👧湯底幾清新鮮甜👍河粉好正吸收曬沙汁😍生牛肉好嫩好香牛味 ~ 牛丸咬落去爆滿牛汁好Juicy❤ ··☕滴溜咖啡開頭其實見外型幾特別就點嚟試吓 原來味道都好特別 係越南是非常有名的飲料之一皆因咖啡醇厚香味好濃郁 略帶苦澀回甘 勁香的咖啡香除咗飲完好提神之外 我第一次飲完就深深愛上咗飲滴溜咖啡~ 為咗飲呢個我會再特登去呢度飲咖啡㗎😝 ··🍴小吃 另外再點咗蒜蓉牛油軟殼蟹 和 豬頸肉串燒軟殼蟹勁蒜非常重牛油香!外脆內軟的亦充滿蟹香呢個襯熱食最好食!😋⭐ 豬頸肉串燒都唔錯👍 肉厚嫩點埋沙茶醬食好好味!!!! ·

今晚收工同同事喺中環食飯， 因為呢輪都瞓得唔好，心情又差，諗住食碗粉麵，早d返屋企唞足精神，鳴越越式料理就快靚正！先吃開胃小食，是我最愛的無骨鳳爪。酸酸甜甜，辣味很輕微，加上木瓜絲、青瓜絲、蘿蔔絲等配料拌勻，吃著很 清爽消暑。無骨鳳爪夠入味又爽口，$58的價錢，比起其他越式料理店便宜呢。呢度套餐幾抵食，送熱飲，可以特價追加小食，我加了$20,要吃香茅雞中翼。蝦頭膏酸辣湯河$68,河粉配湯吃是最好味的，因為蝦頭膏湯超香！別以為湯很清，其實蝦頭膏味極濃。除了輕微酸辣味，蝦頭膏的香氣和鮮甜味道都揮發了出來，河粉吸收了湯的味道，很好吃！又煙韌。雖然配料比較少， 愛吃肉的可能不夠飽，但女士們喜歡酸辣開胃的話，這個湯河就超推介。另外散點的香茅豬肉片撈檬$53,一看以為 廚房煮錯了米粉，原來真的是檬粉！這裏的檬粉很幼細，來貨後自家浸泡合適時間才煮，所以質感特別煙韌，有口感；平時食的檬粉是透明的、粗身的，因為是長時間浸泡出來的效果，口感比較軟身。魚露味道酸辣味適中，好味！估不到這個價錢，有這麼高水準的檬粉！豬肉片輕輕烤過，所以很香，但不油膩，而且豬肉新鮮，沒有用梳打粉醃過，質感爽口結實，大愛！追加的雞

今日難得同死黨放假，上堂打完波後，走去食越南菜，呢間早前有朋友介紹過話好正，今日特登嚟試下。一碗生牛肉湯檬粉，牛肉鮮明亮麗，滿滿肉汁源源流進口腔，鮮甜至極，檬粉爽滑，蜜甜湯底濃香撲鼻。另一碗沙爹牛肉湯檬粉， 同樣高質素，濃濃沙嗲香，牛肉肉質蜜味香甜， 湯底同樣可口。正宗越式炸春卷，件件都脆卜卜，內裏食材豐富，調味到位，我倆嘴巴不停 旭動。還有一款越式素菜米紙卷，都不遑多讓，散發著清新菜香，配上幽幽米紙 香氣，另有一番風味，餐廳食物品質跟價錢，都係吸引客人的賣點。

今日收工要自己一個食Dinner...為左唔想成件事咁sad, 當然唔可以食豆腐火腩飯，要來鳴越食餐好嘅越南菜先得！德輔道中直行就會見到，地點好易搵。睇MENU見到圖片都好吸引！一個人的晚餐，就算獨食都唔會覺得頹蝦頭膏酸辣湯河　$68一向無辣不歡，各地區的辣都有不同滋味，越式的辣，辣度比較容易接受，酸、鹹的成份更多，別有一番風味。呢個湯底正呀，即使平時唔太食得辣的朋友都可以嘗試！蝦肉非常鮮甜～有青口、元貝等海鮮，材料落得好足，鮮甜海鮮配埋酸辣湯底，好惹味跟餐轉椰青+$26唔好嫌貴住，呢個椰青真心推薦！我第一次見到咁大隻椰青，特附上拳頭當比例尺店員話呢個係金馬牌椰青，唔單止大隻，而且又甜又多汁～一個人的晚餐都可以食得開心，揀間好味嘅餐廳就得！

係中環做完野咁岩行到去德輔道中，心思思記起之前朋友介紹過有間越南野平靚正，抵食夾大件，即刻上網check下位置先，終於發現到餐廳原來based in地庫既，沿住條樓梯一直落，見到掛住哂好多越南特色美食同埋好多景物既相，餐廳設計大部分都係以綠色為主題，木系既枱櫈，地方相當闊落，幾乎都係以四人卡位，餐具擺放方便，隨手可得，睇到menu又係時侯我既"選擇困難症"又發作啦，實在太多選擇啦，最後比左我朋友簡！👇📌生牛肉湯河粉 - $56👉先黎個生牛肉湯河打頭陣！基本上食得越式料理，如果唔嗌生牛河咁不如唔好黎食啦！曾經聽過有朋友話佢唔食牛既，咁真係無哂意思呀！咁當然啦，你可以選擇食其他野既！我就最鍾意將D牛鋪係面拖兩拖，保持住半生熟我先擺入口，呢種肉既質感永遠都係最正既，記得一定唔可以錯過個湯呀，鮮味無窮，牛肉亦都好足料，又大份，河粉幼滑，抵食！📌蝦頭膏海鮮炒飯 - $76👉再黎就試下個濃味少少既炒飯，呢個精粹係在於用蝦膏黎炒，成碟飯都保持到果種鮮同香味，飯粒非常乾身，有咬口，師傅炒野功架唔錯，完全無水氣，仲有帶子、蝦同埋蟹柳做伴菜，兜埋一齊炒想唔香都幾難啦，呢碟飯唔洗10分鐘已經同朋友極速掃哂！

現時興去樓上舖尋寶，又或者去樓上食肆，但原來開始有不少位於地庫的餐廳，中環地價昂貴，租金亦當然非一般，所以有餐廳會往地庫發展就例如這間鳴越越式料理，地方大點，食物價錢又平民化，是中上環上班一族食晏/加班晚飯好去處。餐牌上我越式生牛河 （$60）最吸引我，果然大碗又多生牛肉，很足料。配料還有湯底的芽菜、湯面上的香茅和青檸，加上青檸汁更提味。小食平均只需加$20-$25，所以（+$20） 香茅雞中翼3隻，十分入味好吃！套餐：轉越式飲品加$8 轉風情特飲加$10 轉滴漏咖啡加$20點了杯熱青檸薏米蜜，薏米有半杯的份量，絕不吝嗇，甜度亦適中，清潤。