鳴越越式料理

Open Now

Now Closed

係中環做完野咁岩行到去德輔道中，心思思記起之前朋友介紹過有間越南野平靚正，抵食夾大件，即刻上網check下位置先，終於發現到餐廳原來based in地庫既，沿住條樓梯一直落，見到掛住哂好多越南特色美食同埋好多景物既相，餐廳設計大部分都係以綠色為主題，木系既枱櫈，地方相當闊落，幾乎都係以四人卡位，餐具擺放方便，隨手可得，睇到menu又係時侯我既"選擇困難症"又發作啦，實在太多選擇啦，最後比左我朋友簡！👇📌生牛肉湯河粉 - $56👉先黎個生牛肉湯河打頭陣！基本上食得越式料理，如果唔嗌生牛河咁不如唔好黎食啦！曾經聽過有朋友話佢唔食牛既，咁真係無哂意思呀！咁當然啦，你可以選擇食其他野既！我就最鍾意將D牛鋪係面拖兩拖，保持住半生熟我先擺入口，呢種肉既質感永遠都係最正既，記得一定唔可以錯過個湯呀，鮮味無窮，牛肉亦都好足料，又大份，河粉幼滑，抵食！📌蝦頭膏海鮮炒飯 - $76👉再黎就試下個濃味少少既炒飯，呢個精粹係在於用蝦膏黎炒，成碟飯都保持到果種鮮同香味，飯粒非常乾身，有咬口，師傅炒野功架唔錯，完全無水氣，仲有帶子、蝦同埋蟹柳做伴菜，兜埋一齊炒想唔香都幾難啦，呢碟飯唔洗10分鐘已經同朋友極速掃哂！

呢晚係中環放工，女皇大人同大帝去左旅行嘆世界，所以放工就拉埋靚靚同事陪我食埋飯先歸家既然靚靚同事肯陪我食飯咁好，食咩就由佢話事啦原來佢呢排介左夜晚唔食飯，多數都係食粉麵，所以佢就揀左間喺公司附近既越南餐館，貪佢有撈檬/湯河可以揀黎食之前都有同事會外賣佢地既tea set黎食，但原來晚市都有套餐，價錢都唔算貴，全部都係一百蚊有找，喺中上環呢個地段黎計都算幾抵!靚靚同事最後要左個“越式生牛肉湯河”HKd$60，而我呢個小飯桶就要左個“香茅豬扒拼魚露雞扒飯”HKd$75，我地仲加左廿蚊要左份“香茅雞中翼”一齊share ♥♥♥同事既湯河先到，好大碗，望到牛肉片既份量都唔少！！我既飯都隨即送到，啲飯堆成小山丘咁好搞笑xppp雞扒同豬扒食落都唔嚡，佢地既面頭都佈上蔥油炸蒜，所以好惹味！！沾上黑醬油就更加好送飯~~~加配既雞翼一客三隻，炸至香脆而保持到雞肉既嫩滑，唔錯唔錯本身套餐就會包埋一杯普通既熱飲，但見到特飲都係加多8蚊又唔算貴所以就加錢試左杯凍既“青檸薏米水” 唔會好甜，加上有青檸酸酸地味道，感覺更解渴

在中上環的餐廳基本都要過百元落樓，而且還要十分人多擠迫，想找間食物不錯、坐得舒服、價錢又相宜的餐廳實在有難度。但同事很好帶我吃周圍找吃的，今晚就帶我來到在地庫的「鳴越越式料理 」。說真的，如果不留神就很易走過，但如果走過就覺得地點其實很易找，就在攘往熙來的德輔道中144號，正正就在巴士站前面。縱使款式多，我還是想試試《越式生牛河 $60》。大碗又份量多，其實可轉其實麵類，但我都是吃河粉算了。生牛肉多，用沙浸一浸就會變熟，生熟程度可自己控制，本人就比較喜歡半生熟的粉嫩狀態。餐包港式熱飲一杯，凍飲加$3 我就看中了《青檸薏米密（熱）》清甜健宜。

來到這間越南餐廳，發現除了越南食品之外還有其他東南亞食品，就突然很想吃更惹味的東西了。先來一個咖喱牛腩，辣辣的很是滋味。牛腩夠軟，又入味。最重要的當然是要有薯仔，燜得軟軟的，每一口都有充足的咖喱味，真的齒甲留香。另一款食品是酸辣湯河，加了蝦及青口，頓時像泰國的冬蔭功湯，不同的是辣度較低，更易入口。蝦肉爽甜，是重要的食材之一。蒸粉卷是越南的代表，外表軟且滑，甜上魚露醋，自然無得輸。炎炎夏日，最重要的當然是一杯凍飲。龍眼冰的甜度適中，十分消暑。

嚟到上環附近唔熟路，唔太知附近有咩食，就求其搵咗間越式野嚟食，發現又幾有驚喜喎👍🏻 要行落地庫先係餐廳，但比起一般街舖空間較大，坐得寬敞，唔似一般茶記坐得逼又嘈吵。 食物就係一般常見越南野，但不乏小炒。 原隻軟殼蟹撈檬，檬粉同軟殼蟹份量都幾大，味道尚可。 網鳳尾蝦春卷湯檬，湯檬爽口。春卷剛炸，配搭埋生菜一齊食都幾fresh，單獨食略油。份量仍然好足，上環區嚟講應該算幾平。 薯絲蝦卷，賣相幾靚。食落脆口，要嚟送湯粉一流，冇咁dry。 加多左杯龍眼冰同椰汁紅豆冰，一貫水準！

今晚同個係中環番工既舊同學食飯，話想食越南野，我就記得上環附近有呢間要落地下一層既餐廳，價錢仲好抵食添。我地係餐牌揀左個海鮮金邊粉 （$80），飲品加左$10要三色冰。我本身都唔係好鍾意飲甜野，就係主餐牌叫左比較少見既蝦春卷（$42），原來黎到比我想像中大份，有六條咁多，每條仲跟生菜。另外想叫多個蔬菜類，就揀左個牛肉青瓜沙律 ($68)，落左酸甜醬，幾好食。兩個人叫四樣野竟然$200就可以埋單，中上環真係難得。

收工約人去食飯，時間唔早就近近地係中上環一帶搵個地方食飯。行過呢間裝修幾特別幾特別既越南餐廳。係要落地庫既，原來都真係好靚，牆上掛滿畫。呢度餐牌好簡單，就係小菜或者餐跟飲品。不設加一。我地兩個人決定食一個餐，加一個前菜同埋一個沙律。<下龍灣海鮮炒金邊粉> ($80)係越式既金邊粉，少左泰式既甜同埋花生味，好足料啊，海鮮有蝦、蜆肉、帶子、蟹柳等等。份量好大，兩個人share啱曬。<椰汁三色冰> (+$10)好大杯，椰汁味重，都幾多料。<牛肉青瓜沙律> ($68)酸甜可口既沙律，青瓜大大粒係角切，好考筷子功力，我同朋友就決定用牙籤黎個菠蘿腸仔既啲friend，牛肉青瓜！<網鳳尾蝦春卷> ($42)好脆好香，用生菜包起黎食口感非常豐富。埋單人均先$100，中環黎講真係勁抵食。

-今日放假日，一心過嚟中上環區一帶行街街🚶，點知遇到大塞車🤦、又遇到大遊行🤦。天氣又熱🌡️， 真係要搵個好地方，食下嘢，先可以安慰下自己嗰五臟廟😋。門口咁多人睇緊👀Menu原來係basement， 要落一層先到環境夠曬光猛👍， 多數都係卡位嚟👍。下龍灣海鮮炒金邊粉（$80）金邊粉炒得好有鑊氣。香濃咖哩牛腩🐂飯（$66）咖哩味夠哂濃，少少辣🌶️🥔，牛腩夠淋。富士山形嘅飯追加小食， 都係廿幾蚊咋。香茅雞中翼🐔（$20 / 3隻）越式春巻 （$25 / 4件）用生菜包住食又得就咁食點啲甜酸醬又得。青檸薏米水🥤［轉越式特飲 +$8］薏米有去濕功用，加埋青檸好清新。熱菊蜜🐝 ［套餐包熱飲1杯］==========鳴越越式料理地址：中環德輔道中144-148號安泰大廈地庫

係上環站出，德輔道中條大街就見到佢，見咁平就試下！咁都係每人$100，平！食物都好好味！靚！正！🔶越式春卷 +$25（叫晚餐有得加配）炸到好脆好好味，啲生菜都好新鮮乾淨，包住春卷食正！🔶漁香肉碎茄子配白飯 $80呢個要食👍🏻keep住熱辣辣，茄子、肉碎撈飯好好味！🔶香濃咖哩牛腩飯 $66牛腩都好嫩口，不硬，咖哩汁有啲辣！入面有少量薯仔，無牛筋！🔶椰汁三色冰 +$8、凍奶菜 +$3三色冰屬於越式特飲，晚餐加錢就有！幾好飲，都好多料，抵飲！凍奶茶就不過不失總括：抵食！好味！走個時先見到有得打邊爐，下次試下！

今日又黎上環，要取貨！我們就選了這間之前同媽媽黎食過的越式料理（鳴越）。環境還是一樣，光亮又乾淨，有好多特色畫作設計，好舒適的梳化位置。星期日下午還有下午茶餐選擇，都幾多款式，有飯、撈檬、湯檬、小食等等，更可以優惠價點小食（粉卷、蝦餅、扎肉、豬扒、雞翼等等。我們點了2個茶餐加上2個優惠小食，每一個茶餐有飲品，3個人一齊分享。1. 扎肉湯河大大碗幾香，湯底唔會好咸，扎肉有6片，河粉都多又滑身，有炸蒜片及香蔥粒作配菜。2. 鹹魚雞肉炒飯份量好足夠我們，炒得好靚乾身唔油仲好香，蛋絲、鮮雞粒、鹹魚都足料，加上香口蔥段，好正！推薦的！3. 蒸粉卷熱辣辣有3件，份量都大，抵食，好滑的粉皮，內面是熱熱的木耳、沙葛及肉類，更有胡椒的香味，口感一流！4. 燻蹄1碟5片，比平時厚身一點，有咬口，更有粒粒胡椒口感，香口皮煙韌！5. 飲品檸檬茶走甜：唔夠冰凍，可能走了冰！菊蜜：比較甜了點

食越南野真係好講心情天氣熱時可以吃 生牛肉撈檬😘想食有咬口的時候可以叫 蝦餅😙。今次兩個人食六碟食物都只不過$300都唔使 抵食🥳但唯一要嘆氣的就是地方不夠乾淨🤨坐低時 曾以為自己走進了一間靚版的茶餐廳。🦀峴港椒鹽軟殼蟹 $72🦀呢個軟殼蟹的確比到我驚喜😎唔係因為佢好大隻而係因為軟殼蟹裏面竟然有蟹膏🤩第一口咬落去時 有少少油 有少少脆竟然逼到啲蟹膏出來 大喜😍。🐷香茅串燒豬頸肉 $36🐷我可以說這個豬頸肉串燒🤩係今晚最好味的食物咬落去啖啖肉😋肉是厚實的有淡淡的豬肉油脂味😁。🐮香茅串燒牛肉 $36🐮牛肉串都比我想像中好味🤩有好多餐廳的牛肉串都會燒到牛肉過熟 且過好韌不過這碟牛肉串裏面的肉好軟 油脂味重👍🏽。🌯越式蒸粉卷 $20🌯如果同紙米卷比較😋就要叫紙米卷啦！。🍝下龍蝦灣海鮮炒金邊粉 $80🍝份量比想像中多🥰可惜海鮮份量少一共只有兩隻小蝦和蟹柳金邊粉的味道唔夠正宗😭醬料不夠黐和酸反而有點像 乾炒牛河😂。飲品叫咗椰青新鮮 清甜好味😬食咁多油膩嘅嘢梗係要椰青中和下

越南食物大家也食得多， 今次光顧的這間越南餐廳位於上環， 位置距離地鐵站約莫五分鐘路程， 沿著德輔道中一路行就會找到十分便捷。餐廳門面很特別， 頗有氣派， 餐廳位於地庫， 要行一層樓梯才能到達。大約七點鐘 ，人流不算多， 很多卡位選擇。生牛肉湯河 加越南粉卷再配一杯熱飲， 盛惠80元。生牛肉湯河牛肉嫩滑 ，味道清甜， 湯底都是牛骨湯， 香料味頗重。越南粉卷新鮮出爐 ，外皮似中式腸粉， 非常嫩滑， 餡料由蔬菜和肉碎組合而成， 帶著一股蔥油香味。在上環以不足一百元 吃到晚餐， 實在非常超值👍

已經好耐冇食過越南菜喇今日抽起條筋行完上環永安百貨行多幾個路口醫下肚仔就選左呢間越菜館餐館為地下鋪 需要行樓梯落去可能今日平日 入到去唔駛等位地方都幾闊落 有好多卡位可坐睇睇餐牌 我地主要想點套餐行到熱烚烚 好想飲凍野套餐有11款可選 我地選左兩個套餐加一款小食香茅豬排併魚露雞排飯豬排炸得香酥調味料濃雞排肉汁多而滑 魚露味唔太重第二款選左香濃咖哩牛腩飯有椰奶香味 食落惹味 份量足夠撈到兩碗飯牛腩唔會太鞋加多廿蚊就可以試到越南蒸卷睇個樣好似腸粉既正方形版內有肉碎等等配料味道ok飲品方面點左杯檸水同加十元轉特飲椰子珍多冰 哇真係好多冰飲完成個人爽哂整體黎講不錯不錯～行開中上環可以一試

好友相約到中環吃私房菜，怎知餐廳出了問題，私房菜吃不成，附近有這家越式餐廳，沒多思索便入內了。餐廳在地庫要下樓梯，內裡明亮乾淨，傍晚時分，空蕩蕩的沒幾枱客人。好友點選越南火車頭有牛𦟌、牛筋、牛柏葉、牛丸、牛肉，加點九層塔和一角青檸，香氣飄揚，好友說好食。我點了馬拉盞芥蘭炒豬爽肉配少飯，芥蘭沒有『炒』應有的氣息，口感就像是燙腍了般，也沒有馬拉盞的惹味，雖未至於不能吃，只是完全不符菜名給予的期望...豬爽肉不過不失，沒有驚喜，白米飯是正常的味道。

星期一至五嘅上環，平時都車水馬龍，週末就少左啲繁忙。心血來潮想食越南嘢，就諗起近近地office但係又唔成日去嘅鳴越。由中環或香港站行10分鐘，或者上環站出口對面就到。一入門口就見到好多畫，直到入去都係。同朋友坐低左就望下個餐牌。我地點左一碗生牛肉湯河，軟殻蟹米紙卷，大蝦米紙卷，lime coke同埋咸檸梳打。飲品先到，我order既咸檸味道啱啱好，唔太甜。然後到碗pho上。首先portion分量幾大碗，特別係牛肉嘅分量幾多，牛亦係新鮮手切肥牛，比普通火鍋肥牛有口感。再食其餘嘅嘢，湯底味道清香唔太鹹，伴碗芽菜及洋蔥新鮮。值得一讚👍🏻然後兩個rice paper roll。大蝦🍤新鮮，點上酸汁感覺清新同與內裡嘅材料相配，裡面嘅香葉味好突出。軟殻蟹rice paper, 一啲都唔油膩，炸得啱啱好。總括而言，食物分量大，較健康唔油膩，幾適合一家大細，係响中西區CP值幾高嘅餐廳。