鳴越越式料理

Open Now

Now Closed

今日晏左收工 就同朋友係公司附近食 睇到網評見到呢間越南店 於是就同朋友行過去試下🤗可能吾係晚飯時間 所以舖頭吾係好多人 客人都有吾少西裝客😂 舖頭好大有好多位都吾怕坐得迫今次我地就試左一個主食越式魚露雞扒撈檬 一上到枱分量好大 有好多檬粉 夾埋d生菜 青瓜絲 蘿蔔絲 都幾清新 雞扒醃得啱啱好👍🏼串燒拼盤質素十分高 牛味好濃 豬肉好爽 再配埋甜甜的燒菠蘿 真係好吸引食食下友人話想食下菜 於是我地就叫左個馬拉盞芥蘭 醬汁十分濃郁有機會再遲放工都會再食！

星期日瞓到自然醒係至正的，跟手個肚就開始鼓鼓叫，知道係時候食午餐了諗左一陣食咩好之後就決定食個越南Pho做午餐啦～因為通常可以飽到連晚餐都唔洗食嘻嘻嘻好好味的豬頸肉，又唔油，又juicy 又有少少窿邊，真係好滋味呀光是包春捲的生菜已經非常新鮮，包完之後馬上末一口，omg炸到好鬆化味道也非常之好雞翼入味！多汁！外脆內軟！炸到D肥油冇唒⋯⋯實在係太滋味了生牛肉粉走青多洋蔥係我多年來的食法！一飲啖湯就知lee間牛肉粉好味道，之後仲要將牛肉dip落鹹魚露辣椒個度吊味，簡直好味到不得了最後整返杯咸檸檬梳打，完美！

今日收工經過中環，午餐無胃口食得少，放工就好肚餓。上網搵下附近有咩餐廳可以食個tea，結果搵到一間越南餐廳。坐落中環，價錢竟然咁抵食。我叫左越式生牛肉湯河，加錢叫小食，叫左蝦餅。湯底牛骨湯好清甜，唔會飲到好口渴，無咩味精。湯底無泛油，生牛肉薄切，粉嫩色牛肉入口好香嫩，唔會有渣，牛肉無臊味。河粉爽口唔會太碎，味道唔差啊。蝦餅即叫即炸，蝦肉彈牙唔油膩，炸粉唔厚，入口好香口。下次去到餐廳可以試下其他套餐。

中環呢間越南野位於地庫，價錢係中環算好抵食，平均50幾蚊已經有個粉！先叫左個火車頭($78)🤩🤩 好大碗好多料！湯底牛肉味十足，但又唔會太咸嘅。牛肉片幾淋，夠新鮮😛牛丸好彈牙，牛味好濃⭐️ 而個粉都幾滑，仲有好多芽菜添🐥另外用優惠價格20蚊叫左3隻雞翼🐤🐤🐤皮脆肉嫩，好食🐥叫多左個雞扒撈檬🥰 雞扒幾厚身，皮係脆邊的！撈檬份量亦唔少，再加上d生菜絲同酸酸蘿蔔絲等一齊撈，口感豐富💖椰汁冰加8蚊轉嘅 味道正常💁🏻‍♀️💁🏻‍♀️

又係一星期一過海次接女友落堂一起食lunch的時間，原來中環好多餐廳星期日是不開的，女友話不如返上水先食，起巴士等車，查一下，下一班要40分鐘先有，咁啱巴士站則邊有間越南餐廳，我又肚餓，看看門前的宣傳牌。我又肚餓，價錢合理就落去試吓啦。餐廳位於地庫，都好大，座位舒服闊落！但可能星期日。中環少人返工，只有兩枱客人，看看餐牌，女人友叫左個招牌順化湯粉。我要了一個香茅豬扒拼魚露雞扒飯再加杯椰汁紅豆冰！女友要了杯咖啡。食物好快送到，碗麵都好足料，有豬手，牛展，生牛肉，牛丸，湯底較淡，但牛展入味！牛肉比較瘦，肉味夠但不滑。豬手亦好食。香茅豬扒魚露雞扒飯，雞扒和豬扒都炸得好香脆，醃得夠入味，好好食！另外加錢要了一個小食，炸蝦餅，就普通了，份量較少！味道一般。加$10要了特飲椰汁紅豆冰。都大幅杯，椰汁不是夠濃，紅豆亦唔夠淋。反而越式咖啡唔差。

呢間餐廳午市有優惠套餐，可以送一杯熱飲同以優惠價追加小食。—————————————————————#越式生牛肉河 💰60生牛肉慣咗要再浸幾下先食，食落唔會話好「鞋」。湯底唔會特別重口味，叫咗杯熱菊蜜，感覺特別滋潤。#酸辣無骨鳯爪 💰24呢款小食另外加$24就食到。酸酸地食落幾開胃，重點係無骨，食既時候真係超方便。#香茅串燒豬頸肉 💰36/3串幾抵食，每串仲有四舊，好惹味，醃得岩岩好，食完唔會好口渴。#蒜蓉牛油軟殻蟹 💰72 有好多蔥同洋蔥絲喺面。軟殻蟹炸得幾脆，食落真係淡淡蟹肉。Instagram :@noodles_queen_food🍚: natalietongym 大眾點評：米線皇后Facebook: noodles_queen👉🏻#跟住皇后去上環

今晚又得自己一個食，於是近近地係公司附近食越南野~5點幾仲趕得切有下午茶~最平$39有粉食有野飲好抵~不過今晚仲要開夜所以要食飽D~就叫左個撈檬再加個小食~煎扎肉撈檬天氣咁熱想食番D凍野~撈檬就係我心水選擇!配料揀左煎扎肉，扎肉新鮮煎起夠哂熱，肉質彈牙有咬口，而呢度既撈檬係一大碗又有甘荀絲青瓜絲~夾埋一齊食爽口又健康!撈檬既靈魂就係呢支酸甜汁~最鍾意一下倒好多落去跟住完全撈勻~酸酸甜甜好開胃!檬粉夠滑溜份量又多，非常飽肚~脆香一口豆腐跟餐加錢可追加一款小食，我就加$20要左脆香一口豆腐，同我係酒樓食既差唔多，做到外脆內軟，豆腐好嫩，食落口熱辣辣，同檬粉一齊食都好夾~~!最後飲埋杯熱檸水感覺非常圓滿~食飽飽有氣力再做野

位置十分方便，在德輔道中電車路附近，到了中午吃午餐的時候都是很多人的，幾乎都要排隊。因為餐廳環境舒服，午餐價錢不算貴，$50幾到$60幾就有一餐，在中上環依然算很抵食。而且份量足，質素又很不錯，所以我有時都會去食午餐。今日加班到很夜，就打算在附近吃完晚餐才回家。晚市因為很多打工仔都回家了，所以不用排隊，比較靜坐得更舒服。而且我發現，晚餐與午餐的價錢差不多，最平$60食到一個「越式生牛河」，送熱飲。生牛河有好幾塊牛肉，鮮嫩香牛肉味。麵底很多，必能食飽。.「香濃咖哩牛腩飯」也很不錯，很多塊牛腩，咖哩汁香濃，伴飯食很開胃呢！.另外加$23有「越式春卷」4件，香口的春卷包上生菜食，一脆一鮮，另有越式滋味。.薄荷青檸梳打梳打水原瓶上，倒滿一杯要用半瓶，即等於有一次free refill! .椰汁三色冰香濃椰奶味，正！「三色」即是紅豆、綠豆及青色的啫喱條（斑蘭啫哩？）。很有東南亞特色的特飲。.下次到中上環想有個relax 又不擁擠的晚餐？這裡是好選擇。

「越式春卷」香脆可口，唔會炸得太燶，食完完全無熱氣嘅感覺。附上青菜比客人包住春卷黎食，生菜中和左春卷嘅油膩，所以食完唔會覺得成口油。生菜好新鮮，食落口又脆又甜。跟餐送野飲。三個餐分別嗌左「熱菊蜜」、「椰青」同「青檸薏米水」。「熱菊蜜」入口嘗到菊花香，唔會太甜，飲完好舒服。「椰青」好大個，最啱同朋友share。椰汁好清甜。「青檸薏米水」青檸有三片咁多，薏米份量都唔少，剛剛好。飲完覺得成日人好fresh呀！可能係習慣左中環上班族平日午飯用餐快嘅節奏，上餐好快，嗌完約五分鐘後就到齊曬所有野。食物水準不錯！呢間餐廳可以用快靚正黎形容！

今日去左中環一間越南餐廳食晚飯。中環平時比人嘅印象係上班族番工嘅地方。由於係夜晚去嘅關係，平日熙來攘往嘅中環今日都變得安靜。去左一間叫鳴越嘅餐廳食。呢間係一間樓下鋪，要行樓梯落。一落到去，已經被個環境吸引住。環境好靚好寬敞。有好多卡位，坐得好舒服。由於肚餓嘅關係，一次過嗌左好多野：「香茅豬扒拼雞扒飯」、「越式生牛河」、「馬拉盞芥蘭炒豬爽肉」同「越式春卷」。「香茅豬扒拼雞扒飯」豬扒好入味，用左炸乾蒜，食完唔覺熱氣。雞扒肉嫩。「越式生牛河」牛肉份量好多，夠曬送河粉。河粉好滑，加上香葉同生洋蔥，份外香口。「馬拉盞芥蘭炒豬爽肉」芥蘭新鮮爽脆，唔會好鹹。

放工約左朋友係中上環食飯，就揀左間就腳既越南餐廳試一試！餐廳位於大廈地庫但落到去間隔好寬敞，卡位亦坐得好舒服。.一心入黎食越南野，見到Menu除左一般越南河粉，咖哩等等菜式外，竟然有啲mix左中式既菜式，而家非常吸引！😍.🚂🍜 火車頭湯河 $78 (4/5)食越南野唔少得食最出名多料既火車頭湯河，大大碗，同朋友食大家share都好滿足，好驚食唔落之後啲野😱。牛腩、牛根、牛丸、生牛肉等等，好多餸，湯底ok，幾好幾好！.🥢馬拉盞芥蘭炒豬爽肉（配白飯）$78 (4.5/5)個菜黎到已經聞到好香馬拉盞味，加埋芥蘭同豬爽肉非常襯白飯，非常有驚喜！.🍤黃金大頭蝦 $108 （3.5/5)最後點埋廚師推介嘅黃金大頭蝦，一碟有六隻，炸左嘅黃金蝦加埋鹹蛋嘅香味，好入味，係一間越南嘅餐廳食到真係非常難得！但略嫌鹹咗少少，同埋用大頭蝦的話就唔能夠連殻一齊食埋，好似差咁啲咁。.總結整體水平算係幾好，款式多而且部分都幾新鮮，同朋友食大家share都幾唔錯！

法式蒜蓉牛油雞翼 $42是晚黎中環食越南菜前菜係一份幾唔錯既雞翼 雞翼有四隻 我覺得蒜蓉牛油整得幾入味 因為蒜片唔係好抽離就咁放雞翼面 而係入左雞翼皮度 而蒜蓉牛油既配搭味道又幾濃下因為雞翼係炸 所以表皮脆脆地有啲厚度 不過唔會over 咬落肉度肉質都ok 火喉有返咁上下印象中仲有另一款雞翼 至少我試過既呢款都會讚好越南火車頭 $72火車頭就係一碗越南粉麵配好多唔同既餸 我印象就係咁呢間裝麵既碗非常大 視覺上麵餸無咁密麻麻 不過食起黎就方便啲 譬如唔使一定清左部分餸先食到麵叫左河粉 湯底本身唔重口味 可以好似我咁加啲辣椒粒吊下味 另外配菜用左唔少芽菜只係沉左底餸有牛肉牛栢頁牛丸牛展牛筋 撈下底會見河粉都唔少 生牛肉建議唔好碌咁耐 放一陣好食左佢 口感好啲食火車頭我覺得係食豐富為主 可以試下唔同餸 都係一種滿足香茅豬頸肉金邊粉 $56食越南野牛肉扎肉豬頸肉 我認為越式豬頸肉最穩陣例牌越南粉麵可以揀麵底 呢碗轉左金邊粉 同另一碗火車頭一樣都係唔少芽菜係湯底 如果想味濃啲又可以加適量辣椒粒 如果唔係喪加其實唔係點辣重點係好好食既香茅豬頸肉 恰到好處既灸燒味 上檯已經聞到豬頸肉香 肉既色水白裡

今日收工同同事約埋去食個晚餐，吹下水，講下老細壞話🤣😂晚餐時段有啲套餐係粉麵飯跟杯飲品，咁我就嗌左個最傳統嘅生牛肉金邊粉跟凍檸茶，嚟到真係好大碗，個湯都好夠味，牛肉都有好多塊，真係好抵食。而同事就嗌左個豬扒湯河，啲豬扒都好腍唔會又乾又硬，豬扒河個湯就清啲嘅，但就一樣大大碗，份量足。 小食就嗌左兩份串燒share食，嗌左個豬頸肉同雞肉。雞肉就唔記得左影相，因為太肚餓，食完先醒起未影🤣職員好好人，落單時我地要求多多，佢都會逐樣覆單，唔會甩漏仲好好耐性添。

是日等埋HONEY放工，去左哩間鳴越越式料理 食我地的晚餐，因為見到價錢唔太貴，加上我們好耐無食越式料理，見到餐牌上，一份主餐，仲可以加20-25蚊叫碟小食，另外飲品都是加10-20蚊到，在中環來說，真的好平~全部都係一百蚊有找，同HONEY叫左個咖哩牛腩飯，火車頭河粉，同埋小食越式蒸粉卷，越式炸春卷，另外點了熱檸茶同埋椰汁紅豆冰咖哩牛腩飯咖哩牛腩飯牛腩入味，有好香的椰汁，最貼心是有如山高的飯，真的看到都好吸引火車頭河粉一碗MIX埋牛所有野的河粉，河粉入味，湯底好香，牛肉新鮮，越式蒸粉卷，越式炸春卷兩款不同的小食都好多份量，20-25蚊真的好抵食，味道唔錯熱檸茶同埋椰汁紅豆冰真的有水準，兩個人加埋200蚊內，就可以食到個肚漲住走，真的超值。

2/7/2019 中環 鳴越越式料理經過見到呢間餐廳又有啲餓就入去，諗住食個金邊粉 餐廳入面都幾大，座位好多，可能時間尚早，所以冇乜人。餐牌選擇都幾豐富，如果揀呢啲食品，可以用優惠價配飲品或者小食咁啱又真係有金邊粉，呢個係下龍灣海鮮炒金邊粉， 望落賣相唔錯， 食落夠熱夠鑊氣， 都好多海鮮，除左蟹柳，魷魚仲有啲帶子粒同青口。 同泰式金邊粉有啲唔同泰式金邊粉有少少帶甜甜地但係越式這種就唔甜但少少鹹的。 金邊粉炒得剛剛好，唔太硬又唔太軟，一條條分明。另外我加錢要咗杯柑桔青檸梳打， 梳打水係分開上嘅， 一杯冰底配柑桔青檸， 分量大概可以到到兩杯，當然啲冰係滿㗎喇 。但係奉勸第一次飲嘅時候唔好搞勻得太犀利，否則第二次倒梳打水的時候，就會太淡冇曬柑桔青檸嘅味道。