小曼谷泰國美食 (Moved) New Location

食好九龍城好多間泰菜, 但未必每間都好味.今次試下有幾間分店既小曼谷先.因為同朋友都唔係大食, 無點到生蝦, 生菜包...只係叫左小小野試下先.串燒個沙嗲汁係好重要, 直頭係串燒既靈魂. 佢地個沙嗲汁好香, 好有花生味, 呢個係不得不讚既咖喱炒蜆, 個咖喱都做得唔錯, 甜甜地, 一D都唔辣, 用黎送飯, 點包一流.味道不錯既泰菜

我真係好耐冇食過泰國菜，所以我約左屋企人去一齊食，成日經過這間泰國菜，今次終於可以試吓啦。店內環境雖然唔大，但勝在都幾乾淨整齊，最重要係晚市有live band show ,氣氛特別好正呀👍🏻👍🏻👍🏻👍🏻我地叫左生蝦刺身，冬陰公，炸蝦餅，馬拉盞炒椰菜苗，豬頸肉沙律，咖喱炒大蜆，芒果糯米飯。生蝦刺身，蝦肉鮮甜可口，配埋泰式醬，超好食😋😋冬陰公，湯辣到適中同埋好足料，蝦都好大隻，勁濃味正呀炸蝦餅，即整即炸，上枱時好熱，蝦餅外脆內軟，蝦肉好鮮馬拉盞炒椰菜苗，因為用馬拉盞炒，所以全部冇草青味，我勁鐘意食幾個菜。豬頸肉沙律都係第一次食，食落去幾特別，豬頸肉加埋沙律汁口感特別，刺激味蕾令人更加開胃。咖喱炒大蜆，咖喱味香口又夠大碟，送麵包和飯一流，蜆肉好新鮮，同埋蜆肉都好大隻，CP 值高的餸。芒果糯米飯，椰漿清甜芒果肉，糯米飯夠熱，勁好食😋😋😋😋

難得有空，同朋友黎九龍城食泰國嘢。黎到哩度，食物款式多之餘，仲要好多款式，所有地道嘅泰國菜式，應有盡有，真心唔會揀唔啱食物定價一啲都唔貴，又要有水準，嘢飲唔係行貨，甜度適中，味道亦夠晒炒通菜好有獲氣，帶有陣陣嘅辣味，又夠晒大碟，正生蝦大大隻，又夠晒新鮮，推介！東蔭功湯必嗌呀！湯底夠晒香夠晒辣，而且又夠晒足料！4個人share都仲有剩咖哩炒蜆又係大大碟，咖哩辣度夠晒，食落辣得黎亦帶有甜味，調味正！而且蜆肉份量又多，亦夠晒新鮮炒粉絲不得了，炒得好香，蒜味十足，配埋大蝦，亦帶有蝦香，而且一啲都唔會話太油膩

去得九龍城食泰國野，應該無咩人唔識呢間小曼谷啦！幫襯左佢十幾年，真係越食越貴，想當年真係落親街第一時間就諗到要食佢架！但近排就覺得佢加價都加得好勁！沙爹串燒，我比較like佢地既串燒牛，其他串燒就一般般無咩驚喜。沙律必點既係柚子蝦沙律同埋豬頸肉沙律，呢兩款每次我都要揀好耐先揀到一款，柚子蝦沙律，甜酸辣食落口好fresh；而豬頸肉沙律，d豬頸肉唔肥夠脆口，配埋佢個辛辣汁勁正，真係食到停唔到口架！而其他既炒菜呀、咖哩呀、炒粉麵飯呀，就唔使嘥quota試啦☺️另外一提佢地既座位都幾迫下，唔建議帶太細小朋友去食，怕撞襯，同埋地下都跣跣地，借用洗手間時真係要行得小心d

唔知幾耐冇入過九龍城啦，去過九龍城都知果到係泰國餐廳既聖地，真係條條街都會有2-3間。😂朋友話食過呢間「小曼谷」，覺得唔錯，廢事諗啦，就佢啦。－lunch唔貴，都幾多選擇，不過大部分都有海鮮，藍妹真係麻麻。😓最後記得係泰國既時候食過個肉碎飯，覺得好正，於是想試下香港既係咪都好味。－叫親午餐都會送個冬蔭肉碎湯，同龍眼水（藍妹轉左凍既）。個冬蔭公好多菇菇，酸味好重，反而唔太辣，愛好酸野既藍妹認為好岩口味。😍龍眼冰有啲甜，係咪間間都係咁甜嫁呢。😅－香葉肉碎燴飯同泰國食果個賣相好似呢，不過白飯同肉碎既比例會唔會差太遠。😵如果多啲肉碎，少啲飯就好啦。肉碎既味道完全係泰國食到既味啊！好辣，好香香葉味，用黎撈飯一流！🤤－單講呢個肉碎飯，有種令藍妹返左泰國既感覺，好想去多次泰國呢。😖

現在要吃到$50以下，有湯有主食有飲品的午餐已經不易，這天我就發現了一家泰菜餐廳供應50元以下的午餐。這店大部分的午餐$45，海南雞飯$48，包湯和飲品。湯可選冬蔭功湯或冬瓜湯，飲品可選熱龍眼茶或龍眼冰，其他飲品要附加費，另可加$23加點泰式小吃。我們點了泰式炒金邊粉和海南雞飯，本來兩人都想要冬蔭功湯，但侍應說點海南雞飯只跟冬瓜湯，兩人都點了龍眼冰，另加了一客酸辣鳯爪。泰式炒金邊粉味道不錯，很有泰式風味，但配料主要是蔬菜，肉類只有蝦兩隻。海南雞飯的雞肉不夠滑，飯的味道不錯。冬蔭功湯味道尚可，但湯中只有少量肉碎和草菇，冬瓜湯恰如其分地清淡。龍眼冰稍甜，若甜味淡一點則更佳。酸辣鳳爪惹味，但有的鳯爪略硬。不過最奇怪的是，我們點海南雞飯時，侍應說只可跟冬瓜湯，但其後其他顧客點海南雞飯時，卻又可以跟冬蔭功湯。還有，這店在同一街道有其他分店，一些食物和飲品是由街外送入店中，但這些食物和飲料都沒蓋上，似乎不太衛生。

自從轉咗工作地點後, 我就多了去九龍城一帶食飯, 今次我就去了小曼谷泰國美食食嘢.天氣咁熱, 當然第一時間點椰青. 椰青水夠清甜, 又解渴, 而且仲有椰青肉食.主菜點了粉絲焗大頭蝦, 泰皇咖喱法包軟殼蟹和明爐蒸烏頭.泰皇咖喱法包軟殼蟹. 咖喱係微辣, 即使唔食得辣的我也食得到, 仲覺得好惹味, 夠醒胃.用來配包一齊食, 兩者好夾.軟殼蟹幾脆口, 而且也算大隻. 粉絲焗大頭蝦.上枱時已經香味撲鼻.蝦幾大隻, 若再彈牙一點更好味. 我係為了粉絲而點這個菜式, 因為粉絲吸收晒所以精華, 特別好味.明爐蒸烏頭. 一口氣食了兩款較濃味的菜式, 就點個魚中和一下.魚肉夠嫩滑, 而且入口帶點檸檬的味道, 感覺清新. 這一餐非常豐富.

每一次去到九龍城都會必食小曼谷，當然今次都唔係我第一次試喇，座位都有點像茶餐廳模式，泰國裝飾不多。椰青: 好鮮甜，即叫即開，仲有好多肉好好飲，不過食完都已經飽幾成咯冬陰公湯: 酸酸地辣味不多，這樣一般不吃辣都飲到呢。湯都油不多有雜菌類加少少海鮮，的確招牌菜。好適合愛飲湯的我。泰式炒椰菜苗: 好惹味的泰式炒再配合椰菜苗嘅硬度，又入味，真係食到唔停口。明爐香檸汁蒸桂花魚: 先有香檸汁俾我地加落個爐魚度，我當然都會忍唔住飲返啖喇! 酸酸甜甜又辣辣地好開胃，魚肉都軟身吸晒啲汁就仲正。

好耐冇寫食評啦！因為好耐冇出街食飯，趁今日520,男朋友話同我嚟九龍城嚟返個泰國前哨戰。因為上次喺另一間所謂泰國菜食左個好鞋嘅魚，今次當然都要叫返條為呢條烏頭平反啦魚肉好滑，加埋個泰式辣汁 👍🏼另外就係呢個bb椰菜，我真係好鐘意食，但好似東南亞地方多啲，香港唔係間間餐廳有。加埋呢個馬拉盞，真係好好味👍🏼然後就係呢個大蝦冬陰公，絕對係煲出嚟，唔煲沖出嚟，而且啲蝦都仲係爽甜嘅，但係我覺得個湯咸左小小，酸同辣都唔太夠。呢個辣膏青口就麻麻地，冰鮮青口，冇乜味，辣膏都係甜甜地，一啲都唔辣，呢個麻麻地。串燒就冇乜特別啦，正正常常，唔會太乾，個醬都係重花生醬味。好啦，男朋友準備嘅呢餐520晚餐，合格💯

諗起食泰國嘢第一時間就會諗起嚟九龍城，發現九龍城好多好食嘅泰國小店都不錯，今次就試吓出名嘅小曼谷，因為今日一早就來到唔使等位，因為平時行過都見到好多人喺度等.他們其中一個特色就係假期會有live Band，聽住音樂食泰國菜覺得自己好似置身於渡假之中，絕對係非常好的！咖喱炒虎蝦，虎蝦夠大隻，份量也不少，咖喱真係好好味，辣味同椰汁味均勻適中，最重要就要配蒜蓉包，絕配！燒安格斯牛扒，平時西餐就食得多，泰國食燒牛扒第一次，覺得點左啲辣醬真係特別好食，辣汁能夠帶出牛肉嘅肉味，加上燒過好香！明爐香檸汁桂花魚，平時食烏頭就食得多，侍應介紹我哋食桂花魚，魚肉會比較滑亦都係啖啖肉。果然不錯，桂花魚雖然係貴少少，但係真係滑好多，下次真係要識得叫椰皇沙冰，椰青波波,10分清甜，原汁原味！

母親節帶屋企人去食飯，要食泰國菜當然要黎九龍城，黎依到記得要訂定位，因為依到都幾旺場。黎依到貪佢夠哂地道，價錢又唔算貴，款式又夠哂多👍🏻環境裝修都唔錯，而且服務都好好。依到啲野食等得唔耐，最值得欣賞係佢個咖哩炒蟹，平時我唔鐘意係街外叫蟹食，如果唔係屋企人想食都唔會叫，因為食蟹又多汁會食得好論盡，但依到會比埋手套你，同食蟹工具👍🏻依個咖哩食落唔辣，但夠哂入味，建議可以叫蒜蓉包/撈飯食一流，而蟹方面，蟹身大大隻啖啖肉，而且有勁多蟹膏，性價比好高其他食物都即叫即整，份量都好多，叫左幾款海鮮都係好新鮮，整體黎講鐘意食泰國菜嘅朋友，有機會都要黎試下

海南雞完全冇味，叫六串串燒比五串你,仲係凍嘅,叫你比五串錢就算，叫碟生蝦個半小時吹極刀唔黎／遲入座個Ｄ就兩碟打孖上,最谷氧就係對唔住刀冇声,剩係叫你睇單囉,咁嘅垃圾食店真係笫—次見.

每次想食泰國野，一定會諗起我既最愛 — 小曼谷，味道有品質保證之餘，價錢仲要係平民價，絕對係性價比高！我啲朋友都好鐘意黎食～先黎一個勁大碟既泰皇咖哩炒蜆，呢個真係好抵食，啲醬汁又唔辣，甜咖喱超好食，好香好滑，蜆肉又要隻隻都好大隻，超入味，份量滿分，必點！食咖哩又點少得叫埋蒜蓉包呢，呢個蒜蓉好香口，脆脆地點咖哩黎食都係一流！泰式小食都very good,今次淨係叫我覺得最好味既炸蝦餅，外皮炸得脆，內裏蝦肉彈牙爽滑，個sauce係畫龍點睛，將鮮味昇華！再點一個香芒果蟹肉炒飯，蟹肉炒飯都ok,炒得夠乾爽，用芒果炒有甜甜地既味道，更開胃！

一話不如去九龍城食泰國菜，就一定會諗起小曼谷，同果個係出面fing下fing下既公仔🤣小曼谷依然係用搶眼既黃色，牆上貼住一啲特色野飲~影咗少少餐牌俾大家參考💁🏻‍♀️食得泰國嘢，咖喱就一定要點😛泰式黃咖喱$83可以揀豬牛雞其中一款😚黃咖喱比較唔辣但依然惹味，蔬菜同薯仔吸收左咖喱精華變得好香口🙈今次唔點薄餅，試吓用蒜蓉包配咖喱汁😍原來更加好食，本身鬆脆蒜蓉香蔥嘅包已經好好味，再點咖喱汁Perfect match🙆🏻‍♀️泰式豬頸肉$88外面燒得金黃香脆，裏面肉質依然保持到，薄切一塊塊，點埋甜酸汁更加開胃🥰波羅雞肉炒飯$78炒得夠鑊氣，粒粒金黃，配上菠蘿嘅果甜，肉鬆嘅惹味，有唔同味覺享受得來又超好食！好快就清晒啦🥰最後梗係飲番個甜椰青清涼一下啦😎

每年熊貓媽媽生日，到是會吃中餐。不過今年搞搞新意思，我帶媽媽去九龍城食泰國菜，仲令到媽媽有驚喜。今次晚上嚟到九龍城小曼谷泰國美食，首先入到去，裝修都唔錯，而且環境坐得幾舒適和乾淨。點菜的時候，店員推薦我們吃咖喱蟹。咖喱蟹來到的時候，果然沒有令我們失望，這隻蟹比我們的手掌還要大，而且蟹膏非常多，蟹鉗啖啖肉。而且這個蟹的醬汁非常好吃，差點還想將醬汁打包。而且這個咖喱蟹的價錢很親民，$500都不用。在這個百物騰貴的年代，這個價錢現在街市買一隻大蟹都不易，何況加上廚師的精心炮製，所以這道菜真是必點。除了咖喱蟹，小曼谷還有很多美食很吸引。熊貓作為牛的粉絲，食泰國嘢都當然要食牛啦。這個安格斯燒牛肉亦是很推介👍🏽👍🏽另外來到泰國餐廳，當然要點海南雞啦。呢度嘅海南雞也煮得很出色，非常正👍🏽另外來到食泰國美食，當然不少得蝦。這個牛油燒虎蝦，即是熊貓強烈推薦的菜式。虎蝦大隻不在話下，配上牛油去燒👍🏽我們亦點了一下牛油燒帶子，鮮味的帶子配上濃厚的牛油，所有人都覺得很好吃。飲品方面，我們點了椰青和真多冰和青檸梳打，也是沒有令我們失望。如果大家來到九龍城，不妨試吓這一間餐廳。而且在九龍城附近，特別容易泊車，尤其