Video
Read full review
2021-08-04
384 views
星期五同事話想去放鬆一下，去咗蘭桂坊諗住食晚飯順便飲杯嘢，揀咗喺蘭桂坊附近嘅加州大廈 新開嘅型格嘅餐廳 聽聞呢度嘅青口超級出名 都係招牌菜前菜叫咗Coconut Prawns $128 平時泰國菜先有得食估唔到喺呢度都有得食 仲要整得幾出色 炸虎蝦鋪滿左椰子絲，充滿椰香 ，炸得香口，金黃色，仲要大蝦隻隻都好大隻，爽口彈牙新鮮。最欣賞佢嘅辣芒果 salsa ，無論作為醬汁點大蝦，定係直接當沙律食，都酸酸甜甜非常開胃，有芒果，香草，洋蔥，辣椒等材料。黎到重頭戲Lobster Bisque ，有四款口味，Singapore chili crab , Australian chilli 等等，由於唔食得辣我哋就揀咗，Lobster Bisque，龍蝦味，青口仲可以配一個side dishes, 炸饅頭或者髮包或者薯條，我哋就揀咗薯條，薯條比較幼，香香脆脆，即叫即炸唔錯。不過忘記咗我哋點左主菜炸魚薯條都有薯條，如果唔係都可以試吓炸饅頭，聽聞都唔錯，仲可以點埋啲龍蝦醬汁。青口質素唔錯，平時其實都唔太鍾意食青口，覺得佢有浸奇怪嘅味道同埋口感唔好，反而呢度嘅青口食落都幾嫩，大大粒，都幾入味，最緊要冇雪
前菜叫咗Coconut Prawns $128 平時泰國菜先有得食估唔到喺呢度都有得食
仲要整得幾出色
炸虎蝦鋪滿左椰子絲，充滿椰香 ，炸得香口，金黃色，仲要大蝦隻隻都好大隻，爽口彈牙新鮮。
最欣賞佢嘅辣芒果 salsa ，無論作為醬汁點大蝦，定係直接當沙律食，都酸酸甜甜非常開胃，有芒果，香草，洋蔥，辣椒等材料。
黎到重頭戲Lobster Bisque ，有四款口味，
Singapore chili crab , Australian chilli 等等，由於唔食得辣我哋就揀咗，Lobster Bisque，龍蝦味，青口仲可以配一個side dishes, 炸饅頭或者髮包或者薯條，我哋就揀咗薯條，薯條比較幼，香香脆脆，即叫即炸唔錯。不過忘記咗我哋點左主菜炸魚薯條都有薯條，如果唔係都可以試吓炸饅頭，聽聞都唔錯，仲可以點埋啲龍蝦醬汁。青口質素唔錯，平時其實都唔太鍾意食青口，覺得佢有浸奇怪嘅味道同埋口感唔好，反而呢度嘅青口食落都幾嫩，大大粒，都幾入味，最緊要冇雪藏味道。另外龍蝦汁都非常之唔錯，除咗好濃郁嘅龍蝦汁味佢仲有少少酒香，中和左。
另一款主菜叫咗Fishin chips $238 ，
啤酒魚 tartar
平時嘅魚會有啲雪藏味，由於佢哋嘅魚係用啤酒麵掩蓋左，完全冇雪藏味，仲要炸得勁脆，每咬落一啖都有哈嚓聲，仲要份量勁大，魚肉超大片又厚身，配埋自家製嘅他他醬一流，另外仲有啲薯條點埋他他像都好好食㗎。
認真佢哋嘅份量都非常之大食咗兩個主菜之後都已經好飽，又想試吓佢哋呢度嘅甜品，叫咗Flaming chocolate lava cake $108 心太軟，職員係上菜嘅時候會到咗少少酒跟住點火，氹女仔就最開心啦 ，心太軟都幾高，朱古力味勁濃郁，外皮都係好熱脆脆地，一切落去非常之漏心。
Virgin Mary $75
Hong Kong delight $65
總括嚟講呢間又飲得又玩得又型格嘅餐廳 ，唔好以為剩係得個樣，食物質素真係有驚喜，每一樣野都用心製作，想一路飲酒一路食高質素嘅食物 ，喺蘭桂坊算係一間唔錯嘅餐廳，值得一試。
Post
