旺角咖喱屋

Open Now

Now Closed

My colleagues and I were in the area and fancied Indian food for lunch. After doing a Google search, Miss India popped up. We made our way there and were seated immediately. We decided to go for a set meal that consisted of one dish of tandoori chicken, two dishes of chicken curry, one dish of vegetable curry, two small baskets of roti and four drinks (a coke, two lemon teas and one chai). The tandoori chicken (six small boneless pieces) was garnished with shredded white cabbage and a wedge of l

午餐突然好想食印度菜, 經過女人街冇意比我發現印度人主理的印度餐廳.打開餐牌午餐都好多選擇, 今日想食雞所以揀咗個咖喱雞午餐，午餐包括有湯，飲品， 主食，可選飯或者薄餅，價錢有$52起。香濃惹味咖喱雞，知道每間印度餐廳都有自己的秘製咖喱，呢間都唔錯， 香料味道不是太多，但雞肉不是太嫩，Naan 印度薄餅，燒得未夠香，所以整塊薄餅都平平實實，每一塊都一樣。不過價錢$52一個午餐, 就可以食到正統咖喱，我講得都非常合理。

我平時都唔會寫食評， 坐低左見冇咩人， 心諗係咪中左伏。上嚟睇先知自己中左個大伏。 叫咗咖喱羊配naan, 得三舊羊同三舊naan.收91 蚊。 食食吓見到有隻曱甴BB .喺香港食飯好耐冇中過伏了。啲嘢上嚟用咗5 分鐘食完就走。同埋我見到佢廚房好似係後街露天。成件事好恐怖😩

超級中伏. 本來一心想試下印度餐 , 見係當地人做.入去叫了個. 咖哩牛腩飯套餐.     1人餐.   $130我話 野飲想轉芒果乳酪之後咖哩牛腩  份量全是汁.. 只有2 粒牛腩   .心知中妙都無咩野食,,   只是汁加飯,, 食了就走找數時.  佢竟然收我.   $175    (我轉個杯芒果乳酪要另加錢??)  但個餐佢又無比餐飲我喎.1 人餐.  只有汁的咖哩牛腩  又無餐飲.    就收我$175  超級中伏.  

今日終於試咗一直想試嘅旺角咖哩屋以前成日見到佢個員工喺路口度叫叫咗咁多年 終於我鼓起勇氣入去食由於疫情嚴重關係餐廳入面堂食一個人都冇只有三兩個人間唔中會入嚟買外賣咁我今次點選嘅係 set B 咖哩牛腩套餐 （54元已折）由於疫情關係佢有85折套餐包括餐湯 咖哩牛腩 飯同薄餅可以揀是但一樣咁我就揀咗薄餅 另外套餐亦都有包嘢飲 我就叫咗一杯印度奶茶餐湯係一個開咗芡嘅三色雜豆湯只有鹹味冇乜特別至於主角咖哩牛腩 牛腩有四五舊 都幾軟稔爽口食開印度咖哩嘅我覺得佢香料味欠奉反而蔬果味就比較重 咖哩入面亦都有好多蔬果嘅顆粒但個人認為咖哩嘅調味酸咗少少 如果可以多番啲香料味咁呢個咖哩就好食不過勝在咖哩嘅溫度都好夠熱另外佢個薄餅好軟熟又熱 好好食切開都有四塊咁多 成餐最好食係個薄餅最後飲埋佢嘅印度奶茶個人覺得奶茶嘅味道偏淡味道比較似港式奶茶多過印度奶茶事關應有嘅印度奶茶香料味都唔太明顯整體呢一餐不過不失無乜特別得閒就入去食下咁

中伏，點了一個雙人套餐，分別是咖喱雞+咖喱牛腩+串燒雞+白飯+饼+2飲料串燒雞：還好，味道平平咖喱雞：咖喱是酸的，從來沒吃過這種味道的咖喱，非常懷疑是壞掉了還賣給客人，雞肉也隻有4.5塊咖喱牛腩：醬汁跟咖喱雞的完全一樣，都是酸的，量一樣少凍檸茶：連凍檸茶的味道都怪怪的，好像混了點別的味道打電話給店家，店家完全不承認咖喱酸是因為壞了，還說下次來消費help我們，老實講，我自己做都比它好食，當蝕左200蚊

食個晚餐 , 沒什麼特別原因 ~Kashmiri Naan 乾果烤餅 : 喀什米爾 的一種烤餅 , 餅就是夾著堅果碎和葡萄乾烤成的 , 餅的味道香甜 , 略嫌烤得未夠火候 ~Chana Masala 瑪莎拉鷹嘴豆 : 乃一家常菜 , 在印度、尼泊爾、巴基斯坦 , 家家戶戶都會煮來吃 , 但要煮得好吃 , 是頗需技巧的 ; 這間餐廳的廚師就煮得一般般 , 雞心豆都煮得入味 , 粒粒見型 , 不會過腍也不會太實 ; 汁是稀了些少 , 香料味不太出 ~Butter Paneer 蕃茄牛油芝士 : 要講印度的經典名菜，怎能缺少 Paneer 印度芝士 , 這道菜是用奶油配合適當香料、gravy 及新鮮蕃茄淆煮成汁 , 再燴上芝士 ; 當然各師各法，同一師門都有不同煮法，這店的醬汁濃香滑 , 但是就略嫌鹹了些少 ~Fish Madras : 南印度的一種菜色 , Madras sauce 多用上蕃茄以及椰子 , 本來是煮得頗香口的 , 無奈是太鹹了 , 當中最大的敗筆就是 , 椰絲沒有烘過 ~本篇完 ~

工作太累，一個人想靜靜地食午餐，又想食牛。經過這咖喱屋，見幾乾淨價錢又合理就入去。好多時咖喱店好大陣味，呢間無咩，又無烏蠅，乾淨最緊要。叫左個咖喱牛腩午餐，先來一碗湯，好地道，無味精，應該係米漿。午餐的Naan 都ok , 都係好健康，無咩油啲牛腩有四至五件，都算淋，覺得幾好。個咖喱汁，都係健康嘅，無咩油，主要以蔬菜打成，有蕃茄，洋蔥🧅，蒜頭🧄等等攪拌而成，都係無味精。食落都係家庭主婦煮出黎嘅味道。檸檬茶，我叫少甜，佢真係好似無落糖咁，但有茶味，都讚。

印度咖喱好少唔好食。呢間嘢，有唔好食，肉又少（成$90 得4-5 塊肉塊，都係汁撈飯）又唔平，坐得又唔舒服（衰過飯堂），又唔衛生。俾錢我都唔會去。咁都可以生存得到，神奇

經過呢間店，入面得1，2枱好冷清，諗住冇其他店咁多人，照入去。一入去坐低開始叫野食，先發現個廚師有帶口罩既，但佢全程帶口罩o係下巴！！（佢耐不耐都會行出黎）我覺得依家咁既疫情，要做好d防疫工作，食肆衞生。但因為已經點緊菜就算，照叫野食....叫左芝士薄餅，毫無特別無芝士味，就係普通既麵粉餅。叫左招牌咖喱鷄，咖哩冇乜咖哩味，唔辣，鷄得幾粒，而且係鞋既！仲有鷄肉餃子，皮好厚，無咩味道仲有鷄卷，好多菜份量都夠，有少少鷄肉，味道正常，算係幾樣野入面最正常。相都冇影啦...總括黎講，唔會有下次！完

食呢餐都係上個月嘅事，本來無諗住寫，但見佢咁多喊面，我覺得又唔係咁差。朋友點左一人套餐Set2，包一碗咖哩，一份烤餅，兩件雞同一杯飲品。個兩件雞就係印度野好興嘅串燒五香雞扒Chicken Tikka，個人一向都麻麻地呢味，覺得好乾同香料味太重，咁呢度都係一樣，咁先正宗？哈哈。咖哩就揀左咖喱羊肉Mutton Curry，羊都有好幾件，但個咖哩汁稀如水，香料味就有啦，但要左spicy都係一啲都唔辣嘅？有啲失望喎。跟配嘅烤餅Naan正正常常，幾香口，食咖哩真係要配佢先夾。自己就點左羊肉多納Lamb Doner Roll，想食呢樣好耐，外於價錢，成日唔捨得點，哈哈，因為佢同個餐一樣錢，散點無野飲送嘛。講返個卷，係好好味嘅！！羊肉好有羊味，全瘦但不韌，大量生菜，蕃茄同生洋蔥包住，皮煙韌有咬口，蔬菜多汁清爽，醬汁係類似千島醬嘅味道，酸酸地咁樣，而且脹卜卜好大條夠飽肚，正呀～飲品方面散點左酸乳酪Lassi，同朋友跟餐的印度奶茶Indian Tea。隻匙羹上枱時就插左入杯度，好明顯用佢黎攪混過，不過無所謂嘅，又唔係高級餐廳，可接受。味道就係印式的香料奶茶，香香的幾好飲㗎。自己杯乳酪揀左要鹹味，飲落無乜

叫左個午餐set，跟手睇openrice，見到咁多負皮都怕怕地，不過上菜後又覺得無人講咁差，仲係好岩口味，淡淡唔會太濃烈，好適合唔係食辣既朋友，個月雞扒味道好特別，咖哩配飯餅都好好味

咖哩冇味，naan味。千其唔好叫set，野食好劣，汽水冇汽，肉好似㷛湯瘦肉，又揩。服務態度差，汽水叫左好耐都未黎，又漏單，左等右等，嘥曬我啲時間， 冇漏單個d都係等好耐。

去旺角 想食咖哩，Ben爺一定食這一家， 因為這裏由正宗印度人和尼泊爾人主理， 味道傳統。 就好像Ben爺最愛的Butter chicken， 傳統的 用番茄粉 作咖哩底， 混和著烤香了的 雞肉， 最後 再 投放一嚿牛油 在咖哩內 慢慢地看著他融化， 色香味俱全。

前幾年因為街上有人舉牌宣傳而識呢間，而家再去食番，的確係有少少退步。😂抵唔抵食就見人見智啦，睇口味既，覺得遊客區既街，都難講又要正宗又要平到嘔啦，岩食就好食。有散叫，不過肚餓就食二人套餐。兩百蚊包括烤雞、咖喱羊、咖喱牛腩、白飯、烤餅、野飲。前菜叫要讚下，鐵板雞，幾開胃。賣相就普通左，食落似似泰國串燒，大大份，入晒味。主菜驚喜唔大，汁唔夠熱同辣。咖喱羊同咖喱牛賣相同口感機乎一樣，無咩大分別，都係大大淡肉配香料咖喱，除左咖喱羊會辣過咖喱牛少少，如果唔係我都食唔出邊碟打邊碟。整體普通，無伏，香料咖哩黎講係足料。如果有心機D可以加熱番D食物就好啦。凍左真係唔香唔惹味～