旺角咖喱屋

Open Now

Now Closed

🐯旺角女人街正宗印度咖哩?!🐭 ⭐️按「更多」睇詳細食評😋懶惰二人組突然好想食印度咖哩，於是突然醒起N年前行女人街成日都見到個印度餐廳既易拉架。於是就行去睇下仲有冇呢個＂廣告牌”，點知又俾我地搵到喎！於是就去會一會去喇！我地呢次又叫左個 《Set Meal No. 2》二人餐。 《雞湯》湯既質感有少少濃稠，感覺好似落左生粉煮既湯羹。湯有少少雜豆，有少少孜然粉嘅味道。味道似係味精雞湯?！《串燒五香烤扒》跟配薄荷汁，不過就烤得太乾身喇！而且味道亦都唔太香口，冇咩特別！《牛脷咖喱》及《牛腩咖喱》牛脷咖喱質地比較稀，牛腩果個濃少少，味道就喊左少少喇。牛脷食落都比較重口味，可唔可以用「騷」味黎形容呢?《烤餅》及《飯》（各一份）Naan黎講，口感真係差少少... 唔酥脆，有少少韌。而且冇咩味道。飯就煮得較濕。🐭:其實可能係冇比較冇傷害，以前食過重慶大廈某一間印度餐廳，佢既燒雞﹑咖喱等都令人念念不忘！搵日去食下介紹比大家好唔好?留言同我地講!🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟整體 ❤️食物味道真心麻麻。人均$120黎講，性價比其實都唔係太好。呢個價應該可以食好少少。💚環境響女人街檔仔既旁，冇咩裝修可這

行過見到有印度菜，諗住試下啦叫左個二人餐，埋單200幾見到個menu寫有兩個咖喱上左一細碗咖喱，得3-4粒牛腩，已經覺得少少伏個燒雞排又乾又硬餅都好少細細塊得幾塊唯一多嘅就係飯，大佬呀你得個一小碗咖喱，又俾咁多飯，玩嘢咩味道呃下遊客可能都得嘅，但凡你食過印度菜，都會覺得好一般，甚至係難食食到大半，另外個咖哩仲未上，點知就食到另一種肉，即係200幾蚊，咖喱得一小碗，兩隻肉加埋4舊真係笑咗，直頭可以話係呃人快啲執thx

旺角街頭見到個牌覺得幾好又抵之後搵左一輪路就入去試個套餐$300幾蚊 會有個雞 勁濃味係得個咸字主菜3個咖哩每款得2粒肉🙂‍↕️🙂‍↕️最離譜係個炒雜菜嚟到點知係咖喱三色豆跟住跟餐三杯可樂雖然最後都食晒但真係覺得太唔抵🙏🏻

第一次食呢間旺角咖喱屋，平時喺路邊聽到佢哋大叫，咁啱今次有朋友話想試，就一齊去。🫣🤔佢哋嘅嘢唔稱得上好好食，但起碼唔係難食，如果價錢平多少少應該會更有吸引力。😉選擇都算多，不過我哋嗰日咁啱有幾款餸都冇。👍舖頭內有好多位，不過我自己覺得偏窄，好彩嗰日人唔算好多，可以自己揀一個舒服啲嘅位坐，如果再肥多少少就應該好唔舒服。😂整體嚟講，唔會特別去😂 因為我覺得同類型嘅選擇都仲有好多，價錢又不太便宜。

第一次光顧此店，點了二人套餐。套餐包括餐湯，烤雞，雨款咖喱或菜，選了咖喱牛腩和炒雜菜。咖喱牛腩份量較細，雜菜是碎菜加三色豆；除了飯可轉Naan之外，其餘餅和特飲都要另叫。上菜時，發覺烤雞是先烚熟再烤面，烤餅也是急凍烤熱的。很明顯，沒有自家烤爐，有點沒有誠意。有點失望。

味道OK，不過價錢偏貴，如果喺旺角區用呢個價錢食飯，我覺得可以選擇嘅有好多。咖喱味道正宗嘅，食到好多唔同嘅香料，用料係清真食物，香港要搵一間清真嘅餐廳，選擇的確比較少。要讚一讚個酥餅嘅，香脆熱辣辣，食完唔會成手油淋淋，我點嘅係雞肉，肉質嫩滑。餐廳嘅環境佈置充滿印度嘅風味，一入去就有種印度香料嘅味道，位置唔算寬敞，比較適合2-4人嘅聚會。不過都係嗰句，如果呢個價錢，喺旺角區食飯，我真係有好多選擇。哈！

放工係旺角是但搵嘢食見到呢間好多印度員工 心諗應該好正宗但….. 真係伏到冇朋友個咖喱香料味好濃但食落冇味又吾甜 又吾鹹 又吾辣 又好稀口感係核突 味道係聞落有味 食落似水咁雖然我冇去過印度 但我吾相信印度咖喱吾應該係冇味牛脷非常羶味 魚就似斑塊咁OK嘅除左個餅烤得熱還算可以 其他真係好差好差2人套餐 一份雞塊 兩碗咖喱一份飯 一份餅 兩杯可樂$225食得飽嘅 維持生命冇問題好後悔冇睇Openrice就入左去食學某網紅話齋 又浪費左我一餐Quota

路經過好多次啦，平時都有去開重慶大廈食咖喱，佐敦亞龍咖喱，北角嗰邊嗰間巴基斯坦咖喱。坐低嗰時已經發現張凳上面有隻細曱甴，見佢行到趷趷下就放過佢。上餐時間OK，15分鐘內就有。嗌咗個咖喱蘑菇，跟餐送杯熱奶茶。試一啖咖喱就知道入錯舖頭，咖喱冇乜香味，啲香菇切到一條條得好少，好似食緊日本嗰啲螢光魷魚咁。個囊餅亦都係淡而無味，重慶大廈嗰度食淨正好多埋單$80，旺角食嘢喺呢個價。味道真係好普通，唔好食又唔難食，喺咁多選擇嘅旺角區肯定唔會再嚟一次。👋

平時經過開旺角都見佢哋啲廣告，今日經過又有時間唸住試下…唉….真係自己衰，見間餐廳無人，個老細企喺舖頭門口喺咁招客，就知咩事。叫咗個咖喱牛脷跟飯，怕啲薄餅唔係自己自家整會服。咖喱牛脷：覺得喺番茄+香草，個汁真係無咩味，同個汁好稀，98蚊一個餐連杯嘢飲，牛脷有4小件😅飯食晒都喺汁撈飯…牛脷口感喺ok，但4件真係太少….我沒食過正宗印度嘢，唔知飯喺咪冷飯咁，早知道就叫其他嘢食。熱咖啡：唸住會喺印度咖啡，點知見佢哋老細買罐雀巢即沖咖啡….糖就分開比我加甜，即刻唔想飲，一杯無飲個。真係常餐套餐好失望，佢哋餐廳個餐牌又好似好污糟咁....雖然話無小費….但花呢個價我情願掃街食街邊嘢可能會開心啲飽啲

係旺角行下街,突然想食下印度咖咖哩薄餅就去左旺角咖哩屋試下,叫左佢既烤 餅配咖咖咖哩雞,但個烤餅唔同我平時食開既脆脆地果種,呢個係好厚好軟身 既，個咖哩個味道我覺得一般般，仲叫左鐵板雞,但有D鞋身,味道都係一 般。水餃還可以,大大粒肉多,PIZZA不過不失,正常口味。

叫咗咖哩雞lunch set $59湯唔好飲，似三色豆+雜菜包再落啲印度奶粉？但意外解辣咖哩都ok，本身唔辣但你可以叫佢加辣但啲雞肉好柴，唔推薦奶茶好水，唔好飲唔會反兜

放假心血來潮行旺角，未決定到午餐食乜好路過見到有印度菜，仲要係印度人主理，決定一試一坐低就發現坐得不舒服，奈何同行的朋友想試，所以無即時離開點餐時，職員態度惡劣，份量又貴又少，變成俾錢買難受

經典印度野！乾淨又衛生！4人$650！一共8粒嘅印度街頭小食！店員好nice咁教你點食，總之就加完汁之後一啖擺入口。隨之而來嘅係一股奇特嘅味道，印度香料mix豆泥mix酸辣汁，咀嚼片刻之後就有生洋蔥嘅小小辛辣味，必食！(必食唔代表好食，不過你一場黎到，唔通唔食D咁有特色嘅嘢？)比我四分五裂嘅雞肉捲餅十分......不印度，生菜加好多千島醬，好似食緊沙律咁，雞肉非常乾。當食普通沙律就ok$70嘅8粒雞肉餃子蝕到入肉，呢幾粒八X雲集水餃質素收我$70，雖然嗰醬係印度風情，餃子嗰餡係印度咖哩味，$70真係好過份。雞肉咖哩加薄餅我都唔知點解又係雞，不變嘅係佢都係咁柴，強烈建議黎呢間野唔好食雞。(雖然其他可能仲伏)咖哩，一如既往嘅奇特印度香料味，甘，微苦搞，唔掂薄餅，普通到不能再普通嘅薄餅大size pizza嗰樣望落好正，食落好！ 似pizzXhut冇任何嘅特別之處，冇任何嘅讚賞之處，冇任何嘅貶抑之處。(芝士可以拉得幾長吓算唔算特別？)$40 酸乳酪(甜)confirmed！！！！！印度乳酪毫無特別之處，建議惠X，百X購買同款同味乳酪。瑪莎拉奶茶很好！終於有一種膠膠地，臭臭地嘅味！咁先

After a long meeting in MK, I want comfort food but not go to Jordan, which I often do for curries.  I remember seeing a sign for curry in Mongkok earlier and so I found this restaurant, which turned out to be a disaster.I scanned the menu and saw vindaloo chicken and prawn, and when I asked if they have lamb vindaloo, the male waiter said yes, turned around shouted out the order to the kitchen,  and added just make it spicy.  I thought... I am not getting vindaloo this time.The food arrived, da

好一般嘅印度咖哩。。。 出去旺角驗眼，跟住要去銀行，得唔夠1個鐘食晏，行去通菜街望下有咩野食先，見佢喺條街口度棟咗個易拉架，見D相好似都幾吸引呀，就行咗入去試下 (呢個禮拜唔知做咩事係咁食印度咖哩，呢餐已經係我今個星期嘅第三餐喇🙃) 我去個陣時已經係下午2點半左右，但都仲可以叫set lunch，叫咗午餐M (HK$65)，個餐已經包括例湯、白飯/烤餅同埋餐飲，由於本人係羊肉控，我毫不猶豫就點咗咖哩羊肉 我坐個張枱有少少咖哩漬同抹完枱嘅水都仲未乾，所以嗰碗例湯喺張枱上面不停自轉，要用張紙巾墊一墊，費事倒瀉落件衫度就有排抹喇🤣 D野好快就到齊，例湯偏稀同重味精味，但都可以見到有雜菜、紅蘿蔔同埋青豆，同叫外賣pizza跟餐嘅餐湯差唔多，烤餅正常無咩特別 至於佢個咖哩呢因為有切碎咗嘅番茄，所以就唔會太辣，唔知點解D所謂「羊肉」完全無羊羶味，肉質係似「牛腩」多過似「羊肉」，我諗佢會唔會係俾錯咗咖哩牛腩我，所以我問佢 "This is mutton, right?"，佢話 "Yes"，咁既然佢都話呢個係咖哩羊肉咁我唯有繼續食埋去啦，唔係可以點呢 跟餐點咗杯熱咖啡，無咩咖啡味，又唔太重奶味，個人認