米線陣 (海富中心)

Open Now

Now Closed

今日決定出街食個lunch,因為之後應該會比較忙，有得出去食好出喇😂😂見同事買過外賣返黎食，好似唔錯咁，香噴噴～所以直接就行去米線陣食了。2點半左右，都仍然幾多客，帶位時侍應都會指示坐邊，基本上所有客人都係搭枱咁濟👀不過始終店舖位置有限都覺得唔大問題既。其實有下午餐套餐，但還是單點左大汗豬扒擔擔薯粉。轉薯粉+$3，本身單點就$45。選擇呢個因爲同事推介必食，所以都毫不猶豫選擇左呢個了😬擔擔湯少少結身，得一種辣度，桌上有辣椒油，自己再加左辣😂擔擔湯底還好，的確有d胡麻醬味，但不是本人喜歡的東西。薯粉都爽口，份量夠的。大汗豬扒炸得酥脆肉質鬆化厚身，而且食晒薯粉後先食都無變淋到，辣辣地幾香口既，不過個人覺得偏咸左少少，所以評價正常吧。😊

今日出左金鐘， 有少少時間食個一個人的晚餐， 諗住6點半度， 商業區都冇乜人， 但係原來唔係咁。諗住一個人食少少熱野， 就去左米線陣，一入門口， 有一兩張吉枱， 但係冇比我坐， 算啦搭枱未搭枱囉， 都冇問題。坐底叫野食啦。叫左一碗牛肉雲吞米線啲米線完全唔淋， 煮左唔知有冇一分鐘。之前試過其他分店都幾好，唔知係咪呢間多人， 太忙。試左個酸辣湯底， 好淡， 冇味， 唔辣唔酸咁。 之前試過佢其他湯底， 蕃茄同擔擔面都幾好， 今次酸辣真係唔得。試其他湯底會好啲。

今日去金鐘搵男朋友食午餐，當然食我地最鐘意既米線。我去攞飛先，都排左15分鐘先入得去。我就嗌左濃茄金茹牛𦟌生菜米線，好多茄肉，但茄味唔濃，牛𦟌好爽口，米線都彈牙。男友嗌左辣茄肥牛魚腐米線，呢碗個湯底係麻辣，又幾唔錯喎！好開胃，配埋茄肉都好夾。野飲嗌左芒果鐵觀音，好味呀呢杯，真係成個茶包掟入黎，又有芒果肉，但記得要少甜。小食嗌左黑醋豬軟骨，呢樣係唔好味既，原來佢係冷盤，味道偏甜，有點肥。最尾食到勁飽，呢個價錢呢個地區都ok丫！

進店不久，舉手點餐，員工視而不見，當時店內不忙，那位員工當時十分清閒，早上11点幾，另外食品味道有下降跡象，希望貴公司多留意，其實食品質数重要外，服務態度也是很重要的，經此次後我不會再幫襯

呢一間米線專訪店，我係其他地方食過，評價都係中中。由於新公司樓下就係米線陣，加上每日經過都見到大排長龍，誇張到一個點！所以今日既我打倒昨日既我，我又去排隊試下。排左20分鐘終於入到去食。魚蛋木耳豬腩肉米線 （清湯）魚蛋一讚！爽口Q彈，非常好食 仲有3粒，性價比幾高。木耳，正常無乜特別腩肉，簿左些少 令到感覺上份量不夠多湯底，個人認為好食過三哥 味道實在d仲有野飲送，檸蜜都唔洗加錢！總結，唔需要排隊既話 係可以一試既不過係等起碼20分鐘既話，都係食其他吧

食物水準暫且不說， 服務態度真係差，個個無表情！晚市6:15分食完一碗米線， 因為趕時間杯嘢飲拎走，外賣錢就1秒1收左，杯嘢等左10分鐘都未到。 仲要催幾次都🈚️反應😠 呢間嘢唔會有下次！！

海富中心一层的一家米线店，地铁口出来的位置（大家乐对面）饭点的时候大排场龙，外卖拿走比较好，平时堂食的话还是不错的。米线从汤底到配料都可以自由搭配，懒的话点套餐也是不错的。试过番茄汤底口味蛮好。服务也就那样吧，上菜速度还可以。

今日又去左米線陣食LUNCH, 金鐘冇咩平野食, 米線陣算係好抵食既一間, 最衰就係超多人!!今日由12點50分去到, 等到1點20先有位!!幾驚搭半到入唔到去就要轉食隔離老M!! 入去坐低左要即刻叫野食, 好在頭先係出面已經諗好左。 今日叫左個米線自由配, 湯底揀左麻辣蕃茄湯+$2，餸就揀左2個+$6 既餸: 鹵水豬大腸 同埋 彈牙魚腐!! 個米線2分鐘就到!!超快手!!極速秒速!!勁讚!! 米線入面有腐皮+芽菜+芝麻本身係有芫荽, 當然我會走左佢, 不過同事話佢個芫荽好香, 食芫荽既人一定會好中意!!真心覺得呢個湯底係好好好值得食!!真係好好味, 蕃茄超甜, 加上小小麻辣, 最後我差唔多湯都飲晒(雖然我知道納真係好勁, 但都忍唔住)!! 第一次試呢間豬大腸, 唔錯!! 感覺好乾淨, 有好多人唔中意佢個陣味, 但係佢陣味就差唔多成個米線都有, 我覺得好香!!HAHA!! 我有試過幾間分店, 金鐘呢間係質數最好既!!

作為大家樂集團一份子，service 服務都好似大家樂。味道合格，雖木耳味唔夠好，青瓜唔夠脆，米線一般，但勝在price range 亦唔貴，地點算 convenient 方便。整體 overall 覺得中上，方便時可再來。

其實食過米線陣好多次, 今次係第一次寫食評鍾意食米線, 但從來唔會食死一間雖然米線陣都係集團式經營......但係算係幾中意佢,  金鐘依間鋪入面全部都係本地員工(應該係), 有純正廣東話覆單,其實感覺好好依間鋪超忙, 入面既待應忙得泥又幾有條理,  會理人, 我向來無耐性但食咁多次都無因為繁忙時間無人理而炆過下午茶, 大致2種一係就細碗粉面+2個小食( 係2個!)一係呢就一大碗米線2種都試過,  2個小食個個有少少熱氣既通常, 不過好飽口福!三件食物呀麻相呢, 我剩係搵到手打肉丸好好味,   不過肉質呈粉紅色有點可怕,  唔係唔熟, 不過相信加左唔少鬆肉粉湯底係有真茄肉, 唔會太酸, 自己再加辣油,  正正!  啲餸好夠,  唔會話大大碗米線得2粒肉丸PS1:  唔加一, 非常好   係抵食好好食既PS2 : 依個咩咩青瓜豆漿...:S本身覺得好奇怪, 會肚痛,  但見到佢好推介又好多人嗌 LOL

平日食開其他米線陣，今日去金鐘做嘢，孭住大背包，門口個金毛帶位叫我坐路口撘枱，其實唔介意搭枱，而係個50L背包放走廊會阻人行，怕整到人，但係抱住個大背包食唔到，我問個侍應，佢話「我地預一個人一個位，冇預你放袋喎！」咁係咪即係想我走？其實唔知佢係咪想寸嘴，只係佢冇諗過客人感受，唔識搵方法幫客解決問題⋯我話我等下張啦，等到有靠牆位，佢話「個袋放地下一陣有人行要拎起喎！」⋯⋯算啦，冇佢咁好氣⋯去到落單落咗三個餸，嚟得兩個⋯⋯

係新蒲崗放工，特登金鐘食野...全因為有位大肚婆好友係金鐘返工，佢好快就要生BB了，想見多佢幾面...想清清地食，就選擇了這間食米線啦人數：3位地點：金鐘夏愨道18號海富中心地下B號舖Walk in：金鐘放工時間好多人環境：裝修好靚、有我中意既綠色、位置算舒適，不過台與台之間有點貼近服務：後生仔女、快快手、真誠有活力食物：1客小食、3碗米線蜜糖檸檬雞翼(三隻) ＄22檸檬味不太出、甜甜地、細細隻番茄湯米線配牛𦟌 ＄40哈哈 第一眼見面...牛𦟌沉左底 XD牛𦟌好夠味 唔錯番茄湯幾濃 擔擔湯米線配黑醋豬軟骨、蘿蔔(走莞茜)  ＄49我本身中意食少少辣所以試下呢款擔擔湯底 味道有新鮮感 最後都有飲湯飲到底番茄湯米線配黑醋豬軟骨、手打豬肉丸(走莞茜)(＋5稻庭烏冬) ＄50豬軟骨配上黑醋汁幾開胃手打豬肉丸我無試呀朋友無特別意見，我當它好食吧整體上都唔錯，會ENCORE的「米線陣」全港有十幾間分店，好似愈開愈多...可能遲D新蒲崗都食到lu 

有食開其實都幾欣賞佢個麻辣湯係好過譚仔嗰啲所謂麻辣湯嘅食開小辣都食到但今個星期去食左兩次第一次辣到差一點食唔到第二次想麻辣分開上（其實之前試過可以）又唔比於是叫左微辣但仲紅過我之前叫小辣嗰碗其實叫大中小辣都廢廢地已經唔平仲要冇標準咁樣真心唔太想再幫襯

金鐘這個地方可以説是美食沙漠，平常中午也沒有什麼選擇。幸好有不同的餐廳在金鐘開幕，比較不沉悶。今天試了新開幕一段時間的米線陣，選擇了下午茶時間來，人比較少。之前上網看過營養師建議的健康米線選擇，有推介吃蕃茄湯底夠健康。鮮菌碎牛腩米線 蕃茄湯底 $43蕃茄湯底湯底內有不少新鮮蕃茄，非常適合追求健康的人們。牛腩細細件，不過水準也不錯，是那種半筋半肉的牛腩。連鎖店的米線水準並不會要求太高，米線煮得有點軟，不過可以接受。熱檸檬茶

一行四人喺金鐘上完堂，決定去樓下既米線陣醫肚，聽講佢既米線拍得住譚仔同南記喎🤔八點左右黎到，唔使等位，不過被告知蕃茄同魚蛋已經賣哂lol 套餐同湯底選擇都幾多（可惜無蕃茄湯底😭），小食自由配可以一次過食到兩三種小食，價錢都幾合理相當足料既一個米線。麵條比譚仔更彈牙，魚腐好爽口，雞翼夠哂林，肥牛就正常水準而呢個米線都有手打豬肉丸，肉味十足👍🏿至於呢個呢，酸辣湯底既酸味比較重，俾到我新鮮感。魚蛋好彈丫，下次試下用黎打乒乓波先😆叫左蒜泥白肉，夫妻肺片and花雕醉雞。要講下既係醉雞，酒味有點濃，如果怕好大陣酒味既朋友可能唔太適合了。不過我就好鍾意喇😄普通既唐生菜食完咁多野真係好滿足啊🤤味道又好，絕對同譚仔南記有得比👍🏿況且喺金鐘真係搵唔到有呢個價錢又好味既餐廳架喇