米線陣 (海富中心)

Open Now

Now Closed

在譚仔，南記的重慶，湖南，雲南，客家四類米線輪流引誘之下，未曾食此店出品。近日聽中環儷人推介，來試下午茶。她們說要分清楚「陣」，「營」，前者好，後者差。在餐廳酒樓的按籌機分配入座先後，有侍應帶位，明顯比同集團的大樂快餐，一粥店的服務好。裝修比上述兩大粉麵店系列雅致，坐得較舒服。格局似日本式麵店，蛋包飯店-開放式厨房 ，有面向，貼近厨房的座位，乾淨企理。在細小厨房內，竟有7個員工在煮煮，出貨效率當然高。各人平均在5分鐘內有湯米上檯。下午茶餐的價格很有競爭力，因已包飲品。五款茶餐，附設很多升級加錢詳情，能迎合現今食客重選擇自由，和價格分化趨勢。食友點選了鮮菇菌碎牛腩米線，是最貴的一款，期望湯底比「營」佳。菇菌類令我想起了雲南米線，在上述兩大粉麵店系列崛起前，香港人食西南地區粉麵，便是食此款。湯底全不辛辣，既不是白魚湯，但香菜濃湯的確是味鮮濃。牛肉稔熟，菇鮮。我吃的亦是更懷舊的湯麵 - 四川擔擔麵。四川擔擔麵是代表香港人食西南地區粉麵的第1階段，辣椒，芝麻醬，花生醬，蒜蓉，乾葱的爆炸力俘虜了香港人的心（菇菌米線和酸/麻辣米線代表第2，3階段）。撲鼻的芝麻醬，花生醬香味，勝在湯底不咸，只是微辣

去左金鐘食海富間米線陣，叫左個酸辣米線，配料係雞比肉，米線就唔算好辣，我覺得譚仔會辣D，不過我唔係好鍾意食雞比肉，但米線味道係唔錯，湯底都幾香，不過米線唔算好彈牙，口水雞都幾辣，腐皮卷都可以接受。價錢方面就每人$70左右，最大問題係午飯要等成半個鐘，不過上菜都算係比較快，侍應睇到我地反應都幾快，不過唔收信用卡，只收現金八達通，下次都係食返旁邊麥記比較好，因為個湯底唔及譚仔，價錢又幾貴下，唯一好處係幾乾淨，但等得太耐，變到好趕時間。

今天約咗朋友去荔枝角D2 Place 行下，搭地鐵喺金鐘站轉車，順道想係金鐘海富中心醫下個肚，於是去咗新開的米線陣食米線。今天是星期二，正值上班族午飯時間，所以大排長龍要等十幾張枱。可能係金鐘地段，所以鋪頭面積唔大，但放咗好多張枱，稍為逼夾，而且外圍仲有吧枱，我同朋友就被編排係吧枱坐下。打開餐牌都有好多選擇，可以自行配搭米線/薯粉同餸菜，亦可以選擇已組合的， 加＄10起還有一杯飲品，午餐價錢由四十幾至70幾不等，可以接受。我就選擇自由配搭，揀咗米線(包左少少芽菜,芫荽,芝麻同腐皮）配以青菜濃湯和三隻醉雞翼,另外加左＄15要多一杯椰汁紅豆冰。湯底清得來又頗有豬骨嘅湯味，但係略嫌腐皮，芫荽同芝麻太少，米線爽度適中，雞翼都幾有酒香，而且肉質實淨，有咬口，亦十分入味，紅豆冰中的椰汁很有椰香味、比傳統用花奶好味得多，成個餐整體而言十分滋味，頗為滿意。可能我哋係被編排坐在外圍的吧枱，所以點餐後先要結帳後才上餐，但上餐的速度亦十分迅速，頗配合上班一族的限時午餐需要。

大汗豬扒擔擔麵 $43 （🤔大汗唔同係因為食完辣到💦💦？）呢個擔擔麵要排成45分鐘先食到‼️如果唔係同事早左去排隊唔會食到！金鐘既lunch time真係好恐怖😰😰擔擔麵湯底有少少辣，不過我唔太好辣既人都食到，幾惹味，有椰汁奶既濃香，微微既辣味，加上爽口既榨菜，好味啊👍🏻😋我食曬成碗麵先發覺原來飲左大半碗湯，肥死！🙈🙈大汗豬扒本身跟一大堆乾🌶️粉，唔食得辣既我決定走辣😅😅！豬扒炸得有點硬，入面都唔juicy，麻麻哋，將佢浸落湯度，吸收擔擔湯底，又幾好味！

有日喺金鐘有啲嘢做午飯嘅時間得一個鐘求其附近食去咗呢間米線陣食原來米線陣喺香港都有好多分店冇乜期望下食反而有啲驚喜叫左午餐 濃茄雞脾肉蟹棒稻庭烏冬大大碗 $79我覺得番茄湯底未至於超濃個隻 但也不錯番茄好甜 甜到令人覺得係後期加工嘅但嗰種甜你又會覺得好味午餐仲跟一款小食我揀咗花雕醉雞翼酒味都有啲濃雞翼size唔算細隻幾好肉 味道ok飲品叫咗人氣青瓜豆漿幾特別 又幾好飲喎入落其實豆漿嘅味唔算太出反而青瓜味突出D所以好fresh嘅感覺環境氣氛： ★★★☆☆食物質素： ★★★★☆服務態度： ★★★☆☆

蕃茄芝士丸肥牛米線本身係一個下午茶set, 但係一個set已經有齊曬我最鍾意食嘅嘢喺入面, 肥牛分量算足 ,但係建議大家要食咗芝士丸先 ,因為佢真係凍得好快, 如果大家有錢嘅話一定要嗌吓佢個薏米水嚟飲

金鐘開左米線陣都有幾個月，今日終於約左舊同事去食。2人位都要等30張，真係好誇張呢！我一度以為要轉去食大家樂，好彩好多人等唔切走左，等左25分就有位！舊同事叫左個 ☆皇牌套餐☆♡濃茄雞脾肉蟹棒稻庭烏冬♡她說雞脾肉好大件，件數唔少，可能肉太厚，所以中間有雪味。蟹柳份量太少，配菜又太少，當中有浸到淋晒油炸鬼，唔多鍾意。烏冬OK，個蕃茄湯底幾好。杯飲品甜咗啲，青檸味唔夠。整體算唔錯。她的套餐包一客小食♡涼拌雞絲粉皮♡同事請我一齊食，芝麻醬混入青瓜絲，雞絲，粉皮一起來吃，相當美味可口。💯我叫左個♡米線自由配♡貪佢配搭夠自由。選左農場蕃茄湯湯底有蕃茄，腐皮，芽菜，莞荽，芝麻。再選兩款餸 (豬軟骨有三件，雞翼有兩隻)。湯底清香，豬軟骨夠冧，雞翼夠入味。我食哂成碗米線還左兩羹湯來喝，似無味精，不覺口渴。我和舊同事都想叫凍青檸薏米水走冰，但職員話無得走冰，只可少冰。味道清甜，薏米味濃，喝完飲品，還左幾羹薏米來吃。我舊同事隔離位食客突然打瀉杯凍飲，好彩她彈得快，否則就會濕身。職員好快攞毛巾和紙巾幫手去處理，還特別囑咐我們離開時小心地滑，如此這般細心，值得一讚呢！

Went here dinner alone and the queue is much shorter than lunch hour. Ordered a tomato soup undon set plus a spicy boiled meat. The soup is as good as usual, with lots of different ingredients, you can choose snacks from the menu, it's included in the set. Next time will try their chicken wings

金鐘海富中心一直淨係得麥當勞 大家樂呢啲食到厭嘅快餐店今日路過見到竟然新開左一間米線陣 對於我呢一個非常非常非常鍾意食米線嘅人來講當然要試吓啦😋我叫左一個番茄湯滷水雞翼米線($40) 番茄湯酸酸甜甜幾開胃 但係番茄味唔係幾夠濃 湯可以話系一碗米線的精髓 但系呢個湯就平平無奇 或者大家有機會可以揀其他湯底可能會更好🤔米線份量比想像中多 就呢一點非常滿意🤤雞翼亦唔係好似出邊啲餐廳咁細細隻 size偏大👌🏻👍🏻 雖然湯底冇令人有驚喜難忘嘅感覺, 但對於約$40一碗嘅米線黎講要求都吾可以太高😉, 無論系份量或價錢都經濟實惠, 野食又好快黎到, 米線陣無疑系金鐘上班一族放lunch時嘅好選擇👍🏻 但系講到湯底依然有少少失望, 香港有吾少有得食米線嘅地方湯底比米線陣做得出色, 期望日後米線陣能夠系湯底方面變得更多元化同有特色🤗😋

其實我都幾欣賞米線陣的膽量，竟然敢喺米線界挑譚仔機佢係走上海姥姥+譚仔路線，可惜各方面都好有進步空間.......酸辣米線，賣相真係遜色左D。湯底水汪汪，配料味道都好一般，食落完全冇嗰種地道酸辣的起勁感覺。炸醬都叫有D特色，但係似辣椒醬多D三拼，口水雞、雞絲粉皮同酸醋豬軟骨。都係感覺馬虎，可以再好味D雞翼幾香口，都算係之中最好味的食物辣雲吞都係一般貨仔，唔嗌冇損失。最後我只欣賞佢地的膽色，但係食物就真係有待加強。

最like青瓜豆漿。1 粒粒青瓜可以係到咬咬咬下，感覺好排毒。 最衰成日賣哂。 芒果鐵觀音男朋友話好味。 大汗豬扒個d脆脆辣椒粉就甘放入口食都好好味。 豬扒好厚又多肉， 大塊。 正正個面5會太重花生醬剛剛好。鼓勵外賣，因為堂食等好耐又多數無位同甩單。個火車頭多料架。 蕃茄湯底同雞肉係好正既配答，個蕃茄湯我會飲哂佢。 蟹棒好味。 魚腐5得， 其實係魚蛋。 醉雞翼1般。 個餃子王係無面架，所以先最平。 但係個餃子入面有粉絲同其他料所以有4大隻加生菜。 好似韓國d餃子甘。 最鐘意li間鋪頭d莞茜同佢既湯底， 好鐘意li d青。 多青呀5該

近年香港快餐店轉向專門和國際，本地和跨國集團鬥得你死我活。金鐘海富中心地下算是香港大型快餐鏈店靠得又鬥得最貼的地方。入口先见到Super Sandwiches, 右边是KFC大家樂，左边是米線陣，後面是家鄉雞。今天就来試新嘢米缐陣。来个下午茶套餐：黑醋猪軟骨（3件）：酸酸甜甜，猪軟骨夠晒淋，可惜上碟不熱，还有点凍！拼香菜農湯菜肉餃子（6隻）：湯底一般，饺子细隻，欠口感！連即磨咖啡，收你31蚊，心想很便宜，殊不知出门一看，大家樂廿多塊有着落，KFC五蚊有交易，可想而知競争何其激烈！

I came here a week ago but it was too many people, me and my friend left for other food. Today I went again alone, the queue is with more than 60 people, I get the seat in after 15-20 minutes and ordered a tomato soup noodle with chicken wings, soft fish cake, lettuce and pork. The soup if sweet and yummy, food is just average. Suggest people to come at dinner or tea time. Waiting time during lunch hour is horrible.

之前食過一次，不過冇影相冇寫食評，今日午餐再吃，影了相就寫幾句吧點了午餐$72蕃茄麻辣魚腐米線配蒜泥白肉及青瓜豆漿快餐店果然快，點了菜唔夠5分鐘就有得食上之試咗剁椒麻辣湯中辣，覺得唔夠辣，所以今次點大辣第一啖試湯，湯的味道，唔麻， 只有乾辣辣味，唔覺似大辣。蕃茄味同麻辣味唔夾，感覺不太好，怪怪的，下次唔會試依個湯底米線份量頗大，滾得不太霖且彈牙，口感唔錯，肥牛及魚腐份量中規中舉，不過魚腐味道好神奇，似魚蛋多啲反而杯青瓜豆漿有驚喜，好清好好飲

見今日早左，就心血來潮睇下新開張的米線陣。見個早餐餐牌都好有茶記feel，生意都幾好咁，就拿出勇氣入去試試。自己揾位自己坐，等左1分鐘就有位了。好想叫茄牛通，但係風險好高。咪以為茄牛通好簡單，其實要煮一碗平凡的茄牛通係一D都唔容易。掙扎左一陣，用埋剩餘嘅勇氣，同靚仔侍應講左句：「茄牛通。」當我影完餐牌，聽左陣歌仔，燈燈燈櫈，茄牛通出場了，我的笑容出來了。湯底好清，冇乜油，唔覺有茄膏，蕃茄冇煮過龍，牛肉都煮得啱啱好，又唔係肥牛，通粉仲彈牙。大大碗茄牛通，咖啡又好飲，加7蚊有麥皮，煉奶自動另上。食完自己去收銀俾錢，爽手。（注：餐廳音樂唔錯，冇諗過茶記會有呢D歌仔聽。）