米線陣 (海富中心)

Open Now

Now Closed

平時收左工去中環做完運動，要諗晚餐就最煩，因為唔少平民店都已經關門😑快餐又得番D唔好食既野...終於比我係金鐘搵到一間新開唔錯既米線店!!雖然個價錢唔算話好平，但係港島區已經好抵架啦，仲要無加一添😍今次收左工急急腳行黎，黎到岩岩好六點，果陣只有小貓三兩隻但點知六點半左右已經近乎坐滿😱由於已經過左下午茶時間，所以只可以叫晚餐擔擔米線配大汗豬扒 $43送上黎果陣，非常熱!! 而且分量好多，一個女仔食哂應該都好飽😬首先試左個湯先，嘩!! 個湯好有驚喜!! 完全係我杯茶😍😋個湯加左花生蓉所以個湯結身D，少少辣，配上少許花生碎同莞茜香，正大汗豬扒好大塊，表面炸到金黃色十分討喜，內裡又唔乾；而且一定要配埋佢D炸蒜粒同炸辣椒粒一齊食，咁先有有”大汗”味😂美中不足有二 1) 炸蒜粒同炸辣椒粒放哂係個豬扒底度好奇怪，食果陣要慢慢夾番上塊豬扒度，好難夾...夾到一枱都係。如果怕有食客唔食得辣，建議另上會梗好 😯2) 米線煮得太耐，淋得制，無左米線應有既彈性😞擔擔米線配花雕醉雞翼三隻 $43個餐牌完全無寫雞翼有幾多，呢方面店家應該要修改下先得。雞翼送上枱果陣，花雕酒好香好香，吸引死人仲擔心食雞翼都會醉  食

久違來到金鐘，發覺竟然開了米線陣！在金鐘這個食物沙漠，米線陣真的是不錯的選擇。在商業區的餐廳八點半仍近乎全滿，香港人的放工時間究竟有多夜⋯與朋友選了二人餐。蕃茄湯不算濃味，米線也不太有嚼口，白豚肉沒甚麼味道。花生醬味很足夠，不過不失啦這個是四式拼盤，個人頗推薦。有大腸，蘿白，黑醋豬軟骨和肥牛。蘿白因爲放在最底，所以吸收了所有辣汁，很滋味。豬軟骨可能放得太多醋，太太太酸了。豬大腸和牛肉都好吃。菜類選了這道，湯底濃郁，唐生菜也不會煮得過老，十分新鮮。兩人埋單172，份量十足，十分飽肚，以後在金鐘有多一個選擇啦！

好似我哋呢啲係金鐘返工上班友，日日麥當勞大快活canteen真係食到厭。。。我等等等等終於等到佢開張🤣🤣同大家宣佈金鐘終於有米線食！！小粉姐我連續食咗三日！目的係要試曬佢大部份嘅嘢😎✌🏻下晝時間around1點因為Office人數眾多所以等位都差唔多15分鐘😢店入邊好光猛坐得都舒服，唯一需要改善嘅係佢嘅冷氣實在開得太大風😵凍到着左外套，D風都係頭上面吹，最終要熄咗部冷氣，當堂舒服晒😝第一日我散嗌叫餸，番茄麻辣湯底配牛展、魚腐、生菜。小食就揀咗花雕雞翼，蕃茄麻辣湯底我個人覺得冇乜辣味，牛展好好食好入味又淋，魚腐其實即係魚蛋？haha，花雕雞翼就必食大大隻入邊仲有啲杞子有香濃嘅酒味，我同事就叫咗一碗擔擔麵豆卜豬大腸！擔擔麵個湯底真係正仲辣過我嗰碗，佢嘅豆卜同豬大腸真係超好食！我都不斷lum佢幾舊🤣另外一款蒜泥白肉我就覺得普通咗啲，蒜泥白肉調味唔夠濃郁，有可能我平時食開譚仔距離有啲遠😌佢哋大汗豬扒同大汗雞翼真係必食👍🏻👍🏻👍🏻其實就唔辣，但係勁香口我連續三日都有食！尤其係大汗豬扒佢炸到出邊勁脆，但係入邊啲肉仲係好juicy同埋塊豬扒好厚！好正！炸雲吞我就覺得入邊嘅餡料唔多夠，同細隻咗啲但味道