金滿庭京川滬菜館 (時代廣場) (Closed)

昨天路過此店，見不少人在門口等位，心想食物應該不俗，便取票等待！雖然價錢算是中上價，但食物質素與服務水準來說，確實比起翡x拉面小籠包優勝好多！燉湯是花膠螺頭雪梨$68 - 好清甜，有少少糊口的感覺，足料，一讚！小籠包一份八粒（吾記得$，如似$60幾）- 幾好味，皮薄得黎吾会穿，熱度適中！二讚！如果可以四粒一籠就更perfect.椒鹽小黃魚@$40，最少兩位起 - 尼个真係不得了！好好好味！炸得香脆又吾油，連个魚頭都可全吃掉（吾係好多上海食店会全魚上！）堅讚！雪菜肉絲虾球湯拉面（吾記得$，如似$60幾）- ok好味。甜品（各十幾蚊一個）- 可逐粒叫的好處係可以試多幾款！- 高力豆沙 - 好大粒，足料，爆多糖霜，嚐甜既人必食，激讚！- 壽包 - 有埋兩少片綠葉装飾，外形討好，只係内裡豆沙太少！还有，這裡的茶好喝！

放工時和個女人行下銅鑼灣，到了TIMES SQUARE想別小小野便回家，突然諗起我最喜歡吃的 "青菜燴面"，於是上在OPENRICH找找，便見到 「金滿庭」。OK！一於吃個開心啦。晚飯人流都幾多，不過我們兩人簡單點，等十幾分鐘便有位了。今次不同了由我發揮，兩個人不大肚餓，好的就叫 "青菜燴面"、一口小籠包、油爆蝦、蟹肉伴波菜。我以前都說過一間京滬菜好不好吃，一個"醋"便知龍與鳳了，未吃菜時，我已叫樓面給我一碟 "醋"，好讓我試品嘗一下個"醋"。來了！不錯不錯，杰杰地掛碟，很有陣年舊香味，應該不太差。青菜燴面：燴面應該是杰的，很熱，有很多葉莖，用上湯燴成才算是一碗燴面。這個青菜燴面就做到這個，現在很多所謂京滬菜都冇法做這個。一口小籠包：皮薄餡靚兼多汁，配上老醋加疆絲，一流。油爆蝦：入口香脆要連殻食，這樣才正宗。正蟹肉伴波菜（凍食）：買相很美，蟹肉鮮甜，波菜清嫩，兩者出奇地夾，若配上老醋，我更覺美味。去吃京滬菜不一定要大魚大肉，簡單幾樣食物，會更加FRESH。呢間「金滿庭」絕對可以再去的。

老公放假·一起吃Tea·金滿庭的Tea價錢可以·46·56不加一包茶介·點了两碟五香牛·老公包辦·佢話好味·儍佬炒飯·得三隻蝦·加菜脯松子仁同炒·再鋪滿肉鬆·味道可以·但比十年前·是明顯退步了·以前是很大碟兼料多些·味道好過現在好多·不過舖租加完又加·成本唯有轉嫁消費者·(正價吃過都是甘細碟)·排骨湯麵·唔錯·不過排骨無味·似乾柴·最讚是可選人參烏龍·很喜歡這個茶·有甜甜回甘味·(外面在茶店買過自己冲·但沒有回甘味·)低食下午茶之選·

同家人book左6點食.呢度食晚餐有2輪，我地食第一輪.叫完上菜時間好快，岩晒我地呢D唔等得既香港人.食物方便就ok，冇話特別好食，又冇話特別難食.每樣水準都平衡.其中小籠包好食！皮不厚，多汁，推介！時日叫左好野食，埋單都唔貴，仲有多.呢間，有下次

星期六行行下街~甘岩又行開時代個邊, 早前已經上網SEARCH 過想食呢間架喇, 甘岩是晚又經過,決定一試!! 門口人龍不少, 但又好想試~最終都係堅持排隊~~~越等越肚餓, 終於入座了~餐牌種類好多~~好吸引, 可惜得2個人食, 唔可以揀甘多野!!!!食上海野怎小得小籠包,趁熱食, 真係好好味~ 呢間一籠8粒, 如果有4粒選擇就好了~可以多一種選擇其它食物 超推介~~D 奶油汁十分好吃 ~很濃郁~一定要試~

今天放工有東西要在銅鑼灣買, 所以順理成章在銅鑼灣找地方吃晚飯。本身想去試在Time Square新開試業的School Food, 可惜太多人要等好多好多張檯, 加上有點不舒服不想等太久, 所以最後...又吃金滿庭去了!其實金滿庭都要等...仲一等就等左成半小時了, 同時等緊既School Food都仲係未有位...=_="睇下今日我地食咩喇!一口小籠包 - keep住都係同其他分店一樣咁好味, 繼續地皮薄、肉汁+湯夠入味, 唯一唔好既就係個冷氣非常地凍, D小籠包放多一陣就已經凍哂, 環境影響了食物質素多不抵啊!金剛箍 - 因為今日個人病病地的關係, 想食一D清淡少少既食物, 所以就叫左呢個"金剛箍"喇! 其實佢係類似冬瓜盅的東東 (高級版), 中間有幾種不同的菇粒和蔬菜粒, 由於即叫即做, 所以呢個菜等左好耐, 差唔多食哂其他野佢先黎到, 不過又因為新鮮即製的關係, 吃上來又夠熱又夠鮮嫩, 是一個不錯的選擇 。傻佬炒飯 - 每一次為了果腹的飯類, 一大堆甜甜的肉鬆鋪面是我的至愛, 2人吃份量也算適中, 不過又係因為冷氣太大, 放不夠吃完一碗就已經凍哂了。

時代廣場食通天大翻身, 金滿庭由原本10樓喬遷至現在既13樓~ 人流比以前少左! 但相信戲院開埋之後應該會去返以前排晒長龍既景況!搬左之後都無黎過, 今日就同未食過金滿庭既同事黎依度食晚飯! 2人枱比其他大枱等得無咁耐, 15分鐘左右就到我地了   一坐低侍應就奉上menu同餐前小食! 餐前小食就次次都唔同, 有時係油爆蝦有時係豆腐~ 而今次就係蒜蓉拍青瓜~ 本身已經想叫蒜蓉拍青瓜做頭盤, 而家可以慳返! 青瓜夠晒凍, 加埋蒜蓉同辣油真係既開胃又惹味!友人想食醉雞, 所以叫左一碟做頭盤~ 黎到見到以為好細碟, 點知"撩"極都有! 份量唔少! 雖然顯然係冰鮮雞, d肉都算滑! 紹興酒味亦都夠濃! 因為太想食小籠包, 就算得兩個人都叫左一籠(共8粒)黎食下~ 本人覺得翡翠拉麵小籠包同金滿庭既小籠包水準都好接近! 皮簿但又唔會一夾就爛~ 但金滿庭小籠包裡面既湯汁就好似唔夠翡翠拉麵小籠包個度個d濃! 好在湯汁夠熱同個餡食落都好香, 豬肉一d都唔"un"~ 因為得兩個人所以食唔晒, 建議有4粒一籠方便少人時都可以叫黎食下 奶油津白係我既最愛!! 衣度真係整得好好食! 奶油夠多又夠香! 津白亦煮得

約了朋友食LUNCH,時代得呢度有位,所以就入去啦其實唔入來唔知有咩食,諗住叫點心,點知原來係京川滬菜以為普通酒樓是但叫左個雞,皮蛋,粗炒和小籠包食朋友說要減肥,唔食太多,其實他也不算很肥呀,我都未減,ANYWAY最緊要佢開心麻皮蛋酸酸辣辣地幾開胃,皮蛋個心也少少甜,質素OK!雞就係有一堆辛辣醬放在面,辣椒,蒜之類,咸咸地,每一口也是惹味,但係個雞唔滑減分小籠包皮薄,汁多,但湯汁不鮮味.其實間間都做到多汁,令到我回味既真係唔覺有,這裡合格粗炒炒得夠入味不過咸,也不算油膩,但口味不夠重,粗炒就是要重口味OVERALL來講也是平穩的味道,無亮點,就是去食通天是但找一間食既FEEL

      昨晚是一位好朋友的生日，所以在一星期前已訂了六點半晚飯，等了五分鈡便入座。我們叫了人參烏龍茶，茶味香濃; 而前菜小食是酸瓜, 可以用來醒醒胃。因為是為好朋友而來慶祝，今餐要食得豐富一些! 我們點了不可不吃的一口小籠包: 皮薄餡靚兼多汁; 招牌松子魚: 新鮮魚身炸得脆脆的外皮配合酸流流的汁，顏色十分吸引, 和菜飯一齊食, 又開胃又好味; 香酥鴨: 肉質嫩滑，烤工一流, 配合小鏝頭和醬料一同吃，美味無窮！我們享用了個半小時抱着漲滿的肚子回家去! 下次會再試其他菜式!

      昨晚是一位好朋友的生日，所以在一星期前已訂了六點半晚飯，等了五分鈡便入座。我們叫了人參烏龍茶，茶味香濃; 而前菜小食是酸瓜, 可以用來醒醒胃。因為是為好朋友而來慶祝，今餐要食得豐富一些! 我們點了不可不吃的一口小籠包: 皮薄餡靚兼多汁; 招牌松子魚: 新鮮魚身炸得脆脆的外皮配合酸流流的汁，顏色十分吸引, 和菜飯一齊食, 又開胃又好味; 香酥鴨: 肉質嫩滑，烤工一流, 配合小鏝頭和醬料一同吃，美味無窮！我們享用了個半小時抱着漲滿的肚子回家去! 下次會再試其他菜式

近排港聞最hot 既topic 都係講銅鑼灣舖租貴到癲，小店、老店紛紛捱唔住....今日睇報紙就輪小肥羊都頂唔順，我諗再唔多d 光顧一下銅鑼灣既食肆，過兩日可能就後悔了今次encore 金滿庭，等位等左大半小時! 水準都keep 住幾好，而今次亦都試左兩款未試過既棻式沙窩雲吞雞 (1/4隻) 同擔擔麵小辣擔擔麵 (小辣) 一上檯就心感不炒! 湯稀得像溝水，不麻不辣，小辣唔係叫你溝水整稀wor.....食出前一丁仲好味!小籠包保持水準，皮的厚薄適中! 唔會話一夾就整穿漏汁! 必吃推介沙窩雲吞雞有驚喜!有專人分湯同拆雞~ 個湯飲落好鮮甜，雲吞很鮮肉味，至於雞肉即使是煲湯亦都算很嫩銅鑼灣好食而價錢又經濟既食肆真係碩果僅存，希望大地主唔好趕盡殺絕，留返啖安樂茶飯比市民食啦

今天到此店飲下午茶，下午茶時段3至4:15，等位至4點才有位，本以為等了這麼久，可以慢慢享用下午茶，但當座下，很差態度的服務員即時已經說現已經是last order，我menu都未睇，只好急急地order。可笑的是食物來了兩碟，態度極差的服務員已給我們賑單說需先結賑。4點才有位的我們，竟然未到4：45已說要清塲，服務員一點也沒有不好意思，若是這樣，他們應在入座前提醒客人，等客人可以選擇應否入座，而不是當他們說清場就要客人即時離開，我想沒有任何一間食巿會有這麼差的服務。無可否認食物質素很不錯，但是服務員態度十分差，黑面、沒禮貌，這是服務業應有的態度嗎？？我非常希望金滿庭能正視這個問題，一間食巿除了要有優質食物外，服務態度也是重要的因素。還有一點希望金滿庭能改進的是下午茶時段3至4:15，請細想加上客人等候時間，時間是否可讓客人有足夠時間用餐？

之前食過一碗唔及格的擔擔麵，忍唔住要黎金滿庭，食番碗足料，正宗，好味的擔擔麵，補償一下。平日中午12時多，唔洗等位，正。2個人叫左小籠包，擔擔麵，甜酸菠蘿魚塊。小籠包，皮薄汁多，熱烘烘上，正。擔擔麵醬汁又香又濃，超正。甜酸菠蘿魚塊就差少少，個汁〇K，但D魚入面完全無味，下次都系叫番D推介美食安全D。人參烏龍茶，又甘又甜。

晚上約左朋友到金滿庭食飯相聚我同友人都喜歡此店既人參烏龍茶,香濃既茶香入口後仍帶少少甘甜.一來就送上強迫性小食, 今次係豆芽肉鬆就要強收十幾元認真厲害.我地點了一客小籠包, 水煮魚, 回鍋肉粗炒及豆沙鍋餅.小籠包皮薄超多汁, 食時都非常小心以免燙口.內既肉汁鮮甜美味肉餡夠香. 一客八件小籠包不需3分鐘已經給我地消滅了.水煮魚, 魚片肉質夠嫩滑而帶點辣及麻, 除了用上乾辣椒, 花椒外還加上豆芽,香蔥及瓜菜, 想刺激點就一定豆芽吸受所有辣椒既味道愈食愈上癮.再來既回鍋肉粗炒算係比較失色, 粗炒偏油而且麵質好多都短碎, 不過幸好主角回鍋肉都做得唔錯, 肥肉做到肥而不膩而且味道偏濃及甜,最後既豆沙鍋餅又一快速清碟之菜, 鍋餅外脆帶點煙韌豆沙餡料甜度適中夠滑, 一口氣食了4件仍覺心思思.

吃京滬菜，常到留園雅敍或北京樓，卻一直未有機會光顧金滿庭。今天家人提早吃中秋晚飯，選了此店。接近七時，門外已有人龍了，幸好不用等太久便有位子。餐前小吃是肉鬆大豆芽及油泡蝦，十分滋味。我們八位分别叫了八道菜，先來的是山東手撕雞，肉質尚算濕潤不乾，汁料也不會過鹹。第二道是金蒜安格斯牛柳，肉味香濃，真的是比價值千金的和牛討好。再來是雲吞雞湯，因加入大量津白，也是鲜甜無比。招牌炒飯，十分香口，加入大量蟹子，口感豐富。年糕炒蟹的肉蟹，鮮味多肉。不過，乾扁四季豆對一般人來說或許是辣了一點，而一口小籠包就水準一般，炸銀絲卷中間没有一圈圈的層次。甜點叫了高力豆沙及豆沙鍋餅，兩樣也甜度適中，但若高力豆沙的蛋白能更鬆軟及鍋餅外皮更脆及乾身，便錦上添花了！是夜，剛出來工作的堂妹請客，心感欣悦，真替叔父及嬸嬸高興，也頓覺時光荏苒！