金滿庭京川滬菜館 (德福廣場2期)

Open Now

Now Closed

近九龍灣地鐡站來說，可以請客和有體面的中菜館，其實選擇不多。九龍灣的金滿庭，價錢走中高路線，午市冇set lunch,全部要散叫，所以最好早少少去，睇定個menu先order，免得臨場左計右計，有失體面。首先，一人一個燉湯，每盅都有一粒完整的瑤柱，一D都唔失禮。主菜有大蝦+糟溜魚。大蝦足一隻手掌大，肉亦爽口，但個汁太濃，有D浪費了蝦的鮮味。魚方面，肉好滑溜，但有點過酸。而小籠包方面，皮薄肉香，值得一試。最後，試埋個疑似福建炒飯既鮑魚雞粒炒飯。總結，食物一般，但勝在環境撘救。

中秋聚餐由長輩選址，金滿庭京川滬菜一早聞名，這晚還是首次品嚐！環境不錯空間十足有海派感覺！菜色整體不錯回味，服務態度經理最熱誠，積極主動，還逗小孩子笑派糖果給他們，其他服務員就真的要好好向肥經理學習下！皮薄餡靚晶凝通透,餡料十足，有質素有層次滿分👍招牌燻魚汁料非常入味不乾身，蜜芽糖收汁令外層比較甜口不錯，味道縈繞！鐵板京蔥爆牛肉 好有鑊氣因爲是堂爆鐵板即上檯，故香味四溢，牛柳肉入味可口且淋滑雪菜毛豆百頁 這道菜比較清淡，是多味濃味菜中和角色，湯底是高湯煮成，能提升百頁豆香味。糖醋魚塊 星期一至四都有半價優惠菜，今日輪到糖醋魚塊 $58就食到當然必點，魚塊炸過醬汁比較甜，勝在魚塊有鮮味和尚帶帽 有點名大於實，我被名字吸引了點這道菜，原來是粉絲木耳炒小棠菜加一客炒蛋蓋封面，其特色之處是與薄皮/叉子燒餅同食，味道一般算是見識一下！椒鹽小黃魚 小黃魚被炸至金黃色，外脆內軟滑非常香口，除了魚骨我把整條黃魚都 KO 哂，認真無得彈傳統京川滬菜菜餚個人認為冷盤做得最出色價錢都算幾貴，不過嚴選食材都值得的。

這晚約了舊同學晚飯慶生，同學提議到九龍灣"金滿庭京川滬"晚飯。 一早book好位但都是安排坐近門口的卡位，冷氣不太足夠。先來"水晶肴肉",切成一小條長方體, 分量其實很少,看實物原大就知道了。味道 OK ，水晶果part 要趁凍吃，放"涼"了 口感變得好溶。 感覺很油膩。"黃金芝麻蝦" 其實即係炸蝦多士。芝麻炸槳完全蓋過蝦膠味道， 弊在蝦膠本身完全沒有調味。 整體來說是只像吃到炸芝麻多士， 好乾好封喉。"乾扁四季豆"，做得夠乾身很惹味。"雪菜炒年糕"可以再濃味一些，年糕一定要趁熱吃，凍了就会再硬一點。另外還有推介菜式 "招牌松子魚"。 魚的表面炸粉很厚，一點也不鬆化 ，也不脆。 內裏魚肉炸到好乾身，完全沒有魚味，更加不知道是用什麼魚做。 個甜酸汁亦非常普通， 松子混雜着普通急凍的雜菜。 我相信茄汁斑塊會比這個更好吃。"一口小籠包"也做到皮薄而餡內充滿肉汁。"高力豆沙"逐件計，size非常大， 我們叫了兩個share ，但都只給一份甜品餐具。 切開高力豆沙， 一點也不鬆軟 ，有些硬硬實實，好像仲未炸透。 這款甜品真的唔合格。"薑汁湯圓"的薑湯非常辣，適合愛薑味的人。總括來說，朋友们都覺得

一向覺得這間餐廳除了服務差強人意之外，那些京川滬風味的菜式和點心都幾可口，平日下午茶時間段免茶免收加一，有特價 tea set ，還有正價餐牌全面八五折優惠，實屬抵食之選。tea set A ［四喜烤夫 配 一口小籠包］HK$ 58 免加一。［四喜烤夫］之＂四喜＂為黑木耳、冬菇、筍塊和烤夫。吃口鹹中帶甜，是一個惹味的素菜冷盤。［一口小籠包］皮薄至呈半透明狀，拎起可以隱約看見包裡面的湯汁。［鍋貼］HK$ 59 免加一再八五折。底部金黃色，咬落焦香脆口，內裡肉汁飽滿。［椒鹽小黃魚］HK$ 104 免加一再八五折。有頭有尾完整一條，好意頭！外表乾身，炸到脆香，吃起來有濃郁的鹹香味，好開胃口，黃魚的肉質白嫩，整體來講是＂有香味無異味＂😍。［酒釀桂花丸子］HK$ 36 免加一再八五折。丸子雖小卻粒粒都包有黑芝麻餡，口感軟、糯、滑、香，再加上桂花的香氣和酒釀的醇甜，一碗入肚，真是大滿足！俗語有講：尺有所短，寸有所長。用餐時每每挑選那些廚師推介的精典菜式來嘗試，永遠都不會失望😋。

今日13個人食lunch，叫到一枱都係頭盤1. 蔥油海哲 - 不過不失2. 碎雞- 幾入味，肥瘦適中3. 臐魚 -夠大件，又脆，推介4. 烤夫 - 估唔到咁多料，有筍、冬菇同烤夫，好食另外叫咗生煎包，但唔夠多汁，鍋貼就ok，夠熱夠香脆推介酸菜魚，魚件大大件，但有部分有啲腥，粉絲索咗酸菜湯好食，我地另外加多個紅薯粉連湯食 ，食唔停口雪菜肉絲年糕亦夠足料，年糕煙un失色嘅係片皮鴨，落單時已知要等45分鐘，鴨入口有啲蘇，另外，紅油抄手亦唔夠辣服務有待改善，埋單個陣以呼喝語氣追問我同事張信用卡係邊

Overall, 餐廳人滿為患，星期一至四都有小小discount。環境有點吵，吃完就有人馬上收拾東西 驚死留底過夜甘～ ok 要做生意5怪得你～------------------------------湯：金華火腿味十足，夠入味。玫瑰花排骨：太甜了，好在有湯平衡番Oh my god, 個魚干仔: 好食到差點連我媽是男是女都分不清楚！78蚊係貴d, 但真係impeccable !!!!------------------------------

金滿庭喺德福廣場嚟講, 走嘅路線係高級嘅路線, 性價比冇稻香咁高, 但係佢嘅食物質素完勝稻香至上係金滿庭食一個午餐嘅話, 個價錢大概係稻香一倍左右, 叫左個啲酒香漕滑, 咬落去非常鬆化, 酒香令到魚嘅肉質嫩滑之餘, 酒香令到味蕾刺激不少肉絲兩面黃, 其實就係一個肉絲炒麵, 不過個麵底改為伊麵 , 茨汁好香, 再加埋肉絲嫰滑, 感覺比一般肉絲炒麵好食上湯小籠包, 佢嘅皮真係好薄, 熱辣辣, 親熱食非常滋味, 小籠包裏面的肉都非常之JUICY!

屋企有飯開,落街食,想搵間食得清清地。晚飯時段,冇咩人等位, 6人等第一張大枱...15分鐘入得,2個鍾要交枱。比左間V 房我地,,,好舒適好舒適!!!唔洗同人迫同嘈,,,好LUCKY 既!今日主要叫清淡野:唐醋魚塊:正常..唔難食,食一件試左味就夠,魚塊來講,,都係差唔多,粉味同魚味唔多...正常啦火腿津白:菜比想像中少同細條,個汁/湯略咸雞煨面: 好似同平時個D唔同, 有咁爛, 當左湯面食冇咩特別,一人一粒夠哂担担面,叫左中辣.有花生醬味,肉碎夠,面質滑!豆腐三文治:開頭覺得幾得意所以叫左,賣相同餐牌出奇地似,凍食...肉鬆,蔥,同雪菜D 朋友,食落好REFRESHING!!! 有驚喜!!! 仲有添食!!!夏天好適合食!!!!!砂鍋雲吞雞半隻雲吞有10粒,菜夠多,雞都幾滑...待應拎開左幫我地分...冇影到相...總結食得開心, 應該主要因為間房好適服!!

今次嘅家庭飯局揀咗係呢間金滿庭，我係幾年前食過奧海城嗰間，今次第一次試九龍灣。過咗幾年水準依然好高！前菜一定要揀水晶肴肉，上湯啫哩好香，少少酒味！我哋一圍15個人，嗌咗兩碟，話咁快就食晒跟住啲嘢食陸陸續續咁黎。松子魚推介呀！我平時食魚好驚腥味，佢啲味松子魚個酸酸甜甜嘅汁，好開胃！而且，整得一啲都唔腥。呢個味意外地嗌錯左，好似叫做和尚蓋帽，係配埋叉子燒餅食。主要係粉絲，平時用肉碎配叉子燒餅就食得多，今次用粉絲配，效果出奇地好！奶油津白真心推介俾大家！平時食開啲奶油津白啲奶味一啲都唔重，但呢個好香奶味，真係第一次食咁好食嘅奶油津白！呢啲先叫做奶油津白啊！今次好彩夠多人，可以食到呢個元蹄！佢要整好耐，差唔多係最尾一道菜。啲味係好夠，但太肥啦啲皮，食唔落口，我淨係夾左啲瘦啲嘅肉嚟食！仲有呢一個北京填鴨，師傅切得好仔細，可以切到好多件，而且佢切得細細件，包起上黎易食好多！仲有啲鍋貼啊，小籠包，當然水準好好啦！如果唔係點做上海菜既餐廳🤤最後叫咗啲甜品，係香蕉嘅高力豆沙，佢用糖霜，唔似出面有啲用砂糖。食落去唔係好甜，不過如果要share嘅時候就好難搞，可能一個食香蕉一個食豆沙😂

德福二期裝修所以食肆唔算多金滿堂而一直都有捧場客再加上所以好多人要等好耐。前菜係水晶肴肉，肴肉同水晶嘅分佈係大約3比2，我覺得分佈比例剛好，我比較鍾意食啫喱又黏黏口，肉質用都幾好，味道亦唔錯。清菜砵，第一次食呢個菜，其實不太清楚係邊度嘅菜色。係用切碎咗嘅菜再煮湯羹，味道清清嘅湯羹。小籠包，熱辣辣，小小熱湯喺裏面。肉絲兩面黃，即係肉絲炒麵口感有脆有軟，呢個煮得比較清。紫心蕃薯浸莧菜，加上了紫心薯比起用金銀蛋健康多又可以點綴一下，值得一讚。

每逢想起想吃上海菜，都會想起金滿庭，更喜歡喝這裏的人蔘烏龍，而且價錢合理。今天一行四人約好在德福廣場分店吃晚飯，全因想吃片皮鴨，因不是所有分店都有片皮鴨供應。北京烤鴨（$360）片皮鴨皮脆肉嫩，跟薄餅加上青瓜、大葱海鮮醬一起吃，美味可口，薄餅有廿四片，片皮鴨可片到兩店。津白豆腐鴨骨湯（$58）因為在另一張枱分好才上枱，唔記得影相，這是二食的其一選擇。咕嚕肉（$46）這個咕嚕肉係是日半價，價錢平但份量相對也較少，味道都不錯，炸得外脆內軟。炒鱔糊（$126）每次都會叫，鱔片爽彈，韮王炒得爽嫩，獻汁也做到上海菜的濃香。水煑鮮魚片（$165）魚片是用桂花魚，因吃過有些食店用冰鮮魚柳，這裏的魚片有鮮味，最喜歡吃𥚃面的薯粉，很煙靭彈牙，配合水煑的麻辣，真是吃到停不了。擔擔麵（$44）這個擔擔麵是辣油另上的，麵條煙靭，湯底生花麻醬味香濃。

一向都挺喜歡金滿庭的食物，今天到九龍湾出差，見到他有午市半價優惠，當然要試試了！叫了今天特價，排骨蛋炒飯。食物到了，看上去還可以，但一吃下去……中伏、半冷不熱 。可能是因為特價，所以一次過整很多份，所以上桌的時候已經不熱了。這樣的宣傳優惠倒是反效果

今日想嚟九龍灣九展睇展覽，所以下午就嚟九龍灣搵食啦。想食中式嘢， 平時有食過金滿庭嘅晚飯都幾好， 所以黎睇下。佢地有下午茶，仲幾化算添。下午3点幾仲有茶，算係咁，等左陣就有位啦， 本身畀門口位，要求想調位，好彩好快就安排到位置， 環境幾舒適。 服務態度幾好同有善。叫左兩個餐，一 麵食同一飯， 而每個主菜可揀一款小食，有好多選擇我們選了 排骨湯麵配雞翼， 同揚州炒飯配熏蹄 。湯麵煙韌，排骨， 雞翼鬆脆， 炒飯炒到一粒粒，又口感。

路經九龍灣醫肚，梗係上openrice搵食。女友想食辣嘢，睇見呢度有京川滬菜，啱哂！我鍾意食小籠包，佢鍾意食川菜辣嘢，就呢間啦！二人行搭扶手電梯上德福廣場二期，上到五樓要兜一兜路至搵得到六樓，位置就响嗰間碩果僅存知名沖曬快影印圖又美嘅舖頭隔籬。一入到去，嘩不得了，沖曬店周邊舖位是默認了因為租平所以特別隔涉的，照計應該冇乜人至係吖！誰不知唔係播！差啲冇位！好在我哋只係兩丁友，剛好有張吉嘅二人檯，梗係即時坐低快馬點菜。好嘞長話短說入正題，兩個人叫一客酸辣湯又怕太多，叫一碗又驚太少，於是乎就索性點咗呢個酸辣湯拉麵。嗱果然冇揀錯！兩個人食份量啱啱好，酸辣適中，又可墊底夠飽肚，但係就略嫌佢麵多湯少咗啲。之後梗係唔少得我嘅至愛一口小籠包啦！皮薄餡靚有湯汁，夾唔穿，絕對合格之上水準！維番一隻只係九蚊左右。等得比較耐嘅係呢味辣子土雞煲作為今餐嘅結尾。嗱鐘意食芫茜嘅朋友就不容錯過嘞！好大撮芫茜响面。食唔出係唔係真係土雞，夠辣但係唔夠麻，雞嘅份量少，而且唔係多肉嘅部位，好多雞轉彎同埋雞頸，味道絕對及唔上坊間專營重慶辣雞煲嗰啲舖頭嘅出品。嗱呢味菜我下次唔會再點。埋單$275，留意番呢度有樣收費叫做茶水巾芥，

第一次食金滿庭係喺時代廣場嘅分店，印像中都唔錯，食到婆婆 lam lam 咀，今日嚟到德福原本係想食吓台灣嘢嘅，不過因為唔想排隊，所以先上嚟望一望，唔使等就梗係即入啦。醉雞啲肉都算嫩滑，不過完全唔夠醉囉。酸辣湯勁濃烈，又夠哂熱辣辣，不過就好似有啲酸過頭。一向對小籠包要求甚高嘅我都將今日呢餐最好食嘅一碟投俾小籠包，真正做到皮薄餡靚之餘仲要吹凍啲先至放到入口啊。