金滿庭京川滬菜館 (德福廣場2期)

Open Now

Now Closed

路經九龍灣醫肚，梗係上openrice搵食。女友想食辣嘢，睇見呢度有京川滬菜，啱哂！我鍾意食小籠包，佢鍾意食川菜辣嘢，就呢間啦！二人行搭扶手電梯上德福廣場二期，上到五樓要兜一兜路至搵得到六樓，位置就响嗰間碩果僅存知名沖曬快影印圖又美嘅舖頭隔籬。一入到去，嘩不得了，沖曬店周邊舖位是默認了因為租平所以特別隔涉的，照計應該冇乜人至係吖！誰不知唔係播！差啲冇位！好在我哋只係兩丁友，剛好有張吉嘅二人檯，梗係即時坐低快馬點菜。好嘞長話短說入正題，兩個人叫一客酸辣湯又怕太多，叫一碗又驚太少，於是乎就索性點咗呢個酸辣湯拉麵。嗱果然冇揀錯！兩個人食份量啱啱好，酸辣適中，又可墊底夠飽肚，但係就略嫌佢麵多湯少咗啲。之後梗係唔少得我嘅至愛一口小籠包啦！皮薄餡靚有湯汁，夾唔穿，絕對合格之上水準！維番一隻只係九蚊左右。等得比較耐嘅係呢味辣子土雞煲作為今餐嘅結尾。嗱鐘意食芫茜嘅朋友就不容錯過嘞！好大撮芫茜响面。食唔出係唔係真係土雞，夠辣但係唔夠麻，雞嘅份量少，而且唔係多肉嘅部位，好多雞轉彎同埋雞頸，味道絕對及唔上坊間專營重慶辣雞煲嗰啲舖頭嘅出品。嗱呢味菜我下次唔會再點。埋單$275，留意番呢度有樣收費叫做茶水巾芥，

第一次食金滿庭係喺時代廣場嘅分店，印像中都唔錯，食到婆婆 lam lam 咀，今日嚟到德福原本係想食吓台灣嘢嘅，不過因為唔想排隊，所以先上嚟望一望，唔使等就梗係即入啦。醉雞啲肉都算嫩滑，不過完全唔夠醉囉。酸辣湯勁濃烈，又夠哂熱辣辣，不過就好似有啲酸過頭。一向對小籠包要求甚高嘅我都將今日呢餐最好食嘅一碟投俾小籠包，真正做到皮薄餡靚之餘仲要吹凍啲先至放到入口啊。

每次去金滿庭, 都會必點人參烏龍茶, 以前人參烏龍味道會濃, 但今次只沖多數次已變得較淡,原先想請待應替我們換過。(可能我們也是好茶的人, 好快已飲了數次)待應回覆不能夠, 因為公司規定。這一下有點失望。不過唔會影響我食tea的興致, 下午茶依然有多款選擇 (下午茶餐牌近2年都改變)叫左3個套餐 :排骨湯拉面 + 炸雞翼傻佬炒飯 + 蠔油菜心上海粗炒 + 蔥油海蜇排骨湯拉面 - 排骨炸得好脆, 亦唔會感覺好油, 拉面分量好多, 一個人食晒超級飽 炸雞翼 - 3大隻, 正常味道傻佬炒飯 - 食完唔會變傻佬呀 ! 呢個炒飯係好中意, 炒得好和, 料又足蠔油菜心 - 比起以前份量少左, 肯好菜心好新鮮上海粗炒 - 太油, 面身太淋蔥油海蜇 - 只食到海蜇味道, 食唔出蔥油味道整體都唔錯, 不過有少部份失色左 ! 相信下次再去食會更好 !!亦希望下次能夠可以換下茶就加分啦 ~

整體味道五錯，價錢偏貴，但座位夠大坐得舒服。值得贊既係，茶人蔘烏龍，陣陣烏龍香味係口腔擴散，回甘，一飲就知好野朋友推介燻魚，雲吞雞同螃賽蟹，各有特色，本人比較中意燻魚，無論係賣相同口感。服務員既服務態度尚可，如果多d笑容就更好了。

近乎「失散」了X十年的中學同學，相約見見面，畢竟人生有幾多個十年，趁大家仍行得走得便敘敘舊，誠是賞心樂事。晚飯地點選了在九龍灣以方便來自東南西北的同學，也許是星期一，食肆不太繁忙。 先點了星期一特價之招牌炒飯，又點了素鵝，水晶肴肉，招牌燻魚，一口小籠包，榨菜肉末，鎮江排骨。素鵝，以多層腐皮包捲著菇絲，甘筍絲等，外面輕炸至微脆，軟硬兼施，百吃不厭。水晶肴肉，一直喜歡這道甚似西菜的上海館子常有的小吃，以魚膠粉加了豬蹄肉造成啫喱凍，切成條狀，晶瑩通透，酒香肉香，無骨，啖啖肉，女仕最愛。榨菜肉末配叉子燒餅，我不喜吃榨菜，讓其他人吃吧！一口小籠包，皮算薄，餡料充滿汁液，肉香油香，就是好的小籠包，點些少醋能提升鮮味。招牌燻魚，焦香的魚肉吸收了調味，多重味道，送飯一流。鎮江排骨，酸酸甜甜，細細件，很惹味。招牌炒飯，近乎半價之優惠，沒有偷工減料，蟹籽，叉燒，小元貝等，炒得乾身，好味。杞子蘆薈桂花糕，加了蘆薈，味道和質感較一般桂花糕爽，大愛。黃金棗蓉，煎堆球，新鮮炸好，香脆軟糯，棗蓉少吃，也給各人留著笑容話別。

今日下午約了家人下午茶聚(一行11人), 有人提議這食店的吃下午茶而且價錢相宜, 於是便到這裡吃下午茶。下午茶開始時間是2.30pm, 是以派籌方式安排入座, 但原來可以提前於2.30pm取票。由於我們不知道可提前取票, 所以要等到3.00pm才安排入座。這裡的大枱不太多, 所以只能安排8人枱所以有點擠迫。裝修以啡色為主, 椅子和牆身以淺啡色為主, 中間有一排木條間開, 形狀有點像樹琴, 兩旁是一排4人卡位, 而中間側是4人, 6人, 8人枱。下午茶由星期一至日2.30-4.30pm, 有12款自選小食; 套餐A每位$55, 共18款食物供選擇, 每位自選1款; 套餐B每位$65, 共6款食物供選擇, 同樣是每位自選1款。小食類㸃了下列食物很多人都喜歡吃香口食物,椒鹽雞軟骨是很惹味的小食, 但外皮不夠香脆, 但不會過油膩, 椒鹽份量不足所以味道較淡.醉雞翼 - 用雞翼代替雞件會更滑, 微微的酒香可以減少肥膩感.  天氣炎熱, 吃些清涼的食物可以消暑, 雞絲粉皮配上清涼的青瓜, 雞絲拌香滑的芝麻醬, 灑上芝麻於上面, 很美味, 但芝麻醬和芝麻太少, 所以不夠香滑。再來一碟香口的小食- 炸

呢間餐廳本身環境已經算靚入面食物都十分好味入到去我必叫一碗四川擔擔麵, 擔擔麵湯底會落小小花生醬,加小小辣油麵身口感小小帶硬!之後試佢D牛柳, 牛柳夠鬆軟, 肉汁味夠濃不過牛既份量則唔係好多!饅頭呢就普通口感同市場買既差不多, 入面點煉奶食的.整體黎講色香味都算整得唔錯!

山長水遠從新界北黎到九龍灣，人家想食利遠架，點知 lunch full 晒，就連下午茶都已經 book 滿，咩日子咁誇張呀？太難譜喇，侷住轉場！走到黎金滿庭都係要等位，但地上最強 100% 遲到記錄保持者還未現身呢 ﹗企到腳軟終於入座，不幸地無卡位坐，要迫迫夾夾坐二人迷你檯，頂手頂腳又同隔離檯相距不足一呎，我最憎 ﹗即刻拿本 menu 左揭右揭，希望可以分散注意力，等住咁耐位又等左咁耐人，真係有點上火 ﹗入座後竟然上一轉既食客相繼續一離開，騰出大量座位，如果等多陣就有卡位啦，可以坐得舒服一點。蔥油海蜇，又幾好食喎 ﹗蔥油香口又無草青味，咸香宜人，海蜇非常爽彈又溫度清涼，十分開胃。酸辣湯，夠辣夠香而泛著微弱甜味，滿意。但最足料、最好味都係上水上海小館。花雕醉雞，真係無邊幾間整得好食，我要雞肉滑溜多汁又彈牙，更要酒香芬芳帶甜，不帶半點苦澀味。當然依碟同樣未能達標啦，肉質硬實而略鞋，酒香有但不清爽甜美。質數平庸，一試無妨。京燒羊，有趣的配搭，跟薄荷醬及花生醬。羊肉炸得非常鬆化、皮香脆、肉質肥美帶微羶、好香口，點上香甜花生醬好食又特別，但食多幾舊有點膩。令我諗起香酥羊，炆好既羊腩成舊炸脆斬成絲

由於之前落了訂又沒來食飯，早幾日收到電話話要來消費，否則沒收訂金，只好千里迢迢來九龍灣食飯。很可惜，訂位一早full了，唯有walk in.5:40去到餐廳，第一輪係5:45開始，8點前還枱，時間上是很足夠的。安排了我們坐卡位，很舒服，方便我們傾談。燻蛋：幾好味，很流心醉雞：不過不失，雞倒是幾滑的雞絲粉皮：有水準結果，一個鐘後我們才點主菜小籠包：無聊數過，只有十七摺，肉汁還要從頂部喷出松子魚：全晚的主角，很失望，魚是炸了，卻不脆，汁很開胃，但始終掩蓋不住魚炸得不好。獅子頭：又一失望之作，肉是生的，唯有叫廚房再煮過，所以也沒拍照火腿津白：全晚最高質的一碟，火腿很靚，津白很入味，太好食，忘了拍照結果，坐到8點，真的有人催促結賬，只好離開

一直都想試試呢間上海野, 適逢一個長輩朋友生日, 佢又ok, 甘就去試試啦~~~呢度每日都有個優惠價野食...星期二係咕嚕肉做優惠, 但價錢平左, 份量也相對正價既野食細碟d!! 但味道都ok~呢條招牌松子魚無論賣相同顏色都相當吸引, 塊皮炸到脆脆地, 肉質又鮮嫩, d汁又酸酸地, 真係真人食慾大增呀!! 好味!! 賽螃蟹非常之滑, 我喜歡唔加醋食, 份外原汁原味, 正~~沙鍋雲吞雞d湯好鬼鮮甜, d雞味煲晒出黎, 好夠味呀! 雲吞又滑, 肉又夠鮮嫩, 配合得幾好!! 係d雞肉比較鞋口, 不竟它已是湯渣!!~ 呢鍋野都唔細ga!! 三個人都每人分到兩碗ga~~相比呢個黑松露炒麵就普通左d, 無乜黑松露味, 同普通炒麵無乜分別, 而且比較油左小小...由於係朋友生日飯叫三樣餸又太小, 叫四樣又唔係甘好, 甘唯有叫五樣啦!! 最終三個飽到呢...

慶祝10月舊同事生日飯，訂了6:30 的枱，安排了我們坐獨立房，既舒適又寧靜，岩晒我地成班女人高談濶論呀！我地叫左個6人餐，再加左隻北京烤鴨同埋小籠包，好豐富呀！雞絲粉皮，普普通通，粉皮有點厚。招牌燻魚，意想不到還是暖的，有酸酸甜甜的味道，好好食。花雕醉雞，醉味重帶苦，雞肉好滑。清炒蝦仁，是我吃上海菜必吃的，這裡的有點油，但都好爽口，配上香醋，仍舊非常味美。小籠包，皮算薄，湯汁豐富亦夠熱，味道不錯。賽螃蟹嫩滑可口，加埋香醋，正！鐵板京葱爆牛肉, 京葱太大堆頭喇，鐵板上枱，好香好香好惹味。翡翠鮮魚羹，略嫌太多芫茜，魚肉有少少鯹。火腿炆津白，中距中規，津白很甜美。北京烤鴨，正呀！師傅刀工都又好，每一片都好平均，上枱仲暖既，皮還脆。高力豆沙，皮太厚，豆沙太少，如果可以轉拔絲香蕉就好喇！$1600 / 7個人，真係好抵！

這已是第三次吃金滿庭了! 頭兩次也覺得這裏服務態度好，而且食物質素可以，所以一而再，再而三的光顧! 但這一次，真的有點失望... 由於是次只有2個人，所以我們只點了一客松子魚，及一碟上海粗炒。松子魚貌相很好, 顏色鮮艷, 令人食慾大增。可惜金玉其外, 敗絮其中......魚外皮雖然炸得香口, 但肉質偏老, 沒有嫩滑感; 醬汁比我想像中較稀, 而且略酸; 加上雜豆煮得比較硬身, 跟軟身的魚肉不搭...總括而言...差! 絶對沒有下次!上海粗炒味道還好,  可惜油太多! 感覺很油膩! 雖然食物有點失望, 但服務態度依舊是好的!我們被安排坐2人位, 空間較少; 但男朋友帶了一個很大的旅行袋; 有潔癖的他, 又不想將袋放在地上, 所以只好放在大腿上吃飯!不知是部長還是經理看到此情況, 便靜靜地替我們拿來一張摺椅,放在旁邊, 讓我們放包包!這個細心的舉動, 令我們感覺很窩心! 或許, 這就是我們香港的好客之道吧!

今年中秋因家人關係，要係德福食飯做節。可惜德福真係冇咩選擇，諗來諗去，都係選擇金滿庭。小籠包（$58）有八隻，都算幾抵，雖說一口，但都係正常size。皮好薄但唔易穿，加分，湯汁鮮甜熱辣，再加分，唔錯。糖醋魚塊（$96）賣相似咕嚕肉，魚肉比較結實，但酸甜汁調得剛好，唔會太酸，醬汁唔多唔少，啱啱沾在肉上，恰到好處。傻佬炒飯（$98）係呢度熱賣飯類，材料有蛋、蝦、菜粒、粟米、肉鬆，最特別係加左鹹蛋黃粒，增加鹹香味，飯亦炒得好乾身，粒粒分明，雖然深色，但唔鹹（加左老抽）。重頭戲片皮鴨（$360一隻）製作需時45分鐘，建議盡早order。一隻鴨可以片到兩碟肉，係連皮帶肉的，皮就有兩籠，另配青瓜、京蔥、蒜蓉同甜麵醬。整體加埋係好食的，只係塊皮厚左d。叫片皮鴨另加$55可點津白豆腐鴨骨湯（或者生菜鴨鬆、醬爆鴨骨都得），一窩可分到6小碗，味道清淡，雖然加埋鴨骨煮，但唔算油膩。值得去指數：

4/9聽朋友推介, 在香港的小籠包, 最好食的就是在金滿庭. 可惜每次去奧海城都人山人海, 晚上六點開始營業但5:45已經有人在排隊, 所以一直吃不到. 今天去開九龍灣, 發現又有金滿庭喎, 便去碰碰運氣. 6:15 左右, 大把位喎!正! 其實九龍灣都好多人流丫.爭咁遠?先叫開茶, 水仙? 唔好意思, 我地無喎! 壽味? 都無喎!老公正想發火時, 佢話, 我地係得龍井, 人蔘烏龍, ....不另收費? 咁好Ok丫. 好, 前菜這個個名已經好得意, 叫豆腐三文治!它是冷盤, 豆腐切開一片片, 中間夾了大家常用來送粥的肉鬆和酸菜, 感覺唔會飽又幾新鮮. 小籠包到, 一叫一定是8隻的. 皮果然薄, 湯果然多, 亦果然唔易穿. Good job! 到這個糖醋魚塊, 本人本身喜歡吃酸野, 所以老公點了這個給我, 原以為無乜驚喜, 都是粉多過肉那些. 點知喜出望外! 係好多肉, 仲係食得出魚味的! 絕對製作認真.  最後叫牛肉香茜包, 除了一碟牛肉外, 還有一籠包片皮鴨用的皮. 可以用來包住牛肉吃. 咁就不會覺得太膩, 又有澱粉質落肚. 我們是為了香茜而叫的, 香茜故然香, 牛肉都好'林'

跟舊同學的定期聚餐，這回選了位於德褔的金滿庭。它的其他分店都常光顧，但是這間卻從未到訪，這回可看看分店的質素是否一致。雖然已經致電訂枱，而我亦提早5分鐘到達，可是仍需等候10分鐘。這教我真摸不着頭腦。我們一行3人點了6道菜，有點誇張。但是我們3位女子，竟然點滴不漏，這才叫我稱奇哩! 此無他，因為食物好味吖嘛 !山東手撕雞，本身是淡口的。配以附上的醬汁，提升了雞的香味，雞肉也算嫩。紫薯時蔬是我喜歡的。蔬菜都算新鮮，浸在上湯內，吸收了上湯的味道，令到菜也鮮味起來。紫薯不會太諗，與菜一起吃，味道更佳。松子魚是不能不點的。但是這裡的松子魚較失望。汁太多，令到魚身失去了油炸的脆口，而且太酸了吧。夾了些較乾身的部份，味道唔錯。帶子炒蛋是整晚最好的。蛋很嫩滑，入口有很濃厚的蛋味，配搭着較淡口的帶子，味道互相配合。招牌担担麵，走辣。味道一段，可能是由於花生醬份量不足吧。最後以黃金棗蓉作為甜品，外面芝麻香脆，內裡棗蓉不會太甜，很好味 !