家上海 (形點 I)

Open Now

Now Closed

形點每次路過家上海都好多人排隊🥲所以永遠都係買外賣返屋企食🌟上海粗炒 $88 4/5基本10次有8次都會食🤣🤣醬汁充足 濃郁夠味 包住每一條麵同餸有肉絲 菇 椰菜 小白菜小白菜好甜 多啲就好🤪麵都好有咬口🌟薺菜肉絲炒年糕 $88 1/5好後悔🥲本身好鐘意年糕見叫咗粗炒 就廢事2樣一樣味就叫呢個點知好淡 要單獨食薺菜肉絲先有味好似完全無落味咁最後要自己落辣菜莆同辣椒醬食🌟鮮肉鍋貼(5件) $62 3/5每次都有叫好記得有一次一咬噴汁落枱面底煎得香脆大大件 所以幾抵食不過今次有小小失手 最上面皮厚摺位好似未熟透不過都係1件有問題有附贈薑絲醋同辣椒醬之前仲食過豆沙鍋貼 炒飯都唔錯外賣仲有折 收工經過可以一試🙌🏻

元朗既家上海，真係日日都排長龍，但係佢又真係好味既。首先要講講小零食，花生白飯魚，真係甘白脆口，食到停唔到呀。講返主菜先，首先有上海粗炒，夠入味，而且唔會炒到淋哂糊哂口。另外仲有牛肉餅，個餅外皮脆，D牛肉汁鎖哂係個餅入面好好味，入面既牛肉餡份量都好夠。仲有必叫既小籠包，皮既厚度剛剛好，唔易穿，有助鎖住肉汁。最後重點就係沙鍋雲吞雞煲，呢個煲要俾100分，首先有會職會幫你分湯拆雞，服務好好，仲有個湯好濃味好好飲，雲吞份量多，雞就半隻，肉質都好滑好好食。

依間野難食過茶餐廳，門面好靚，價$ 貴，食物方面非常差，叫4 個餸，無－個食得落肚，豆沙餅無豆沙全部粉，蜜汁脆鱔，又係全部粉小籠包，－上d湯全部流晒出嚟，皮又厚。永遠唔會再黎！

家上海 (形點) (元朗)今日同舊同事聚會，想食上海菜同事介紹呢一間餐廳，就嚟試吓叫咗小籠包，一籠有六件份量都大👍🏻👍🏻小籠包皮比較厚，但入邊都好多湯汁，不錯之後叫咗醉雞，呢個雞翼整得幾好食，雞肉好嫩滑，剛剛好我最鍾意食雞絲粉皮，當然要叫呢個雞絲粉皮整得幾好食，花生醬都好多，係雞絲比較粗身，我覺得可以做返細有少少仲叫咗肉碎炒四季豆，呢個煮得幾好食，肉碎份量都唔算少，唔會太鹹撈飯食一流仲叫咗魚羹，普普通通，唔算太出色元朗元龍街9號形點一期1樓1058號舖

今晚屋企無煮飯，又見有$100現金券，所以就嚟左啦👯‍♀️🔸桂花拉糕☹️ 好唔值囉，即叫即蒸，系就系幾有誠意既😏但係下面就係一舊無味既粉團，然之上面淋左啲桂花蜜，感覺就係食咗成舊澱粉落肚🤦🏻‍♀️🔸上海炒年糕👍🔸松鼠桂魚☹️平時我食生果🍊都專揀啲有酸味嘅生果，即使我甘食得酸，都頂唔順😐😐😐🔸小籠包「皮薄多汁」👍人均消費$178，仲要已經扣咗個$100 coupon，可能未到麻麻啦，所以我覺得好吾值🫢

因為手頭上有優惠券每食夠$300就可以減$100，所以同屋企人即刻去encore多次！真係好抵食！🙈呢間野要食過幾次，最推薦既一定係佢哋嘅小籠包，無論係蒸定煎都好唔錯，啲肉汁好夠味，而且唔會太油。小食拼盤都唔錯，值得一試。雞湯質素一時時，我記得第一次食嘅時候啲雞好滑，而且雞湯好惹味，好足料，但之後嗰幾次就已經變咗有少少味精味了😔，呢個有少少失望。至於上海粗炒唔建議大家食，雖然面嘅口感同味都唔錯，但係極油😖如果大家平時唔係食開好重口味嘅，應該都會覺得油得濟。甜品方面質素較一般，試過佢哋嘅壽包、豆沙鍋餅、流沙奶黃千層酥，感覺冇咩特別，可以唔洗試。不過整體來講，都有7/10分，如果大家諗唔到食咩嘅可以同朋友/屋企人一齊share食。👍🏻

平時行過都見到好多人排隊，今日同屋企人黎食Lunch，可能時間都早，就算星期六都唔洗等直入。叫左個小籠包，同平時食既差不多。友人話呢度出名煎小籠包，所以都叫左黎食。個包煎得好香口，入面好多汁，第一次食覺得好好食呀！下次可以ENCORE。另外叫左雞絲粉皮，都係正常發揮，粉皮唔會好厚，醬汁都幾多。食上海野梗係食肴肉，都幾林幾好食。最後叫埋粗炒，唔會話好咸，味道都唔錯

好耐冇食過咁難食既上海菜小籠包 皮厚 怪味 超市買急凍果 d 仲好食生煎包 d 肉吾新鮮酸辣湯麵 d 麵似米線 淋哂 個湯就正常兩面黃 實物同相完全吾同 味道就不過不失好失望，咁難食都咁多人排隊

今日11點20分去到排隊等開門,排第五分到張卡位坐,幾舒服,今日叫咗一個拼盤,紅燒小元蹄,鐵板灌湯生煎包,蟹粉小籠包,全部都好好食,另外又叫咗燻蛋,如果燻蛋可以早少少由雪櫃攞出嚟會好啲

成日經過都見好多人排隊既上海菜😜今次8:45去2人枱等4張🤣招牌小籠包🤩上海菜緊係要食經典小籠包😋熱辣辣包住好多湯汁🥰食既時間要小心辣口🤣有肉既鮮味奶油津白呢個有加金華火腿 不過就有少少腥🤨炒年糕呢個係比較特別 清炒無咁油膩🤪🤪淮鹽溏心燻蛋🥚😍呢個係名菜😗有溏心效果🤪

黎到元朗，見到家上海咁多排隊，心諗應該唔錯既，就抱住試食既心態黎試下。不過因為咁多人，所以呢間餐廳等位都等幾耐下。食物方面就叫左上海粗炒，d麵好夠味好夠色，配埋肉絲真心好食呀！仲有叫左碟牛肉餅，個餡d牛肉好足料而且勁多肉汁，外層包皮亦好有咬口。仲有小籠包，一樣都係肉餡好足料，而且又多肉汁，不過美中不足係，可能蒸小籠包果陣個廚師放d包痴埋左，其中一舊一夾就穿。最後仲有個拼盤，每樣都有少少，有糖醋魚，水晶肉等等

今餐老人家主場，唔想飲茶，搵咗幾間餐廳，終於敲定去呢間——家上海。前兩日打電話訂座，但full咗，餐廳建議11點半開門前等，walk in攞位。老人家好穩陣，提前15分鐘到，但已經有幾個老人家等緊🤣。我們一行六人，安排坐喺靠窗角落，位置實在太好了！自成一角，遠眺可以看到博愛醫院，已經覺得賺咗。🤩🤩餐牌有二人、四人餐等，但單點更划算。***淮安五味醬拼盤（$248）有炸香魚、醉雞、海蜇等，視覺效果唔錯。炸魚炸好脆，甜酸味。 海蜇和醉雞就一般。***滬江油淋子雞（$198）中規中矩，雞肉尚算嫩滑，但少啲雞味，其實喺香港都好難食到靚雞味，冇計。***蛋黃流沙包（$42）流沙包有驚喜，外皮黑色中間一條金色，睇落去有啲神秘感。蛋黃流沙食到一粒一粒蛋黃，好有質感，一定要熱食。***金牌小龍飽（$54）一籠五件，皮薄餡靚，咬落去多肉多汁。***蜜餞火方嚮鈴夾（$128）火腿好香，好有口感，感覺好高級。要加埋蜜餞和響鈴片食，先有層次感。***主食揚州炒飯（$88）賣相唔太吸引，但有淡淡的、熟悉的揚州炒飯味，乾身，唔油膩，食完想再食。上海粗炒（$88）味道OK。

又嚟到家上海、仍然好多人等位、人氣極高。入座後、目測全場爆滿、想嚟食、建議卜位先😵煱塌豆腐炸得很通透內脆內軟、加入蠔油芡汁、豆腐吸收醬汁、超入味、連屋企人唔食豆腐都食咗一嚿😂薺菜肉絲炒年糕、超級清新、一D都唔油膩、年糕煙煙靭靭、係小編食過咁多間嘅炒年糕、最好食嘅一款👍👍招牌小籠包、都多汁好味、另外招牌十景楊洲炒飯、炒得好乾身、粒粒分明、其實依個炒飯要掌握火喉真係並不容易、好食到擦咗兩碗😋推介。黃金蝦球、味道比較濃郁、唯一有些咸、失色咗。豆沙鍋餅、都唔錯、若果冇甘甜更加好。總結：家上海做准揚菜真係做得好出色、可以無限encore😜

每次經過yoho mall 都會記得係家上海食既小菜。平時食上海菜我多數都會點醉雞，擔擔面。今次試下點啲特別既！蓮香蜜餞火方 $128👍🏻👍🏻👍🏻👍🏻👍🏻呢個真係好推薦，外表普普通通，但係佢淋左啲好似桂花香味既糖上去變得好清香，加埋片肉去食係好好味，去到家上海，值得一試！淮揚五福拼盤 $248👍🏻👍🏻簡單黎講係有醉雞，肴蹄，紅蜇頭，熏魚同埋烤麩。不過不失，點呢道係想一次過試晒咁多樣野🥴總括黎講，本人好中意食上海菜，今次發掘到呢2道平時我好少會點既菜打開左我道新既門，我會再發掘下其他冷門啲既菜式🤭

每次經過呢間上海店都幾多人喺度等位，真係好誇張。星期日去到已經有幾拾人係度等位，好彩家人一星期前已經卜了位，去到都要等了15分鐘先安排到入座，餐廳走平實大衆化路線，價錢中上，而餐牌上都幾多選擇，有套餐同散餐選擇。瑤柱賽螃蟹，蛋白炒得好嫩滑，配入瑤柱，火喉剛剛好，好味😋淮揚五色拼盤，合共5款小吃，有女兒紅醉雞，鎮江冰官肴蹄，涼拌陳醋紅蜇頭，蘇式燻魚，四喜烤麩，上述5款冷盤，除了蘇式燻魚，比較硬之外，其他無論賣相味道都唔錯👍上海梅菜炆排骨，梅菜同排骨系非常之夾，啲排骨質地系豬軟骨，好軟冧，好食兼好好送飯。鹹肉火腿津白，用鹹肉煮津白，加入草菇，好有咸香味，出奇的好食。