萌 (Closed)

假日的觀塘，除了Apm 人山人海，向碼頭方向的位置很靜侷的！今次細佬選擇食日式燒肉，對我來說，可以說舉腳贊成。喜愛環境吾會很擠迫，空間感大，令人靜靜地用餐叫了兩個二人餐，會包飲品，可以選擇手工啤酒。前菜系爽口墨魚。這個番茄牛肉沙律，很好吃，醬汁酸酸甜甜很醒胃，牛肉質地很滑！刺身盛合有三文魚，帶子及吞那魚。唯獨吞那質素麻麻地。生蠔是另點的，味道新鮮又creamy!清酒北海道白背，湯很鮮甜但白背的火候有點over!日本和牛拼盤及原片日本和牛（會有兩碟）我們選擇自己燒一碟，另一麻煩店內專人幫忙代燒。油脂分部平均，又淋又滑，入口溶化。但這鹿兒島和牛相對有點鞋，但其實overall 的質素很高的。之後仲有滑滑的野菜湯烏冬。甜品鯛魚燒，有專人燒了表面後，內裏的雪糕同吃很滋味！生日點少得生日蛋糕，完美的一餐。

上星期五原本約了朋友在尖沙咀食日本燒連枱都訂了，但朋友突然要開OT, 所以冇辦法下便轉地方，為求方便她的工作地點，便轉了觀塘覓食了，因星期五周圍都多人而且又未訂枱都非常頭痛，後來看到openrice介紹了一間食日本燒嘅店舖，便嘗試去看看因已是晚上八點幾了，當進入了工廠區附近都估唔到有這樣的地方，樓下周邊的環境都好有外國的感覺，因都是類似酒吧飲野的地方，上了店舖只有幾枱食客, 所以環境十分寧靜，最主要就是留意last order時間，我們很快便點了雞軟骨，牛勒肉，一口牛和薄燒和牛，我們都覺得整體不錯，而最體貼的是，因薄燒和牛火力燒程度都好難控制，所以店內有專人幫忙代燒，呢一點值得加分的，到最後last order問我們有沒有需要再落單時，我就好想試個甜品，所以就叫了一份鯛魚燒，當上枱時又是有專人代燒，樣子是一條魚型，當燒完後放進口真有意外驚喜，入面是紅豆加雲呢拿雪糕，出面有d似威化餅，真的內凍外脆回味無窮。整體食物質素都可以， 略嫌價錢貴少少，總括來講都可算是間值得一試的餐廳！

「萌」位於觀塘的中海日升中心一樓，進內時，全場就只有兩桌客人，非常冷清，也許是下雨吧！我們三人叫了一個二人前海鮮拼盤加和牛，再加一個雜錦壽司和雞翼。先來松葉蟹味噌甲羅燒，燒滾便吃，很美味，蟹膏非常鮮甜，好吃得不得了！大喜後，便吃壽司，在此之前，店員曾建議我們先吃壽司，我們沒有理會，原因後明，壽司的味道就是淡而無味，至少我吃的那幾件魚生包括金鎗魚壽司都是接近無味！唯一叫好只是那壽魚生倒轉沾醬並沒有掉下來，通過黎生的標準，唯飯團也太過於黏了，入口非常失望。海鮮拼盤計有帶子、蠔、魷魚和大蝦等等，除了大蝦外，其他全不討好，沒味，基本上鮮味欠奉，明顯是不新鮮了，沾了醬油亦不叫好。就如蠔，沒味得來其實也很難吃，差點嚥不下來，至於餐內其他食物如野菜之類不贅述了，反正也不是好吃。炸雞翼不過爾爾。和牛到來，查詢後店員表示來自沖繩，個人認為可能來自石垣吧，店員為我們燒熟，沾點海鹽，入口雖不是即溶，但仍非常好味，海鹽把牛味帶出，非常滿足，牛肋肉也很不錯。結賬盛惠一千元左右，當中有好吃和不好起，落差太大！但松葉蟹味噌甲羅燒真的令黎生想再吃，唯除和牛外，其他不提也罷。店裡地方也是整理的，店員服務也是不錯。

無骨牛小排有根兼無牛肉味，牛肩肉都較咬開，要用鉸剪剪。鰻魚卷也不出色亦略甜，以88元4件嘅價就比較高。泡菜和牛石鍋飯最不濟，飯粒完全不乾身，好濕好爛，絶對無驚喜。綜合以上幾道菜，整餐晚飯無一款出色，並不會再光顧了！

TGIF. Have a good lunch!!前菜: 大八爪魚兩粒熱湯 - 每碗有粒蠔自選三色丼一共六款選擇我選擇了 吞拿魚蓉, 甜蝦, 三文魚&三文魚籽原本以為一碗上, 但原來實物如圖! 真的三小碗這樣上。很鮮甜, $138 一個lunch是貴的但還覺得值的。但女孩子沒可能吃得下三整碗的飯。可能男仕也未必可以。 因為已經吃了前菜和湯, 還有之後的飲品呢coffee還有半天工作天, 咖啡是我的朋友熱咖啡後面一小杯的是花奶。喜愛這個杯喔, 家裏有一個就好了題外話: 遇到 王祖男 與 張彥博。Bonus!! 真人.......同上鏡一樣

海鮮和牛套餐，做法新鮮特別，服務水準不錯！同朋友想靜靜地傾下野，呢度係一個好好既選擇！呢度提供新鮮既食材，特別欣賞蟹殼內既蟹膏同入口即溶既和牛！另外更有不同國家特別口味既啤酒，實在係傾野嘅最佳選擇！特別想提，當你星期五夜晚響觀塘嗰啲大型商場，間間都排十幾20個籌嘅，周圍都搵唔到位嘅時候，你肯行去呢度一定立即解決到你嘅煩惱！只係行多幾步，去到浦東樓上，入去就馬上有位，啲服務員仲好好招呼，幫你燒賣埋件靚和牛，叫你趁熱食，你會覺得好體貼呢！

觀塘食飯時間真係人山人海，難得呢間唔洗排隊，就試試！環境不錯，很開揚，又有bar 檯。青瓜螺肉平時唔鐘意食青瓜的我覺得呢個青瓜有驚喜！很fresh 很爽脆，再加上螺肉汁，味道很夾！螺肉跟普通的味道差不多。麵豉湯配扇貝麵豉湯味道偏重，有點像在喝味精湯，3隻扇貝雖不大但頗新鮮！壽司壽司新鮮，厚度剛好，飯夠結實，有微微壽司醋味，不錯！不過聽說之前有5件壽司的...美國牛肉烏冬石鍋非常熱騰騰！好適合天氣凍嘅時候食，暖笠笠！薄薄一片生牛肉以石鍋熱力煮熟，但牛肉沒有什麼味道，比較韌。烏冬可能因為石鍋太熱既關係煮得太淋，沒有彈牙的感覺，而且湯的味道偏淡，吃烏冬時好像沒有什麼味道，很清。所以整體來說一般。可能人手不足嘅關係，需要等好一會兒才侍應招呼，希望可以改善吧。

全因近公司而試食BBQ套。海鮮套餐698。total 768 落樓海鮮算中下级燒牛專門店的牛肉有些失望。是日7:00 pm上到, 只得一張2人枱和我两人共四人。9:00 pm 走發現多一張枱4人用。這裡環境清靜, 對環境有特别需要的非常好。

好似個題目咁講，食咗啲好嘢梗係介紹俾老細食係最好架啦，我諗唔使我講大家都知道點解係最好呢，嘿嘿。上次就兩個人來食魚生飯，已經覺得幾好食評分唔錯，今次就試埋個燒烤，我哋一行四個人，就叫咗三個餐一個魚生飯。餐牌上分普通嘅燒肉餐同埋商務餐，咁我哋就叫咗一個普通嘅餐同埋兩個商務餐。佢哋嘅分別除咗有牛嘅質素係唔同之外，就係個飯嘅分別，普通嘅餐只會配上白飯，商務嘅餐就會配上萌丼(即係流心蛋配紫菜白飯)普通餐就分別有牛肉，豬頸肉，雞，牛舌。商務嘅餐都有兩個分，我點嗰個商務餐就有海鮮，會有兩隻大蝦同兩隻扇貝，同埋有兩款比較靚嘅牛肉。而再貴啲嘅就會有四款唔同嘅牛肉(睇上去有少少遲疑黃牛嘅質素)。至於食落去嘅味道特別推薦就係大蝦，兩隻大蝦嘅份量都唔細，都幾大隻。另外就係貴啲個嗰餐的四隻牛肉都好食，特別係薄切，肥瘦均勻，只需要兩邊各烤十幾秒就可以食，千其唔好烤全熟，否則會un。另外同上次一樣只要係Facebook度讚好都會有八爪魚沙律甜筒送，而我上次嚟到嘅時候就冇晒甜筒，所以用紫菜包。今次終於可以用番甜筒，用甜筒整嘅味道比紫菜好，因為甜筒果種吹脆度比紫菜更豐富層次感更加大，再加上佢有甜甜嘅味道，帶起咗薯蓉嘅

今次選了壽司，一個抵食套餐和一個貴少少嘅牛肉精選$780 牛肉有六款 由最淡味開始食 肉質非常新鮮 不用點汁都有牛肉本身嘅油脂香味 入口也有溶化感套餐非常抵食 $498 已經有燒牛肉 海鮮 沙律 飯 同一杯酒精飲品牛肉質素唔差 海鮮唔算很高質素但夠新鮮 總類亦多壽司方面 質素不過不失 壽司飯太濕太軟 魚生嘗可 但始終餐廳主要係賣燒肉為主 所以今次對壽司不會太大要求最後要讚下餐廳服務 每一個服務生都非常熱心有禮細心 我們帶同小朋友 亦不介意幫忙烹調食物 餐廳更有小朋友餐具提供 樓底夠高 位置夠闊 所以有小朋友又想食燒肉嘅 呢間值得推介

星期天特意晏些起床， 因為這店開市為12:00...來一個Brunch某天跟蝦子餅經過，看到此食店裝修不錯， 只怕平日多人( 附近多辦公室)，特意選擇星期天來。 大概12:30到達，當時只有一枱客人。 我們點了2個set lunch，店員還著我們 在fb like他們會贈送"八爪魚薯蓉沙律手捲" 一客。 就是說他們裝修不錯，令我有些期望，點餐不久便送來醬汁，還有小食、麵豉湯及溫泉蛋飯。溫泉蛋飯已令我失望，因為飯只是微暖，再拌以溫泉蛋...全個飯凍的，怎麼配搭燒烤牛肉吃！接著送來主角，一看到🐮頓時幻想破滅、 期望落空 別被我的"騙子手機"蒙蔽! 事實上...全部肉類色澤暗淡無光， 單看外表已無舉筷之興 印像中...餐牌所標示的$168 烤肉Set是"和牛"。除外表不合格，連牛腹脅肉也沒有肉味，一口牛筋多難咬，燒烤後的牛...油花也不甘香！另一較平套餐中有牛腹脅肉、牛舌、五花腩、豬頸肉和雞。豬和雞類反而正常，沒有期望就沒有失望之故吧!贈品...八爪魚薯蓉沙律手捲，送來時也不為意八爪魚不見了，只剩下薯蓉沙律。單看贈品已可看出店舖對顧客的誠意了！跟餐的雪糕飲品不提也罷，主角叫人失興 再好吃的

真係好想提吓自己嘅威水事蹟，話說今日係某個兒童衣服清倉嘅最後一日，食飯前經過一連串嘅努力去幫兩個小魔怪搶購靚衫，係手無寸鐵嘅情況之下竟然可以成功爭取5件外套。雖然係超級辛苦，但滿足感係100分。辛苦完梗係要好好咁樣享受一下啦，去番間靚靚嘅餐廳，享受返一過靚靚仔仔嘅午餐先至可以更加完美。138蚊一個套餐，見落係幾貴下，但係食落性價比高。叫咗刺身飯套餐，入邊有五個刺身可以俾你揀其中三款，咁我就揀咗甜蝦，三文魚同帶子。套餐入邊仲包埋個小食，今日嘅小食係青瓜螺肉，另外仲有個面豉湯，仲有一杯野飲。甜蝦飯入邊有三隻甜蝦，甜蝦嘅size都算幾大，而且食落去好鮮甜，好甘香，味道好。另外個飯入邊仲有少少海藻，雞蛋同埋薑片伴住。三文魚飯入邊有三片三文魚刺身，另外仲有三文魚子。呢度嘅三文魚淹個味道都幾好，一入口雖然咸左少少，但係撈埋個飯就啱啱好。帶子飯，估唔到呢個帶子最有驚喜，除咗佢嘅味道好甜之外感覺仲好新鮮，分量超多有成7，8舊。其實一個女仔食三個飯係完全食唔晒嘅，三個飯加埋應該有平時食飯嘅一碗半咁多，莫講話女性男士都一定夠飽。係呢個時候店員提醒我哋，如果我哋喺Facebook讚佢呢個Facebook網頁

今日4人2點半去食燒牛lunch set 有8折優惠,點了3份$168燒肉商務餐,一份三色刺身定食,再散點厚牛舌及和牛扒，石鍋泡菜海鮮湯，整體牛肉及刺身都唔錯，上菜都快地方都坐得舒適

在網上見過blogger 介紹，算是慕名而來吧，來之前是十分期待呢度嘅牛肉😋入去坐低，環境都唔錯，而且商業區晚上較靜，其實幾舒適嘅。我地有訂位所以有卡位坐，相當闊落。打開餐牌，好多牛呀😅選擇困難，想起之前睇人介紹話套餐抵食質素唔錯，就揀最貴的二人前 霜降日本和牛海鮮套餐啦。前菜的蟹肉薯蓉沙律，沒特別。跟住上左一味松葉蟹味噌甲羅燒，店員話燒到d 汁滾起就食得，等呀等，滾起後第一口，好蟹呀😍😍😍佢係蟹肉混青瓜絲，加入味噌，蟹味濃，汁少少厚身，加埋青瓜岩岩好。跟住到海鮮野菜拼盤，生蠔賣相好吸引呀，佢差不多全部海鮮都夾左牛油，好期待😳可惜食完後期待完全掃空，d 海鮮好唔新鮮，唔係霉霉地（大蝦）就係無曬味，連加埋牛油都無味，得魷魚正路d.食完海鮮後，等咗好一陣都無牛肉上🤔問侍應佢地先好似恍然大悟咁上牛，我哋除左餐跟既和牛，仲加左一口牛一碟。老實講，我本身以為a la carte 的牛會好味d 靚d, 但竟然好失望，一口牛又肥又un, 食落有筋😞反而跟餐的和牛幾唔錯，薄切得剛好，好容易燒仍十分juicy, 食完有唔夠喉既感覺！最後的石鍋飯不提也罷，好濕，唔好食。埋單時，舉了好耐手，眼前兩位侍應眼都

官塘又一間好坐的商務午餐點。今次係第二次前往。萌係一間日式烤肉餐廳，其實中午燒燒下係幾過癮的事。可惜今次商務午餐，燒烤大煙。大家怕尷尬，所以都分別點了魚生餐和壽司餐來食。餐牌上每個set lunch 都過百。係官塘區真的不用大驚小怪。這價錢的比比皆是。但有時真的覺得值得嗎？如果這價錢係尖沙咀或銅鑼灣也不過如是，但我得到的服務絕對比下三流的官塘區要好。好似今日咁。一個三色魚生飯等了足足半個鐘。why ? 無人話你知點解。塲面只是尷尬地全台等。再等。什麼烏冬面，石頭飯都發脹和變冷飯。但我們的魚生飯還是沒有跡象出現。實在忍不住問。答案係甜蝦解凍中！！難道午餐時段沒有任何准備嗎？這餐飯塲面真的十分尷尬，大家合作伙伴也沒有好好的談些什麼。因為大家都係度坐等吞口水。真係第一次食生嘢要咁囉。最過份係無人途中講聲俾大家聽。以後真的不敢再來。Ps 食物真的只是so so ！