MoMo Café

Open Now

Now Closed

性價比高,野食新鮮,食物種類多元化.沙律生果及其他新鮮食物，有蔬果雪櫃儲存，非常衛生,乾淨,感覺良好.窗口位視野開揚， 酒店及餐廳 ，裝修新淨 ，坐得舒服。海鮮種類亦多元化,長腳蟹好好味,還有青口,蝦,翡翠螺,蜆等等.蝦餃燒賣等等點心，源源不絕movenpick雪糕冇得輸,而且有五種不同味道,任君選擇.甜品和蛋糕放在雪櫃內,專人奉上,非常衛生，感覺很好。由於性價比高，半年內已經食過兩次了，會繼續再光顧。

今次係住宿連自助晚餐package，兩人入座都有四人位坐，坐得寬敞之餘比較舒適～食物種類都幾多，首先去咗拎海鮮凍盤，有得任拎波士頓龍蝦，有膏之餘肉質都幾爽彈，我鍾意食蝦，好新鮮，仲有大大隻嘅東風螺，長腳蟹～～～刺身方面選擇就比較少，三文魚尚算肥美～熟食方面都唔錯，炒蟹、仲有呢個天氣好啱食嘅羊腩煲，煲得夠林又入味，少食多滋味～仲有每人一隻限定嘅芝士蒸波士頓龍蝦，呢隻更新鮮，肉質嫩滑，正！跟住有鵝肝蘋果蓉餅，塗咗酸酸甜甜嘅蘋果蓉，可以化解鵝肝嘅油膩，忍唔住食多兩件！甜品方面有雞蛋仔、葡撻、豆腐花、桂花糕、楊枝甘露，仲有Movenpick雪糕任食～～有橙汁任飲！

12點入座人不算多，3人入座俾左張超大檯梳化座，坐得好舒適。凍食方面，海鮮種類不多，有長腳蟹、凍蝦，有個大櫃係放煙燻三文魚、芝士果類，鍾意食嘅朋友就很多選擇。而熱食有羊腿、炒飯、點心，但試過羊腿味道好羶，拎左一次就無番轉頭了。甜品方面大約有十幾款，味道正常可接受，麵包布甸我覺得最好食！雪糕係Movenpick，屋企人每人食左兩杯已回了不少本。不得不讚執檯姐姐好快手收碟，而且見你拎兩碗湯仲主動幫你手拎番埋位，的確加分！整體黎講65折人均二百三十蚊是不錯了，一向厭尖嘅呀媽都話抵食，咁真係抵食囉！😂😂😂

好耐無去食自助餐，疫情開始緩和，所以一家人出去慶祝，食自助晚餐，依家好多餐廳/酒店上網book位都有折扣優惠架，真係好抵食🤩食自助餐我哋的確唔係好着數，因為我哋成家都好細食，不過勝在有好多唔同款式，又可以揀自己鍾意食乜就食乜，所以都間唔中去食下😅我同囡囡食自助餐最欣賞都會係啲甜品，細細件，可以食好多唔同款，蛋糕🎂、cup cake🧁、糖水、葡撻🥧、雪糕🍨等等，呢度真係有好多唔同嘅款食，唔錯；而我老公就鍾意食刺身🍣、生蠔🦪，老公話都算新鮮，我都試咗一隻生蠔，都唔錯啦。

早餐基本嘅嘢係有嘅 - 🍽不過選擇唔多🙊包都只得兩款見好多人食粉麵🍲可能煮得好食掛🍜我捕咗好耐臨走比我等到 pancake 🧇個廚師一直唔喺位 (waffle 就本身有)不過態度可以好少少🙈埸內又只係好似有兩支酒精搓手液🥊總之大家都小心啲啦🙏

🍴每人送兩隻生蠔!!! 平時唔掂海鮮嘅我 - 🍽食咗覺得好好味食埋第二隻 >~<見好多人用手食海鮮✋埸內又只係好似有兩支酒精搓手液🥊總之大家都小心啲啦🙏Mövenpick 都好幾種味好正🙈

Dinner Gourmet Getaway - Dinner BuffetHighlight 係每人有兩隻蠔，唔腥嘅蠔。其他海鮮就冇乜太大期望啦...唔多新鮮...ps 炸蠔都好脆，夾正啱啱佢倒出嚟嗰陣都鮮甜架，熱食嚟講普遍不過不失。

疫情之後, 終於可以晚上外出食飯, 所以去了MoMo cafe!論環境,這裡環境清幽,每張枱最少隔1.5米, 人流唔多, 感覺舒適。論服務, 這裡的服務也頗佳, 服務員親切友善, 亦十分主動解答客人的問題!不過, 食物方面就真係很一般! 唔係唔好食, 只是食物款式甚少,連羊架都沒有!!!!而且全部都是平價貨! 而生蠔每位成人2隻, 這方面真係唔係好值! 以自助晚餐而言, 真係令人很失望。只能說, 若希望享受環境和服務, 這裡一定比到你, 但喜歡享受食物, 這裡未必是你杯茶。

住沙田既屋企人話我知，萬怡酒店MoMo Café既自助餐CP值勁高。7月去食左，真係超高質，仲有優惠，好抵！七月份主題係「盛夏海鮮薈萃自助晚餐」，話明係海鮮盛薈，有多達十二款新鮮海鮮。海鮮好值得食，超新鮮，特別係波士頓龍蝦🦞必食，超多膏💕，鮮甜味美，中意食海鮮既我地不停口。另外，每位會送上兩隻如手掌般大的日本室津刺生級生蠔。雖然生蠔不設無限供應，有少少失落，都冇辨法，因疫情要為確保食物安全衛生。唔知係咪我唔好彩，食左一兩隻都有少少沙。不過朋友們都話食唔到有沙熟食一樣款式好多，又好味。今日有兩款精選烤肉，烤西冷扒同鹽焗三文魚。西冷好juicy，烤到剛剛好，少少嫩紅。特別推介男女老幼都岩飲既燉湯。蔘鬚紅棗圓肉燉赤肉👍🏻💗足料靚湯，一定要飲多兩碗。最欣賞帶小朋友嚟都唔怕佢哋唔啱食，因為特設兒童專區，超可愛既迷你版漢堡🍔，薄餅🍕，熱狗🌭️，連我都忍唔住要食返件。自助餐必食既甜品一樣唔少得。甜品整得好食，蛋糕🍰好多款，仲有雞蛋仔，格仔餅等等有師傅即時製作，新鮮好味，推介肉鬆夾餅喔!仲有6️⃣款Mövenpick雪糕🍦仼你食。鍾意食果汁雪條既朋友留意🛎有4款創新口味的自家製雪條，包括仙人掌、釋迦、無花果

好耐冇食過自助餐，小朋友就最like食buffet, 所以趁前排放假疫情稍緩之際趕及同佢近近哋食返餐而沙田萬怡酒店的MoMo Cafe就啱哂我哋。🙏😍 。 佢哋海鮮特別多😆， 有蝦、有龍蝦、有蟹、有蜆、有螺、有青口、有瀨尿蝦、仲有生蠔，新鮮刺身有三文魚、希靈魚、醋青魚、八爪魚、鯛魚、魷魚仔， d海鮮刺身包羅萬有，如果鍾意食海鮮或者冷盤嘅朋友就係一大喜訊，因為又多又新鮮，分分鐘食完冷盤可能已經飽咗一大半; 對食肉獸+湯怪亦都有照顧到，有烤西冷扒、烤肉眼扒、鹽焗三文魚, 燉湯「蔘須紅棗圓肉燉赤肉」等等...... 應有盡有，不能盡錄, 小朋友😍d甜品就有Mövenpick雪糕、自家製雪條 (仙人掌、釋迦、無花果、蜜瓜) 創新口味、西瓜黑白雜果凉粉、雞蛋仔、豆腐花、各款蛋糕，呢度d甜品整得又靚又創新同埋又好味，甜得嚟又健康，例如無花果、釋迦自家製雪條，喺其他地方我就未見過有。⚠️ 提提大家，為加強衛生防護措施: 賓客夾食物時要戴口罩😷

好耐無食過buffet 啦～見呢度做緊海洋主題buffet，價錢又唔貴，咁另一半又係海鮮控，所以就去試吓。真心估唔到可以以呢個價錢食到咁多海鮮，質素仲幾好添～當晚去到就有好多款海鮮🤩必食熟蝦、龍蝦、羔蟹、鱈場蟹腳、瀨尿蝦、藍青口，等等。。龍蝦大大隻，啖啖肉之餘又好多膏🦞鱈場蟹腳又超勁咸鮮🦀不得不提嘅係，入座後餐廳會為客人送上每人2⃣️大隻日本室津刺生級生蠔🦪肥美之餘，海水味又重😋刺身就有三文魚、希靈魚、醋青魚、八爪魚、鯛魚、魷魚仔等。三文魚都好肥美🤤每日精選烤肉有烤西冷扒、烤肉眼扒、鹽焗三文魚及蕉葉紅魚等。最令我”wow”嘅係，三文魚肉超滑同多汁，一d都唔柴，唔知仲以為係慢煮😆另外，羊架都係必食‼️肉質鮮嫩但外皮香脆，因為羊架係被松露野菌麵包糠包住烤原來依家每晚7點都設有現場烹調環節，不時轉換及輪流供應不同食品。咁啱當日就食到師傅即埸整，以半個芝士上嘅黑松露意大利飯 ‼️啱曬身為芝士控嘅我食完主食又點少得甜品呢～除咗基本嘅甜品吧，仲有即時製作嘅雞蛋仔同格仔餅，整緊嘅時候，全場都聞到好香😙而冰品方面，除咗6款Mövenpick雪糕之外，仲提供4款口味創新嘅自家製雪條（無花果、蜜瓜、血橙及石榴）🍧

職員有禮貌食物豐富有我喜歡吃的燒味中湯都好好飲飲品任飲餐廳光猛大玻璃窗對住街景好舒服牛扒好正夠生甜品多款白酒好好飲好濃的提子味中午海鮮有長腳蟹另外熱食款式足夠居然有幾款茶樓點心

平時湊仔咁辛苦，硬係要約下朋友出去輕鬆下~湊巧 #沙田萬怡酒店 #MoMoCafé 新推出「盛夏海鮮薈萃自助晚餐🦐🦞🦀」真係吸引到我，Openrice預訂仲有7折優惠添呀💛。年紀大咗食唔到好多肉類/澱粉質，但食海鮮我就多多都食到😝😝。呢度環境不錯，座位亦好鬆動，坐得好舒服👍🏻。用餐時間有4小時，啱晒三五知己邊食邊談天說地慢慢嘆😌。講番個buffet先，海鮮種類真係好多，除了每晚供應12款 #海鮮，包括波士頓龍蝦、琵琶蝦、加菲蟹、法國羔蟹、鱈場蟹腳、帆立貝、瀨尿蝦、藍青口、熟蝦、蜆、黃金螺及東風螺，每樣都好新鮮✨! 仲有有如手掌般大的日本室津刺生級生蠔，非常鮮甜肥美🤤。不過酒店為確保食物安全衛生，生蠔則不設無限供應，只做位上兩隻🦪🦪。另外仲有新鮮 #刺身🍣(三文魚、希靈魚、八爪魚、鯛魚等) 、Salad bar、各式火腿、仲有我喜愛的芝士配脆餅呀~除了冷盤吸引，熱盤亦有好多選擇，有香口南乳焗雞球、松露野菌烤焗羊架、鹹菜唐芹浸沙白、脆炸魚柳配南極紫晶藻他他汁，昆布紅燒肉烤西冷扒、各式燒味、即叫即煮的粉麵區🍜南瓜甘筍忌廉湯、足料 #蔘須紅棗圓肉燉赤肉仲有兒童區提供各款輕食包括迷你Pizza

喵奴好愛食buffet，所以成日都會物色酒店自助餐。要喺質素高同價錢抵之間要取得平衡，就不妨考慮吓沙田石門嘅 Courtyard by Marriott Hong Kong Sha Tin。有多款海鮮提供，包括呢12款海鮮：波士頓龍蝦、琵琶蝦、加菲蟹、法國羔蟹、鱈場蟹腳、帆立貝、瀨尿蝦、藍青口、熟蝦、蜆、黃金螺 及 東風螺，好新鮮好Juicy，包你話正！最重要嘅生蠔當然唔少得啦！每位賓客可享有好似手掌咁大隻嘅日本室津刺生級生蠔 2隻 ，好大好鮮甜呢！刺身雖然係常見品種，但質素都有保證㗎。呢度嘅熟食都好足㗎！唔會驚餓住肚皮走。燉湯有蔘鬚紅棗圓肉燉赤肉，好足料，非常滋潤，有蔘味，但唔會苦，因為有紅棗圓肉混合，所以覺得好甘甜。平時喺屋企好難煲呢啲燉湯，所以我忍唔住飲咗兩碗呢！7點有現場烹調環節，靚仔主廚就為我哋即席表演 黑松露意大利飯。甜品有6款Mövenpick雪糕，仲有自家製雪條，有仙人掌、釋迦、無花果、蜜瓜4款創新口味，飯後食到咁清甜可口嘅雪糕同雪條，仲有香滑嘅豆腐花同肉鬆pancake等甜品，真係為呢場自助餐畫上完滿嘅句號呢。走個時我都要遮遮掩掩，驚俾人以為我「又」大肚呀。為咗加強衛

非常失望!7月份老婆生日嚟沙田萬怡食什麼海鲜自助餐，龍蝦，長腳蟹，琵琶蝦全部好似食柴咁，大部分食品都無添加，唯一服務員收碟好快要讚!其實真係無話可說，相都唔使影。