MoMo Café

Open Now

Now Closed

因為呢排冇得去旅行，我就住下酒店當去緊旅行🤣咁啱酒店有提供送免費早餐服務，我就去試吓啦因為疫情關係，早餐改為半自助形式，不過都好夠食，正常嘅沙律、芝士餅乾、車仔花、窩夫牛角包麵包等等，都係可以自己拎最推介點心盤嘅馬拉糕、雞粥、班㦸不過呢，有日就發生咗啲唔係咁開心嘅事……事緣我見佢個甜品櫃入邊有啲小甜品，冇標價錢嘅，咁我就好奇問吓係咪攞得㗎啦（嗱，我係好有禮貌好客氣咁問㗎，我有加請問㗎），點知個職員就好不屑咁話：要俾錢㗎😒一句收我皮，我果下真係都嬲嬲地😡要俾錢唔係問題，但佢嗰副狗眼看人低嘅態度真係令人火都嚟，要知道這在酒店Cafe，不是在澳牛，以前讀書做M記pt嗰陣，經理都有教我地禮貌啦，堂堂酒店的餐廳員工竟然連M記員工都不如🤷🏻‍♀️雖然都已經即日打電話反映番，但係都係好唔憤氣……總而言之，提醒大家甜品櫃裏的甜品：什麼紅豆糕、桂花糕、切餅、啫喱等等都是要付費的，幾錢我就唔知啦

上網見到沙田萬怡酒店MoMo Café有新主題「盛夏海鮮薈萃自助晚餐」好吸引！即刻book位同老公亞女試。有12款海鮮，有波士頓龍蝦琵琶蝦、加菲蟹、法國羔蟹、鱈場蟹腳、帆立貝、瀨尿蝦、藍青口、熟蝦、蜆、黃金螺及東風螺。除左甜品，仲有自家製雪條，有石榴、血橙、無花果、蜜瓜4款口味，款式特別，好重生果味，好岩夏天消暑！生蠔係日本兵庫縣窒津刺生級，每位大人有兩隻，入座後會送到枱上，生蠔新鮮肥美🤩🤩。仲增設現場烹調環節， 每晚7點開始，而且不時轉換及輪流供應添。而當日就有原黑松露意大利飯，廚師刨黑松露相當治癒！有我最愛既燉湯「蔘須紅棗圓肉燉赤肉」非常足料，入口甘甜，又滋潤！刺身有三文魚、希靈魚、醋青魚、八爪魚、鯛魚、魷魚仔等。每日精選烤肉有烤西冷扒、烤肉眼扒、鹽焗三文魚及蕉葉紅魚。餐廳加強衛生防護措施，大部分食物由師傅夾、賓客夾食物時要必需品戴口罩。

諗住有折就試下呢間自助餐，見佢咁平都無咩期望架啦。但無期望下都覺得失望....今期佢個主題盛夏海鮮薈萃自助餐，但佢啲海鮮少得可憐，每轉龍蝦既數量都好似配給，行慢一步都比人攞哂.....佢聲稱有既鱈場蟹腳同帆立貝，我由頭到尾都未見過.....仲有食食下突然打鑼打鼓，以為有咩好嘢推出，原來係生菜包，我分到既肉碎少得可憐....唔知係咩肉要咁矜貴.....

今個月同班朋友聚下，想去酒店食個buffet,今次主題係盛夏海鮮薈萃自助晚餐，好彩早少少book jor，都好full海鮮朋友至愛，都有不少選擇，有波士頓龍蝦、琵琶蝦、加菲蟹、法國羔蟹、瀨尿蝦、藍青口等等，佢特別讚龍蝦話好厚肉，又多膏，而且很夠凍，好海洋氣息。我愛食熱盤，今日精選烤肉有烤西冷扒、鹽焗三文魚，我超愛牛，必食，廚師切開西冷扒，見到肉色嫩紅，吃起來肉質鮮美，滑口，肌理纖維夠嫩，不過熟，呢個熟度我至愛，肉汁豐富，輕輕點上黑椒汁，很惹味。仲有我喜愛燉湯，蔘鬚紅棗圓肉燉赤肉很甘香，湯料豐富，蔘味濃郁回甘，沒有搶走紅棗的圓肉的清甜，加上有肉粒，湯很清甜又夠滋潤。其他熱盤都唔錯，朋友讚松露野菌包糠烤焗羊架很香又鮮嫩，南乳焗雞球香脆可口，惹味，沙白蜆很鮮甜肉厚，夠大隻，正。仲有兒童區食下burgers,細細件容易食，都好食wor,仲有迷你夏威夷薄餅，唔錯。見到仲有中式糖餅區，芝士輕食區都有不少的選擇。聽到打鼓聲，原來有現場烹調，今日係西瓜黑白雜果凉粉，白涼粉是愛玉，色彩繽紛，加入西瓜汁很消暑。甜品好豐富，有Mövenpick雪糕以及全新推出的自家製雪條，今日有無花果、蜜瓜、石榴、血橙，我

11點50分已到達沙田萬怡酒店，大約十零人在排隊等候，12點正就安排左近窗邊既座位~當然大部分人一開始就進攻凍海鮮類~而我就見無人拎點心，就拎左碟燒賣，蝦餃，金錢肚同蒜蓉蒸鮮魷~賣相就同平時酒樓無咩分別，至於味道都算唔錯，金錢肚好淋，燒賣都好多蝦彈牙，蝦餃皮唔算太厚，鮮魷就中規中舉啦～熱盤選擇唔多，所以無咩試~食左幾條多春魚，唔夠熱一般般~熱盤隔離係兒童區，有一點炸物，芝士通粉，糖果咁~到海鮮方面，蟹鉗比較細隻，鮮味唔係隻隻有，但大部都ok既~食到中段，無啦啦聽到打鼓聲，原來係乳豬出爐，因得一隻，比較多人排隊，想食既朋友就記得留意打鼓聲，小妹有幸排到兩舊，一個字，正~勁脆同多肉唔肥~到甜品方面:選擇唔算好多，但有雞蛋仔，窩夫，葡撻，同一d蛋糕~雞蛋仔有驚喜，外脆內軟~葡撻都唔錯~至於雪糕方面係movenpick，有4至5種口味~我咁啱出去拎甜品，就見到上焦糖燉蛋，見出爐只有10個~所以想食既朋友，記得留意喇~總括而言，價錢$246.5，以自助午餐都算ok既~但有樣做得唔係咁好，就係收碟比較慢，希望會改善啦～

閉關左好耐係時候要出黎活動返最近就同朋友們去左沙田萬怡酒店 MoMo Café 試左佢地最新推出的西班牙伊比利亞黑毛豬自助晚餐🍽不單有廣式明爐燒得香噴噴的黑毛豬蜜汁叉燒🐖；仲有脆皮黑毛豬肋排同蜜椒黑豚肉等，利用不同中西烹調手法去呈現黑毛豬的油潤甘香，肉嫩多汁🤤 記得唔好錯過燒西班牙BB乳豬‼️卜卜脆的皮加上肉質嫩滑真係超正👍🏻 廚師推介既老火燉湯都非常值得試，舞茸合桃燉赤肉、猴頭菇蓮子燉赤肉、姫松茸腰果燉赤肉每日輪流供應，每碗都加入黑毛豬非常足料！當日係姫松茸腰果燉赤肉，火喉十足清香鮮甜又滋潤🥰除左主題的黑毛豬外，自助餐當然唔少得凍盤，波士頓龍蝦、肥美生蠔🦪、藍青口、鱈場蟹腳、法國羔蟹🦀、熟蝦🦐、蜆、黃金螺等冰鎮海鮮，彈牙爽口、鮮甜美味☺️ 刺身則有三文魚、希靈魚、八爪魚、鯛魚、魷魚仔、北寄貝、甜蝦等樣樣新鮮兼肥美甜品方面，除左多款蛋糕外🍰仲有雞蛋仔、葡撻，我就最鍾意食現場即製法式薄餅配Mövenpick 雪糕🍨 邪惡但真係好好食😋而家仲有限時折扣優惠，快d約埋成班朋友齊齊去食大餐！

2細佬和老公同是六月生日,見疫情放缓,於是諗住食下自助餐,原来星期一至五取消了,只得星期六日才有自助餐供應.進去時,發觉大部份客都是酒店現有住客,开始觉得有中伏机会,所謂自助餐都不是自己可自由可取,就算給你可取,食物已經是一碗一碗等你去取,沒什麼可选择,牛肉粒像擦子胶,最大的算是車仔面檔,四百幾元一个人食車仔面？可能酒店都觉欠了客似的,每人送了2隻生蠔！所有食物都只可用差这个字去形容！無下次！

好耐冇食自助餐😅最近同朋友去咗食<MoMo Café>最近推出了<西班牙伊比利亞黑毛豬>為主題的自助餐🤤，自助餐不可缺少的當然是凍盤，已經預先分好了份量，有波士頓龍蝦🦞藍青口，鱈場蟹腳，黃金螺等海鮮，更有我至愛的🦪生蠔🤩。熱盤亦有廚師👨‍🍳幫你爽，黑毛豬主題，點少得燒得香噴噴的黑毛豬叉燒，更有脆皮黑毛豬肋排及蜜椒黑豚肉等。。。老火燉湯亦都選用黑毛豬，用料十足👍🏻最令我回味無窮，必定是西班牙燒乳豬🤩，卜卜脆的皮，加上肉質嫩滑，千祈唔好錯過🥴🍮，甜品方面，有Mövenpick 雪糕🍦，及多款蛋糕🍰雞蛋仔，葡撻，現場即製法式薄餅等。

好久沒有吃自助餐，約了朋友近近地就去沙田吃自助餐，因為朋友住上水，以前好耐試過這間酒店吃自助餐，也不錯，但今日去，而且有特價，就去試一下，點知水準下降，先說凍海鮮，龍蝦吾新鮮，取了一第轉已經無哂，第二轉只添加了8隻，又比人取完，跟著酒店已經沒有再補上龍蝦，去燒味部取燒味，义燒乾丶雞又吾靚，再去取熟食，選擇少至於，d牛肉煮得過熟，咬唔開，最後甜品，杏仁茶溝了水咁，淡而無味，全晚只有三文魚剌身和生蠔(生蠔每人限二隻)和雞蛋仔最好味，468元一位，尖沙咀好多選擇，不會再有下次。

MoMo Café推出「伊比利亞黑毛豬」自助晚餐！咁正嘅主題無理由唔約朋友「刷番餐」😂😂😂✌️✌️。令我回味無窮嗰隻西班牙BB豬，真係食完會成晚都講住😋😋佢嘅嫩滑肉質同味道，💯😋令人回味再回味囉！而🇪🇸 Jamón，片片鹹香油潤🍷啖啖甘香😋👍。仲有豐富嘅冷盤熟盤，海鮮🦞🦐🐠🐟🦀⋯⋯剌身同生蠔🦪食自助餐就一定唔少得！幾個朋友仔都話新鮮、抵食、好食✌️✌️✌️✌️。我就最鐘意飮呢度嘅燉湯，今晚係火喉十足👉👉「姫松茸腰果燉赤肉」勁滋潤。甜品方面，蛋糕切餅、即製法式薄餅、港式雞蛋仔通通都好好味，加埋有六款盒裝Mövenpick 雪糕任食，大家都超級滿足😋😋😋😋😎。呢個「伊比利亞黑毛豬」自助晚餐，只係逢五、六、日及假期供應，而家仲做緊折扣優惠$468/位，真心抵食！

滿心歡喜諗住食下週末自助晚餐， 真係超級失望， 龍蝦完全冇味， 蟹腳分好一份2條甘拎，拎到超冇癮，又好咸。 熟食類野食幾款差過快餐質素，甜品又少款， 真係好失望，所謂的週末自助真係好差

沙田萬怡酒店最新加開星期六,日超值自助午餐,2佰多元已包加一享受4星國際海鮮美食,長脚蟹鱼生熱葷中西美点且沒有將貨就價,本人特別推介燒牛肉嫩滑無比肉味香濃,更有中式点心如小籠包,蝦蛟美味非常超越四星級數.除食物有水準外,在此疫情期間客人用餐坐位安排也很專業周到,食物到取也有專人安排讓客人食得安心.餐廳服務員的團對精神也值得一讚,見他們須然忙於收拾枱面餐具但仍面帶笑容,團伙之間也互相幫忙,工作勤快!抵讚!今次用餐我非常非常賞心滿意!

今日同屋企人黎到石門Marriott食lunch buffet補祝母親節. 原本喺我地嘅家庭聚會”飯堂”大學站間Hyatt食中菜, 但突然喺fb見到Marriott勁折就黎試下, li度都有free parking 2hrs的(HKD500 spending).🍽Table 7 🤩12點準時入座, 見到張枱實在驚喜, 酒店安排左窗邊張十人大枱, 周圍以一條條木組成間隔, 好有自成一角嘅感覺, 下次都想book返7號枱😛.🍽疫情期間buffet食物由廚師👨🏼‍🍳放上碟, 其實更加衛生之餘仲可以唔使被夾到面目全非👏🏻. 雖然增加左workload, 但個個都好nice好主動推介食物. 第一round我食左個炸到好脆嘅牛肉...骨, 唔記得係咩了, 咬落外脆肉嫩勁高汁. 隔離有大大件燒西冷扒, 竟然encore多一塊, 事關生熟程度完全合哂我”合尺(何車)”, 肉質好鮮嫩呢. 🍽冷盤嘅海鮮我食左松葉蟹腳, 海蝦, 蜆. 當中松葉蟹腳同海蝦非常新鮮啲肉一下就起得到, 醎度又適中. 可惜就食唔到龍蝦鉗, 原來第一round見到就要拎了(小tips), 因為次次出去睇下都係清哂嘅😂.🍽中式食物方面

Came to MoMo Cafe to celebrate Mothers day.  Like all buffets, the varieties offered was astounding.For the many who likes dim sums.  MoMo Cafe offered a wide selection of traditional dim sums.This slab of roasted beef ribeye was extremely tender and juicy.  I just kept asking for the guy to cut me a thicker slice.Rows of food.  Pic speaks for itself.  And if u want some cantonese noodles, here you can mix and match yourself.  Very fun.Veges and cold appetizers and stuff.  I'd skip this to leave

酒店採用了時令特色主題，時刻制造驚喜，打鑼打鼓推出特色小食，多款各地特色冷熱食品，如南亞特色㗎喱，日式壽司刺身卷物，港式特色燒味，蒸煎炸類生蠔，清蒸海鮮等等，但我覺得他們的甜點最吸引，選擇性還很多呢！