旺記冰室 (大本型) (Closed)

今日約左個喺觀塘返工嘅朋友食飯，小編就喺東區放工，大家都肚餓所以就諗住搵個中間點醫一醫肚先。小編想試左旺記個滑蛋飯好耐，又知道油塘最近開左間旺記，地點咁啱我地所以就拉埋朋友去食。旺記開左喺大食代門口，好搶眼。本身以為係坐foodcourt枱，原來佢地係劃開左自己一間舖嘅座位。入面D枱櫈唔會好迫，有D卡位，同埋有bb櫈方便居民帶埋小朋友落黎食飯。小編冇乜做research就黎左旺記，發現原來仲有好多其他好吸引嘅野食，見倒個menu諗唔到揀咩好。本身都想試下個烏冬，但諗住一場黎到食，都係揀返自己一路想試嘅滑蛋飯。其實一路都想試叉蛋飯，點知見menu冇，上返openrice見到d人講話18:00前先有得食，傷心左幾秒，只能怪自己冇做好research先黎食。好彩都有小編其次鍾意(配滑蛋飯)嘅蝦揀。好多野食選擇，唔怕唔啱心水。小編嘅飯黎到喇！好靚好吸睛 仲有好多蔥，啱哂小編呀！果然唔係浪得虛名，真係好好食！個蛋一片好整齊咁蒲上面，整得好均勻，唔會一度好薄一度好厚咁。個䜴油menu上面寫話係間舖特製嘅，少少甜，唔會太咸，果然係好夾個蛋同飯。啲蝦亦都好大隻同好新鮮，夠爽口，唔會霉。真係好滿意 料固

今日第一次試過芝士西多士就奶野，我唔知佢會自動加埋糖漿。我問佢，佢仲係到串我。話要事先講走糖漿。其實我勁想換左去，我未見過成碟糖漿的西多士，撥走哂都好甜，之後個阿姐問我仲要唔要，佢係甘大力搖個碟。差d d 糖漿去左我件樓，我用佢d 薄紙dull 住，仲要冇哂紙巾，手dirty 左，褸都有d, 食完仲要all, 貼錢也不去呀.....

油塘大本型裏面有好多食肆，更加有一個food court，云云餐廳之中，同朋友到呢間旺記冰室食午餐，叫左自家製叉燒日本滑蛋飯配熱檸茶（$56）同鮮薑汁豬膶鮮雞湯通粉配鮮牛油麥包多士加4.3牛奶炒日本滑蛋同熱絲襪奶茶（$46）。叫咗大概5-10分鐘左右已經開始上菜，上菜速度非常之快。首先試左自家製叉燒日本滑蛋飯，滑蛋滑嫩，呈半生熟狀態，雖然話有加入牛奶，但可惜奶味唔夠突出，叉燒都肥瘦適中，配埋豉油蔥花，表現中上。薑汁豬膶鮮雞湯通粉，薑汁配通粉的配搭好有趣特別，湯底飲落去有淡淡嘅薑味，而通粉軟硬適中，豬膶一啲都唔乾身，食落唔粉，反而有鮮嫩口感，好食～除餐配有日本滑蛋同牛油麥包多士，$46 來講算係抵食之選！最後要讚一讚絲襪奶茶，茶味夠香濃，奶茶口感夠柔滑，確實係配餐之選！

又黎食旺記冰室喇！佢個蛋包飯真係食極都唔厭。每次都餓到打晒鼓時就會諗起佢個飯。大大碟好滿足今晚黎食晚飯，原來晚市已經無晒叉燒蛋飯，我就只好叫牛肉滑蛋飯啦！估唔到一樣咁好食喎！一黎到，大大碟，賣相已經好討好，仲聞到陣陣甜豉油香味。牛肉都比得幾慷慨，基本上每一口飯都會食到牛肉、滑蛋、同埋好香既蔥！飯量都算多，如果鍾意豉油撈飯，仲可以同佢講多豉油，佢啲豉油係秘製架第二度食唔到！其實50幾蚊有個大大飯餐，真係幾唔錯！

旺記冰室的滑蛋一向出名，每間分店都時常要排隊，今次去油塘店非常好彩，等了幾分鐘就可以入座。我平時一定會叫叉燒滑蛋飯，但原來油塘店主打不是叉燒而是牛肉，可惜我不吃牛，點了其他餐食，味道都很好，份量又大份，食得很滿足。午餐肉蕃茄通粉的午餐肉大大粒，啖啖肉的口感很開心，炸過很香口，外脆內軟。湯的蕃茄味很濃郁，通粉彈牙有咬口，而且不易發脹。多士是厚切麥包，烘過加了牛油，麵包邊香脆，牛油味很香。滑蛋很好吃，不是全熟帶點流心效果，蛋味香濃，是用日本蛋，顏色比平時食的蛋更加金黃色，最喜歡它的油味不重，外面的餐廳會落很多油煮滑蛋，食得到滿口油味感覺很油膩又不健康，但旺記沒有這個問題。凍阿華田大杯，冰少，飲品份量跟食物一樣多。

晚上7點 老公問想食乜 心突然彈出想食旺記滑蛋飯上次食過叉燒+蝦滑蛋飯 已經覺得好好味所以好想返黎再食上次星期六 lunchtime 黎食，要排大概20分鐘今日星期日7點 反而冇乜人 黎到就即刻有位了位置比較公開，於大食代內如果坐出面的話，街外人輕易望到枱面食物。本來是想吃叉燒滑蛋飯，但原來是限時供應唯有試試滑蛋牛肉飯，普通凍飲加$3，我嗌龍鳳檸檬可樂加$6，頓時覺得好抵飲。老公就嗌午餐肉蕃茄湯通，加$2轉凍檸茶滑牛都好食，但對比叉燒，還是覺得叉燒好食個豉油鹹甜配得岩岩好，好開胃我竟然可以食哂全碟飯!!老公個午餐肉蕃茄湯通，午餐肉是炸過的，外脆內軟，蕃茄湯味濃郁。我諗我好快又會再黎食過

我之前喺灣仔食過旺記之後就一試難忘，估唔到佢都有唔少分店。今日，我就黎左位於油塘大本型三樓foodcourt 入面既旺記冰室食晚餐。放工黎到呢到7點幾，都幾多人。打開餐牌，見到好多菜式都有滑蛋，見到都心心眼啊。我最鐘意就係食常餐，所以我就毫不猶豫咁揀左鮮忌廉雞湯鮑魚火腿絲公仔麵跟多士同滑蛋。佢既多士係用麥方包做既，烘到好香脆，亦都好有牛油香。至於滑蛋，簡直就係一流，佢個滑蛋超嫩滑，蛋味香濃。至於湯麵方面，佢既湯都唔錯，下次可以encore呢個常餐！飲品方面，我見呢度有得揀鮮薑汁奶茶，都幾特別，係出面茶餐廳少有既選擇。我覺得冬天飲呢個飲品好好，好暖胃，而且感覺幾健康今餐連埋野飲食左$50，正常茶餐廳晚餐價錢，但食物係超水準，正！

有時weekend同屋企人想簡單咁食個午餐/下午茶，茶記當然係首選，不過附近無乜選擇，只有兩間貴得黎唔值嘅，而家終於有多個選擇啦！雖然要排一陣隊，但可以接受，我地三個人被安排坐四人卡位，一坐低即刻研究食乜。今日特餐係三蔥豉油雞扒，望一望隔離檯，舊雞扒同圖一樣，好大塊煎得好金黃，即刻拍板！另外，仲叫左個滑蛋叉燒飯（午餐限定）同豬潤通粉，再加5蚊轉奶油豬，呢個幾欣賞，之前係其他茶記，多士係無得轉，只可以另外比錢order，而家加5蚊就食到，感覺好抵😆

由於午餐吃的份量不多，未到五點鐘已經有點肚子餓，所以決定早一點吃晚餐！星期六晚上最怕排隊等候，早一點出門也是好事，今天又想試一試新嘢，期待可以一嚐出名的滑蛋叉燒飯，所以盡趕18:00前落單！可惜！可惜！侍應說今天一早賣曬叉燒☹️☹️店長明知道受歡迎，是否考慮在星期六日供應多一些！侍應說叉燒改為「 午餐肉」，在失望下無奈地說ok!蝦仁日本蛋飯：比想像中好吃，可能是色香味俱全，滑蛋成為一張柔軟的被，全蓋在白飯上，飯的底部是甜豉油，再配上爽口🦐，特別覺得好味日本滑蛋午餐肉蝦仁飯：成個蛋糕球配上正方形的午餐肉，視覺效果及口感也不錯！

今日同朋友放左工，近近地搵左食旺記冰室(油塘區)。本身係灣仔分店食過王牌餐「叉燒．蝦仁雙併日本滑蛋飯(午餐)」，每次去到排曬長龍。朋友未食過，就帶佢黎試下！餐廳內外今次黎到油塘餐廳既旺記冰室，佢位於大本營Food Court大食代入面。因為黎到既時候六點幾，唔太多人。食物選擇晚市選擇唔多，但岩我胃口就得滑牛肉．蝦仁雙併滑蛋飯 $58 (包飲品)今次試下新野，揀左「滑牛肉．蝦仁雙併滑蛋飯」，同埋豬扒炒蛋印尼雙撈麵。兩個都份量十足，滑蛋飯色澤不錯，汁唔會太多。滑蛋熟度岩岩好，口感好滑，不過牛肉稍為遜色，有啲韌，但勝在細塊，咀嚼幾啖就可以呑入口，蝦仁有兩三粒，幾大粒幾爽口。豉油點少得！原來係餐廳自己秘製，帶少許甜，令個飯唔會太乾，又唔會太咸。豬扒炒蛋印尼雙撈麵　$54(包飲品)至於豬扒炒蛋印尼雙撈麵，配搭雖似簡單易整，但豬扒炒蛋要整得好食，都好考廚師功夫。豬扒很juicy，厚身，但都好易入口、唔韌，炒蛋幾滑。印尼撈麵可能攤左幾分鐘都未食，比較乾身，微辣，如果多少少汁就會好啲，或者建議上完菜即刻食，唔會咁乾。飲品--忌廉梳打同熱忌廉咖啡野飲都有其他選擇，如果過 $16既野飲需補上差價，其他唔洗

香港愈開愈多冰室，而且啲名都好易令人地混淆，因為太似，但有一間一直係我個List入面好想黎試，就係「旺記冰室」，人氣超勁！次次中午時分都爆哂棚，同友人特登揀左油塘分店，加上早來，避開要等位既繁忙時間。環境其實幾搞笑，呢間分店唔係獨立一間，而係位於係Food Court「大食代」入面，不過都係以獨立一間餐廳咁經營，唔係Food Court得個Counter買野食果種。坐位十分寬敞，一定坐得舒服，仲有開放式廚房添。餐牌晚上主要得11款選擇，估唔到Dinner都有做晚餐，以人氣冰室黎講，佢其實可以只做單點，但咁高人氣照樣有set，相對上抵食好多。滑牛肉．蝦仁雙拼日本滑蛋飯(包熱飲)　$58有啲唔開心，其實一心最想係試佢個叉燒滑蛋飯，點知……原來叉燒滑蛋係18:00前先供應！18:00後係供應滑牛肉滑蛋，唉……咁都冇辨法，就叫左個雙拼，滑牛肉拼蝦仁滑蛋飯，同埋包餐飲，都唔算貴，包熱飲，凍飲加$2，又或者$16以下既飲品都唔洗補錢(主要係汽水)。食物好快上枱，幾靚仔，全碟色水唔錯，滑蛋覆蓋哂飯底，上面佈滿滑牛肉，蝦仁就有大約3-4隻，先食一口滑蛋，蛋身做至7成熟左右，唔算好生，偏薄身，味道岩岩好

之前其實有食過早餐覺得無咩特別😑但聽人講最招牌係佢個滑蛋叉燒飯，今日專登又來試過。一上菜首先個份量幾驚喜，滑蛋做得幾好，叉燒唔柴，但杯奶茶同上次一樣，都係略嫌淡左小小整體而言ok la

油塘大本營大食代food court重新裝修，引入了新餐廳，旺記冰室是其中一間，排隊等候入座都尚算快。開放式廚房一目了然，員工都好快手又有禮。早餐價錢同大快活個啲唔會差好遠，起馬有人拎比你又唔駛揾位。本人覺得好過太興添，總體來講唔錯既，豬潤好食過深水埗，滑唔會硬，淨係個面已經好食好多。下次試下招牌叉燒炒蛋飯。

滑牛肉·蝦仁雙拼日本滑蛋飯 $58晚市時間黎到已經無左叉燒滑蛋飯 退而求其次試下滑牛蝦仁雙拼💁🏽‍♀️無誇張 牛肉真係好滑 完全唔會韌 蝦仁大隻且爽脆🍤雖然啲飯煮得偏乾 幸好混合蔥花既滑蛋富蛋香 亦夠滑 撈埋旺記秘製既甜豉油都幾惹味😎.薑汁奶茶 +$4平時好少會有得飲薑汁奶茶 貪得意就嗌左杯黎試 平時飲熱奶茶都唔會落糖 但呢杯唔落糖既話會覺得奶茶同薑汁融合唔到 所以都建議可以落少少糖 會好飲啲😛.評分：8.5/10

以前經常來油塘大本型的food republic醫肚，自從今年六年進行大裝修，便一直沒有再來了。聽朋友說原來已經裝修完畢，所以今日便去看看有什麼新餐廳，吃個午餐~ 一到大本型三樓，從遠處已經見到旺記冰室，是裝修後的新餐廳，從外面看，感覺很開揚，很乾淨企理的裝修。在餐廳外看了一看餐廳，價錢很平民，所以沒有多想便入座了。由於今日較早吃午餐，未到繁忙時間，所以人流不多，無須等候，由店員安排入座。一般冰室的舖內面積都擠迫，坐得不舒服，而且感覺很不乾淨，而這間冰室大不相同，座位舒適，出入的通道也闊落，感覺得乾淨，可以舒服地用餐，這間餐廳徹底改變了我對冰室的感覺。每張枱上都放有餐具，餐廳還很貼心地提供紙巾和牙籤~食物款式大多與一般冰室相似，但這間餐廳很貼心地提供了英文版的餐廳，方便外藉人士點餐，很細心! 蕃茄、滑蛋和餐肉都是我最喜愛的食物，當我看見這個喜愛食物鑯三角，就會立即落單!! 所以今日點了一份(午5)特濃蕃茄湯午餐肉粒通粉配鮮牛油麥包多士和4.3牛奶炒日式滑蛋($50)，而餐飲則點了熱華田~ 華田的甜度很合適，不錯~特濃蕃茄湯 午餐肉粒通粉份量足夠，餐肉粒煎得表面很脆，亦不會很油，而湯底的