旺記冰室 (大本型) (Closed)

係油塘商場嘅3樓food court 居然有咁平靚正滑蛋飯！！之前見好多朋友食旺記叉燒滑蛋飯，搞到我經過都忍唔住入去試下！估唔到呢間旺記裝修咁四正，光猛整潔，統一用木元素，幾靚～同我想像中嘅冰室好唔同😂😂夜晚去到先知冇叉燒，唔緊要，點左蝦仁滑牛肉雙拼滑蛋飯 $58 送熱飲。首先，上菜快！其次，份量十足！大大碟飯，上面鋪滿牛肉同蝦！最後，好味道！！佢地滑蛋全部選用日本雞蛋，食落真係好想好滑，同日本餐廳d 滑蛋飯嘅滑蛋有得揮！真係覺得佢地滑蛋好出色！牛肉入味，又夠厚身，保留到牛肉質感同味道之餘又嫩滑！我鍾意佢地嘅牛肉唔會用鬆肉粉醃到冇曬牛肉質感，佢地保留到牛肉嘅口感，份量都唔少，食到最後一啖都仲有～蝦肉份量都ok，大大隻又爽口，唔會有雪味～係要夠鍋氣先做到！不得不提，佢地嘅甜豉油底好正，只有最底底嘅飯同面頭部分滑蛋吸收到甜豉油，好夾，好想用甜豉油撈曬d 飯！牛肉鮮蝦滑蛋飯好味啊！下次一定要食到叉燒滑蛋飯！

自己一個食飯，又十萬火急趕住番公司做野，實在諗唔到食乜，就去左大食代揾飯開。一上到3樓，就見到旺記喇(๑╹ω╹๑ )、見到旺記出面有人排隊諗左陣排唔排好ʕʘ‿ʘʔ，但又幾想食個炒蛋飯，就決定排了！等左2 3分鐘門口嘅職員發現到我就問我幾個，原來有得即入😂😂😂本來心大心細想叫蕃茄出前一丁，好彩個職員提左提我係冇包同蛋(因為佢同個有包同蛋嘅餐放得好埋，可能feel到我get錯左喇(⁎⁍̴̆Ɛ⁍̴̆⁎) 最後諗都冇諗就堅決左滑牛肉 蝦仁雙拼滑蛋飯啦！個飯都算大碟啊！出面如圖所見舖滿左好多滑蛋😝😝 牛肉份量都算多啊！蝦仁就如餐牌3隻。 牛肉唔會話太熟，唔好好韌！ 蝦仁就幾爽口。飯底有啲甜鼓油(?) 任君選擇撈唔撈好食好食！奶茶就是正常吧！

期待咗好耐既茶記，滿心歡喜去食。首先講下個主角，沙牛麵，麵太硬，應該唔係用出前一丁但沙牛好淋同入味份量比較少！5/10分我好欣賞佢塊包，幫你搽埋牛油，唔洗自己搽咁麻煩，而且仲要係麥包👍唔會好硬身。蛋好香滑，炒得好好，不過如果再多啲就比較好。7/10分奶茶都有6/10分，正正常常接受到。

男朋友話油塘新開左間旺記，上次食過鰂魚涌果間分店，牛奶炒滑蛋印象比較深刻。油塘分店位於商場內的food count，早上10點幾去到，需排隊等位，不過等了5分鐘左右就有位了。4.3牛奶炒滑蛋 配多士餐配的炒蛋多士，一睇炒蛋嘅顏色，視覺上已經加分，係橙黃色架入口嫰滑，兼重蛋味！多士係用麥包，感覺好健康好貼心。特濃蕃茄湯午餐肉粒通粉男朋友點的餐，蕃茄湯底較杰身，味道濃郁，配上煎過的香口午餐肉粒，比想像中match！鮮忌廉雞湯鮑魚火腿絲通粉旺記的通粉是我最喜歡的有坑紋那種，份量也很多，不怕不夠飽。而且忌廉雞湯也很有誠意，是有點creamy的雞湯，咸度剛剛好。性價比高的冰室

今晚同屋主有班朋友到家飯聚，我這個外人為免奇奇怪怪，還是外出，自己食自己。沒有選擇在家附近吃，因為也想趁港鐵半價走遠少少，真的不遠架...只乘幾個站去油塘，很想逛逛大本型。來到大本型，食肆多得令人眼花撩亂，獨個兒就簡單啲，去foodrepublic啦！原來「旺記冰室」開到油塘...之前也去過太古和灣仔分店，印象不錯。冰室地方比另外兩間分店寬敞，設有一個開放式的大水吧區，有多張二至四人枱，還有舒適的卡座，而出入的通道也挺闊落，環境不錯。翻開設計精美的餐牌，每幅菜式相片都不禁令人垂涎，哈！分別有招牌日本滑蛋飯系列、健康麵豉湯讚岐烏冬系列、啖啖肉系列、配多士滑蛋系列，共十一款選擇。而飲品的選擇都好多。******************************雖然滑蛋飯是招牌貨，但我卻被野菜蕃茄麵豉湯讚岐烏冬雙倍野菜Mixed vegetables with miso tomato soup and udon double size vegetables ($56+$10)吸引了，野菜 是我最愛，哈！一上枱便聞到香濃的蕃茄酸香，又夾雜了麵豉的鹹香，好特別！仔細看看，原來是碗鴛鴦烏冬，一半是蕃

平時番工Lunch見到旺記門口永遠都排哂長龍一直都好想試下 但試過放假番去食都要排隊所以一知道佢開左新分店就即刻去 希望未洗排長龍好彩放工時間去到岩岩好 人流未算好多唔洗點等餐廳入面一邊係廚房，另一邊就係卡位同細台環境企理，裝修都唔錯，台面上仲有紙巾提供，好貼心同男朋友叫左一個飯同一個通粉分別係滑蛋牛肉飯同蕃茄午餐肉通粉滑蛋牛肉飯用既雞蛋係日本蛋 蛋味會重啲加埋牛奶一齊炒 半熟雞蛋仲帶住少少蛋汁 好味牛肉係用鮮牛肉片 塊塊都大大塊 而且肉與好淋唔老名符其實滑牛滑蛋飯！蛋上面同飯底淋左啲秘製既甜豉油係用左幾種蔬菜同日本調味料語製出黎甜甜地好好味 用黎撈飯一流呀蕃茄通粉既套餐會配埋炒蛋多士為食既我加左$5轉奶油脆豬個脆豬烘得岩岩好 脆得黎唔會太乾同硬仲keep到麵包既香軟 係我食過最好既奶油豬蕃茄湯既湯底好濃 甜酸適中而且湯入面仲有大量蕃茄蓉 夠足料難怪之前經過都見到好快賣哂！通粉用左坑紋通粉 足料既湯底會滲到每一條坑入面包保淡淡都食到蕃茄湯午餐肉切成丁方，大大粒表面仲炸到脆卜卜，好滿足！ 聽聞呢到中午先有賣滑蛋叉燒飯下次再試埋佢先得！

I rarely go to Yau Tong and even so, I didn’t expect I would find Mon Kee here! It was such a surprise when we wandered around this newly built mall (probably?) and accidentally found this chaa chang tang styled restaurant. It was around 1pm and people continued to line up in front of this tiny restaurant, owing to its fame of well-made local food. To me, Mon Kee is known for its creamy scrambled egg rice with BBQ Pork so I ordered one and give it a try. For $56 with a cup of hot lemon water and

今日黎左旺記冰室食午餐事源係睇到好多朋友係instagram介紹覺得好吸引先過黎試下冰室有嘅嘢佢都有好多選擇揀咗好耐先揀到今日下就既午餐最後叫咗芙蓉蛋飯好似好普通但其實一個好食嘅芙蓉蛋飯都唔易整㗎登登登登～芙蓉蛋飯賣相超級吸呀半熟嘅大大片既蛋上面有叉燒同埋蝦仁叉燒好香味道都好唔錯蝦仁都大大粒上面灑左少少蔥花一啖淡係咁食食唔停呀超級推介大家黎試一試呢個芙蓉蛋飯係我暫時喺香港食過最好味芙蓉蛋飯10分推薦 哈哈

之前有聽過旺記冰室嘅滑蛋飯好吸引、好多人食，咁岩大本型新開張，咁我就同朋友兩個人入咗去試下啦！雖然要等位，但唔使排好耐。店員速度非常之快，一坐低就有餐牌遞上黎。佢係開放式餐廳，不過個環境都算幾靚，裝潢不錯！「瑕不掩瑜」本身諗住叫叉燒滑蛋飯，但見到牛肉同埋蝦呢個配搭都幾吸引，最後就叫咗呢個喇。 牛肉好軟身，蝦仁爽口， 滑蛋有啲部分係未完全熟曬，撈埋佢個豉油汁其實幾夾。同埋有醬汁嘅濕潤，撈埋底果啲飯，成件事係好開胃！ 豉油汁唔係偏鹹嘅，反而係有少少甜，有啲似煲仔飯豉油，但又冇咁濃，可能係廚師自己調過，幾唔錯。 但美中不足係份滑蛋唔夠厚，如果有多少少蛋攞嚟配飯，就非常之理想喇！ 熱奶茶好濃厚，茶味非常夠，吞落去之後仲有回甘嘅茶味，好欣賞！最後要再重點讚嘅係，成間店舖嘅店員速度都好快！無論係煮嘢食嘅定係傳菜嘅都超級快！如果想拿拿林食完一餐嘅一定要去試！

新開試業，於是同朋友尼到食。鋪頭好闊落好光孟，感覺幾舒服佢同我食開的冰室有少少唔同，佢主要係通粉，碟頭飯；而我食開的主要係小菜不過有通粉都幾好!!我地見到餐廳表示雞蛋係來自日本，所以就叫左兩個有蛋的野食。我地叫左牛肉蝦仁滑蛋飯同豬排炒蛋撈麵豬排炒蛋撈麵，份量好大，夾起的麵都只係一小部份，仲有好多未夾起，應該唔只一個麵，麵比較乾身，有點硬。豬排大塊，唔會好肥，而且煎到好香，有少少焦的顏色，但唔會食到有焦味雞蛋好滑好香好厚牛肉蝦仁滑蛋飯，又係好大碟，蝦仁大隻厚肉冇雪味，不過蝦的份量比牛肉少牛肉係鮮牛肉而唔係肥牛，肥肉相對較少，而且唔會好韌豉油有點多，大部份飯都沾上豉油，如果豉油少D會比較好；同埋餐廳用的係甜豉油，所以唔洗驚好鹹

呢個晚上去開油塘呢邊，知道原來大本型大食代隔離開左個冰室，本人係一個極度鍾意食奶油豬既人，所以一知道呢到開左間冰室，就即刻即興約左個朋友放工之後一齊食。餐廳餐牌:餐牌野食有分早午餐下午茶，晚餐就主要睇大menu，野食選擇都唔小，好多飯餐面餐其實都幾吸引。奶油豬+炒蛋:呢間旺記冰室既奶油豬真係超級好味，烘到好脆一咬係有聲，薄薄既一層牛油再加好多練奶，真係好好味。炒蛋都炒得好滑，成件事係好正。蕃茄餐肉公仔面:蕃茄湯底真係超級濃，感覺好似用鮮茄咁(雖然明知道應該唔係)，餐肉外脆內軟，有d滯滯地，個人覺得下次可以試下其他，不過呢個都唔錯。油塘呢間旺記冰室感覺真係幾地道，成件事好快餐，黎得快走得快。

E間旺記冰室係油塘新開，朋友係附近shopping，所以就尼左食。我地6點幾去到未算多人，唔洗排隊，但食到7點幾出面已經排緊隊。鋪頭好光孟，好闊落，好舒服。拎水杯，碗；加水全部都係自助嫁!起初以為係食小菜，但原來唔係，有碟頭飯仲有通粉麵，類似常餐果D我地兩個叫左豬排炒蛋印尼撈麵同滑牛肉蝦仁雙併日本滑蛋飯，餐牌望落好吸引豬排炒蛋印尼撈麵：餐牌寫住大滿足啖啖肉，果然冇錯，豬排雖然唔算好厚，但真係又大塊又啖啖肉，唔多肥肉，好易咬開，仲煎得好香雞蛋好滑好有份量，應該唔止一隻蛋撈麵普通，有少少乾滑牛肉蝦仁雙併日本滑蛋飯：十份大碟，鋪上厚厚的滑蛋。大大的蝦肉，挺彈牙的；嫩滑的牛肉，大大塊，唔韌佢用的係甜豉油，不過略有點多飲品我地叫左阿華田同柚子蜜，都係熱的柚子蜜好飲D

成日見人食個滑蛋叉燒飯勁吸引，難得屋企附近有間新開！太好😭😭係foodcount入面既獨立舖位，位唔算話好多，所以繁忙時段黎都要等一等位。諗都唔洗諗，一定係滑蛋叉燒飯 叉燒份量好多，又唔硬。蛋炒得好滑，熟度岩岩好！仲有蛋汁嫁😍😍超正！！淋埋個甜豉油係一流！飯底都有豉油另外揀左豬膶通粉，佢個雞湯底好清甜，通粉唔會淋左，豬膶好新鮮！配滑蛋多士都好正！蛋係勁滑！半流質既質感勁正😭😭望落好似有啲油但食落真係冇油膩感！配麥包好香牛油😋😋好好笑 張特餐牌勁大張😂😂😂😂我想試埋佢啲三文治😭不過要tea time先有，唯有下次先😛

之前大食代裝修了一段日子，最近終於完成裝修，看見有新餐廳就試一試了。餐廳採用開放式廚房，環境尚算整潔，坐在餐廳內用餐也不會有很焗的感覺。既然湯底聲稱是用鮮雞製作的，就試一試吧。下午茶餐牌，我這次選了鮮忌廉雞湯 鮑魚火腿絲 通粉配鮮牛油麥包多士 4.3牛奶炒日本滑蛋和自家製他他醬魚柳豬仔包。鮮忌廉雞湯 鮑魚火腿絲 通粉，吃起來的確沒有明顯的味精味，味道不錯。鮮牛油麥包多士 4.3牛奶炒日本滑蛋，多士吃起上來很香口，蛋吃起上來也有牛奶味，挺好吃。自家製魚柳豬仔包，沒什麼特別，是一般在外吃到的魚柳包的味道，不過不失。跟餐的奶茶，喝起上來挺滑和有茶味。這間餐主要的食物是港人愛吃的常餐，價位我認為偏貴，所以偶而吃一次好了，況且常常吃也應該很快會吃厭😂

油塘既大食代裝修過後，d餐廳變左。呢間係新出現已其中一家，走港式茶餐廳路線。今晚第一次幫襯，件menu選擇唔多，都係常餐為主，同幾款碟頭飯。今次試左常餐，餐飲加錢轉薑汁奶茶。呢個可以慳返，薑汁同奶茶一d都間夾，。而且加左薑汁好像令到奶茶冇唔滑，同搞到d奶有d凝固左。炒蛋多士，炒蛋夠曬滑，多士係半塊厚麥多士，搽左好多牛油好邪惡，不過唔夠脆身餐肉蕃茄通：餐肉勁大粒，咬落有囗感。蕃茄湯底都係濃味既罐頭貨，証明落得足料，通粉冇過熟。總結來講係油塘算高質，起碼好過太興常餐，不過係餐牕食物種類少