旺記冰室 (大本型) (Closed)

今次已經唔係第一次食旺記，但就第一次係油塘大本型到食。明明隔離已經係food court咁多位，但估唔到晚市時間嘅旺記依然咁多人排隊。因為餐廳地方唔大，所以都會要求齊人先入座～今次我又點咗呢到嘅招牌菜 - 牛肉蝦仁滑蛋飯（$58)，再點咗杯飲品 - 凍奶茶 (+$2)，好抵食！！牛肉滑身、蝦仁爽口， 最好食嘅一定係滑蛋，再加上甜甜地嘅豉油汁撈埋白飯，真係好香。一啖飯一啖凍奶茶❤️ 而且佢嘅份量一啲都唔少，又咁好食，好快就食哂lu😋😋

又黎到旺記冰室啦 一講起呢間餐廳就會諗起令人垂涎三尺既叉燒滑蛋飯🤤 香滑既抄蛋加上甜甜既醬油汁實在令人難以抵擋誘惑啊！😍 但因為夜市冇叉燒供應 今日決定試下食新野~呢間係油塘大本營既分店近地鐵站非常方便 雖然附近有好多既食 但睇下旺記既排隊龍就知呢到人氣有幾高啦！繁忙時間黎食既朋友要比多少耐性啦 最好早d黎拎位喔 等候期間將本meun左揭右揭 樣樣都好似好正咁食咩好呢 一坐底就即刻叫左個雞扒忌廉麵豉湯讚峻烏冬 聽個名都知係勁野 又有我最愛既滑蛋 賣相相當吸引啊 雞扒夠大塊食到好飽 烏冬既軟硬度岩岩好 唔會煮到𣺉哂 仲有忌廉麵豉湯 正呀 最後叫左杯只係+$2既凍朱古力 飲第一啖已經feel到濃濃既朱古力味 又係豐富而滿足既一餐！

中午決定去試下屋企附近新開嘅旺記冰室。聽聞佢最出名嘅就係滑蛋飯，而我又幾鍾意食滑蛋，所以就決定去試吓啦。因為係新開嘅關係，所以都好乾淨，望落印象感覺幾好。而且因為職員都唔少，所以我一入去就即刻有人安排我埋枱，唔使要我等好耐。餐牌選擇就唔多，主要都係通粉同埋滑蛋飯。而當日嘅特製飯餐就係忌廉汁豬扒飯。不過因為我都係想食滑蛋飯啦，所以最後都係嗌左滑蛋叉燒蝦仁飯同熱朱古力。埋單60蚊。杯熱朱古力都係正常茶餐廳會有嘅嗰種，味道冇咩特別。跟住我碟滑蛋叉燒蝦仁飯就到咗啦，上菜時間都唔係好長，大概三四分鐘度。雖然叉燒有啲薄，但係份量都唔少，塊塊都好大塊，而且有好多塊。至於蝦仁亦都係大大隻，咬落去都叫爽口彈牙。而且飯嘅份量都好多，成座山咁多。但係甜豉油嘅份量就有啲啲啲多。不過滑蛋亦都的確係幾滑嘅，唔會炒得太乾身。整體來講，都係一碟幾唔錯嘅滑蛋叉燒飯。

《用心經營的非一般茶記》係油塘幫襯了呢間旺記冰室，竟然有好高水平，絕非一般的冰室、茶餐廳級數，想係度推介一下呢間冰室水吧橫跨成間冰室，用餐時睇著師傅沖咖啡、奶茶幾得意！晚餐點了「爽口蝦仁日本滑蛋飯」。上枱好快，貫徹快靚正的冰室特色。呢碟飯貌似蝦仁係主角，食咗兩啖就知道，其實蛋先係整碟飯的靈魂所在！滑蛋用日本靚蛋炒至金黃色，介乎熟於半熟之間。入口滑溜無比。蛋汁濃郁，果然係精選過的進口蛋！蛋內包含了好多大大粒原隻蝦仁。蝦仁每隻都係男人手指公咁粗大，絕不欺場。蝦仁的口感爽口，不怕過熟。一啖蝦仁伴以一啖撈了金香蛋黃汁的白飯，滋味十足。滑蛋上面亦淋了特製的甜醬油，味道甜甜地不至於破壞滑蛋的原味。今次無試大大啖豬扒炒蛋印尼撈麵，賣相相當吸引，下次經過一定要試！

茶記係香港既特色，相信每個香港人都愛😍今日朋友難得放假，我又得閒，我地都提議不如食茶記早排聽住係油塘既同事講，大本型開左間茶餐廳，好受歡迎，搞到我心癮起，一於黎試下😁餐廳係半開放式，好光猛，唔會似出面果d茶餐廳咁嘈，餐具🍴乾淨，感覺衛生。佢有早餐、午餐、下午茶，望落都幾豐富🤪我地平日中午時間黎，唔算多人，唔洗點等位黎茶餐廳一定要試下佢d炒蛋，我地叫左個特濃蕃茄湯午餐肉粒通粉餐同日本滑蛋🍳叉燒蝦仁🍤雙拼飯我朋友食滑蛋叉燒蝦仁雙拼飯，份量幾大，鋪滿成碟飯，炒到有少少蛋汁，佢話鑊氣一流😏呢碟番茄午餐肉粒通粉，人如其名，湯底好濃，好似有成個番茄🍅打爛係裡面咁🤣 ，食到番茄蓉午餐肉係立方形，每面都煎香左，幾有口感wo跟餐連埋多士滑蛋，滑蛋有一貫茶餐廳既鑊氣，like👍🏻

下午茶時間食lunch，一啲都唔出奇，想輕輕鬆鬆食好西，特登來到大本型嘅旺記冰室。下午五點半，唔使等位，好彩趕得切！點解輕鬆得泥有少少趕？因為勢要試一試馳名嘅叉燒滑蛋飯，原來都六點後就唔供應啦！旺記冰室位於大食代正門，好易揾！——————————————————————自家製叉燒日本滑蛋飯一上枱，果然滿足埋視覺效果！濃濃的蛋漿與片片叉燒互相交融嘅感覺，難以言喻⋯⋯重點是日本雞蛋加上蔥粒，入口超滑，再配上自家製甜豉油，甜甜地，每一啖飯有蛋有叉燒有豉油，相當滋味！——————————————————————凍奶茶茶底不錯，唔會得個甜字，對放不銹鋼凍杯有種情意結，特結鐘情凍飲配凍杯！——————————————————————整體來說相當滿意！一定會再來！

油塘大本型中發現有幾間新餐廳，今日午餐去到其中一間在 Food court 大食代旁邊的【旺記冰室】。在門口等位，客人不太多，但要人齊才可以入坐。等待期間，見到「日本雞蛋使用」「日本メニューあり」…… 莫非這家冰室從日本引入？當然不是！只不過是宣傳技倆罷了！上網一查才發現【旺記冰室】不是來自大型連鎖集團，反而是一間有歴史的冰室。冰室起源於秀茂坪屋邨，以扒爐沙爹牛肉包馳名，但1976年一場山泥傾瀉令冰室結業。 Food court 「大食代」跟【旺記】後人及相熟的員工商討，建議讓冰室出山，最終雙方一拍即合，逾30年老店重出江湖。【旺記冰室】食物種類只有幾款口味，早餐午餐就係通粉、蛋……茶餐多左多士揀。菜式不太豐富，但勝在快、靚、正！款式少可能跟這裡環境有關。【旺記冰室】沒有廚房，只見到阿姐用電磁爐炒蛋炒叉燒，而且有抛獲，失敬失敬！餐廳標榜湯頭用鮮雞製作，非常有heart！【鮮薑汁豬潤鮮雞湯通粉 $46】當然試啖湯，鮮雞湯內加入薑汁，薑汁味重越食越辣。喜歡薑汁的人應該非常喜愛這個，不過不是人人能夠接受，特別對小朋友來說太嗆喉。另外，薑汁味道太强烈，蓋過鮮雞的味道。不過老實說，湯頭不覺有味精

叉燒滑蛋飯係招牌推介，每次食旺記都要排隊，好在都算等得快，15分鐘嘅時間都可以接受嘅，要食好野係要等下！油塘呢間分店都唔算太逼，比尖沙咀好啲，坐得舒服少少，唔會驚郁下都叫撞到人。食過豬潤通、滑蛋叉燒飯同滑蛋蝦仁飯。個人覺得叉燒飯比蝦好食，叉燒好入味，滑蛋好香同真係滑嘟嘟！豬潤通啲湯辣辣地，好惹味，啲通粉又唔會太淋，推介！另外熱奶茶好好飲，好滑好夠茶味。薑奶茶都唔錯，好暖胃，唔係間間茶記都有得飲，幾好嘅選擇。

放假當然要輕鬆下食好西。呢日就約左老朋友黎油塘大本營敍舊，見到原來呢個商場開左間旺記冰室。呢間野係尖沙咀既分店成日大排長龍，一路都無機會試午餐。今日閒日，見吾多人排隊，於是拉埋個fd黎試下，睇下係咪咁值得排長龍。我當然叫佢地既招牌雙併叉燒蝦蛋飯 配旺角秘製甜豉油，另加兩蚊配凍檸茶。隻隻碟都印有旺記冰室既字，好sharp醒。蛋係用日本蛋，炒到半熟同叉燒蝦融合一齊。叉燒偏瘦但吾un，蝦好爽，配埋滑蛋同秘製豉油，有口感得黎，吾會乾曾曾，好岩我胃口。豉油汁少少甜，灑滿成碟飯，但又未致於水汪汪。凍檸茶茶底不錯，香濃少苦澀味，有3塊不是薄切既檸檬。朋友叫左個常餐 包左多士同滑蛋。多士係少有既麥包，雖然已塗牛油，但無油淋淋。蛋又係呈半流體狀，望落好吸引。朋友讚呢件香脆滑既口感都有，好正喎。食完主食後，又到下午茶時段，share左個下午茶。奶醬西多士切到粒去炸，好有誠意，味道比普通西多士香口。個招牌蛋飯仲有其他食材配撘。總括而言，個飯真係值得排陣隊食，希望搵日lunchtime 可以早少少蛇出黎尖沙咀分店排隊再食。

在油塘有點時間，可以去食個下午茶，到大本型，有不少餐廳，最當眼的是旺記冰室，不用等位，所以入內就坐。早午晚餐及下午茶選擇很多，也有很多飲品可以挑選。揀了茶餐：奶醬豬仔包。豬仔包烘得非常香脆，而且奶醬份量很充足，滲著幸福的甜味和香脆的口感，是完美配搭。另加九元可配印尼撈麵。麵質略略偏硬，但勝在有咬口。調味恰到好處，鹹淡適中。比較可惜的是個淨麵，完全沒有配菜。熱薑樂在坊間很少見，於是點了一杯暖暖身。薑絲份量很足，但薑味不難入口，加上甜甜的可樂，有特色而又好味。Total $47, good deal!

今日約左朋友係油塘，聽講油塘開左旺記，因為之前食過已經好鍾意食，所以就上去食個午餐先上到去已經好多人排隊，好彩唔洗等太耐就入得去平時成日會食叉燒日本滑蛋飯，今日叫個鮮薑汁豬潤鮮雞湯通粉，重有配鮮牛油麥包多士，加4.3牛奶炒日本滑蛋先黎個麥包多士同4. 3滑蛋炒蛋好滑重有蛋汁，唔會炒到乾身麥包多士口感同平時普通多士真係唔同，我自己幾鍾意豬潤通黎了豬潤好香都大塊，鍾意食豬潤朋友應該都會鍾意朋友都係叫番叉燒滑蛋飯我當然都食左啖好好味啊最後見到餐牌有頁係全英英文，好細心

難得今日女兒放假， 可以和她一同 去油塘 食午餐， 看見大本型 大時代 美食廣場， 有一間旺記冰室， 環境寧靜乾淨， 裏面有很多卡位， 我們 就隨意坐下， 剛好十一點半剛剛轉午餐的時候， 看看餐牌套餐 ，最貴的都只是以六十元， 我和女兒都 叫了同一個餐， 就是特濃午餐肉通心粉， 這個 通心粉湯底真是特濃，午餐肉也是大大粒，很厚肉的 ，味道不錯， 加$5可以 由多士轉 奶油 脆豬 配滑蛋， 脆豬 真的十分鬆脆 ，奶油味也十分適中，我和女兒 都讚好， 加$4就可以 改飲薑汁奶茶， 我和女兒都要搶住一試，因為從未試過薑汁奶茶， 這個味道十分特別，很香的薑汁加上絲襪奶茶香濃的味道 ，十分吸引， 加$3還可以改吃沙律， 沙律不是用普通的生菜，而是用新鮮的沙律菜， 配上鮮奶 滑蛋 ，真的很 美味可口啊！ 職員的服務態度也很好，很有禮貌的， 這餐 加了咁多東西,平均每人都只是$60左右 ， 性價比高 ，食很滿意，比滿分。

之前喺灣仔返工，間唔中都會食下灣仔嗰間分店嘅滑蛋叉燒飯。今日去油塘，竟然發現大本營商場嘅美食廣場旁邊開咗一間分店！即刻試吓呢間係咪一樣水準先：）黎到係午飯時間，第一次試佢嘅午餐肉超濃番茄湯通粉配日本牛乳炒滑蛋。呢個$50嘅餐本身包左一杯熱飲同埋牛油多士，但係我就加咗$4轉薑汁奶茶，同埋另外加咗$5將多士轉做奶油脆豬仔包。我朋友就另外加咗$3將多士轉做柚子沙律，見到佢嘅沙律菜都好似好好食咁。炒滑蛋同其他分店一樣keep得好高嘅水準，超滑！個人認為加$5可以轉做奶油脆豬仔包係好值得嘅，因為佢嘅脆豬仔包係外脆內軟，又唔乾，牛油同煉奶嘅份量剛剛好。蕃茄湯好濃，係好似茄醬果種濃湯，午餐肉系好厚切嘅粒粒，都唔錯。不過全個餐我最鍾意食嘅都係佢嘅炒蛋！另外薑汁奶茶份量比較少，但係飲落去好特別，有好香嘅薑汁味，比例幾好。如果你平時都鍾意食薑製品薑汁撞奶嗰啲食物應該都會幾鍾意呢個薑汁奶茶話時話，為咗環保啲，如果餐廳可以將而家嘅塑膠咖啡攪拌棒換做鐵匙羹就更加好啦！下次要試下呢個豬扒飯！我哋兩個人，因為時間尚早，佢哋比四人卡位我哋，同埋服務幾好，整體上我覺得仲好過其他分店哦！

約左過海工作嘅同事食晚飯，就佢近近地就食旺記啦旺記開喺food court入面一到food court就見到，約人喺度食飯一見就揾到，好方便😆佢有好多位置都係卡位，比就咁喺飯堂入面食多左啲私穩，亦坐得相對舒服之前都食過旺記，佢地menu幾多選擇而且五六十蚊就有飯/麵套餐，有啲有炒蛋多士/豬仔包，仲有野飲，晚餐黎講都幾抵食之前食過炒滑蛋飯，心心念念上次朋友叫嘅炸脆午餐肉粒粒，今次終於可以自己食一碗喇話明特濃蕃茄，真係見到茄蓉，好正味道唔會太酸，好開胃啲通粉好彈，真係好夾🤪有啲郁左🤡 滑蛋如常水準好高，好有蛋香麥多士都好食，唔會烘得太耐或者太短時間跟餐嘅凍奶茶都好好飲茶底開得好靚，唔會澀因為我鐘意飲多奶，佢茶奶比例都好又夠凍 正menu彈性都幾大，可以有唔少嘅選擇特濃蕃茄湯午餐肉粒通粉好吸引呀，下次喺鰂魚涌食再試呢個經典茶記食物，樣樣都好吸引最緊要係抵食又好味

上次試過滑蛋叉燒飯 今次黎食下下午茶餐特濃蕃茄餐肉通 跟炒蛋多士 （$45）嗌左凍飲加$2好少餐廳多士係麥包 走左牛油加埋滑蛋食好正 滑蛋一貫水準炒得好滑餐肉通有五粒脆卜卜大餐肉 蕃茄湯底比較結 食半碗已經好飽