滿樂中菜 (Closed)

1月15日預訂了年初二(2月2日)開年午餐及餸菜，到今日（1月23日)突然致電通知初二不營業。明白疫情關係，食肆於節日會有所考慮營業與否，但是否可以做好點，於上1月15日時表明未能決定年初二是否營業，令顧客自行決定是否繼續預訂，而不是先收客人訂枱，突然一句昨天開會決定初二不營業了。

朋友生日約食飯, 見有新餐廳就訂枱試下, 見到之前有二百幾個笑面, 評價不錯可能有點期望, 但真系同我期望有所距離,  菜式比平民大集團餐廳還要普通 , 沒有太大特色, 唔知系咪叫既野同其他客人不同, 所以評分有所分別.六個人每人$350叫左以下餸菜:半隻招牌片皮鴨 $380: 份量不多, 味道一般, 唔特別脆同香, 唔熱同等到差唔到埋單先到椒鹽鮮魷$108 - 可以更香脆, 外面個粉麻麻地唔夠脆上湯菜心$98 - OK蠔餅 $108- 可以更香口鬆化, 同椒鹽鮮魷咁d粉唔夠脆頭抽煎鯧魚片$278 - 熱食也有點腸腥味芋茸香酥鴨 $138- 可以半隻炸子雞$248 - 唔特別脆招牌杏汁白肺湯(四位)$288: 杏仁味很濃,  豬肉味都好香胡椒豬肚湯一位用$68 - ok茗茶$20/位餐前小食$16/碟 x 3碟地方環境系新淨坐得都舒適, 菜式味道可以更好, 希望下次有機會再去會叫到更好味的餸菜.

Restaurant Review📋Food🍽Crispy Roasted Suckling Pig- Skin was Crispy like Chips- Meat has mild sweetness & aroma from Chinese Spices, yet not savoury enough - the Leg was the best part, crispy with charcoal aroma, lean meat with strong🐖pork flavorsBaked Crab Meat Stuffed in Crab Shell- Although I saw the🦀crab meat, could taste nothing about the crab as the taste, texture & aroma were totally covered by the over creamy mushroom🍄& onion🧅stuffingsBraised Chiu Chow Pomelo Peel with Shrimp Roe in Pot-

星期五team meeting，同事book咗呢一間喺戲曲中心嘅中菜餐廳，裝修擺設充滿咗中式嘅味道。由於負責同事已經預訂好套餐，我哋一坐低就好快有得食，又唔使揀，其中以下菜式推介俾大家試吓。叉燒拼燒腩仔——叉燒唔會太燶，重點係燒腩仔嘅皮好鬆脆水牛芝士蝦春卷——坦白講芝士味就唔係好濃郁，但係自己唔係like芝士，所以都可以嘅。椒鹽九肚魚——中午都食到呢個超開心，師傅炮製得好香口，有大排檔味道。脆皮燒乳鴿——香口乾身唔多油水晶包——熱辣辣嘅水晶包皮薄饀又唔甜下次再同屋企人嚟食過先！

話說去見客，腦細提議去人潔地靈嘅戲曲中心，當中有間中菜館，我以為貪佢夠靚裝潢又靜方便講嘢，點知食物質素咁好，真心可以再去嘅一間餐館😋。1️⃣2️⃣1️⃣5️⃣ 商務時間陳皮叉燒酥 - 咬一啖燙到脷，忍住免出醜，全因好好食😋皮鬆化肉多蜜汁好好食。燒賣 - 足料，點辣油醬好食。蝦餃 - 足料，皮薄。叉燒包 - 正常。紅燒潮州中鮑翅 - 滿有排場，碗下有火暖住，翅多夠濃味，食完已好飽。沙爹牛肉炒河 - 好火氣，醬汁濃，好食，但驚太肥膩肚痛😋。蝦子炆柚皮煲 - 其實好清新，咬感唔似柚子，蝦子味好香，不過太飽，食唔哂。荔芋鴨 - 我覺得全場最好食！真心炸芋皮唔厚，食正鴨香，點甜醬更加美味，好喜歡💕

環境舒適，服務到家，片皮鴨皮脆肉嫩，現叫現燒椒鹽九肚魚外脆內軟，食的出的新鮮栗子芥菜煲鮮甜美味，濃淡皆宜叉燒肥瘦適中，好好味每款菜式各有特色，帶左家中兩老齊享，2人讚不絕口, 會再來

位於戲曲中心既中菜，淨係餐廳環境嗰部份已經加晒分，周圍嘅空間感又好充足。餐廳裝修以中式園林為主，仿如置身喺亭院中用餐，我開頭嗰幾分鐘真係咁以為坐低之後枱面係咩都冇，侍應淨係俾咗餐牌我哋隔咗一陣餐具終於到，但係侍應係亂咁擺晒喺枱。我覺得都幾神奇，一間喺戲曲中心嘅中檔餐廳，但係提供緊屋邨酒樓嘅服務水平，於是翻查一下，原來呢間中菜同百樂同集團🙂行去洗手間嗰段路感覺好熟悉，好似平時啲屋邨酒樓既地面，地氈上面有好多電腦單，然後啲侍應姐姐一邊行去洗手間一邊唱歌，我相信係應翻戲曲中心個景🪕🥢招牌蜜汁叉燒招牌叉燒係最好食既一道菜，色澤紅潤光亮，半肥瘦好平均，口感鬆軟且層次分明，非常入味，配上蜜餞黃豆，爽雜住豆香同蜜汁味🥢鴛鴦胡椒焗中蝦🦐$198四隻新鮮但唔算大隻海蝦如果好好食，價錢都可以接受既。不過上左粉炸個蝦之後，放入瓦煲蓋住再灒酒。雖然有個酒香，但係蝦就即時唔脆，蝦既胡椒味亦唔夠。我有睇過Openrice既舊相，以前啲蝦係脆架🥢避風塘炒鱔球鱔球炸得幾好，係金黃色，入口鬆脆，食落無骨且肉質嫰滑，但同避風塘炸蒜融合度不足🥢蒜片牛柳粒呢道菜吵得幾惹味，不過太濃同糖落得重手咗，唔係太食到牛肉味，反而配菜蒜

當日和朋友去食飯，其中蜜汁叉燒同金瓜炒米粉好好食😋他的片皮鴨十分出名，但要等50分鐘，除非預早order，但我們冇訂，所以就吾等啦環境勁嘈，轉左一次位都好嘈，但已經好少少

今天是星期天,來這裏飲茶也頗多人,建議先訂位 ,環境整體乾淨 ,略嫌枱和枱之間算密，比較嘈。杏汁豬肺湯,果然好味,杏汁好濃冇欺場，喜歡飲杏仁糊的朋友一定喜歡飲這個湯,豬肺好軟熟,入味,好好味,這個湯自己煲好難煲,多功夫,所以真的要試試.百花蒸魚肚，好味,平時食雞扎,最喜歡都是食魚肚,這個點心 ,魚肚豐富,非常之正, 我下次來也會翻叮.蝦春捲,夠鮮味，也是好好食,偶然有一兩件過火了少少,有燶味,其餘大部分都好味.雪山叉燒包整體唔錯, 略嫌偏鹹，若果唔好太鹹更好叉燒酥,夠鬆脆,只是覺得偏鹹,說實話這個點心沒有什麼特別.陳皮淮山粥,在外面比較少食到,略嫌陳皮味太重,其他都冇乜問題.桃膠桂花糕,跟平常的桂花糕味道大致一樣,沒有什麼驚喜.整體感覺唔錯,可以再來.

今天是第二次來飲茶。上次跟朋友來，試了陳皮山藥粥😋😋😋😋豉味蒸排骨、魚肚准山雞扎、菜肉鮮蝦雲吞、瑤柱蛋白炒飯😋😋😋😋等等，樣樣味道都不錯呢！今次則點了即燒手切义燒腸、鮮竹牛肉球、滿樂蝦餃王、水牛芝士蝦春卷😋😋😋😋和蓮子棗皇糕，食物皆有水準。地方也寛敞。下次會來試晚飯。

朋友定了戲曲中心的滿樂中菜預祝中秋。順便參觀下戲曲中心佈置。朋友定了房間，整顿晚餐也在清静歡樂環境中渡過。人末整，先點個椒鹽九肚魚吃住等。油炸功夫很好，魚件乾爽，如果椒鹽重手些更好送酒。另外也點了金沙炸魚皮凉瓜（忘了拍照），咸蛋黃咸香，一樣乾爽比九肚魚更惹味好吃。招牌片皮鴨堂切片皮鸭，侍應生擺盤也很用心，每片薄餅中間也有蒸籠紙分隔方便取吃。鴨不肥皮也鬆化，不過不失。蜜汁义燒半肥燶义燒，肉質鬆化蜜味濃，好食，性價比高，必吃之選。杏汁燉白肺湯高湯豬肺，後加杏汁便沒有其他配料。湯頭入口順滑濃郁，滿口杏香，豬肺嫩滑。金瓜九肚魚烙這九肚魚烙配上南瓜，蕃薯粉煎出來煙煙韌韌，也十分可口，不失為百樂潮州菜同一集團。梅菜扣肉這裡扣肉比很多客家店做得出色，豬肉和梅菜蒸得火路十足，豬肉入口溶化，久違了的好味道。鴛鴦胡椒焗蝦新鮮青楜椒配白楜椒粒焗蝦煲仔上，賣相討好，但楜椒味不能滲入蝦身，稍為失色。豉汁蒸白蟮這道菜，中規中矩，可以的。三菇燴六耳素菜不同菇類，乾菌，白合。配搭清爽，可惜很細碟。蛋白杏仁茶現做生磨杏仁露，入口香滑杏味濃郁，十分美味可口。這頓中秋節晚餐也吃得十分滿足合意。

第一次到訪戲曲中心🎼都不知道這裡有開餐廳經𝐨𝐩𝐞𝐧𝐫𝐢𝐜𝐞搜尋才知道就打算試試這間中菜館然而環境同食物都可以服務卻強差人意而扣分令整個用餐感覺不愉快片皮鴨（第一食）- 半隻$𝟑𝟖𝟎𝟕點半入座，五個人原打算點全隻片皮鴨隨後被告知只淨半隻，也沒關係照點半隻原本怕不夠吃，現半隻鴨便多點其他小菜.片好鴨後男𝐬𝐭𝐚𝐟𝐟站在旁邊教導食法第一食的鴨胸單吃點醬便可(*¯︶¯*)所以不需要打開蒸籠用餅皮包著吃鴨肉很香，肉質嫩滑，口感不錯👍🏻還等全吃光後便收盤很快上第二食當時還覺得這裡的服務態度不錯呢片皮鴨（第二食）- 半隻$𝟑𝟖𝟎𝐒𝐭𝐚𝐟𝐟上菜後便打開蒸籠，說上層是餅皮而下層是熱水，所以要小心蒸氣會燙手但不知道是餐廳冷氣太強還是蒸氣不夠當我們包好片皮鴨時，餅皮已變得很冷.然而配菜少得可憐，這感覺是二人份的五個人每次只能慳住取少少包片皮鴨😓.隨後淨下約三、四片的片皮鴨及鴨腿因為第一食的鴨胸已經是單點醬吃了問餅皮會不會有𝐫𝐞𝐟𝐢𝐥𝐥，如需要加錢是幾錢？誰知女𝐬𝐭𝐚𝐟𝐟回覆是：「無鴨啦喎，你哋仲食呀？」我們感覺莫名其妙，指一指碟並且表示還有數片她繼續說：「我哋餅皮同鴨肉係岩岩夠數，叫咗你哋第一食嗰陣唔好夾皮食

我們點餐，為咗方便侍應唔駛佢地等，已經一開始諗好哂食咩，寫哂d餸既然number先叫佢過黎；點知侍應第一句話：我地唔寫number,要講餸名，好啦，咁我地米打開menu逐個揾俾佢，個侍應唔幫手不突衹，仲不耐煩地黑面行開， 嫌我哋睇得太慢。到我哋叫咗一個糖醋伊面，職員第一句說，要等兩小時，因為係手工菜， 師父要做曬出面其他所有單先至會幫你做呢味餸， 你唔好要吧，我地多數推單。 之後我哋叫麻煩加加茶，好吖，結果叫左三次都冇人理。餐具破損， 地氈污糟邋遢。服務衰過平民酒樓，價錢收費五星級。

今日真係嬲到要來寫下評語。朋友慶生飯想食片皮鴨，上星期經open rice訂枱，再補個電話去尼間野預訂埋片皮鴨同白肺湯。好啦，尋日佢地有人打來識double confirm, 我都已經再提一次預訂左片皮鴨。今晚，朋友先到亦有同佢地講一次，等左半個鐘我地問隻鴨上得，個職員仲話排緊單做緊，果時我地飲緊豬肺湯。。即係我訂既菜係無漏單。。。好啦，再等已經1個鐘都無，問個職員時先手忙腳亂check...佢地竟然將我訂既鴨比左其他食客。。。喂，又話預訂先有得食既？ 即場問都有駛咩訂？咁都啊止，最嬲係個經理走來話送個“果盤” 當賠罪。。。真係火都來😡🤬來食飯唔係為左個果盤囉，主菜都可以咁錯法竟然想用個比一般熟客，$30都比多佢既果盤來代替$680既所謂要預訂既片皮鴨。。真係離譜。。。個經理見撲唔到火先話張單佢唔駛我地比，又送咩送咩。。。我地真係唔想再浪費時間坐係度，既然唔收錢我地就走，以後都唔好諗再幫襯。

就到中秋節 約埋一班朋友出黎食個飯團聚一下 平時就食西餐日本野多 今次就黎試下中菜 見到滿樂中菜評分唔錯 又近地鐵站 咁就試一試佢啦！黎到餐廳 已經坐滿哂人 我地卜位嘅時候已經得反8點可以簡 坐左一陣 員工已經行過黎同我地講得反一隻鴨 問我地要吾要 咁黎得食中菜 又點可以唔試下呢 佢係落單後即烤 所以要等一個鐘嫁😆建議落左單再慢慢諗其他 唔洗等咁耐啊嘛🤣🤣🤣首先上左杏汁燉白肺湯 一到已經聞到好大陣杏汁味 試左一啖 唔係我杯茶 因為杏仁味實在太重 不過如果係鐘意杏汁嘅人 應該會覺得系享受 因為好滋補 其他朋友話豬肺好食 跟住係椒鹽九肚魚 呢味就不過不失 不過唔太特別有咩驚喜咁 但炸完唔會成個碟底都係油 呢個可以一讚 芋茸香酥鴨故名思義係用芋頭茸加入鴨肉壓成泥 跟住再拎去炸 呢個炸到好酥脆 本人覺得唔錯 不過入面嘅鴨肉可以多少少就好 因為食落口都係啖啖芋茸（當然我都好鐘意食）金牌菠蘿咕嚕肉呢個有小小失望 本身呢個係好好送飯 但係個肉炸得有啲過左 成舊野好硬同埋個汁偏酸 以佢個價錢黎講 真係唔係好抵食燒味雙拼 （叉燒/燒腩仔）對於好鐘意食叉燒嘅我會覺得佢個叉燒好食 因為半肥瘦好平均 個肉好冧