滿樂潮州 (美麗華廣場1期) (Closed)

美麗華新開左間潮州菜，裝修得好靚，以木色為主調，配橄欖綠色丶天藍色丶復古橙色等，同傳統中菜館唔同，感覺好Young！滷水鵝肉拼盤食潮州菜點少得滷水拼盤！點左份細份，包羅鵝肉丶豬腩肉丶墨魚片丶滷蛋同豆腐，滷水入味！潮州蠔烙外皮煎得酥脆，濃郁蛋香！超多蠔仔肉，而且鮮嫩多汁，唔錯！五行六合菜淨係聽個名就知道係養生菜，包括苦瓜、蜜糖豆、百合、酸菜、子薑、紅椒，有齊甜、酸、苦、辣既味道糖醋伊麵第一次食糖醋伊麵，外表炸得卜卜脆，伴糖醋一齊食，酸酸甜甜咁好特別潮州反沙芋條超考功夫既一道甜品，沙糖完美包裹住芋條，芋頭好香，名哂粉，唔錯

尖沙嘴區好多嘢食，鍾意嚟呢度食飯，因為坐得舒服😌食物又唔錯。午市有點心、小菜，仲有套餐。揀咗午市精選二人風味套餐套餐$188，好抵食，份量又夠飽！▶️百樂蝦餃拼燒賣每款有兩粒幾好，蝦餃夠大隻🦐蝦肉爽口皮又薄。燒賣麵夠足料大粒，豬肉豬瘦適中▶️潮州鹹雞雞好靚夠滑，醬汁另外上。點完鹹鹹地，有潮式風味▶️蔥蒜牛肉崧煨飯蔥蒜好香，飯用鍋上好夠熱。牛肉崧夠多，飯嘅味道啱啱好▶️麵水灼菜心出街食較少食到菜，有菜食好健康。菜夠脆綠另外想食甜點，散叫咗▶️豆沙煎堆一份有4件，新鮮炸起。外脆內軟，豆沙餡夠多

滷水鵝肉拼盤（小份）太極素菜羹 黃金炸雙棗蔥蒜牛肉崧煨飯 金絲玉帶九肚魚烙潮州反沙芋條今日黎食正宗潮州菜先來一客鵝肉滷水拼盤鵝片起肉拆骨,食起黎方便,滷得香,肉質嫩,另有滷豆腐,墨魚片,豬腩肉片腩片夠肥嫩墨魚片爽身,豆腐嫩香素湯羹,沒有一絲油膩感,好喝清爽易入口炒飯爽身粒粒分明,加埋牛肉蔥蒜非常香口美味魚烙煎得香口,咬開中間軟綿,完全兩種質感既味道炸雙棗 蝦同蟹肉打成再炸成,食到脆酥口感彈牙蝦肉鮮味潮州反沙芋條  最後上,薄薄既一層脆糖衣掛著在芋頭上,食來甜脆,芋頭夠綿尖沙咀彌敦道132號美麗華廣場一期食四方4樓405 號舖

父親節,搵左位食飯未呢?^_^不如考慮一下呢間潮州菜食返個滷水鵝片,素湯羹,炒飯,簡單得黎又美味,環境又舒服尖沙咀分店係新開既,正宗潮州菜,許美德師傅主理帶埋老豆食飯就岩曬滷水鵝肉拼盤滷水膽有五十年歷史,味香不膩,同平時食到既好唔同,品嚐到鵝肉既鮮嫩肉味豆腐一樣最岩滷水,豆香加滷水香氣,平凡變上品,墨魚片同滷蛋都係味道剛好,不會蓋過食材味道太極素菜湯羹單看賣相已非常精緻,在酒樓已經好難見到雖名為素羹但味道一樣咁足,飲落有波菜既清新,白色部份應是豆腐清新不油膩,最岩老人家品嚐黃金炸雙棗炸得香口,食落爽脆彈牙,一隻係蟹一隻係蝦肉,外皮酥香咬落係另一種鮮味賣相簡單,但工夫多而繁,潮州菜都係出街食方便,煎炸小吃前菜,大人小朋友都岩食蔥蒜牛肉崧煨飯主食類,食完前菜鵝片,來一客飯,名叫煨飯,但一樣炒得好爽身,但食落飯粒有彈性蔥蒜香氣與牛肉崧令味道更為豐富金絲玉帶九肚魚烙烙即煎炸,九肚魚拆肉入饌,保留魚既原味同鮮味加入不同食材混合下煎至兩面金黃酥香上碟本身味淡,先吃一口原味,再添魚露更能突出魚肉鮮味潮州反沙芋條精挑細選芋頭再切成相同份量只留最中間段既部份,糖衣全包裹芋頭,食時脆香,咬開芋頭夠軟綿香氣

美麗華商場新開了潮州菜館，環境寬躺舒適，空間感大，食物和服務整體不錯。先來一碗杏汁白肺湯，這款湯絕對考功夫，南杏和銀杏要打磨得細滑，豬肺要經過清理工序癖去異味，這裏的出品合格有餘，杏汁香濃，豬肺鮮嫩，我和朋友都非常喜歡這個湯。接著上枱的滷水鵝肉拼盤就較為失色，鵝肉尚算夠腍，墨魚太硬，豬肉最入味好吃。五行六合菜有幾款蔬菜混合炒起，包括甜豆、紅椒、百合和鹹菜，蔬菜爽脆清甜，加入鹹菜令整體味道更富鹹香，是挺特別的一道蔬菜。最後是在潮州餐廳必點之一的糖醋伊麵，菜式看似簡單，味道卻是那麼層次化，麵餅香脆不油，伴入砂糖和鎮江醋令味道甜酸可口，雖然是主食但是越吃越開胃。

今午閒逛尖沙咀竟然嘗了一頓高水平的潮菜，這品牌其他分店都試過，這家是首度亦是滿意的👍🏼😀佈置典雅，員工服務到位，防疫工夫做足桌上更有消毒手液👍🏼選擇頗多有午市套餐，點心和多款小菜，正思量點菜時香濃的工夫茶已奉上👏頭盤是麻醬手撕雞(半隻)份量無欺場, 雞肉嫩滑淋上香麻醬更顯鮮味😋😋👍🏼👍🏼陳皮話梅豬手煲跟上，話梅汁甜酸味啱啱好，煲内豬手爽口有嚼感，比平常柱侯味又有不同感覺😋😋👱‍♂️👍🏼👍🏼主食自製魚蛋粉勁搶分，魚蛋味鮮彈牙，河粉軟硬適中，湯底有魚味，面上更灑上惹味方魚碎粒，全餐我最讚這道😋😋😋👍🏼👍🏼👍🏼太座至愛甜品鴛鴦水晶包皮軟餡靚，结束了這餐高水平潮式午膳👏👏

相約舊同事吃午餐，選了一家高級的潮州酒家。餐廳位於美麗華廣場一期內，內部裝修豪華，環境高貴，座位非常大，侍應生服務有禮。功夫茶四小杯，茶味濃，苦中帶甘。前菜為咸酸菜，爽口酸甜，十分開胃。午市滋味套餐188元，供兩位用。散叫福果芋泥42元。鮮蝦滑腸粉，蝦球大粒，蝦肉很彈牙，腸粉滑，醬汁咸中有少許甜味。滷水墨魚滷蛋，墨魚有嚼勁，滷蛋和豆腐均有咸味和香料味，是一款很惹味的拼盤。潮州炒河，蝦肉爽口，瘦豬肉口感不柴，河粉炒得乾身不太油膩，配料豐富，包括紅蘿蔔、芽菜、冬菇、蛋絲等，色香味俱全。麵水灼芥蘭，顏色翠綠，爽口，味清啖。福果芋泥，質感綿滑，芋味香濃，甜度適中。總結：食物美味，高級享受。

還未通關, 北上回鄉又要無了期delay, 唯有留港四出發掘特色美食。早排經過美麗華, 得知有間食潮州菜, 酒樓般格局, 今日就同媽咪去食個lunch。餐廳環境裝修很有氣派, 而且卡位坐得舒服入座隨即送上熱辣辣功夫茶, 係傳統潮州人嘅飲食文化之後再送壺熱茶, 多款茶種選擇, 我地就揀左清香菊花茶, 呢度除左可以食潮州菜, 午市更供應港式點心, 當中嘅午市二人餐亦很化算。【午市套餐】HK$188鮮蝦粉腸: 滑滑腸粉皮包住嘅係原隻大蝦, 蝦肉鮮甜彈牙, 配上餐廳自家調製甜豉油, 豉油味道偏淡, 正好襯托主菜嘅味道。鹵水墨魚鹵蛋: 薄切墨魚爽口, 富有原汁原味, 底下墊了鹵水豆腐, 伴上鹵蛋, 鹵水汁令味道更加提升。麵水灼芥蘭: 近莖位置表皮被去除, 食落冇渣, 爽脆清甜 潮州炒河: 炒得很有穫氣, 唔會太油, 夾集蝦、肉絲、韭菜、豆芽, 以XO醬炒成, 微微地辣, 很惹味。另外再點了其中一款點心,鴛鴦水晶包: 熱辣辣上檯, 賣相晶瑩通透, 兩種口味, 分別有豆沙、白蓮蓉。豆沙比白蓮蓉甜少少, 但兩款口味同樣很正!最後再送上功夫茶, 畫上完美句號。

之前試過東涌東薈城店個間滿樂潮州，覺得吾錯，今次再Encore !室內設計融入時尚氣息，並以天然木材為主調，比人感覺都真係幾「潮」！ 滷水鵝肉拼盤必點之頭盤，外面的拼盤配菜好多鵝肉少，呢到就相反，鵝肉好多片！杏汁白肺湯呷一口，已聞到杏香馥郁，熱騰騰，加上滋潤美肌，特別適合愛美的女士！潮州蠔烙—小份除咗有蠔，仲有鯪魚肉，增添口感~五行六合菜—小份品嚐到甜酸苦辣甘嘅蔬菜！多種口味！糖醋伊麵—小份麵餅外層脆，唔會鬆散，剪完都唔太油膩潮州反沙芋條有層糖霜包住芋頭條，每口都是芋頭的清香，絕對讓你一吃就停不下來。

最喜歡吃中菜，潮洲菜更是我的心頭好，這裡主打新式潮洲菜，環境寬敞舒適，一家大小來食飯都坐得舒服，食物方面試了滷水鵝肉拼盤，當中有鵝肉、墨魚、豆腐、豬肉和雞蛋，鵝肉肉質嫩滑，墨魚稍為偏實，豬肉入味好吃。潮州蠔烙與一般的蠔餅不同，口感帶點煙韌，蠔仔很新鮮，入口沒有油膩感。糖醋伊麵是必點的潮洲菜式，麵餅兩面煎得金黃香脆，伴入砂糖和陳醋同吃，酸酸甜甜很醒胃。最後以傳統甜品潮州反沙芋條作結尾，脆薄的糖霜平均分布在又綿又粉的芋頭上，就算已經飽了依然要吃清光。

今日請咗半日假，同朋友去美麗華商場嘅百樂潮洲飲個茶，餐廳座位非常寬敞，不論係兩至三人還是五至六人入座，都會坐得舒舒服服。一入座侍應會先提供功夫茶比大家消消滯。 茶位每位15蚊。另外咸菜、小食15蚊。潮州鮮蝦筍粿可以揀煎或蒸，我哋揀咗煎，香口啲。表面煎到金黄色，入面包住筍同蝦，口感豐富。鮮蝦蟹籽燒賣面頭鮮蝦夠大隻，粒粒完整無鬆散，好味！炸芋絲春卷非常香脆，食落啖啖芋蓉。蜜汁叉燒腸腸粉白滑，每條都足料之餘，唔會出現一夾即爛情況。香煎蘿蔔糕表面煎得焦香，有臘腸冬菇，蘿蔔味香而甜。每碟點心送上枱都係熱辣辣，而且進餐不限時，不會催埋單趕客走，抵讚。

同阿媽食飯就食下中菜啦，去咗美麗華行街，經過見到一間中菜幾精緻，再入去食，發現其實又唔算太貴喎而且質素都幾高，值得大家去試吓。叫咗個二人餐，有蝦餃燒賣，有半隻雞，有炒飯， 有一碟清菜，我仲額外叫咗啦一碟滷水鵝盤，真係樣樣都幾好食。菜心就正正常常啦，食咗咁多肉就食下菜心清下腸胃蝦餃燒賣，熱辣辣，又即刻食嘅時候，啲蝦又真係幾爽口，都唔錯。果半隻雞係鹽燻雞嚟嘅，就真係有啲咸，不過配埋個炒飯就啱啱好啦，而且我嗰半隻雞髀，份量都算唔錯，所以我就覺得呢個餐都幾抵叫。不過我覺得最好食係個滷水盤，因為佢又有鵝片，豆腐，墨魚等等，樣樣都幾好食，兩個人其實就真係份量有啲多嘅，不過依個價錢咁多野食質素又好，坐得舒服，真係覺得好唔錯😉😉

魚我就覺得麻麻地⋯黃花魚個汁麻麻哋～佢係炸左條魚然後再炆，覺得浪費咗條魚唔係咁好食。其他嘢都冇乜特別都可以嘅，因為今次同屋企人食想食清淡啲。。。🙂粉絲煲嗰個清清地如果鍾意食好清嘅人就啱晒啦！所以叫咗以下嗰幾款，佢哋既🦢鵝呢就真係最好食嘅！❤️半肥瘦啱啱好！來得呢度我諗一定要叫鵝，係至出色！炸魚腐好難食😅😥～～入邊係林嘅，出面都唔係好脆～諗住食香口野就唔好叫佢啦⋯真係出面啲煎釀三寶仲好食😅不過啲菜上得好快呀啲速度好快👍good!

What better way to treat your parents than to bring them out for a nice dinner?  In honour of Mother’s Day and Father’s Day, from now until the end of June, Moon Lok Chiu Chow has curated a series of set menus for such celebrations. I was delighted to bring my parents to indulge in this 8-course meal, savour dishes with nostalgia and authentic taste of Chiu Chow. Set of Delight ($688/person)-- Deep-fried Sea Prawn Wrapped with Crispy Noodle -- I'm normally not a fan of deep fried foods, but this

今晚潮菜飯局湊夠四人，見見好耐無坐埋同檯食飯既朋友同食下功夫潮菜。先黎杯功夫茶係常識。滷水鵝肉拼盤有鵝片、豆腐、墨魚、豬腩肉同滷水蛋，鵝片雖合格但本身鍾情鵝件，所以覺得肥瘦相間既豬腩肉先至係最好。潮菜湯水中既鹹菜豬肚湯係最愛之一，煲到軟嫩既豬肚十分吸引，湯既鮮味同胡椒既辛香係絕配。蟹黃脆皮海參伴柚皮賣相討好，加埋表面微焦入面彈牙既海參同火喉十足食落無渣既柚皮真係冇得輸。胡椒粉絲蟹煲一打開胡椒味撲面而來，蟹肉鮮甜加上胡椒味焗到入蟹身同粉絲，呢個菜式好快食曬。潮州蠔烙煎得金黃厚度平均，要煎而唔係炸先會咁薄身，加上香脆有蛋香蠔鮮，再黎呢碟都會encore。龍鬚子母中蝦用左蝦膠包住中蝦而成，蝦膠味濃但就無中蝦口感，兩樣野走埋一齊就令蝦味更濃口感更實在。糖醋伊麵唔雖要花考而整到呢個咁香脆好食就得。反沙芋係香港愈黎愈少見，因為整呢味野都吃力不討好！今晚呢個出品糖衣厚度雖唔算好平均，但入口熱度、芋頭粉既程度同糖衣跟芋件既黏合都不錯。老牌菜式雖然唔係大熱菜式，但功夫潮州菜自有佢係飲食市場存在同值得欣賞既價值。