滿泰小廚

Open Now

Now Closed

無論是飯,粉,檬,粉絲,小食,泰式小菜全都好好食,我同過好多好多不同的朋友去食,個個都話好正,而且價錢ok,唯一唔好的地方就係太多人喇,好多時都要等一等位,不過值得架,如果入到西貢,除了一心要食海鮮外,這裡是一個很好的選擇,如果未試過一定有驚喜......

16 July 2006 (Sun) - 晩飯落船後已經好夜啦，所以，就黎呢度食晚飯，同好好友兩個叫咗生蝦刺身，豬頸肉鷄飯，串燒半打同馬拉盞炒通菜，真係眼濶肚窄，食唔晒添～～生蝦刺身個汁好掂，辣辣地咁好好味，亦ok新鮮；豬頸肉鷄飯好好味，個飯並唔係白飯，而係好似炒過咁，好香口，雖然豬頸肉麻麻，因為並唔似出面嗰啲咁，有少少似豬肉咁，不過還可接受；串燒就原本應該係兩串鷄兩串豬兩串牛，但係我哋食落去就好似只有一串係豬，三串牛當然同埋兩串鷄，其中一串好似唔太熟，所以冇食到，不過本身都已太飽，食唔晒！然後個炒通菜就好油下，食到我都唔太想食，怕肥！但呢度既鷄飯係的確唔錯，值得一試！食完真係捧住個肚走！

每次去西貢都會幫襯lee間食雞飯!!佢會俾埋碟汁你撈飯!好好味的!!!值得一試!!

我每次去到呢間食肆都會叫泰式燒肉飯或泰式雞飯，泰式燒肉好特別，而雞絲則好滑，雞油飯又好正，但最緊要是D辣醬，每次我一定點晒D醬，但我就覺得幾貴！

每次入西貢必食。尤其是豬頸肉凍檬同牛展咸豬肉飯。加埋餐廳秘製超辣汁，簡直一絕，加上價錢抵。鍾意食泰國野就絕對需要一試。

1. 豬頸肉雞飯: 豬頸肉不夠嫩，味略重；雞肉反而不錯，很嫩；飯是海南雞飯的飯，味道都唔差。2. 三色冰: 普普通通。

星期日，游完水想去松記食車仔麵，點知排大隊，咪去咗隔離呢間食囉，叫咗雞絲河，魚餅河，馬拉盞炒通菜同埋串燒，雞絲幾鮮味，魚餅有冬蔭功味(名符其實泰國鋪！)不遇過D粉就有D硬，炒菜味濃咗D，串燒豬牛雞各雨串一般啦，兩杯飲品凍檸茶及青檸冰。除雞絲其他嘢都係一般。

11/06/2005 16:00到半月灣游過龍舟水，返到西貢已是三時多了，係時候醫肚。窄窄的一條巷開了五、六間食肆，本已是人頭湧湧，再加上端午佳節更是水洩不通，說的就是西貢市中心福民路。車仔麵店開完一間又一間，是否就這帶旺了福民路不得而知，但於我來說福民路最好食的，肯定不是車仔麵，而是這間泰式小食。這裡的選擇不多，雞、鴨、豬肉粉差不多十年如一日，水準都是保持的。今日和女友叫了咸豬肉金邊($19)同雞絲凍檬($24)，再加一杯桂圓冰($12)。炸了的豬肉外脆內嫩，相信不是豬頸肉，因為缺少了那陣油香，用的可能是梅頭之類。而醃肉的味道叫人難忘，不只是咸，而是有多種香料的味道。金邊粉很滑，湯清甜豬骨味濃，食完粉飲完湯都唔覺口渴。雞絲凍檬加入了雞醬和甜酸汁作調味，再灑上幾滴魚露，醒胃非常。桂圓冰啖啖圓肉，滋潤及消暑之妙品。埋單$55，再黎西貢，都係會食佢～

今次我地4個人去好白痴地就買左個飯4 個人分真係好正=V=我1定會再食..

老實說，這店的有味飯、手撕雞及鹹豬肉確是可口美味，不過，收費則貴得很！點一碟雙拼飯也要３２個大洋，加埋飲品要四十餘元，不怪得被稱為明星飯堂。總之一年吃一兩次也可以，經常惠顧可免則免。以現在這個市度，有所食肆已混水摸魚加價，希望此店的老板高抬貴手吧！

我同男友十次去西貢玩，有八次都會去呢間舖頭食我o地通常都會叫一碟雞飯、一碟鴨飯兩份食佢d飯已經夠好食，再配埋雞、鴨(點埋汁料).簡直就係一絕^^^^西貢本身有好多正o野食.不過，如果有得俾我揀，我一定會首推呢間舖頭，因為實在太美味喇!!!!!!!!!!

實在太美味啦！小女家住沙田,距離西貢話近唔近,話遠唔遠,但每次一想到想食這裏的雞飯及豬飯時,我真係癲到可以落街搭的士仆去買！而且一次過買成5,6 盒,等第2 日lunch time 有得食！超級好好好好好好味！有時在旺角都會專登搭小巴入西貢食！一定要試！包你愛上！<br />有一次同屋企人去西貢遊船河,我當然第一時間跑去買飯啦,我買o左8 盒(我家有成廿人) ,當時每一個人都話我癲！當我極力推介後,不用半小時,所有飯盒吃清光,而且還問我點解買8 盒那麼少！嘻嘻！足見真是好美味啊！！

去到西貢四圍貢，硬係唔知有乜好食，幸得西貢區同學教路，到呢條後街搵食！價錢唔平，但「咸豬肉」真係令我一試難忘，好好好好好好好好好好好好好好味~~一定要試，一定要試！但係唔好食小食拼盤，好貴，但野食少得可憐！

d 雞粉/飯真的好味, 豬仔肉都好香, 不過以咁的格局好似貴左少少...

好多西貢友鍾意呢度D 雞粉, 成日擔心呢度出o左名之後要排隊, 出市區開分店就難免跌watt, 計我話: 諗咁多, 不如食o左先算! 我o既例牌心水都係燒豬頸肉(味道好正, 係乾o左少少!), 賣晒就要燒肉(唔同食開個D, 幾得意!), 雞粉一碗(好大碗架!), 開胃D 整多個炸魚餅(呢D 行貨囉!)之類都幾好, 佢D o野幾重味精, 所以青檸梳打唔少得(未出九龍已經渴死!)....豆豆泥泥o既鋪仔, 無乜服務, 兩個人咁樣食百五蚊, 都有D 幸福o既感覺....