茶記冰室 (Closed)

見屋企附近新開左間茶餐廳放假就入咗去試吓間茶餐廳裝修得吾錯吾似一般舊式茶餐廳等左一陣就有位了啲staff落單都快手同有禮貌食物好多選擇我嗌左個豬扒公仔麵味道吾錯喎份量適中，豬扒好大件杯奶茶都好得！茶奶比例剛剛好價錢好抵食，下次會再去試埋晚市先

今日hea下行過見有間新茶記裝修得幾企理，入去整返個早餐先黎個火腿奄列，個蛋都幾滑唔錯而個多士都夠熱。碗豬潤肉片米都唔算細碗，夠飽肚豬潤都幾爽口加埋杯有茶香既奶茶都平過法國餐廳cafe de coral只係29蚊，性價比高，可以得閒再去食早餐

朋友住附近，話呢間茶餐廳新開，佢試過下午茶話好食，約我試下佢地既晚餐，喺門口已經見到裝修有特色，坐位都闊落。我地大約7點已經落去，但已經坐滿客😱，好在等左15分鐘到就有幾枱客走，侍應見我地有bb，專登安排卡位比我地👍食物方面，椒鹽鮮魷好入味，有別於出面食既粉漿厚過魷魚。蝦仁炒旦，蝦大大隻又爽脆。四季豆同四川回鍋肉，惹味之選，愈食愈辣😋😋套餐仲送大碗白飯，例湯（應該冇乜味精，因為飲完唔口渴），仲有埋熱飲品。餸菜份量都幾多，值得再黎試😉

見早排石陰開左間新冰室，好多人排隊，而見到入面環境都好光鮮，所以就係一個假日同媽咪入去食個下午茶。入到去，見到牆身貼滿晒好多懷舊相，同埋食物名都好特別，令人既感覺都好特別，為餐廳內既環境加分坐低左係一張二人卡位，樓面約有三人，叫左個西多，等左大概5分鐘就到。除左多士上面有牛油之外，仲會有一枝獨立既糖漿，味道食得無平時一般糖漿咁甜，咁有糖份味道，細看，發覺原來是低糖的切開食落，西多士味道不算香濃，較普通，不過不失，但熱度就不足，令人有點失望。下午茶雖然麻麻，但仍會再嘗試，下一次挑戰去食晚餐

好耐冇做運動，難得今日星期六，於是同老公和一位明友到運動場跑步，跑完出身汁成個人爽曬，不過個肚就特別餓，途經石蔭路開左間新冰室，裝修不錯好特別又光猛，於是一行三人走去試下，因為星期六，等左約5-10分鐘就有位。坐低左叫左咕嚕肉，通菜炒牛肉，同特價沙巴龍躉仔，全部小菜都包白飯及例湯。咕嚕肉就做得不錯，入口爽弱，女士最合適，通菜牛肉可以，不過不失。 最後是清蒸龍躉仔，份量也不錯，足夠3人份量，以海魚來說價錢真的很抵食👍。 整體來說不錯，期待下次試埋早餐

上星期去左葵涌石蔭打牌.點知打夜左.就食埋飯先走啦！佢就話樓下開左間茶就冰室.未試過.咁我地就一齊去試. 入到去.哇！裝修得wo 好有懷舊feel我叫左個瑞士雞翼撈公仔麵 配埋炒蛋多士只係40蚊 雞翼好夠味.岩岩好 蛋都好滑 我朋友就叫左個酥皮西檸雞我緊係偷兩舊黎食啦.好好食.味道適中.肉炸到岩岩好.平時唔中意食炸野既我都覺得好食.58有湯有飯 好抵食.所以放上來推介比大家.我黎開呢邊都一定會再黎試下！（因為我聞到隔離枱個碟小炒王同金沙大蝦球好香）

今日第一次來茶記冰室，平時放假諗住去食早餐次次都勁多人冇心機等，今日平日難得同老公一齊放假，見唔洗等位就來試下老公叫左呢度ge招牌沙嗲牛肉麵，我因為唔食牛，所以叫左鮮茄豬扒通粉，每份早餐都跟多士炒蛋同飲品。早餐一到，賣相已相當吸引份量好多，鮮茄湯底好正，豬扒好大塊，而炒蛋都好滑，不過我一向唔中意食多士，如果有得轉奶油脆豬就好。奶茶方面夠滑有茶味，好飲至於老公佢話沙嗲牛肉好好食，份量又多（佢係肥仔）佢話杯招牌凍檸茶好好飲總括而然呢餐早餐好滿足會再幫襯！希望遲d有機會試埋佢晚飯小菜

行過見到新開，見佢光猛企理入去試下😏😏叫左幾個小菜，有個好好飲嘅老火湯，魚香茄子好食，送飯一流👍🏻👍🏻雞就一般，但條魚正，食得出係新鮮魚黎，最出色係個海膽炒飯，正見隔離檯叫左個唔知風沙雞定霸王雞好似好正咁，下次再去試下先🤗🤗

昨日難得放假，訓到二點，就落街嘆一個下午茶，見到屋企附近有間新開既冰室，睇到裝修都幾靚入去叫了一個熱九餐同一杯凍奶茶，我主要係想飲奶茶，飲落都好滑好香，下次早餐可以去食，嘆個奶茶反工了

入來呢間餐廳係完全因為呢度嘅裝修較為吸引，喺呢區附近都咩茶餐廳嘅裝修睇得下，都係普通茶餐廳一間。入到來感覺唔錯，牆上掛左好多畫，於是即刻叫菜，呢度夜晚小菜為主，店員開頭介紹清蒸沙巴躉，但我個人喜歡食魚雲，所以叫左個魚雲煲，蒸肉瓶個口水雞，魚雲煲味道好香，而個口水雞都做得唔錯，好有風味，夠辣。呢間野整體都唔錯，睇到隔離台叫左好多小菜，下次再來試試其他野(唔知點解有啲相upload 唔到）

魚香茄子燜米碎到不得了（一係廚師廚藝差，炒到碎曬；一係食材差，俾啲米粉末客人）總之兩個原因都唔值得去幫襯味道又欠佳份量又少紅豆冰收得人跟餐價9蚊都好心你提供支粗飲筒啦叫客人點飲紅豆冰丫咁大粒豆點吸店員態度又差啲阿姐係咁係bb車與餐台間「洩位」明明隔離走道冇人都係要撞人地bb車離曬普

今天到石蔭路朋友家打牌成大贏家， 最後被屈請食飯。 朋友說最近樓下開了間新式冰室，於是決定去試試，一早落到去看見好光猛，樓底又高，感覺舒服。 坐底左店員介紹過來介紹特價88元清蒸沙巴龍躉仔，好吸引，因為我喜歡吃海魚多啲。 但因朋友喜歡吃魚雲，最後都沒有叫。最後我們叫左咕嚕肉，咕嚕肉肉質爽脆香口，不錯。 而鼓汁蒸魚雲份量也可以，看來很新鮮。 還有芝麻雞，份量多抵食，足夠3-4人份量。 最後有個通菜鮮魷煲，喜歡吃香口濃味的朋友值得一試。店員說新張期間小菜也送白飯和例湯，感覺挺抵食的。 整體食物質素不錯，價錢抵食。 期待下一次再來試試特價清蒸龍躉！

今晚同媽咪去完老人院探公公，途經有間新開茶記冰室，見裝修好靚，又趁早未開始多人，於是決定同媽咪試下。入到茶餐廳員工都好friendly,地方好乾淨企理，環境都舒服。今晚晚餐都有大約十款選擇，但我見餐牌上的小菜都好吸引，價錢亦好大眾化，於是我們散叫了一碟小炒王同金沙大蝦球，但原來散叫都有例湯同白飯送😆好抵食！聽老闆講原來小炒王係招牌菜，果然真係唔錯，好大碟，好足料，除左一般有的蝦乾菜脯外仲有大蝦同魷魚,好有鑊氣而金沙大蝦球分量都好多，好香蛋黄味，蝦球好爽，好惹味今晚真係好滿足，之前喺石蔭食嘢食到悶，d茶餐廳又坐得唔舒服，終於有間又好食又坐得舒服嘅冰室。我同媽媽都話會再幫襯😁

8月31日 大約下午5點半到6點， 我叫了一份常餐：沙爹牛肉麵 和火腿奄列和多士。 結果令人失望， 火腿奄列 鬆散， 沙爹牛肉 大部分是肥肉， 麵太硬， 凍檸茶唔夠味。 在這段時候 還顧四周 只有我一位人客叫常餐。

平日晚飯時間要等位，5-10分鐘左右環境光猛，唯比較嘈吵，在北葵涌一帶算是比較企理了食物在石蔭路茶餐廳雲集區域中，比較出眾，民生區域，街坊生意，還是要靠價錢與食物質素。推介：芝麻脆皮雞，火喉恰當，烹煮時間拿揑準確。個人喜歡雞肉滑，但有些人可能驚唔夠熟，下單時同店員說明吧