茶記冰室 (Closed)

早幾晚來到石蔭去舅父家拜年，一如以往一家人一起去吃開年飯。原本打算去裕滿人家，點知冇訂枱full左，於是舅父提議去附近的茶記冰室，話d小菜好味又抵食。去到都要攞飛等位，但冇辦法啦周圍都咁多人，唯有等下。等左大概半小時入得，我地一行六人，侍應見到我地有老人家幫我地安排左一個比較寬闊嘅位置👍🏻好細心呢度環境裝修幾靚，夠光猛，地方都算乾淨，茶餐廳來講算係環境好好。由於過年要食雞，本身想叫佢個招牌雞煲但外婆唔食得辣同埋清清地，於是叫左樓面推介嘅菜膽雞， 鮮淮山炒斑片，豉汁蒸鱔，黃金鮮魷，炒青菜同豉椒炒花甲。個菜膽雞都不錯仲有菜，冰鮮雞肉質算滑。 個鮮淮山都幾出色，入口滑滑地，感覺很特別，清清地健康之選。個蒸鱔同花甲都不錯，抵食，D花甲都幾肥，如果再辣啲效果更佳，已向店員建議，當然要配啤酒啤一啤啦，呢度仲有戰鬥碗，真體貼總括來說呢間餐廳食物質素不錯，小菜夠鑊氣，份量又多，呢個價錢好抵食，埋單每人只是百零蚊，真心推介👍🏻👍🏻👍🏻

這間餐廳是小區內我最喜歡的其中一間， 已來過多次， 因今次人多菜色比較多， 是時候讚一下。 今次6人晚飯點了 “脆皮芝麻雞， 黃金鮮魷，四川回鍋肉， 勝瓜炒豬頸肉， 金銀蛋浸波菜”。 脆皮芝麻雞皮脆香口； 肉不會太乾， 同上次一樣水準。 黃金鮮魷有我喜愛的咸蛋黃蓉 及 外脆內仍嫩。 四川回鍋肉辣度剛好適合小辣口味人士， 肉不會太肥膩。 勝瓜炒豬頸肉和金銀蛋浸波菜就清清地味道適中。 這裡的食物都不太咸和不太油， 除了味道 ，包含睦鄰友好的心思! 食客除了填飽肚， 亦感受到人情味 。

相信幫襯佢嘅都係街坊，由佢最初開業一直都有幫襯，在不同時段，由於我怕人多，都會避開繁忙時段，味道平均都不錯，可是本人就遇過三次不愉快經歷，第一次於繁忙時段，樓面召呼還可，算正面態度，我叫咗一道菜，後來上枱的不是我order的，當中一種食材用咗第二樣取代，同樓面講，佢入去厨房出返梨就話無嗰種食材所以取代了，結果我照收貨， 無謂浪費食物， 但我同佢講如果冇要出聲，我可以揀第二款， 便了事第二次非繁忙時段，我喜歡叫四季偏豆， 差不多次次去都食呢款菜，呢次梨嘅偏豆老過我太公， 心中不憤，我無出声，照食，做人要有衣食，但埋單我同收銀講，下次啲出品吾得做吾好出比客人，因我覺得佢係老闆娘，好靚女下嗰個呢..希望佢會同廚房溝通改善一下第三次今日 2-2-2017 下午5：45分 叫咗個 吉列豬扒湯烏冬，上次叫過一次， 賣相唔錯 ， 豬扒有蕃茄青瓜伴碟 ， 烏冬亦有青菜 睇見都想食 ，但因為牙痛冇試真啲未，今次打算試多次，点知一上枱我呆咗， 我覺得我似梨化緣， 所有伴碟無曬， 一碗烏冬，加一碟豬扒， $38常餐黃色一pat， 唔係畀和尚食就係畀監躉食咁， 我忍唔住出咗聲同樓面講， 上次個order賣相唔

今個星期六約左同老爺食下晏 但係食黎食去都係樓下個間 所以今次行遠d試新野 入到去都好新淨 常餐都好吸引 還有午餐飯類選擇老公同老爺都選左招牌沙爹牛肉面 分別配火腿奄列/炒蛋 厚多士添 我選左茄湯豬扒米 配左火腿奄列同豬仔包雖然不是好味到一試難忘 但總算貨真價實

第一次幫襯......早餐：吉列魚柳配黑松露炒滑蛋😍好好味！最欣賞個炒蛋黑松露味道十足😋另外杯熱奶茶真的要一讚😋又香又滑同埋夠熱👍👍整份早餐份量都好足夠飽😋（可能我細食😂）連埋餐飲$34👍👍絕對值這個價錢！

剛新搬黎葵涌，唔知邊度有好野食，見到屋企附近有呢間冰室，又另類裝修風格，即管上網睇下d食評，大部分都讚好，就試下啦。我星期日6點半左右落到去，見到入面已經坐滿8成客（心唸應該好食卦，咁早就咁多人😂），坐低店員推介羊腩煲，雞煲，聖子皇，薑蔥炒蟹，沙巴仔等，由於果晚得我同爸爸兩人，只叫左個細羊腩煲，黃金鮮魷（冇錯係黃金鮮魷），因為小妹好鍾意食魷魚，但又忽然好想食咸蛋黃陣味，咁就問下店員可唔可以整，估唔到佢地真係行入去問，因為餐牌冇呢個餸），聽到回覆話可以，真心一讚佢地d服務態度👍個羊腩煲雖然係細size,但份量足。黃金鮮魷表面痴滿咸旦黃既香味😋又唔太咸，魷魚都算大隻，值得回味😋重點係埋單都係2百零蚊，又湯又飯仲有杯熱飲品，搵日再黎食，因為見隔離枱既聖子皇，薑蔥炒蟹都好似好正😍

其實來過茶記都好幾次，呢度老板個人都幾nice,人所以每次來都會吹下水。上次聽佢話近排會返小量海鮮做下睇睇反應，有蟶子同肉蟹，但佢話最好打來訂定海鮮，因為唔會返得多同好快買晒，留過夜怕唔新鮮。我今日就打來訂定先，留左蟶子同蟹。今晚星期六都好爆場。老板話如果無訂就一早買晒。蟶子蒜蓉粉絲蒸，蟹就薑蔥炒，跟住叫多左個羊腩煲。海鮮係好新鮮，個薑蔥炒蟹炒得好味價錢亦好抵食。出面食海鮮一定貴好多。個羊腩煲都好足料，老板無介紹錯，加上呢度環境好好，夠新值得一再捧場。

呢間新開永不再食！對唔住我真係好少打食評我都要打！勁嬲！一個啫啫雞煲材料有13片豬潤、四隻雞翼尖、六件雞！仲有兩件係大骨！究竟我今晚食咗啲咩？仲有個湯咸到飲唔到，究竟我今晚食咗啲咩？

每天反工前都每去屋企落下食個醒神早餐之後反工，今日發現屋企附近開左一間新既茶餐廳，鐘意試新野既我即刻入咗去食個早餐，一朝早最緊要喝杯奶茶醒一醒神，奶茶夠滑我鐘意，，之後最叫左一個沙嗲牛肉麵，一個套就$29店員最推介叫我加$4 配個黑松露炒蛋我見咁特別一定加黎試下啦！個黑松露炒蛋好特別黑松露加蛋好配合，第一次早餐食個黑松露😂值得推介👍🏻

今晚天氣涼涼地，吾想煮，一於同老公仔女試試樓下間茶記，我地6:30到达，吾驶等位。 見倒有海鲜叫，一於试试蒸蟶子同薑葱蟹，价钱不算贵，蟶子一人一只， $25元，同埋雞煲半只。 聖子都蒸得幾靚，幾新鮮，大小都算係咁。 炒蟹一只份量都夠我们4人食，D肉質都几爽口同埋夠香口，正。 另外就來雞煲，叫左小小辣，味道都幾香同埋肉質都過得去。 真的不錯，又抵食， 以前成日要過荃灣先有海鮮食，依家呢度有得食了，要俾個like 先。

今晚有朋友過來探我地，天氣涼涼地，又吾想煮，於落去茶記開餐。 我地7點鐘落到去，都差不多坐滿，剛剛好有位坐，見佢地出左特價海鮮，而我又鐘意食，於是叫左聖子皇，薑蔥炒肉蟹，同麻辣雞煲少辣。 聖子每只$25， 我地一於食大佢每人有2只，聖子來到，個size 都不少，過得去，肉質都幾鮮味道都不錯。 再來炒蟹，一只來講份量都算多，肉質都算爽同firm , 炒得幾香，味道幾好。 最後是個雞煲都幾好，份量多雞肉都爽爽地，冰鮮雞來講算係咁，又抵食又野味，配可樂真係一流。 叧叫左幾碟小菜埋單每人只是$140 蚊，抵食！ 係石蔭路來講算是特出的一間，至少佢地肯推新野吸引新客，對我地客人來說又多一個選擇，值得俾

今日DAY OFF.難得一家人食飯.決定落街食.唔駛自己煮. 去左呢間茶記冰室.之前成日聽朋友講.今日終於有機會去試下啦入到去環境幾好.裝修好靚,好有懷舊FEEL.店員都好有禮貌. 估唔到有海鮮食wo.我就叫左個豉汁蒸白鱔88蚊同埋蒜茸粉絲蒸聖子皇25元1隻.西檸雞58元仲有金銀蛋白菜仔52元4個菜都好好食.個白鱔同聖子都好新鮮,呢個價錢真係抵食.而且師傅蒸到岩岩好.個西檸雞同菜都係.味道好好. 我下次一定會再黎試埋個雙東羊腩煲同埋特登放上來推薦比大家.

昨晚星期日媽咪唔想煮，見未試過茶記嘅晚飯小菜，媽咪又想食，於是七點便去攞位。落到去見到已經full左，好多人，要等位，以為等十分鐘左右，誰知一等等左廿分鐘，不過媽咪又好想食唯有等下啦。坐底後見到附近好多枱叫雞煲同羊腩煲，好似好正咁，但媽咪唔食得辣，我又唔食羊，唯有食其他啦。有位呀姐推介話是日有新鮮海鮮，蟶子廿五蚊隻，又介紹豉汁蒸白鱔，估唔到茶餐廳竟然有新鮮海鮮食，因為我同媽咪都好鍾意食海鮮，於是叫左蒜蓉蒸蟶子,豉汁蒸白鱔,再加個炒菜心。等左10分鐘左右就到了，白鱔好爽囗，冇泥味，個汁調較得好好，蟶子都非常新鮮，都算大隻，味道同之前去流浮山食一樣！至於炒菜心就冇乜特別，但幾有鑊氣。今晚同媽咪食得好飽，埋單都係二百蚊左右，d海鮮真係好抵食,白鱔都係$88，蟶子四隻先$100，估唔到喺茶記竟然有又新鮮又抵食嘅海鮮！會再來！

今朝突然好想食個豐富早餐，諗起屋企附近新開嘅茶記冰室好似好多人食，於是走去試下。由於平日又早，唔洗等位就入得。餐廳裝修都幾特別，幾舒服。早餐不算貴，唔洗30蚊，見到沙嗲牛肉麵係招牌，於是叫來試下。等了5分鐘左右就到，沙嗲牛肉麵熱辣辣，賣相唔錯，分量亦好多，沙嗲牛肉好入味，味道唔錯，麵身有d似係出前一丁，好食！炒蛋多士嘅炒蛋都好滑，多士就冇乜特別（唔記得影相😜）最後一讚係杯熱奶茶，奶同茶比例剛剛好，奶茶又香又滑👍🏻呢個早餐食到好飽，埋單只係$29蚊，抵食！會再幫襯😋

今日放假又約左斑老死，打完牌再次幫衫呢間，因為天氣凍，見門囗有羊腩煲推出，細煲$148，大煲$228，見價錢幾抵就試，叫左個大煲，包生菜一碟，出黎賣相都ok, 份量算足，足夠我們5人享用，D味道都不錯，有點當歸約材味，羊肉都算爽口，吾會太hai， 睇得出食材都不算差，因為之前係深水埗某馳名食肆小X王試過300幾蚊一個，但食材用平貨，不吃也吧。 呢度起碼食材用料可以，吾會hai 實實，都算老實，價錢都算抵！ 值得推介！ 另外用友喜歡食辣，佢地叫左個麻辣細雞煲，不過忘記影相，我吾食得辣冇試，不予置評，但佢地話都幾好食，夠野味。 另外叫左幾碟小菜餸飯，埋單只不過每人$120， 真係抵到爛啊！