茶記冰室 (Closed)

見到Facebook 有人介紹呢間冰室，見d菜式又幾吸引就黎試吓!!1⃣️試即刻愛上 不論味道 款式都十分好兩個人叫左三個餸 之後仲有白飯同例湯送埋 簡直一流。份量又夠多 兩個人都食唔曬 仲🉑️以打包回家當宵夜🙊🙊埋單兩個加埋先兩百幾蚊 真係色香味俱全 兼抵食到爆仲有好多菜式都好想試 下次一定會再黎過🙆🙆第一道菜：䜴椒炒蜆 炒得好入味第二道菜：茄子班腩煲 呢煲野超香 茄子又煮得夠淋 班腩又啖啖肉 送飯1⃣️流最後1⃣️道菜就係冰鎮咕嚕肉 呢道菜最特別 將d炸好左既咕嚕肉放入d冰到 令到咕嚕肉入口脆卜卜 好特別

因為探長輩既緣故過左黎石蔭，喺諗唔到食乜既情況下就入左呢間冰室試下。餐牌同一般茶記差唔多有家常炒粉麵、碟頭飯等，仲有例牌小菜套餐，包白飯、中湯同餐飲。我揀左好多人推薦既冰鎮咕嚕肉，價錢偏高，喺茶記食梗酒樓既價錢，但黎到果然有驚喜真係好多冰鎮住咕嚕肉食得多，冰鎮就真係第一次食，份量唔少，大約有十幾舊咕嚕肉，舊舊都大大舊。唔知係咪冰凍左既關係，咕嚕肉食落外脆內軟，肉質容易咬開唔會痴牙，外層係脆身，唔會好似平時食既咁痴牙，亦唔會漏，甜甜酸酸好開胃除左咕嚕肉，仲有啲冰凍既菠蘿、提子同車厘茄做伴碟，食落都清新健康啲，即使無菜都唔會太寡。輕而易舉送哂成碗飯！唔大食既真心可以兩個人嗌一個餸兩份食，因為份量真係幾多下呢個真心推薦必試！！

星期曰難得有得收早，就同男朋友相約再嚟食,太耐冇嚟過有啲回味🙆‍♀️🙆‍♀️估唔到晚飯時間居然唔使等位，上次等左勁耐今次黎到即刻有位坐睇吓Menu有咩新野食最後我哋兩個人叫咗三樣餸啱啱好完全食得晒冇食淨仲要有埋湯 野飲 白飯跟埋埋單先至$199 200蚊有找🙊🙊抵食亦都有12款優惠菜式供選擇 有多款菜式選擇 真係唔知要黎多幾多次先試得完🤣咕嚕肉 炸得夠曬脆 份量都唔少 但本身諗住拎d汁黎撈飯食 點知係冇汁的黑䐁肉生菜包 呢個超正 d豚肉夠曬入味 反而用呢個撈飯仲好 連平時唔多食飯既我都足足食左半碗飯 極推介 夠曬惹味 但略油左少少🙊椒鹽九肚魚 又係炸到脆卜卜 食落囗仲係好熱額外仲有一碟豉油俾你點 如果覺得唔夠味嘅可以攞黎調下味 3⃣️餸1⃣️湯 好有家的味道呢碗就係豚肉碎撈飯 1⃣️流 好食到停唔到牆上貼🈵️告示牌 好懷舊 好有香港特色

​ 平時都有食開呢間晚市小炒，今次就帶埋兩個朋友一齊過嚟食。 店內亁淨企理，牆上有推廌菜色。 冰鎮咕嚕肉($88)，呢度嘅特色菜，幾乎每一張枱都有一碟， 咕嚕肉舖係冰面而且有啲水果，令到咕嚕肉食落好清新， 而且炸粉唔厚，唔會肉多過粉，同時配合埋生果降低有油膩感， 而且平時出街食好少有水果，仲要係小炒店，感覺新鮮。 沙薑雞($78)，雞好入味、肉質嫩滑， 而且隻雞好肥美仲要佢今次俾埋脾我地， 啖啖肉，再配埋沙薑汁，認真有水準， 啱晒宜家天氣寒寒地暖胃。 XO醬京蔥爆肉片($42) 夠火侯，熱辣辣上枱，肉質嫩滑，好香XO醬味， 仲配埋檸檬，想無咁熱氣可以滴兩滴檸檬汁落去中和吓，夠晒細心。 菜心炒牛肉($60)，用蒜蓉爆香咗牛肉再加咗啲燈籠椒， 夠香口，而且有埋菜心，啲菜幾靚，食小炒總係要叫返碟菜無咁油膩。 茶記冰室 葵涌石蔭路60號金石樓地下2號舖

今日去石陰果邊探親戚，親戚帶我黎食晚飯，話呢度d野好抵食我又有口福啦！呢度真係好有懷舊冰室feel, 特別係盞燈超鐘意我地叫左兩個套餐，包飲品、餐湯同埋飯青紅蘿蔔湯都幾好飲幾清甜呢個凍奶茶真係唔錯，好有茶香，好過我家樓下嘅太多呢排做緊周年優惠，黃金蝦$78炸得好脆口，充滿鹹蛋黃嘅鹹香味，蝦身都算大隻。頭部冇完全切晒，所以仲食到少少蝦膏豚肉生菜包，豚肉炒得幾香，唔會太咸，份量多，重慶雞煲（半隻）半隻份量已經好多啦！佢嘅汁唔係好多，本身都好驚痴底，但係原來下面有芽菜，芽菜出咗啲水份花椒味突出，係我鐘意的 呢餐3個人食真係好飽，埋單唔洗$300

說實話，平常真的比較少吃茶記，但有天見到朋友分享的咕嚕肉照片，即和男人說想吃咕嚕肉，想不到隔幾天他便帶我去了一間同事介紹的茶記。有趣的是，它的名字真的叫茶記餐廳。這裡很旺場呢。牆上貼滿他們的招牌菜，很吸引。每一樣都很吸引，都不知點什麼才好。這裡的小菜都是跟白飯的，職員還送上例湯，很有家的感覺，感覺沒太多味精。冰鎮咕嚕肉 $88賣相很有趣，咕嚕肉全都被冰粒封住了。冰底下就是主角咕嚕肉，看上去已經很吸引，入口粒粒脆卜卜很冰爽，加上菠蘿、提子及車厘茄，它們不只是陪襯，而且味道很夾，整道菜酸酸甜甜很開胃。千島伴鬼馬 $78原來是油炸鬼釀蝦膠，上面加上千島醬。油炸鬼脆卜卜夠香口，但沒有過份油膩。蝦膠釀得很豪氣，根本是蝦丸的份量，而且口感爽口彈牙，啖啖蝦味。再加上美味的千島醬，實在是絕配呢。蒜蓉油麥菜 $50正正常常的一個炒菜，味道口感也可以，純粹因爲要均衡飲食而點，幸好份量不算少。其實這裡真的不少特色食物，價錢親民還全日免加一，可惜只有2個人吃不到哪麼多，要再去試試其他菜式呢。

今日朋友新屋入伙，去咗佢葵涌附近嘅新居坐吓，傾到晚飯時間，朋友提議落樓下搵吓有咩好嘢食，所以我哋就兩支公周圍逛一逛。行行吓，我見到有間叫茶記冰室嘅餐廳，印象中好似係其他地方都有去過，朋友話未試過，咁就同佢試試啦！餐廳本身企理乾淨，有特意裝修，睇得出係想有少少懷舊feel果隻，特別係地磚所用嘅係懷舊花紋，我之前裝修都有諗過用依隻磚。入去坐低，服務員即刻同我哋介紹餐牌同招牌菜，佢推薦左個羊腩㷛俾我哋，我亦都見周圍好多人都食緊，應該係時令菜嚟，可惜朋友話唔食得羊，所以冇叫到。由於餐牌都好多嘢可以揀，所以我哋都用左成五分鐘揀食啲咩！最後問埋服務員心意見，我哋先可以落order，依度都要多謝服務員嘅耐性，因為我同朋友都唔係咁有主見既人黎。先嚟嘅係應該跟小菜送嘅中湯，冬瓜瘦肉湯，可能我同朋友都係唔多湯水果隻啦，好快就KO左碗湯。之後等左一陣，第一碟餸嚟啦！係芥蘭魷魚㷛，芥蘭嚟講，炒得好香，食落爽甜，再加上魷魚嘅鮮味落去，冇得彈啦！第二樣嚟嘅係黃金蝦球，睇相就知有幾正啦，蝦球大大粒，全隻包住啲咸蛋嚟炸，唔好食就真係有鬼啦！建議用白飯送，會balance返啲。第三樣餸係椒鹽九肚魚，食食吓都聽到隔離話，

聽說這邊有家別致的茶餐廳，一下飛機就狂奔過來了。看了菜單後，我們點了幾樣點單率高的菜品，千島伴鬼馬，黑松露蝦仁炒滑蛋，戰鬥碗， 雙冬羊腩煲。味道鮮美，值得推薦噢，下次還會再來呢！

22號冬節同朋友去試左茶記冰室既晚市，個名幾特別，潮流興麻，改個名叫冰室聽落特別吸引🤣 餐廳裝修都幾好，真係有小小冰室既格調，唔知係咪冬節關係，都幾多人，全場爆滿坐無虛席，待應服待都唔錯.D我個朋遲到留個位俾佢先都話無問題野食真心高質，我地叫左2碟招牌小菜，冰鎮咕嚕肉好高質，用冰鎮咕嚕肉真係第一次聽，但話晒招牌菜梗係試試佢，唔知係咪冰鎮過冷河既關係，肉質外脆內軟，未上之前都有擔心冰鎮會唔會好奇怪，點知唔會，雖然有加冰，個肉暖暖地，反而好好入口，佢地仲用左提子，菠蘿同番茄黎增加口感甜味，忽起平時食既咕嚕肉既口感豐富好多，呢道菜真心推介，用黎做招牌菜真係無得輸🤤食完都好想返尋味，再黎一盤。另一味餸招牌黃金蝦都整得非常特別，有別平時食返既黃金蝦，佢用咸蛋黃加麵粉去炸，蝦身雖然無過過冰河，但果樣炸到脆卜卜，脆到殼食麵唔係咩問題，而且成道菜味濃得黎唔會太過份，食完咕嚕肉依個味甜既菜，再上一個黃金蝦既咸味，一咸一甜都做得好好食，好似上演左上場味蕾既交響樂，另外呢2味餸送飯一流，真係好正！！

茶餐廳是一種起源於香港的食肆，提供糅合了特色平民化小菜及餐飲場所！週末想逃離太擠滿酒樓而又有快捷美食之最，去葵涌就最快捷交通亦同樣方便，有時係香港揾食連横街窄巷都唔可以忽略！葵涌石蔭路整條街都是食店臨立，招牌裝潢顯眼，酒樓的食物與茶記冰室相若，反而冰室物美價廉省略加一情況，驟眼睇好似好普通，睇真點嚐過後就會發現真的有驚喜！別小看餐廳一副茶記冰室格局，店內面積闊落，耀眼柔和燈火之下牆上以一幅一幅畫㗎作裝置，融化在熱鬧氣氛風情非常舒適，座位全是偏闊餐桌餐椅配合街景，還有免費電視直播，裝修雖然簡單(環境、美食、服務)唔錯，店員落單時亦會耐心細聽為顧客挑選以罕有！很多人都特意前來，不少街坊和網友推介本店蒜蓉粉絲蒸開邊蝦，為求令食客食得入味，餐廳在蒸的時候輕剁幾下防止蝦身捲曲，上桌同時蒜蓉慢慢滲入爆香變成微金黄色，味覺頓時不斷升温，令一度清淡鮮味餸菜增添色彩變成滋味，而且蒜蓉不但具治傷寒有助避過寒冬有份量燒薯牛粒一大碟，牛食材日漸成為消費者時尚選擇之最，熱騰騰剛熟可口味道牛味濃郁唔韌，鮮嫩鬆化牛粒拌匀焦香烤焗薯仔免除油膩口感，薯粒滲透牛香汁入口即化，甜甜蜜糖薯粒配合己調味黑椒牛粒非常吸精，唔錯選

平時無無聊聊諗唔到食咩好，茶記就最啱喇！今日係石蔭做野，放工見到哩間茶記冰室，又茶記又冰室，好奇之下入咗去試試佢！我同同事兩個人放工肚餓死，叫咗勁多野食！我地要咗西蘭花炒花枝片，冰鎮咕嚕肉，豉椒炒蜆同埋沙薑雞腳，加配兩個飯兩個湯，勁足料！仲有凍檸茶！先講下西蘭花炒花枝片，西蘭花好爽口，唔會太淋，仲要索曬啲汁！同埋花枝片勁爽口滑身，好好咬。豉椒炒蜆係好有鍋氣！香到隔離枱都有話要嗌翻碟😂仲要勁多蜆，絕對無偷工減料！仲有沙薑雞腳，雖然係小食但係份量都好多，好入味。重點推介冰鎮咕嚕肉！咕嚕肉上面鋪滿好多冰，賣相好有特色，咕嚕肉咬落好爽，炸得好香脆！仲有菠蘿同埋番茄仔做伴碟，食得太多肉食返啲蔬果，感覺好清新。果然係招牌菜！大家經過一定要試吓！除咗啲嘢食好食，其實呢度嘅裝修都好有特色。牆上面掛住一啲香港特色嘅牌，好有舊式茶餐廳同冰室嘅風味。去開石蔭嘅朋友不妨入去試一試。

朋友過完台灣，準備左份手信俾我，之後順道去附近食晚餐。佢話附近有間幾特別既餐廳，帶我去食，話有道叫冰鎮咕嚕肉！第一道梗係叫呢道菜上到枱，好大盤！入面啲咕嚕肉比冰舖滿，仲有其他水果，例如葡萄、車厘茄同埋菠蘿。第一次食呢種咕嚕肉，幾新奇！仲要個盤有一層隔住，啲冰溶左就會流落去下一層，個設計好正之後仲叫左鼓椒炒蜆啲炒蜆幾惹，同埋大多都係有蜆肉，good!再加埋個招牌黃金蝦一碟有十幾廿隻，一咬落去，就試到出面係啲咸蛋黃整成既醬汁，btw啲蝦可以連蝦殻食都仲得！見到有啲客飲酒個碗幾特別，寫住戰鬥碗，可惜佢唔飲酒，所以無叫到，幾可惜另外，間冰室設計都幾特別同埋個老闆娘幾nice

係葵廣行完街，走咗去搵好嘢食🙈之前喺網上見到茶記冰室嘅冰鎮咕嚕肉好特別，所以就過左去試。去到見到佢有週年特價優惠，好抵食😍1至3位可以揀一款，所以我們點左招牌黃金蝦同冰鎮咕嚕肉。平日岀面其他店一客黃金蝦要一百五左右，呢度只係要$78😍份量一d都唔比人哋少。隻隻蝦都大大隻又新鮮🙈 每隻都炸得好脆口，均勻塗抹上鹹蛋黃☺真係連殻食都仲得。店家仲好細心咁剪晒啲蝦頭嘅尖角同眼🤤所以成隻食都唔使擔心。冰鎮咕嚕肉真係名不虛傳，見到個兜果下真係呆咗！上面全部都係冰，而撥開咗啲冰之後就發現有車厘茄同提子仲有菠蘿同主角——咕嚕肉。初頭仲諗住上面D 冰溶咗，一定會整濕啲咕嚕肉搞到一pat pat。點真係好有驚喜呀！佢冇濕不特止，反而仲好脆口、好好味😍😍下次再去試下佢其他菜先！

好耐冇食過小炒，今日去下呢度試下不過位置唔太就腳，要喺葵芳轉車先到好在走嘅時候咁啱搵到架小巴直接翻沙田👍🏼👍🏼 眼見好多枱食客都係熟客，應該做開街坊生意！餐廳有好多懷舊擺設, 將老香港冰室再展現出黎!有平有貴，任你揀！跟餐附送西洋菜湯 草船借箭特色招牌菜！外形設計別具心思之外，味道都一流。魚煎得好脆，咬開中間拎條魚骨出黎就可以成條食。沙拉骨份量都幾多，而且肉多骨少，送飯一流！ps: 裝飯個碗仲係公雞碗黎～～蒜蓉開邊蝦粉絲基本上唔洗自己開蝦殻已經食到啲肉，可以見到每舊蝦肉上面都有蒜蓉，唔會淨係得蝦味，食到咁上下可以清埋下面嘅粉絲，索曬啲蝦嘅汁同埋豉油真係好正！ (添飯呀唔該！(*¯︶¯*))賣單竟然唔洗加一！

茶記冰室是一間十分新穎的茶餐廳，雖然它是一間冰室，但是它的菜式很特別和新穎。茶記冰室的佈置就是以懷舊為主。雖然只是點了三個菜，但是兩個人吃的話已經足夠。因為只要叫小菜的話，他都會包湯飯和飲品。首先送上來的湯雖然是送的，但是也十分足料。不是只落味精的湯。首先就是點了這家餐廳的招牌菜冰鎮咕嚕肉。冰鎮咕嚕肉是一個十分新穎的Idea，從別的地方好像也沒看過這道菜。有別於平時吃的咕嚕肉，送上來的時候它是放在冰堆裏然後就會有一種有冰火交融的感覺，十分特別。然後就是點了個魚香茄子煲，這道菜的份量很多，十分抵吃。溫度剛剛好不會太熱也不會太冷。然後有一點辣的味道但是還是可以接受的。最後就是點了一個西蘭花配魷魚。西蘭花很入味，味道濃郁。然後配上魷魚，魷魚十分彈牙而且又不會很難咀嚼， 十分推介這道菜。