茶記冰室 (Closed)

晚飯時間經過葵涌呢間茶餐廳, 菜式多元化且夠深度, 鍾意打邊爐嘅有重慶麻辣雞煲或者雙冬羊腩煲，鍾意食小菜嘅有一些特式菜，好似冰鎮咕嚕肉、風沙雞、芝麻雞、崧子菊花魚，家鄉蓮藕餅等等，這些都需要深度技巧的烹調技術，能彰顯廚師既功力，梗係要入去試下啦。 今晚選了西檸大蝦球，一上菜見外型唔錯，每一粒蝦球都大大粒，咬落爽口彈牙，上面鋪上一層西檸汁，內裡含有西檸皮的細粒，是西檸中最有營養且最香的部份，另有芝麻粒在上面點綴，美觀又可口，酸酸甜甜帶來味覺上既刺激，西檸和芝麻的香味令胃口大開，主菜旁伴上新鮮沙律菜和脆口青瓜，整道菜讓人開胃又滿足。脆皮芝麻雞外皮炸到金黃色又香又脆，脆皮與芝麻緊緊相連，芝麻的香與脆皮的脆融為一體，內裡的肉質嫩滑, 入口充滿醎香味道，配上白飯最棒。每個小菜都附送例湯，今天是粟米紅蘿蔔湯，清甜美味又潤喉。 最後一味菜反璞歸真，選擇了比較清淡的海皇雜菜煲，有大大粒既蝦球、帶子、魷魚，又有雲耳、木耳、菜心、白菜。清清淡淡，可以感受到食物原味，蔬菜高纖清腸胃，最後再嘆番杯熱辣辣嘅檸檬茶消消滯。

嚟到葵涌石蔭呢頭食飯，呢到最多嘅食肆就係茶餐廳。喺云云茶餐廳之中，我最鐘意就係食茶記。茶記午餐有十分之多嘅選擇，蒸飯小炒常餐麵食大碗飯都應有盡有，而且試過好多次都覺得佢水準穩定得嚟味道又唔錯。價錢方面，lunch set有湯有嘢飲都只係四五十蚊，抵食!!!XO醬翠肉瓜炒雞柳翠肉瓜炒得爽口，雞柳腌得入味，最緊要係冇雪藏味，成日食到出面啲雞柳有雪藏味好掃興🤷🏻‍♀️呢個XO醬少少辣，好好餸飯。叉燒炒蛋印象中每日lunch都會有個炒蛋嘅set，叉燒or蝦仁。呢個叉燒炒蛋，好!大!碟! 食極都仲有，叉燒同蛋嘅份量都好多，蛋唔會炒得好老，配上葱花好味又抵食👍🏻

第一个：冰镇古老肉，之前也吃过这样的，就是冰火🔥两重天的感觉，不过这家的肉真的是相当的脆，好好吃啊😋第二个：我心心念念的咸蛋黄虾球🦐，诶呀妈呀我真想舔盘子，因为那些咸蛋黄沫沫才是我的最爱，不知道有没有也那么爱咸蛋黄的#咸蛋黄##蛋黄酥#第三个：冻柠茶，我其实平时不怎么喝这个，但是小鸡🐤喜欢，今天我也喝了，很清爽，切记一定要戳戳戳柠檬🍋再喝，而且冰一定不能少第四个：鸡🐤最爱的素菜，不过很脆，我就吃了两口后来回去的时候顺便打卡有名的网红奶茶良辰吉时，还不错，我点的藏藏茶，里面都是巧克力碎🍫旁边还有网红老虎堂，因为之前喝过，所以没有买，但是味道也很不错！如果铜锣湾那边拍不到，可以来这边喝，人少很多！😍

聽名以為係普通冰室，但其實晚市都係會有小菜，一般小菜款式當然會有，但亦有不少菜式都較為特別，例如黃金蝦，冰鎮咕嚕肉等等⋯⋯ 所以在村內人氣都幾高，晚市總是特別熱鬧今晚同媽咪落樓下撐枱腳，兩個人簡簡單單叫左兩樣餸首先送上例湯，都好足料架～干燒欖角班片平時大多會食粟米班片、西蘭花班片，味道會較清淡，但呢碟班片件件都沾滿欖角，比起來味道濃些，厚身啖啖肉份外有口感燒薯牛柳粒超級推介！必叫牛柳粒大大粒， 牛味十足，口感軟腍；薯仔外脆內軟，加上蜜糖、黑椒又點會唔好味啊 ！

山竹過後屋企停曬水，我們一行4人唯有出街搵食，經openrice 介紹呢間茶記行葵涌去排行首位，應該比較穩陣於是一試， 我們坐的士去到剛剛有個4人位，人很多，舖裹裝修以懷舊特色，感覺舒服。 於是點了幾個小菜，最抵鑽的是全部包湯和白飯一碗，飲品只加2-3 元，真係超抵食， 一定要推薦的是個燒薯牛粒同黃金下， 薯仔仲好香脆，牛柳粒好軟，比深水琛萬發有得輝，另外個黃金蝦，D蛋黃包實曬只蝦，而且炸到好脆，基本上可以連殻食😋💪， 最後一提的是這裏有傳說中的戰鬥碗喝啤酒🍺，三五知己可以聚在一起大口大囗咁飲，真是人生一樂也👍👍👍！

顧名思義，茶記冰室目標顧客主打係平民，所以價錢亦比較低廉一點，可能因呢個原因，所以離港鐵比較遠，我同朋友足足行了近20分鐘方到達，而且大多是上坡路，很累。點菜時發現，路程的長遠與餐廳的價錢成反比，我點了個西蘭花炒魚塊及一份雜菌豆腐鍋，它跟餐送了二杯飲料及例湯，價錢只需$134，是我平時在港島區的一半價錢，十分化算。等了大約10分點便上菜，先看見熱騰騰的熱氣，炒魚塊的數量很多，試了一口，食得出是新鮮的魚，加上有酒香，十分開胃，西蘭花亦很大，沒有炒得過長時間，很爽口，很滿意。另一個菜，朋友表示亦不錯，我沒有試，所以不多評了

說實話我是第一次吃冰鎮咕嚕肉很多冰！原來也有很多咕嚕肉和菠蘿外皮是脆卜卜的！太有趣了！你們明不明白第一次吃的人是什麼心情！脆得好好吃！裏面的肉雖然沒有咕嚕汁非常軟！是用梅頭肉嗎？很有肉味，十分好吃！外脆內軟竟然能拿來形象咕嚕肉呢！太神奇了吧！有冰鎮咕嚕肉的餐廳不多了！如你有發現，一定要試試！真的會有讓你驚喜的！很愛！椒鹽鮮魷很脆！很新鮮的魷魚！每一條都很長！很好吃！把簡單的食物用心做好卻是一件不簡單的事！沒有過鹹也沒有味噌的湯我稱它為”媽媽湯”蒜蓉蒸帶子(粉絲底)這是超正點的！送飯一流！若粉絲能多點就好！對！人就是貪心的！粉絲吸飽了帶子的鮮味和蒜香味！一級好吃！非常滿足！滿滿的香港味！

昨晚又跟媽媽幫襯晚餐，試咗 3 個新菜，又再比到驚喜我哋 😍😍其實茶記喺呢幾個月幫襯咗都有十次八次，所以今晚原本想試另一間，但去到一句無位就打發我哋，咁就行多兩步去返茶記啦，一入到去都無位，醒目亞姐即刻叫個哥哥仔調位比張檯我哋，服務無得輸!開開心心快快咁食完，有客嚟無檯，我哋即刻起身走，要 keep 住有客間餐廳先有得做 😋😋

自細喺附近長大，呢頭都好大變化，好味茶餐廳已無乜，早前同媽子食過呢間，價錢可能比附近茶餐廳貴小小，但味道啱媽子最緊要。媽子最喜歡佢嘅四季豆，鋪頭唔算迫，食物同湯夠熱。叫個餸包例湯同飯，飲品要加錢。

傳統茶餐廳一般只會提供一般茶餐廳食品，例如沙嗲牛肉麵，西多士，三文治等等美食，而今次朋友介紹這間茶記冰室，裹面裝修新穎簡約，燈火通明，有別於一般傳統茶記，裏面D餐牌亦一樣，夠創新，夠特出。 而現代生意之道也是這樣，要創新，為客人造出驚喜， 今次光顧正值午市，人很多， 叫左佢地特色扒餐蔥油蓮藕餅飯和豬扒印尼撈麵， 蓮藕餅是即煎的，熱辣辣，又爽口😊，很好吃，而撈麵也做得出色，辣度剛剛好，配支可口可樂直程絕配啦！ 呢類產品外間真的好難可以食倒，真係好難得。 除了午餐，佢地D晚餐也好夠創意，朋友佢D水準都好高，什麼冰鎮咕嚕肉，燒🍠牛粒，玉艷舞台，手撕雞，黃金蝦等等，睇倒都想食，最衰今次冇機會試，唯有下次啦😅

剛剛搬到石蔭， 星期六放假買電器順便落樓下搵食，上網見到呢間茶記冰室好似不錯，評分算高於是去試下，當時正值午餐時間，入到去剛剛有位，坐低左見佢地午餐都頗多選擇，有常餐，扒餐同埋客飯套餐，一時之間都吾知食乜好，唯有睇下隔離左右食乜，見到好多人食蓮藕餅同墨魚餅，咁就吾唸喇，叫左蓬藕餅豬扒飯，加支樽裝可樂， 3-5分鐘就送到，見佢賣相不錯，份量足，而且仲熱辣辣，蓮藕餅夠香口同爽口，不錯不錯，同榮式雞扒都有得fight 下，好味😋， 另外仲有塊豬扒配埋蒽油一齊撈飯， 再加多支可樂，真係幾滿足！ 另外墨魚餅，老公話都不錯，入面仲有D墨魚粒，口感幾好！ 普通茶記居然有D咁嘅出品，已經收貨，出去食野跟隔離左右叫多人食既野真係冇死錯人喇😂！ 放假吾煮飯有多左個選擇喇！

近排食外賣茶餐厅食到有點闷，於是到石蔭路搵食，呢度附近近酒店工廠區，食肆效多，上openrice 搵到呢间茶记，評分算高便去試試，叫左佢地個蓮藕，墨魚餅套餐，縂体食物質素不錯，蓮藕餅，墨魚餅全部即做，熱辣辣😋，有咬口，還配有蔥油一起伴碟， 價錢合理！ 茶餐茶咁嘅質素算不錯，縂算有點驚喜👍👍見到佢地亦有晚市小菜供应，D相片望下去很美，菜名又特別，有冰鎮咕嚕肉，燒薯牛粒，草船借箭等，望落好特別， 还有戰鬥碗喝啤酒， 下次可以約埋班老死一齊啤啤佢🍻🍻🍺

最近轉左新工作，係麗晶返工，返工第一天同事帶左我去食呢間冰室，裝修簡約，在這區算是小有的茶記， 因正值飯市繁忙時間，等左10分鐘才有位，坐低叫左個墨魚餅同蓬藕餅飯，因為一般茶記吾會有類食物叫，所以吾駛唸就叫左，飯到左，份量算可以，都夠食，墨魚餅夠香口，值得抵鑽的是佢地D墨魚餅裏仲有細細粒嘅墨魚粒，口感不錯，很特別，同事叫嘅蓮藕餅也不錯，熱辣辣，夠味夠香口，值得一鑽！ 估吾倒普通茶記都有呢D咁出色嘅出品！ 👍👍😋有驚喜！！

今晚朋友聚會，佢地推介冰室小炒，我們一行到達，裝修不錯，幾舒服。 叫左特色小菜千島鬼馬，牛粒，黃金鮮魷，手撕雞，還有鮑魚雞煲，總體來說食物質素不錯，夠鑊氣，夠特別！ 最好吃是個燒薯牛粒，薯仔夠香脆，牛枊夠軟，一口一口的，應該加了美極和蜜糖炒， 鬼馬也很特別，墨魚膠，油炸鬼配千島醬，這個配答很特別，好吃😋。 很想試佢地招牌菜冰鎮咕嚕肉，可惜朋友不吃冷食品，沒有試！ 最特別是這裹有戰鬥碗飲啤酒，個碗仲要雪凍埋，口感特別棒的！ 👍👍 這里晚飯居然有驚喜。

張座椅污糟左掉疊紙巾俾我清潔，然後叫落單又叫我轉頭，等佢做完d無謂野轉頭又無幫人落單，等摺啦你地。野食又普通，諗住行中產路線定點？野飲無味架..地方要污糟，俾人定狗食？