魔膳廚房 (Closed)

夢幻西餐廳, 八九十後應該會諗起「超任天堂」同名既Game, 但當然唔係講緊佢。而係一間樓上既西餐廳－魔饍廚房。未入餐廳已經感受到佢既氣氛, 裝飾擺設滿飾每一個角落。自助沙律吧 $38/位沙律款式選擇唔算多, 勝在任夾任食。唔好執輸夾返碟先。帶子群邊刺身+胡麻醬沙律。無得輸配搭。跟餐既飯前小食, 熱辣辣餐包+餐湯。素向唔鐘意紅湯既我, 只會選擇白湯。通常白湯都無得輸, 最多都係用粉即沖。但係哩個飲得出係煮出黎, 菇味濃而且仲好香好滑。墨西哥香辣豬肋骨配芝士焗瘋薯 $178賣相都幾邪惡, 跑10公里都消耗唔哂既卡路里。好多人都覺得食Rib好麻煩, 其實多數都煮到骨肉分離, 易拆易食。表面醬汁味道濃郁, 豬肉都非常入味。如果可以加少少辣就好啦。自家制海膽汁海鮮意粉 $178賣相看似高檔, 兩隻大蝦鋪面再加少少伴碟裝飾。其實要用幾多海膽先會令味道突出呢？海膽味唔算濃郁, 輕微咁留係口腔。對比起樓上個Rib味道當然比較清淡啦, 口感都好Juicy, 每一啖都食到有海膽同其他海鮮既味道。合格以上。

餐廳係APM隔離，行兩分鐘就到，重點係性價比極高，假日lunch buffet都係$88加一，去邊搵！出面一個set lunch都要呢個價啦！餐廳闊落，坐得舒服，冷氣夠凍，正既！(12點正先會開門，大家唔好太早到，要係門口等)當然呢個價錢亦都唔好有過份嘅期望,呢度無生蠔同鵝肝呢d貴價食材。 不過食物嘅選擇都好多，而且質素亦都好好。每人跟一杯餐飲，汽水同埋熱飲係免費嘅，其他特飲都要加錢。我怕熱所以揀左汽水，朋友仔就揀咗蘋果茶 (個杯好靚！)大家放心，呢度既食物雖然選擇好多。不過絕對唔係只得到會嘅質素。而且呢度有個優點就係食物無左之後，refill嘅可能係其他食物，令到選擇更加多。呢碟推介蟹柳蝦子沙律同埋龍利柳闊條麵。 沙律好新鮮，match左幾樣菜。龍利柳闊條麵夠creamy，不過唔肥膩。所以係有再encore既！炸物唔會好油膩，唔會炸得好乾身。瑞士雞翼好入味，雞肉好滑。呢度肉類嘅選擇都唔少，不過唔係粗製濫造，絕對值回票價。

同女朋友收工黎食，上到去勁闊落，地方又大枱又多，等都唔駛等就入得。見餓餓地嗌左個pork ribs同野菌帶子rissotto一齊食。先有紅白餐湯正常水準，反而係個餐包勁出色外皮脆內鬆軟,加埋牛油真係不得了rissotto先上 隻帶子煎到幾香口，飯同個汁都煮到好入味，唔會話好似出面啲rissotto咁煮到好生好硬。少少可惜係個炸金姑有啲油，否則就滿分喇。再黎係主菜pork ribs,焗得幾好，夠哂入味，岩哂我啲不顧儀態既人用手食喇！！下次如果佢排ribs可以再腍啲就真係冇得輸了～配菜部分都好有心思，烤波羅同焗薯角真係令人有驚喜埋尾仲有紅桑子蛋糕做甜品，甜甜酸酸咁仲幫度消濟添！總括而言，地方大，交通方便，環境一流，食物有驚喜又唔貴，絕對值得再黎啦！

今時今日在工廈覓食已不是新鮮事，工廈越開越多，要gimmick 有gimmick 、要高檔有高檔、要悠閒有悠閒、要抵食有抵食這天去的餐廳地點十分便利，離港鐵和大商場都很近。這次不用搭工廈那種舊式電梯，餐廳位於二樓，有一條樓梯直接通往大街，而且燈火通明，輕輕鬆鬆就到達一如其他工廈餐廳，魔膳的面積很大，空間感很充足食物是西餐意粉、意大利飯、牛扒等都有～晚餐時份有set dinner，有餐湯、餐包、主食和飲品。沙律吧：對於我這種愛吃蔬菜的人，set dinner加$38就有任食沙律吧，絕對是一大亮點除了蔬菜，還有啫喱和日式小食～餐湯及餐包：餐湯有雜菜湯和忌廉蘑菇湯可選～蘑菇湯滲出陣陣菇香味，很好味餐包是暖暖的，而且很軟熟香煎帶子黑松露雜菌意大利飯($168)：意大利飯的黑松露味道很突出，入口很香，而且份量大主角帶子煎得恰到好處，仍然保持嫩的口感飯面上放有蟹籽，增加口感～墨西哥香辣豬肋骨配芝士瘋薯($178)：分量同樣很大，豬肋骨很長的一條，醬汁辣辣的，十分惹味配菜除了有沙律菜，還有芝士焗瘋薯。薯角固然香口，再配上芝士和煙肉碎，以及蜜糖芥末醬，這魔鬼般的配搭，誰會不喜歡呢豬肋骨底下還有燒菠蘿，

第二次光顧呢間CAFÉ, 第一次黎覺得好正, 除左食物好味之外, 服務一流, 價錢亦都好合理, 環境又唔差!!所以今晚諗住再黎, 但係有小小唔好采, 今日好似有一班人係度開PARTY, 好似好忙咁, 幸好食物質數沒有差到。我地都係叫左2個MAIN, 跟住有餐湯同埋力咗SALAD BAR, 有野飲。今日既白湯係黑松露忌廉湯, 超好味呢個忌廉湯, 好滑, 黑松露味好香, 成個湯好CREAMY, 正!! 餐包仲要係溫暖!! 唔係凍冰冰!! GOOD!!!至於個主菜就叫左個 西班牙火腿卡邦尼意粉 $128, 意粉份量大, 兩個人SHARE食就岩啦, 汏為佢又係超CREAMY!! 自己一個食晒會好飽!! 另外一個係比較LIGHT D既 香煎三文魚柳配藜麥沙律 $178, 三文魚煎到岩岩好, 未到100% 熟透, 中間部分好似9成熟咁, 仲有三文魚原先好滑既口感, 藜麥沙律夠晒健康!!熱桂花蜜花茶+$3荔枝玫瑰梳打+$5

觀塘最多就係工廈啦, 當中有唔少西餐廳。 今晚就黎到魔膳廚房。工廈餐廳黎講呢間都算就腳又易搵~。餐牌選擇都頗多~但同女朋友一於想揀d唔係咁main stream 既。咁先黎餐湯~忌廉湯非常creamy, 有磨菇蓉, texture很好。跟住去自助沙律吧自助夾沙律~~款式都幾多, 好fresh , 岩曬中意食沙律既我跟住上主菜啦～我地叫左個素菜~係扒磨菇牛肝菌闊條麵~~非常特別既素食選擇~~扒磨菇大大隻啖啖肉, 非常爽口。跟住第二道主菜就係烤原隻豬手。配菜上碟非常漂亮, 豬手非常野味, 豬手皮有少少燒焦好脆口, 加埋啖啖肉, 再沾沾黑椒汁, 正!

近排成日去觀塘開飯，而今次生日果位主角揀咗呢間西餐廳，一入餐廳感覺好fashion，牆好多掛畫，裝修平凡中帶點裝飾，環境舒服地方大唔焗促，真係非常適合朋友、情侶或一家大細嚟。美國頂級西冷牛扒10oz配薯菜 $218👍🏻👍🏻👍🏻👍🏻叫咗5成熟，牛扒上到枱熟成度剛好，牛味重，有少少血水滲出，入口juicy，而配菜中最鍾意蒜頭，焗完出嚟味道香兼唔哽喉，仲有個醬汁都好特別，bbq得嚟又帶點甜。墨西哥香辣豬肋骨配芝士焗瘋薯 $178👍🏻👍🏻味道一d都唔辣，無墨西哥風味，肋骨唔入味，而肉又做唔到骨肉分離，薯條上嘅芝士醬做得有d馬虎，只得面果浸有焗乾咗嘅芝士，而底浸薯條就變得乏味！好彩烤菠蘿挽回些少分數，食得出鮮甜多汁。二人共消費：$436

約了朋友去觀塘食飯, 誰不知下大雨而我只有一把自私傘....APM又人頭湧湧,  每間餐廳動輒都要等二十個位先有枱!! 連food court都沒有位...在觀塘市中心食個晚飯真係好困難上樓cafe, 工廠西餐廳固然係好選擇!  不過唔係每一間都就腳,要由觀塘廣場開源道逼過去,都幾辛苦....路又唔係闊..個個擔遮...啲人又唔係特別禮讓.....然而!!上網發現有間超級近既,  apm經惡魚中心落去,  用不上2分鐘就到依間餐廳座落既大廈!!自私傘都唔洗開的程度LOL完全係一個驚喜!!餐廳唔多人, 地方好大,  裝修擺設都好有自己既風格仲有好多乾花同畫  非常 打卡-able播啲衰樣奇怪樣卡通好搞笑!食物好有驚喜的經常我都會講, 睇湯, 睇前菜,  你會知道這間餐廳既質素去到邊賣相, food presentation比100分, 唔洗刻意埶位已經影到靚相白湯:  好有菇味, 唔漏, 唔係死忌廉味面包-- 超!級!鬆!軟!熱燙燙好加分!! 唔係放半分鐘就會凍哂, 唔係叮叮個種熱比返大大個讚先依一點!唔明白點解咁簡單基本既事會變得如此奢侈?  (真心忠告各餐廳,  面包一定要熱上...

經過好多次終於的起心肝去試試，特登避開平日午餐時間，大約下午2點半去。午餐價錢普遍於＄80以下，包飲品。同男朋友叫左：龍蝦汁海鮮意大利紐西蘭鱈魚柳配黑松露汁意大利飯初初上枱賣相可以，一食就發現呢個係意大利湯飯，龍蝦汁係例牌口味，唔係難食但都冇特吃驚喜。即係越南粉會落牛精，呢個係落龍蝦精。理應意大利飯係掛汁，但汁掛唔成，反而太流質。唯一抵讚，好夠熱。個魚黎到以為係三舊薯仔加一球薯蓉。薯蓉一睇就知係開粉，仲要開得唔靚，開粉薯蓉唔係問題，好多餐廳都會，但如果可以比少少心機，加奶／牛油開都可以好滑呃到下人，但個薯蓉唔夠水開，粉都開唔得均勻，有結成一塊塊，咁貪方便法就過份左。餐牌寫係紐西蘭鱈魚，本人係紐西蘭成年，最平最CHEAP既魚柳都好食過呢塊。食落去無味之餘，口感似解凍再雪再解凍／啤水啤過龍，"硬" , "乾" , "鞋" 。厲害在連黑松露咁重口味既食材整出黎既汁都只係得少少味。本人不特別喜歡黑松露，唔係唔鐘意個味而係認為一加左雖然係好香，但會搶晒鏡，所以黑松露只可配本身冇咩性格既食材，例如手工意粉，意大利飯。加上近年被過份熱捧，令個個超市都有賣既時候，變得菜式設計好師奶，要食黑松露係可以，

這餐廳最近裝修了一之，最吸引人的是梯間的掛畫，滿有藝術感，也叫人準備走進另一魔幻世界一樣，正正切合這餐廳的名字。這次來是要品嚐這裡的午市自助餐，價廉物美，每人無需一百元便可享用自助餐食物。雖然沒有名貴的食物，但也不乏好吃的食物可供選擇。先來一點finger food，實而不華，每一樣都是經典的派對食物。其中泰式蝦餅味道很香，很回味。而咖哩角炸得脆之餘，咖哩的味道也做得很好。主食的選擇也不少，尤其是意粉。除了忌廉汁外，也有蕃茄汁、乾炒及卡邦尼，真的是應有盡有。主食中，特別推介那個紅咖哩。辣味十足，十分嗆口，但也留有一點甜品，叫人吃完要再吃。喜歡吃辣或咖哩的朋友一定不容錯過。最後不可缺少的當然就是甜點啦，這裡提供了忌廉泡芙，凍凍的，很滋味。更有西瓜作飯後果，叫人十分滿足。特別一提這裡的服務很好，吃完後的碟收得很快。而外出的食物從來沒缺，比起不少酒店更有效率。

朋友話呢間係觀塘工廈區既隱世美食黎開呢頭就黎試下裝飾都幾靚==============================選擇都唔少,價錢尚可加$38可以任食沙律吧唔加真係會蝕因為D沙律好正好新鮮特別推介要落芝麻醬,好香雜菜湯+周打蜆湯雜菜湯咸左少少,周打蜆湯飲得出蜆既鮮味墨西哥香辣豬肋骨配芝士焗瘋薯都幾大份下一份都夠兩個人食豬肋骨既墨西哥辣幾香幾惹味但豬肋肉硬左少少,同有少少肉騷味不過整體都唔錯既芝士焗瘋薯芝士夠晒多又夠香薯角都炸得好好自家製海膽汁海鮮意粉海膽汁味道幾特別海鮮不過不失凍茉莉蜜花茶+熱玫瑰蜜花茶茉莉同玫瑰味都幾香,可惜兩杯都甜左少少埋單$482食到飽飽仲有個任食沙律吧都幾抵食

早前經過見到條魔幻樓梯，又見到魔幻廚房水牌，於是就約喺觀塘嘅地頭蟲放工陪我一齊嚟食飯。要食梗係食盡D，有得$38自助任食沙律，梗係唔會放過，主要都係食蔬果，食多都唔怕肥。紅白餐湯任選其一，我要左紅湯，仲有大舊麵包配牛油。麵包圓碌碌，非常軟熟。主菜就要烤豬手配薯角。烤豬手完全唔肥，零油膩感，只感受到骨膠原動力，皮厚好彈，希望食完我既皮膚都充滿骨膠原蛋白 😂😂😂 而且配有幾片酸瓜，又有黑椒汁，同一小兜酸菜，全部都咁夾隻豬手。另一道主菜係芒果汁配香煎三文魚。三文魚外層煎得剛熟好香脆，而內層就鮮嫩滑，兩種層次集於一身，配上香甜既芒果粒同汁，非常匹配 😋而最重要既係地方環境雅緻唔拘緊，唔似中環極高級餐廳逼住一定要主菜一人一碟，而係一人一隻小碟share 份主菜，好friendly~

相隔差不多一年後又重臨魔幻廚房😣西餐可以keep到水準 真係有點難度能夠可以做到回頭客 通常都係滿意有驚喜的但經過今晚相信真的有待改善 無論食物👎招呼👀都同我之前差好遠 不知是否餐廳班底已改變！再翻查網上很多好食評 想著一定不會差的！大家看圖片賣相睇得下📸但用心了解食物，就食出本店有無再用心去煮食材，不是得賣相好睇就去食！今餐我仲伏了📸 整體全餐 廚師 烹調火侯上出現問題 感失望，完全每樣食品過火，羊唔夠鮮，外乾內硬，雖然佢有6-7成熟度，但唔知點解口感好鞋口,和牛包一般味道未能達到所謂和牛的 滋味 .. 真係得個賣相 最難接受今晚主題🙈全家都 議論紛紛點解可以咁差！ 一件深海石斑製作 外硬內鞋的魚肉 ，完全浪費呢件魚扒🙈本身個魚都有魚味，相信火喉太大了，時間又炸久了...眼見餐廳又唔爆場，點解咁失色👎全餐最好都係個甜品😂😂😂可能都係交貨返來原因😋😋值得一讚都好用心去再裝飾一下甜品的！PS.之後我諗我又可以去其他工廈試下其實好嘢啦！今晚呢餐可以千日見的！

仲伏，我們3人去試一試新菜新地方，環境可以，但晚飯完全唔掂，未食過咁難食嘅晚餐，燒豬肋骨，無味又硬，完全唔覺佢燒豬過，大家只吃了1條骨就無食了，還剩餘很多呢!很浪費! 海膽海鮮意粉，勁腥，海膽唔夠新鮮，未吃過咁腥嘅海膽意粉，豬手還可以，至於沙律吧就一般，菜唔太新鮮，選擇又唔多，這間掂食物質數，埋單還要7百幾，每人240，價錢又貴又唔值，以後唔會再幫襯，非常嬲

由觀塘mtr走出黎只需2分鐘, 地點好方便。 餐廳面積大, 坐得舒服, 放左好多裝修物, 藝術品很精美。 加38蚊有沙律吧, 我愛食日式螺肉, 帶子裙, 我食了很多。 老公喜愛食沙律和水果。 而小朋友就鍾意粟米同菠蘿, 我們大家都食了很多。 臨走前都再食了很多。 所以呢個3蚊係必點的。我們點了德國烤原隻豬手配黑椒汁($186) 豬肉燒得好靚, 皮脆肉嫰, 中間肥膏好林好正。 加上開胃酸菜和酸瓜。 我地兩個好有信心食哂全份。 薯角都炸得好香口。一紅一白湯(跟餐) 好yummy再點了個香煎帶子黑松露意大利飯($168), 黑松露的香味飄出黎太吸引了。 內有菇, 露荀, 上面有炸金菇菜。 基本上小朋友食左一大半, 可想而知幾好味。餐廳內播放著卡通片, 令小朋友坐定定睇一陣後就乖乖食飯。 令我都可以專心享用我既豬手同沙律。最後我點了桂花蜜花茶(加3蚊),老公點了玫瑰蜜花茶(加3蚊), 很好飲很有特色。 食完再去行對面既電腦廣場同旁邊既apm. 侍應會叫你小心熱同上菜時講出食物名, 令人好舒服。 好期待下次既到訪。有加一,埋單480, 食到飽飽又舒服。